لماذا يباغتنا عالم الأحلام فجأة بزيارة من شخص ظننا أنه صار ماضيًا ابتلعته أمواج الأيام العاتية؟ يجيء إلينا ماثلًا في الحلم كأننا لم نقطع روابط المعرفة منذ فترة، ويهدينا قبلة على وجنتيّ الجفاء ليحيله بتلة ورد رقيقة تداعب قلبنا الذي اتعبته الوحدة.
ثم نستفيق فجأة لنعرف أن الحلم لم يكن إلا مسكنًا باردًا لآلام وكسور يصعب أن تطيب!
الشخص المتصالح مع ذاته يمتلك القوّة لإخبار شخص آخر بأنه جميل.. لا تناسبه أقاويل تحت الطاولة.. لا ينافسه أحد ولا يتنافس مع أحد.. لديه السّلام الداخلي الكافي ليُفصح عن إعجابه بعقلية شخص آخر.. لا ينتقد ولا ينصح مالم يطلب منه ذلك.. ولا يشعر بالتهديد لمجرد وجود شخصية أخرى مميزة.. ولا يشعر بالامتلاء لمديح أو إطراء.. ولا يمتعض لذم أو انتقاص.. كل ما في الخارج لا يجرؤ على المساس بالداخل!
احم احم زمااااان عن الفعاليااااات " قصدها الجوائز "
اوك بسم الله نبدأ ي رب ما تنصدموا
1- شخصيتي بلواقع انسانة كيوت و لطيفة و خجولة و حبابة مو متل ما الكل مفكرتي غولة بلمنتدى
2- اخر سنة وزني زاد عشرة كيلو كاملين وااامصيبتاه انا حاليا بمرحلة انزالهم
3- معاكم خبيرة تزيين كيك على مستوى اقصد صارلي سنتين اشتغل بمجال الحلويات و خصوصا الكيك و هالشي وسع خبرتي بمجال الحلويات الغربية مو الشرقية بس بمجال الكيك بشكل اوسع و صدقوووني لما اقولكم الكيك عااأااالللم وواسع واااسعع وااااسع جدااااااا و يريد حد فنان .
4- الشي الوحيد اللي مخليني استمر بلمنتدى هو هذه المدونة لانه فعليا ما في شي على مواقع السوشيال ميديا يشبه عالم المنتديات و الروح الحلوة فيها و الكلام و الفضفة هون لطيفة بدون مراقبين يفسروا كلامك.
5- طول حياتي كنت اعتقد انه الانسان السيء يظهر بحياته ناس سيئين لانه هو سيء حتى لفترة قليلة ماضية كنت اقول يا ربي هل اناسيئة لهيك يظهر ناس سيئة بحياتي لكن تغير هالتفكير الحمد لله لما الانسان يصير يقارن درجة الدناءة االلي ممكن يوصلها الشخص المقابل و يقارن نفسه لو انحط بهالموقف و و طريقته بالتعامل .. هالشي خلاني اتأكد اني مو سيئة .. و اتوكل على ربنا و انه ما رح يجرى لي اي ضرر ربنا بالاصل مو كاتبه لي .. الحمد لله . اعتبرها مرحلة تخطيتها اخر فترة .
6- انا انسانة لا تبالي بالظنون طالما اعرف نفسي مهما الناس فكرت فيني بكيفها مايهمني مع العلم احس انه هالشخص يظن فيني ظن سيء لكن اتركه يفكر اشوف لوين يوصله ظنه .
7- قبل ما اوصل سن ال 25 كنت اعتبر نفسي صغيرة و العمر ما فارق معي و كنت رافضة فكرة الزواج نهائيا و اني لو كبرت اكثر رح افكر ..تخطيت هالسن و نهاية السنة رح اصير 27 سنة و هالسن جدااا مخوفني و احس نفسي بجد كبرت و سرت عجوز لكن لساتني رافضة فكرة الزواج ننهائيا هالشي ما تغير .
8- سبب رفضي للزواج هو اني عم اتعامل مع متزوجين و كل صديقاتي متزوجين رغم انه في منهم سعيدين جدا و في منهم تعيسين جدا لكن و لا وحدة منهم تعجبني حياتها سواء كانت سعيدة او تعيسة سواء عندها اطفال او محرومة من الانجاب مع العلم عندي صديقات فيهم كل هالانواع .. كلهم بشكل عام حياتهم ما تعجبني لا من ناحية حرية او تقيد بالأمور الراهنة او بالحياة المفروضة عليهم هالشي ابدا ما عم اتقبله و لا اتقبل فكرة انه ممكن انسان يتحكم فيني او اطفال اربيهم و يقيدوا وقتي و اعرف هالشي غلط لكن هالشي عقلي و نفسيتي ما تتقبله غير انه فكرة اختيار شريك الحياة المبنية على النصيب ما تقنعني و بالنهاية كله قدر ربنا يجمل اقدارنا.
9- انا شخص ما ياكل الاكل الا لو كان معه حار و حامض .. لو هالشيئين ما كانوا جمب الشي اللي عم أكله مستحيل أكمل أكل و ممكن ما اكل من اصله .
10- كل اللي يراقبوا مدونتي اعرفكم واحد واحد و اعرف نفسيتكم .
فعليا الشوق لشخص بتعزه و بتحبه من كل قلبك كتير صعب
صح التكنولوجيا و التطور قرب كل الناس لبعضها
و تقدر تتواصل مع اي انسان على الكرة الارضية
لكن مهما كان الاتصال مو متل القرب و لا متل لمس اليد
يمكن تتحمل فكرة الفراق لفترة مؤقتة بس لما تمر الشهور
و يبدأ اي شخص فارقته يكبر و يتغير و هو بعيد عنك
و انت حافظ صورته قبل السفر و محتفظ فيها بقلبك هالشي بجد كتير كتير كتير صعب
الغربة مو حلوة و الفراق مو حلو
لكن في ضروريات بلحياة بتلزمك انك تفترق و تفارق
ربنا يجمع الجميع مع احبابه
" أعيش أيامًا هادِئة كما يجب، أيامٌ لا تتزاحم عليَّ فيها الرغبات ولا تكثرني المطالب، روحي على نهرِ الإستقرار تطفو، أفعلُ ما أحبّ، وأحبّ ما أفعل، القناعة ثوبي والرِضا اختياري ."
هل كل ما كبر الانسان بالعمر حتى لو يوم واحد يزداد معرفة بالناس شخصياتهم نفوسهم تفكيرهم تمثيلهم و كتير كتير أمور ؟ أنا اعترف انه عدم المعرفة نعمة بجد ، انه ما يكون عندك الفضول هالشخص ليه سوا كدة او هالشخص ليه يتعامل معك كدة او شو في افكار بعقله تجاهك خلته يتصرف كدة عدم المعرفة و عدم الفضول نعمة و الله ..
كل ما كبرت أعرف انه في أشخاص بحياتي ما يغيرهم الزمن معزتي بقلبهم تبقى للموت هالاشخاص ثااابتين مثبتين بقلبي للأبد و بجد النعم اللي بحياتنا لازم كل يوم نفتكرها و نحمد ربنا عليها أصغر نعمة هي كبيرة مهما كانت صغيرة
اليوم كلو كان غريب و ملييييااان مواااقف
بجد ع نهاية اليوم سرت أتساءل و اقول يا الله الناس مالها اليوم
تصبحت الصبح بسواق عجوز و شايب انا اعتقد انه معتوه
بس و الله انا غبية بلمواقف هذه ما أعرف أتصرف لازم أخذ دروس
ع الصبح جالس يتغزل المريض
هو بالطبيعي كل يوم اتصبح مع سواق معاق عقليا بس الصبح هذا مختلف عن كل المعاقين السابقين
هالشي يشجع اني أطمح لأجمع فلوس لسيارة
الموقف الثاني صار بمطعم كنت رايحة له انا و صديقتي و جاء الجرسون
و حط المشروب قدامي و قالي خذي هالكاسة لك انتي كأنه مفرق يعطيني هذه و الثانية لصديقتي لانو القلب ضابط عليها أكثر
و انا أصلا جالسة متل الغبية مو فاهمة قصده و طلبت سكر اللي المفروض يقدموه بدون ما نطلب
و صديقتي تضايقت من أسلوبه بتحديد الاكواب و تضايقت اكثر اني لما طلبت سكر جاب لي و ما جاب لها و أعطتهم دش ترذيلة ع المضبوط و خلتهم يغيروا لها الكوب و يضبطوا القلب متل ما اللي بكوبي
الغريب بلموضوع اني شخص عادي ما يلفت الانتباه نهائيا و للأمانة بجانب صديقتي هذه المفروض ما حد يتطلع لي و يتطلع بس لها
مو انقاص من شأني بس مو هالجمال
فهو التفسير اثنين اما هالاشخاص عندهم عمى أو بس يتغزلوا بالبنات ع الطالعة و النازلة
و هالشي بجد يقلل من كرامة أي شخص يتعرض لهيك مواقف و يخلي الشخص يكره نفسه
اما يصير متل البارود اللي ناقصته النار لحتى لما يشوف هيك عينات بس ينفجر فيها أو يبتعد عن أي مكان فيه هيك أشكال
و بكلا الحالتين مو حل الحل المثالي انه كل شخص واعي يسعى لتأديب نفسه و تربيتها قبل فوات الأوان
حتى الشايب ما استحى على شيبه شو نقول بالشباب
أجلس أحيانا مع نفسي .. أحاول أن أتخيل أسوأ ما قد يصل اليه الانسان لا أدري هل قصر أباؤهم قليلاً بتربيتهم أو بنيت طفولتهم على ذكريات سيئة أم أن بذرتهم من الأساس سيئة ! لم أجد تفسيرا لسوء أي انسان ...
. . . . عن أبي بكر الصديق أنه قال لرسول الله ﷺ : علمني دعاء أدعو به في صلاتي، قال: قل: اللهم إني ظلمت نفسي ظلمًا كثيرًا، ولا يغفر الذنوب إلا أنت، فاغفر لي مغفرة من عندك، وارحمني إنك أنت الغفور الرحيم.
.gif "At (138) ه1")
.gif "At (448) ض2")
اقصد صارلي سنتين اشتغل بمجال الحلويات و خصوصا الكيك و هالشي وسع خبرتي بمجال الحلويات الغربية مو الشرقية بس بمجال الكيك بشكل اوسع و صدقوووني لما اقولكم الكيك عااأااالللم وواسع واااسعع وااااسع جدااااااا و يريد حد فنان .
