عندما تشعر أنك وصلت لنهاية العالم ~ لف وارجع ~ (1 زائر)

RO-CHAN · 17 أغسطس 2019

17/8/2019

بسمِ الله نبداأ ~

~~******************************~~

سلامٌ على من مرَ من هنااا ~

الأغلبية بتبدأ بتعريف عن نفسها لكننّي سأتجاوز هذا الجزء ~~

أخترت هذا العنوان لمدونتي لأنه بعبر عن المرحلة اللي بعيشها بالوقت الحالي ~
من فترة قريبة وصلت لآخر العالم <<أو هيك حسيت وفكرت بوقتها >>
لكن الحمد لله بعدها تفتحت عيوني و توسعت مداركي فقررت أني ألف وأرجع ~~

^
^

دايماً كنت بسمع أنه الإنسان عنده طاقات وقدرات ما بكون مكتشفها في نفسه بس ضغوطات ومصاعب الحياة بتظهرها وبتصقلها على مبدأ الضغط الشديد هو اللي بحول الفحم لألماس ~

وكوني مش من الناس اللي ماشية توزع طاقة ايجابية في الحياة كنت أسمع هاي العبارات تعجبني وأتأثر فيها شويّ بس عند أول موقف صعب أمر فيه كنت أرميها بأقرب مكب ~~

بس تجارب الحياة غيرتني و خليتني أشوف الأشياااء بمنظور مختلف تمامااً ~

ما بعتبر نفسي من هواة التنظير ~ لكن الحياة هي مزيج تجاربنا الحلوة والمرة مع بعض وهذا الشي اللي بعطيها حلاوتها و معناها الحقيقي
> فلسفة <

خلاصة اللي بدي أحكيه وبعيدااً عن الكلام النظري ومن واقع تجربتي ~ عيشوا تجاربكم الصعبة من غير ما تكونوا ناقمين عليها لأنه هاي التجارب هي اللي بطلع الألماسة اللي جواتكم ~

وما في شي اسمه آخر العالم ~ طالما نحنا عمّ نتنفس ~ دايماً في فرصة و دايماً في طريق بس أفتحوا عيونكم ق8

^
إن شاء الله يكون حضوري وكلامي خفيف عليكم ~~

سلام

RO-CHAN · 23 أغسطس 2019

~ اعتزل ما يؤذيك ~

عبارة كنت متأثرة فيها بشكل كبير ~~

كوني كنت حساسة زيادة عن اللازم وبفكر كتير
> ويالهم من صفتين بس يجتمعوا <
كنت لمّا اتعرض لموقف مؤذي كان يئذيني كتير ~ ولحتى أنساه واطلع منه كنت أحتاج وقت وجهد كبير ~ فصرت فعلاً أعتزل الأشياآء اللي بشك حتى أنها ممكن تئذيني ~

بس لمتى ~~

دايماً الحياة بتحاصرنا وما بتتركنا بحالنا ~

وصلت لمرحلة أنه هاي الأشياآء اللي بحاول أبعد عنها ما تتركني بحالي ~ مكملة وبتئذيني حتى لو تجاهلتها ~ فهون كان لازم أوقف و أفكر وأغير من سياستي هاي ~~

^

صار لازم أعرف كيف أتعامل مع الأشياء اللي بتئذيني ~ وحتى أنّي أردلها الأذى لو كان في ضرورة ~

و من وقتها تغيرت أشياء كثيرة ~
خفت حساسيتي كتيير تجاه المواقف ~ صرت أقوى وأصلب ~ وصارت الأشياء اللي كنت أبعد عنها و أحاول أتجنبها هي اللي تبعد عني لمّا وقفت بطريقها و واجهتها ~

^

في فرق كبير بين أنّك تهرب من مشاكلك وبين أنك تواجهها ~ الإثنين بتركوا خراب جواتنا في أحيان كثيرة ~
بس الأول بترك خرابه وبتركك في مكانك نفسه ~ أما الثاني بوديك لمكان مختلف وبخليك شخص تاني ~ شخص قادر يواجه هاي الحياة وصعوباتها ~

خلاصته ~ لا تعتزل الأشياء و الأشخاص اللي بيؤذوك ~ بالعكس واجههم و خليهم يبعدوا عن حياتك وطريقك نهائياً ~

سلام ق8

RO-CHAN · 27 أغسطس 2019

حابة أفضفض شوي وأحكي عن شي ~

عندي طبع ما بعرف هو منيح ولا لأ
صح ولا غلط ~ يزعجني أو لا
عنجد مش عارفة أحدد موقفي منه ~

هو أني ما بعرف أسكت ~ يعني لو صار موقف أو شي قدامي واستفزني !
سواء بخصني أو ما بخصني ~ لازم أتدخل وأحكي اللي عندي

بصراحة بقاوم هاد الشعور ~ بس بعجز ~ بروح وباجي وبضل شي جواتي يغلي لحد ما أطلع اللي عندي ~ حتى لو عارفة انه راح أخرب الدنيا ولو متأكدة راح أندم ما بقدر أوقف حالي ~ مش عارفة شو الحل مع هاي المشكلة « كويس اعترفت أنها مشكلة

بحاول أستعين بالجزء الحكيم مني ~ وطنشي و تغافلي وهيك بس زي كأنه في قوة غامضة بتتحكم فيي لأطلع اللي عندي بعديها برتاح ~ حتى لو قلبت الدنيا حوليي بكون من جوا كتير مرتاحة

الخلاصة أنه يئست الاقي حل لهاد الطبع وحابة أغيره بس من غير ما أكون عم بضغط على حالي وبراكم بنفسي ~ حدا عنده حل ؟!
اللي عنده نصيحة لا يبخل علي فيها لاني بحاجتها فعلا

RO-CHAN · 4 سبتمبر 2019

~ حيث ما أنبتك الله أزهر ~

أحياناً ابتسامة من حد ما بتعرفه ممكن تصنع الفرق بيومك وتفرحك طول اليوم ~ بالمقابل كلمة أو نظرة من شخص ثاني قادرة تزعجك و تنكد عليك يومك كله ~

قرأت مرة عبارة وعجبتني ~~

ظروفك الخاصة لك وحدك وأدبك بالتعامل حق للجميع

هاي رسالة للناس اللي ممكن تزعج وتئذي ناس تانية بحجة ظروفها و مشاكلها
كل الناس عندها هموم ومشاآكل وما حد مرتاح و كل واحد همه على قده ~

بس شو بصير لو كنت لطيف مع اللي حوليك ؟ّ

ليش تمشي وتوزع طاقتك السلبية على عالم بتعرفها وما بتعرفها بحجة أنك متدايق ~

تقاطع حياتنا مع الآخرين ، ما بعتبره حدث عابر وخلص ~
نحن بنأثر بحياة بعضنا بشكل أو بأخر

فلازم نحرص نترك أثر جميل ~ لأنه مرات ممكن نأثر على اللي قبالنا بشكل أكبر مما ممكن نتصوره حتى ~~

^

الحياة رحلة قصيرة وما بيقى فيها غير الأثر الطيب والعمل الصالح ~
لا تستصغروا المعروف ~ حتى لو كان ابتسامة أو كلمة لشخص ما بتعرفه > كله بيفرق وكله إله أثر <

يمكن الكلمة البسيطة اللي بوجهة نظرك ماآ بتعني شي تعني لإنسان تاني شي كتير ~

كتير ناس مرت بحياتي مرور الكرام ~ بس لهلأ عاآلقين برأسي ~
بسبب بسمة أو كلمة أجت بوقت أنا كنت محتاجيتها فيها ~~

خلاصته ~ حاول دايماً تكون من الناس اللي بتترك أثر إيجابي بحياة غيرها و ما تزعج أو تدايق حد ما آذاك ~ حتى لو بدون قصد

وربي يجعلنا من الناس اللي أثرها لطيف بهاي الحياة ~

سلام ق8

RO-CHAN · 15 سبتمبر 2019

فعاليةٓ شهر سبتمبر

احساسك تجاه فصل الخريف ~

شو احساسي تجاه فصل الخريف ~
بصراحة أول ما سألت نفسي هاد السؤال صفنت ~ وانتبهت أني بالعادة ما بركز كتير على هاي الفترة بكون مبسوطة بس أنه خلصنا من حر الصيف > كوني مش من أنصاره <
وبلش الجو يهدا شوي و بدأت النسمات الحلوة الباردة تبعت الليل

بس هاي السنة كان عندي مشاعر غريبة و مختلفة ~ بصراحة من أول ما طل علينا شهر سبتمبر الكريم وأنا عندي حالة اكتئاب غريبة مع أنه ما صار شي جديد معي ليسببلي هاي المشاعر

فاستغربت الموضوع و فكرت شوي ~ فجأة خطرلي أنه أحنا دخلنا على الخريف وشكله هاد السبب مع أنه الخريف بيبدأ فعلياً ب 21/9 حسب معلوماتي
> بس أنا القيت التهمة عليه وعجبني الوضع <

بس بشكل عام بحس الخريف فصل مهمل ما بعرف السبب بس بحس ما حد بينتبهله أو بهتم فيه بعكس الربيع اللي الكل بيكون متلهفله مع أنه يعتبر فصل وسطي زي الخريف ~ يمكن هو ما في شي يخلينا ننتبهله

الخلاصة ~ بشكل عام ما في مشاعر تجاه هاد الفصل بالنسبة لي مجرد أن هو تمهيد لدخول فصل الشتاء > اللي بحبه كتير وبستناه < مش أكتر

سلام ق8

RO-CHAN · 23 سبتمبر 2019

#ثرثرة#

نحن نرى الأمور بشكل مختلف حين لا يتعلق الأمر بنا .. نرى ونفكر بمثالية ... سرعان ما تندثر حين يرتبط ذلك بنا ..
هل هو نوع من الانفصام ؟!

RO-CHAN · 28 سبتمبر 2019

# فلسفة #

أنا مزيج تناقضتي ~ تلك التي تجعلني لا أشبه غيري ~
تجعلني نسختي المميزة التي لا تشبه أحداً ~
بعيوبي قبل مزايياي ~ بضعفي قبل قوتي
بعثراتي بأخطائي وبكل ما فيّ ~ أنا

RO-CHAN · 13 أكتوبر 2019

# بلا عنوان #

سأحاول أن لا تكون تدوينتي هذا سلبية قدر استطاعتي لكن لا أعدكم بهذا » وجب التنبيه «

عندما تحيطنا مشكلة ما في حياتنا و نحاول أن نعيش حزننا ، خيبتنا ، انكسارنا » أياً كانت التسمية «
يعمد من حولنا لتخفيف مشاعرنا السلبية تلك بتوجيه نظرنا لمن لديهم آلام تكبر آلامنا بكثير ~ لا أنكر أن هذا يشعرنا بخدر موضعي لكنه سرعان ما يزول مخلفاً ألماً أقوى من السابق

ما يؤلم فعلياً هو تسخيف آلامنا عندما تُقارن بآلام الآخرين

لكن من قال أن الأمر يجري هكذا ؟ من قرر أن ألمي إن لم يكن عظيم فهو لا يستحق أن يذكر !!

أنا لا أشجع على ترك تلك المشاعر السلبية تتملكنا وتدخلنا في متاهات الاكتئاب

لكن نحن بالفعل نحتاج أن نعيش خيباتنا وانكساراتنا لا لشيء لكن لنخرج ذلك الشعور لنرفع ذلك العبء عن قلوبنا لأن تراكم هذه الهموم حتى لو كانت بسيطة سيوصلنا بالنهاية لنقطة لا تستيطع فيها قلوبنا تحمل المزيد

برأيي ~ عش أحزانك وانكساراتك بقدرها ~ لا تزد ولا تنقص
التظاهر بالقوة لا يجدي نفعاً على الدوام ~
عشها لكن لا تدع أحداً يرى انحناءك سوى الله ⁦ق9
اشحن قلبك بقربه و تابع سيرك بعد استراحتك تلك
و ستعود أقوى ~

سلام ق8

RO-CHAN · 30 أكتوبر 2019

بتُّ أومنُ أنّ أجملَ أوقاتنا هي تلك التي نسرقُها من الحياة على حين غرّة

مغامرة نعيشها دون تخطيط مسبق
أو لحظات تأتي دون أن نكون بانتظارها
أشخاصٌ نلتقيهم في دروبٍ لم نتخيل أنّ نسلُكها يوماً

فأصبحت اطلق العنان لنفسي مفسحةً المجال ل ذكرياتٍ جميلة
ذكرياتٍ تجعلني أبتسم كلمّا عاودت المرور ببالي

لم أعد افكر كثيراً في قراراتي
اصبحت أفعل ما أظن أنه سيسعدني
ربما أندم على بعض قرارتي
لكنني أدركت أن ندمي على شيء فعلته أخف وطأة من ندمي على ما لم أفعله

لحظات العمر الخالدة تُسرق من عُمق معاركنا وليس في رخائنا
لن أقيد نفسي مجدداً ب مكان ، زمان ، ظروف ، و أوقات
وسأسرق من الحياة لحظاتي السعيدة ق8

RO-CHAN · 13 نوفمبر 2019

# تعلمت #

تعلمت من تجارب الحياة أنّ لا أتسرع في أحكامي
أنّ الأمور ليست كما قد تبدو دائماً
أنّ للبعض وإن لم ندرك أسبابٌ و دوافع لمواقفهم و ردات أفعالهم

تعلمت أنّ أفسح المجال لكل شخصٍ بتحديد مكانه و رسم ملامحه بأفعاله
أنّ لا أبني موقفاً على موقف
أنّ الأمور من بعيد تبدو مختلفةً حين تقترب
أنّ تلك التفاصيل الصغيرة هي الأكثر صدقاً وتأثيراً

تعلمت أن أخطائناً وتجاربنا هي التي تصنعنا
أن أشد ما نخشاه قد لا يكون بذلك السوء
أننّي ما دمت أتصرف بصدق فلن ابالي بما سيحدث
أن المخطئ يعرف ذلك حتى لو لم يعترف

تعلمتُ أنّ كل شيء بالحياة قابل للتغيير
المواقف ، الأشخاص ، المشاعر ، الأفكار
و أننّا نستحق أحياناً فرصة أخرى
لذا لا أغلق بابي و لكنّني لا أفتحه دوماً

العنوان	المنتدى	الردود	التاريخ
~ عندما يكون التناقض جزءا منك ~	مجتمع المدونين ☕	33	3 يناير 2015
عندما يتشابه الكل اتميز أنا	مجتمع المدونين ☕	2	1 أغسطس 2014
وَتحسب أنكَ جرمٌ صغير - وفيك انَطوى العالم الأكبر !	مجتمع المدونين ☕	2	11 يوليو 2017

للتسجيل راجع الرابط التالي طريقة التسجيل الجديدة

طوفان الأقصى - #غزه_تحت_القصف - القدس تنتفض - فلسطين حرة

عندما تشعر أنك وصلت لنهاية العالم ~ لف وارجع ~ (1 زائر)

RO-CHAN

There's a little bit of devil in her angel eyes

RO-CHAN

There's a little bit of devil in her angel eyes

RO-CHAN

There's a little bit of devil in her angel eyes

RO-CHAN

There's a little bit of devil in her angel eyes

RO-CHAN

There's a little bit of devil in her angel eyes

RO-CHAN

There's a little bit of devil in her angel eyes

RO-CHAN

There's a little bit of devil in her angel eyes

RO-CHAN

There's a little bit of devil in her angel eyes

RO-CHAN

There's a little bit of devil in her angel eyes

RO-CHAN

There's a little bit of devil in her angel eyes

المتواجدون في هذا الموضوع

المواضيع المتشابهة