مدونة فخمة كن قوياً ،، فالحياة تميت الضعيف قهراً (1 زائر)

[A S T E R]

في هالتدوينة حابة أحكي شي وأثبته هون لحتى أرجع بعد فترة وأحكيلكم إذا ضليت ثابتة على قراري ولا تراجعت ،

يعني زي تحدي

الشغلة بتتعلق في الأغاني يا @Takina ويا @Miss Marple لما حكينا عن الأغاني

بالبداية أنا الحمد لله مش مدمنة أغاني ولا شي ،
ولا بتابع اخبار المشاهير ولا بدرى شو بنزلو ،
وحتى الاغاني الي بسمعهم هي الاشياء القديمة يلي كنت اسمعها وانا مراهقة

وبس تزوجت بطلت اسمع أو أهتم ، وانقطع سنة ولا اكثر وارجع اسمع ، وحتى مش بشكل ادمان ،
بفتح لما كون اشتغل بالبيت ، فبفتح وبسمع ، ومجرد ما اخلص بطفيهم ، مش انه دايما اسمع

بس حالياً خلص قررت إني ما أرجع أسمع أغاني بالمرة ،
إلا الأغاني الي بتكون في اعراس المقربين هذي ما في مفر منها ،
بس انا الحمد لله بطبيعة الحال بروحش اعراس كثير ولو اروح ما بطول كثير لأنه مالي خلق ،
فخلص هاد المرة اخذت قرار ما اسمع اغاني بالمرة بالمرة ولا أفتحهم

وكنا نحكي في هالموضوع انا وشوش وقررنا سوا انه نبطل نسمعهم

وحكينا هالشي قدام غاليتنا @Miss Marple بجروبنا الجميل

وحكينالها عن قرارنا وسألناها لو هي بتسمع ،

فكان جوابها إنها كانت تسمع زمان وانها حاليا خلص بطلت نهائياً وصارت الاغاني بالنسبة الها حتى ازعاج ،
وهيك كل كلامها كان بجنن وزي الدوا والله
حتى بعدها بعتتلي شوش عالخاص ي مروة وحكتلي انه جد شكرا لأنك عرفتيني على مروة
ما بعرف لو واصلك الشعور ، بس عنجد أنا وشوش كثير كثير كثير نحترمك ومعجبين بشخصيتك ، بعيداً عن المزح ،
بس بطلعلك تكوني بهالتواضع - فاهمة قصدي شو يعني تواضع - لأنه جد شخصيتك فخمة الله يحميك ،
وتأثيرك حلو علينا وإيجابي ، الله يوفقك في حياتك ويثبتك ويعيننا نكون سند لبعض ويديم صحبتنا الحلوة
قلت أكتب هذا القرار هون وأوثقه وأرجع بعد فترة وأحكيلكم رجعت اسمع او لا ،
بس أنا متأكدة ما رح ارجع لأني خلص أخذت هذا القرار وما رح أتراجع عنه ، وان شاء الله تكون مفيدة إلكم ،
ولو حد كان بدو يقطع الأغاني ومش عارف ، فان شاء الله تكون هالتدوينة تشجيع ينضم إلي ،، الله يثبتنا يارب
في أمان الله



هذا فيديو شفتو بعد ما قررت وسبحان الله هيك أجا عالوجع هالكلام

https://www.facebook.com/video.php?v=631548278929139

​

 

[A S T E R]

​

سابقًا كان الناس يحترمون الأشخاص الصالحين، إلي يأمرون بالمعروف وينهون عن المنكر
لكن ما أعرف شنو صار؟ حتى الناس بدأت تكره الإنسان المصلح!
مجتمع المدرسة مجتمع مليء بالأباطيل، لما نريد نحاربها نتوجه لمدرّساتنا أو معلمتنا وهم يحلون الموضوع
لكن كمدرّسة حاليًا.. متتخيلون شكد صعب أن أتصرف بطريقة صحيحة! وشكد صعب أكول لطالبة لتسوين هذا الشيء!
والغريب أن الأهل صاروا يدعون أطفالهم للغلط، والأم تعرف وتدري وتقبل بالخطأ!
وياريت خطأ بسيط، خطأ واضح وصريح الكل يدري بيه خطأ.. لكن ماكو حرص أو ماكو حب حقيقي من الأمهات
لأن الأم الحقيقية تكون حريصة جدًا على سمعة بنتها وتجنبها الخطأ وتبعد عنها السوء بكل وسيلة.
المهم.. تكلمت كلمة الحق وفصلت طالبة من الطالبات، وما يهمني إذا خسرت وظيفتي بسبب هالشيء!
أرجع وأكول إن مهنة المدرس صعبة.. صعبة.. صعبة): وجاي أحس بمسؤوليات فظيعة
لدرجة طعم النوم صار غريب عليه وأواجه صعوبة بالاستقرار النفسي لأن القلق يساروني دائمًا..​

حابة أعلق على كلام نحلتي الغالية هون ،،
@Yarrow

تعرفي عنجد مرات بستغرب كيف ببقى احكي بموضوع مع خواتي وأشوف شي بنفس الموضوع
قبل ما افتح مدونتك كنا نحكي انا وخواتي عن إنه كيف الناس ما تتقبل النصح
وما تتقبل كلامنا لما نحكي كلمة الحق ونقدم الي بنعرفو
بعدها فتحت مدونتك وقريت كلامك وقلت ياالله الكل بعاني من هالشيء

خلص الناس يا لطيف بعيدة كل البعد عن ربها وعن الالتزام الكامل بالأحكام الشرعية
خلص استسهلو الحرام وصارت حتى كلمة الحق ثقيلة عليهم
-زي كأنه شوكة وتنخزو الواحد لهيك يتضايق وما يتقبل ويصير يناكف -

بتحسي حالك غريبة غريبة
بتحسي حالك إنك بين ناس ما تشبهك ، ولا أقصد بذلك التعالي على الناس أو اني شايفة حالي كاملة مكملة
لا أكيد ، وما في حد كامل
بس الفرق بيني وبين غيري ، إنه بنحب نحكي كلمة الخير وبنحب ننصح غيرنا
باقي الناس بتلاقيه ملتزم وتمام بس ما دخلوا بغيره،، اللهم نفسي
حتى انه الناس صايرة تنتقد الي بنصح ويصير يحكي ، شو بدك بالعالم كل واحد بعرف حاله !!

نعم ؟؟! شو تفضلتو ؟
مهو ربنا أمرنا بالنصح الأمر بالمعروف والنهي عن المنكر والرسول كذلك عليه الصلاة والسلام
زي ما أمرك بباقي العبادات وانت آمنت فيها
ليه هاي الجزئية جاي تتفلسف وتطمسها وتنشروا شغلة انه خلص كل واحد حر بحاله
صح الكل بعرف الصح والغلط
بس ما بتعرف ممكن كلمتك لما تنصح حد يكون الها تأثير على أشخاص ،، فلا تبخل بالنصح دائماً

وبخصوص كلامك عن واقع التدريس هالأيام
لا تسألي شو صار واقع المدارس والمعلمين والطلاب عنا بفلسطين
صار الوضع جد بخوف ، الجيل متفتح على أمور مش لازم يكون منفتح عليها
وبكفي قلة الأدب وعدم احترام المعلم،، المعلم صفر قيمة بهالمدارس
صح انا مش معلمة بس لأنه بناتي بالمدراس وبشوف وبسمع كثير من بنات المدارس الي بعرفهم
الوضع بالزبط زي ما تفضلتِ يا مريم وأسوأ كمان

كل هذا بسبب الأهل صايرين دائما يوقفوا مع أولادهم ضد المعلم سواء معاه الحق أو لا
هذا غير انه النظام كله ضد المعلم
والتربية صارت تعاقبهم على اي شكوى ترفع ضدهم حتى وان كانت ظالمة
هاد غير المناهج الي صايرة تخزي وبكفي الانشطة والامور الي بقحموا الطلاب فيها ،
كلها بكون فيها نشر لأفكار مغلوطة وتخالف قيمنا وأحكامنا الشرعية

يعني لو بدي اكمل ما بخلص حكي عن واقع التعليم سواء عنا ولا بباقي البلاد، واضح انه سيء في كل مكان

بس كثير مبسوطة فيك وبكلامك وبهدفك انك بدك تخليهم يتخذوك قدوة وتكوني الهمم خير قدوة
ان شاء الله ربنا بعينك وبقويك ي حب والله يبارك فيك ويجزيك الخير ي رب ، وهاد الصعوبات ان شاء الله بتغير الحال وبصير افضل

​

 

[A S T E R]

​

ما نمت ليلتها ، وما طلعت من بالي ولا لحظة ، ما ادري اصيح عليها .. أو اصيح على نفسي ؟
الواحد ما يدري بأي لحظة يموت ، وبأي مكان ، وبأي كيفية، آنه في غربة .. شنو لو يصيد أحد من أهلي شي لا سمح الله شلون
بقدر أكمل حياتي ! هواجس و هواجس و هواجس .. فكرة تجر فكرة ، نسأل الله حسن الخاتمة ​

ما قدرت ما أعلق على كلامك أم التوت
@T W I N K L E

رح أفتتح بمقولة عمر رضي الله
" كفى بالموت واعظاً "

وبدعاء :
" اللهم لا تجعل الدنيا أكبر همّنا ، ولا تعلق قلوبنا إلا بالآخرة "

الموت مصيبة ولا ننكر ذلك أكيد
بس حبيت أكتب هاد الكلام عسى انه يكون تخفيف عنك في غربتك

أول شيء فكرة انك تكوني بعيدة عن أهلك أحبابك وبلدك هي بحد ذاتها أمر صعب على النفس
ولكن بدك وقت لتتعودي على نمط حياتك الجديد
لهيك وانتِ بالغربة بتصيري تفكري بكل الجوانب السيئة

وبتصيري تحطي كل الشغلات العاطلة بالغربة وتهمشي من الأمور الحلوة بحياتك
ولأنك مريتِ بتجارب إنه ناس حولك تموت فهذا الشيء زاد الطين بلة عندك وخلى هالشي هاجس بالنسبة الك
انك بتضلي خايفة يصير لحد من الغاليين عليك شيء وانتِ بعيدة

بس مش لازم تخلي هالتفكير يسيطر على عقلك
تطلعي عالنص الملان من الكاسة زي ما بقولو ولا تضلي تفكري بالأمور السلبية
خلي إيمانك وثقتك وقوتك من الله
وزي ما قلتِ ضلي استعيذي من الشيطان كل ما تجيكي هاي الأفكار
في النهاية أي حد ممكن فينا يموت
احنا ممكن نموت مش بس الي حوالينا
لهيك لازم نحط مقولة سيدنا عمر نصب أعيننا ومعلقينها بقلوبنا وبعقولنا
وانه فعلا يكون الموت بالنسبة النا واعظ وتذكير النا بتقصيرنا تجاه الله ونزيد من قربنا اله

وهذا الخوف والهاجس حاولي انك تلغيه ، وما تخافي تدريجياً رح تتعودي على حياتك الجديدة ي حب
دامك تدرسي وزوجك جنبك وكمان اختك ،، هاد كلها امور ايجابية
ضلي حاطة االتفاؤل والأمل قدامك وما تخلي الشيطان يوسوسلك،، والله يحفظهم اهلك من كل شر يا رب

صح انا مش مجربة ،، اكيد الي مجرب مش مثل الي مو مجرب
بس حبيت احكي هالكلام ، ان شاء الله يكون فادك هالحكي وخفف عنك
الله يسعدك ويرضى عنك

​

 

[A S T E R]

​

هالتسارع في الأحداث .. خلاني أخاف !
أخاف لاني بعيدة عن أهلي وناسي ، الواحد ما يلحق يرمش تتغير وايد أشياء حوله ، من المواقف الي وايد أثرت فيني
الفترة الي طافت؟ کنت قاعدة أدرس في لوية الامتحانات فجأة واحد يطق علينا الجرس ، لحقوا الحارس منسدح في دورة المياه
ماندري شفيه ، إلا الريّال توفى ! وكنت كل يوم اجوفه حرفيًا ، ويوم وفاته بعد جفته مافيه أي شي الصبح ، هاي أجله الله يرحمه !
قبل جم يوم ، كنت متصلة فيديو كول حق بيتنا .. ابوي قام يتأمل فيني وساكت ويسمعني وآنه اسولف
وفجأة قام يصيح ، كسر لي قلبي وايدد .. صار فيني خلاص ما ابي ادرس برا .. ما ابي اقعد ثانيتين برا البحرين .. مادري
لو يرجع فيني الزمن ؟ أرد أتخذ مثل هالقرار المصيري ؟ الي ما فكرت بتبعاته بشكل جيد ..

مو اهني المشكلة! المشكلة ان لا زلنا عايشين ولا زال الزمن يركض ، مادري باجر شنو بهبب من قرارات بعد ..
مادري الصراحة شنو قاعدة أقول احس وايد كلام متكرر ولا لي خلق أعيد قراءته ، حبيت يكون اي شي أفكر فيه
أكتبه بدون تنقيح للكلام .. المهم حاليًا، كل الي اقدر أقوله الله يستر علينا جميعًا !​

كمان هاد تدوينة من @T W I N K L E

فعلاً بتمر فينا هالحياة وهالعمر وما بنحس حالنا إلا وكبرنا

ما بنحس عحالنا إلا وأحداث كثيرة صارت معنا
بتعصف فينا هالدنيا ، وبتحمل معها الحلو والمر
مجريات حياتنا يا تترك أثر فينا من ندوب وجروح أو زهور تتفتح في قلوبنا وبتخلينا أحسن

بتوخذنا الدنيا ونبطل نحس بالوقت
إذا انتِ يا تقوى 20 فأنا حاليا دخلت عمر ا0
وكل ما اتطلع ورا واشوف حالي كيف كنت وكيف صرت بنصدم من سرعة الأيام والاحداث الي غيرتنا
وعى قولتك مرات الواحد بصفن في بعض القرارات الي اتخذها وبصير يقول لو ..لو
بس هذي ال -لو - من الشيطان ،، لذلك الواحد ما يضل يقول لو

بل بالعكس ما نضل نتطلع لورا ،، نتطلع قدامنا
محل ما احنا واقفين ،، نركز بالحاضر ، وبالمستقبل الجاي
حتى المستقبل ما تركزوا فيه كثير لأنه عنجد ما نعرف متى الأجل بجيك
لهيك لا تضلك حاطط خطط انك رح تعيش سنين طويلة
ركز في حاضرك ومش غلط تفكر بمستقبلك بس بالمعقول
وما تخلي الدنيا تسرقك وتاخذك
وتنسى انك تعيش اللحظات الحلوة بحلاوتها والحزن تعيشو كمان

على قولة النساء الكبار ، دايما يحكولي أنا ولكل الي بعمري
انه استمتعوا باللحظات هاد وهم اولادكم صغار
ما تتذمروا منهم ولو بغلبو ،
وانه نعيش هاي اللحظات معهم بكل حب واستمتاع لانه بس تروح رح نحسها انها راحت بلمح البصر

فبشكل عام ، الواحد يستمتع في كل لحظة هو فيها حالياً
طالما هو مرضي ربه فأكيد ربنا رح يلقي السكينة والطمأنينة والمتعة في قلبه ورح يضل عايش مبسوط

هذا الكلام استحضرني اول ما قرأت كلامك وحبيت شاركك الحديث عن جزئية سرعة مرور الأيام
وما رتبته ولا رجعت أقراه ،، اليوم كتبت كثير
ما بعرف خلص جاي عبالي اكتب


تصبحون على خير

​

 

[A S T E R]

تحرير فلسطين مسألة ساعات إن تحركت الأمة وجيوشها والذي يوقف التحرير يجب أن يداس تحت أقدام جيوش الأمة ، هذا الكيان هش ويترنح والأنظمة العميلة هي التي تحرسه الآن ، آن لجيوش الأمة ان تدخل المعركة الآن وتدوس في طريقها نحو القدس كل الأنظمة والحكام الذين يحرسون هذا الكيان .​

 

[A S T E R]

كيانٌ هش ثلة صغيرة من رجال المقاومة زلزت الأرض من تحت أقدامهم فكيف بجيوش جرارة؟!

اللهم انصر مجاهدينا.
عار عليك يا أمة الإسلام وأنت تقفي متفرجة
(وإن استنصروكم في الدين فعليكم النصر)​

 

[A S T E R]

.
.
.

تعزُّ عليَّ بلادي وبلاد المسلمين ، تعزُّ عليَّ أحزانُها
بسم الله على غزة ، بسم الله على ادلب حتى يطمَئن فؤادُهما
.​

 

[A S T E R]

اللهم إنّا نشكو إليك ضعف قوَّتنا،
وقلَّة حِيلتنا، وهواننا على الناس،
اللهم أنت ربُّ المستضعفين وأنت ربنا،
لا إله إلا أنت، إلى من تكِلنا، إلى قريبٍ يتجهمنا، أم إلى عدوٍ ملكته أمرنا،
إن لم يكن بك سخطٌ علينا فلا نبالي،
غير أن عافيتك هي أوسع لنا.
نعوذ اللهم بنور وجهك الكريم،
الذي أضاءت له السموات والأرض، وأشرقت له الظلمات،
وصلُح عليه أمر الدنيا والآخرة،
من أن يَحِلَّ علينا غضبك،
أو ينزِل علينا سخطك،
لك العُتبى اللهم حتى ترضى،
ولا حوة ولا قوة لنا إلا بك .​

 

[A S T E R]

الفعالية الشهرية
​

فعالية شهر مايو

رأيك عن القرن الحالي وما وصلنا له من تطور، عصر الجنون مع الذكاء الاصطناعي، اذا جربته قيمه لنا كيف شفت اداءه؟ شو توقعاتك ممكن يكون تأثيره ع العالم البشري؟
معك مجال مفتوح في " نقاش&رأي شخصي"​

السلام عليكم ورحمة الله وبركاته


بصراحة رأيي في عصرنا الحالي ان له ايجابيات وسلبيات
وبما إننا في عالم تحكمه المصالح ، يعني كل واحد اللهم نفسي ،
وفي عالم تسوده كافة المفاهيم الغير اخلاقية وعدم الالتفات إلى تبعات مثل هذا الجنون والتطور المتسارع
فدائماً أدعو الله السلامة لنا ولكم مما قد يؤدي بنا هذا الذكاء

العلم مفيد لا أنكر ذلك وكل تطور يحصل يصب في مصلحة الإنسانية ويساعدها ويسهل عليها الحياة
وفي ديننا لم يتم تحريم اي شكل مدني لا يتعلق بحضارة الغرب أن نأخذه ونستغله
ولكنني أنتقده لأنه بدون رقابة وإذا وقع تحت الأيدي الخاطئة فإنها كارثة
وهو ما حاصل بالفعل ، ولكننا لا نعلم ما يحصل في العالم الواسع المتطور المجنون

لم أجربه ، ولكنني أرى أنه إن وصلنا هذا التطور في السنين القادمة أن نتجنبه لما له من سلبيات أكثر من إيجابياته
اليوم قرأت خبر عابر وأنا أتصفح أحد التطبيقات أن احدى مشاهير الأجانب تعرضت لمثل هذا الفخ وفضيحة بسبب الذكاء الاصطناعي ، لأنها قامت بمعارضة ترامب ، صدمت ، خاصة بأن البيت الابيض بنفسه تدخل بالموضوع بعدما علم من الذي نشر لها صوراً باستخدام الذكاء الاصطناعي ، وأنها ليست هي من قامت بالنشر !

وأكيد يوجد الكثير من المواقف والقصص المشابهة سواء عندهم أو عندنا ولكننا لا نعلم بها
أرى بأن البشرية تجرم في حق نفسها في استبدال البشر بالالات والذكاء الاصطناعي ، كل ذلك يجرنا إلى الهاوية إذا لم يتم وضع حدود وقيود ، وهذه الحدود والقيود لا تتم إلا بدولة صارمة تحكم بشرع الله ، الله يرزقنا إياها والعيش في ظلها آمنين مطئنين

​

 

[A S T E R]

الفعالية الأسبوعية 1

​

فعالية الإسبوع ¹

دعنا نتخيل العالم بلا انترنت، كيف ستقضي وقتك وتتعايش مع ذلك؟ امتلك فضول لمعرفة إجابات كل واحد منكم
-​

حسناً ، لا أدري لم هذا السؤال يطرحه الكثيرون
لم الاستغراب من أننا نستطيع أن نعيش بدون انترنت؟
الأمر ليس بهذه الصعوبة المتصورة عند البعض
بالنسبة لي عشت بدونه فترة عندما كسر جهازي وبقيت اشهر بدون جهاز ، أصبحت أحمل - جهاز كشاف اذا تعرفوه -

وبكل صراحة الحياة حلوة بدونه ، ليس لأنني لا أحتاجه لدراسة أو لعمل بما أنني ربة منزل
فعند النتيجة حتى لو احتجت لشيء فسوف أشتري الكتب وأعيش
لا تتوقف الحياة عند انقطاع الانترنت ، صحيح أنه بسبب التطور الحاصل هذه الأيام وكل شيء يمشي على الشبكات والأجهزة جميعها مربوطة ببعضها حتى في الدوائر الحكومية ، ولكن لو نظرنا للوراء لرأينا أن الحياة كانت عادية بدونه ولكن الفرق اليوم أن كل شيء يتم بسرعة ، لهذا أطلق عليه عصر السرعة

لا تفهموا بأنني ضد التطور والعلم ووو...الخ
لا بالعكس ، ولكنني أتخيل أننا بدون انترنت حتماً ستكون الحياة أجمل وأهدأ وسينخرط كل منا في حياته ويركز عليها ، بدل انهماكه وراء الانترنت ومواقع التواصل خاصة ، فلقد أخذت من حياة الإنسان حيزاً كبيراً جعلته في معظم الأحيان عبداً للأرقام إذا كان مشهوراً وإن لم يكن مشهوراً ، يكن عبداً لما يتم عرضه أمامه حسب الخوارزميات ، فيشكلون حياة الأفراد دون أن يشعروا بشيء .



وبخصوص قضاء الوقت ، كما أسلفت عشت بدونه وحياتي مليئة بطبيعة الحال ،
لا أحتاج إلى شيء يلهيني
فبناتي يلهينني كثيراً
وفي وقت فراغي أخرج أو أقرأ أو أجلس مع نفسي فقط ، - أعلمكم بأن قمة سعادة أي أم هي الجلوس بهدوء دون فعل شيء -



وفي غزة العزة أقرب مثال على أن البشر يعيشون ويصمدون بدون شبكات انترنت وبدون أي شكل من أشكال التطور وهم تحت القصف
فما بالكم لو انقطع عنا الانترنت بدون حرب وجربنا العيش بدونه ، هل لا نستطيع العيش؟ أعتقد أن الإجابة هي نعم وسنعيش بكل سهولة

​