مدونة راقية حين تصمت الأسود تبدأ الببغاوات بالثّرثرة. (6 زائر)

[.Sakura Haruno]

عن نفسي بس من جانب سيء كان فيني وللحين ابذل كل جهدي عشان اعدلو
اول كنت انسانة مغرورة وغبية وعندي كمية نرجسية لاتطاق ! كنت دايمًا اشوف
اني احسن من غيري ايوا محد قدي يازيني بصرف النظر عن المميزات وغيرو
اللي امتلكها بمجرد ماتحس ان عندك شعور الافضلية وانا استحق كل شيء
وابغى احصل على كل حاجة بصرف النظر عن الاضرار اللي بسببها وتنتقص
غيرك حتى لو بينك وبين نفسك تأكد 100% ان شخصيتك مضطربة والغرور
والتعالي موجود عندك واللي حولك ملاحظينو بس ممكن ساكتين او يطنشونك
او يسلكون لك المهم كنت على هذي الحالة وحقيقةً كنت اشوف ان فيه فجوة بداخلي
تزيد ! بس ماكنت حاسبة انوو هذا السبب على بالي ثقة بالنفس ! لين مامرة كنت كالعادة
اقرأ كتب حاجتي الفضولية اللي كنت احب اشبعها وطبيت على كتاب النرجسية: دراسة نفسية ×
بالبداية اصارحكم ماعرفت ايش هذا ؟ ايش نرجسية ؟ فحملتو عشان استكشف المهم
قريت وقريت وشفت التحليلات من وجهة نظر المؤلفة بعدين وقفت فجأة بيني وبين نفسي
قلت لحظة يابنت انتِ كذا ! انتِ عند خلل ! مو مدركتو تمام من هنا ماتصدقوا كمية الخجل
اللي خجلتها من تصرفاتي ووكلامي وحركاتي وانانيتي وهياطي الزايد وفلسفتي البايخة
وكذا عطيت نفسي صفعة مو صفعة بيدي قصدي مجازيًا وخبرت نفسي ههههههههههه
انتِ يا هدى انسانة غبية وتافهة وماعندك سالفة أذيتي نفسك والناس بنرجسيتك
بديت خطتي بالتغيير قريت كتب كثير جلست اسولف مع نفسي واسألها واكلمها
كأن صاحبتي كنت اغار من غيري لمن اشوفو متفوق واتمنى لو الشر ! ليش
عندك هالشيء وانا لا ! مهما حاولت ما اوصل نفسو / بعدين مشيت بالتالي
كل الناس تستاهل الاحترام بصرف النظر عن عقلياتها، اسلوبها، ولازم اكلمها بأحترام
/ امنحي الناس الحب وحسسيهم بقيمتهم وكيف انهم مهمين وبكذا
بيزيد قدرك لنفسك بنفس الوقت/ لو صار واحد تعمد ايذائك ونفسو كانت ضيقة معك
رجعيلو اسائتو بنفس القدر لاتزودين ولاتقللين منها، اوقات فيه ناس المعاملة الطيبة
ماتنفع معها فلازم توقف عند حدها ولكل شخصية طريقة للحين ماكتشفت طريقتي
بس في طريقي لأكتشافها/ لاتقارني لاتقارني لاتقارني لاتقارني ابدًا حياة الناس مختلفة
عن بعض هذا بيضايقني ويكرهني بنفسي ارضي باللي عندك وحاولي تحققين اللي تبغينو
بطريقتك/ اذا تبغين تتطورين بشيء لاتناظرين للي حولك بنظرة بصير افضل منك
لانو بتنقلب عليك الطاولة ومابتصيرين اللي تبغين، ناظري بنفسك ونافسي نفسك
لين تتطورين/ لمن تدخلين بمنافسة مع أحد خليك شريفة ولو انهزمتي لاتحقدي
او تحملي الضغينة للطرف الآخر فهو تفوق عليك لأنو بذل جهد اكبر منك بكثير
لذا استاهل الفوز/ انا مو احسن من احد ومابغى اثبت لأحد شيء ولايهمني هالشيء
اكتشفت ان ايذائي لغيري بدون وجه حق يتسبب بأيذاء نفسي ! كل هذيك النشوة
اللي كنت احسها وقت اسوي هالشيء واني قوية ورهيبة كذبة ووهم
وتزيدني ضعف وراء ضعف
كانت هذي كلماتي لنفسي وطريقي في بناءها وطريقي في تخلصيها من الثقل
اللي كانت تحملو، كل ماتصالح الشخص مع نفسو بيلاقي راااحة عجييييبة من جد
بتمنى جد لو كان فيه احد يعاني من هالشيء يعالجو ولايكابر كلنا خبصنا وغلطنا
وظهرنا بمظهر الاغبياء التافهيين الاخطاء موجريمة الجريمة الاكبر الاستمرار بالغلط
وحملوا على اكتافك وكأنو فخر، يمكن احد يستفيد من تجربتي
​

 

[.Sakura Haruno]

بتكلم اليوم عن فقرة ظريفة وهو نوعي المفضل بالرجال هههههه،
كنت زمان مع صديقاتي نجتمع وكذا
بوقت الثانوية وكان كل وحدة تحب فلان وتكلم وكذا يعني مراهقات xd

إلا انا البنت الجادة النفسية اللي تحاول تكون مستقيمة وماتحب الخرابيط ههههههه
ترا السبب تربية اهلي لي الشديدة المهم فولامرة كلمت رجال حتى لو قصدي

اخربط او اضحك عليو كان عندي فكرة ان البنت اللي تسوي الحركة هذي حقيرة ليش
تتلاعبين بمشاعرو هو انسان ! زي مانتي انسان وماتحبين احد يلعب عليك فهو زيك
فدايم اهلي كانو يقولون البنت ماعندها غير رجال واحد في حياتها هو اللي تحبو
وتحترمو وتحافظ عليو العلاقات ذي كلام فاضي فنتبهي لنفسك واذا كلمتي كلمي بأحترام
وبالمهم بس، لين ترسخت عندي الفكرة

نرجع لتجمع صديقاتي كل وحدة بمسلسل او فيلم عندها فارس احلام
فلان وفلان وهذا وسيم وهذا فخم ومدري ايش وكانو يسألوني مين المفضل عندك فكنت
اقول محد واصلا وقتها ماكنت اشوف افلام او مسلسلات اجنبية فقالوا مومعقول ترا كل الناس
لازم عندهم كذا فأنا وقتها كنت احس بالغرابة بس استمريت على هالوضع، فكانت بنت من شلتنا

تحب الكوريين مرررة نشبت لي وتوريني قالت دام ماتعرفين خل اوريكِ رجال وبيعجبونك وبتحبينهم xd
ورتني الكوريين ذولا وهي مييييتة عليهم وتمدح تمدح بعدين انا استغربت هههههه قلت لها هذولا رجال ؟
" والله من حسن نية ههههههههه ماقصدي اضحك بأحد "/ فقالت ايوا والله هذولا رجال شفتي كيف يفتحون

النفس ووسيمين مو مثل اللي عندنا بس انا قلت لها لا موحلوين صراحة ماحسهم رجال @-@" وعجزت اتقبلهم
مرة وحدة للحين فقالت هي اجل انتِ نوعك بالرجال مختلف وبما انو ماعندك علاقات ومومجربة خلينا نقول

وش مواصفات زوجك اللي تحبينها هههههههههههههههه فخبرتها اني احب الرجال اللي مظهرهم فيو جلافة فهي استغربت قال بأي زمن عايشة انتِ من جدك ؟ قلت عادي ايوا قالت انتِ شكلك ماشفتي العالم والا كان طار عقلك xd الحين شفت وشفت بس للحين فكرتي وحدة احب زوجي يكون جلف وغليظ ظاهريًا ولازم يكون فوجهو شوية شعر ذا جزء من الرجولة والخشونة اللي احبها ومولازم يكون برأسو شعر اصلع يمشي معي طبيعي وحبذا لو يسوي رياضة عشان يتناسق جسمو، هههههههه بس اكثر شيء اكرررررررررهو مدري ليه ! اللحية الكثيفة والطويلة احسني اتقرف ماتصدقوا رفضت

واحد عشان كان عندو لحية * تناقض * ( اخواني للحين يعايروني بهالرفضة ) للحين السبب مخفي يمكن نفسي تشمئز مدري xd المهم السالفة
انتقلت للمسلسلات ومتابعتها فأنا تابعت كوريين زمان وعجزت اتقبلهم حتى بالافلام ههههههه وتابعت تركي

عجبتني خشونة رجالهم هههههه كنت احب اطالعهم احسني اشوف رجال طبيعيين لكن تركتها لان دايم
قصصهم نفسية ويخربونها ووقفت الحين بالمسلسلات الهندية هههههه احسني اعشقها يخي كل شيء

فيها يعجبني حتى رجالهم رهييبين جد احسني موطبيعية اكثر البنات اللي اعرفهم تقول ابغى زوجي ابيض
ومافيو شعر وشعرو اشقر ويكون كيوت <-< توني ادري من هالفئة ان فيه رجال كيوتين ؟ لا بالله فيه شيء كذا ؟
يمكن انا جايةة من العصر الحجري هههههه لان مافيه شيء كذا بذهني


​

 

[.Sakura Haruno]

بما اني جاية من تويتر اي سالفة فيها تويتر تسد النفس
كان فيه وسم للعنوسة يخي تصدقون ان اتفه ششيء هو هالموضوع !
ابغغى اعرف شيء واحد ليه صارت الناس فاهمة الزواج غلط ؟
مين قال الزواج فخر ولاسباق ولاانجاز عشان نتسابق عليو زي
المهابيل ولمن واحد لايحصل على هالشرف يٌحتقر ويٌقلل من شأنو
وينبذ كأنو حشرة ضارة ايش فيه ؟! ترا من وراء هالسالفة
تلاقون ناس تتزوج عشان تسكت غيرها ويعني انا متزوج وتلاقيو كاره
حياتو ومومبسوط ومن كثر الهموم لو متزوج وهو صغير بالسن
يطلع كأنو بالتاسعين ! ترا مو شرف ولا فخر السالفة بكل بساطة
تجاهلو فئة العنوسة ذي، برأيي يصير الزواج وقت يحس انو مستعد
وملاقي الطرف الآخر اللي يكملو نصف دينو فقط ! اعرف انسانة
والله احترمها من جماعتنا متصالحة مع نفسها بطريقة عجيبة ماشاء الله
ماتصدقوا كمية الايجابية والراحة اللي تملكها تزوجت وهي بعمر 50 سنة تمامًا
وعن قناعة وكان زواجها يجنن وانبسطت مرررة وحققت قبلو انجازات كثيرة بحياتها
ماكان عندها فكرة العنوسة والكلام الفاضي ذا او انا عجوز ماحد يبغاني شفتو أن اكثر
شيء يسمم حياتنا الأفكار الغلط ؟ لازم نسوي وسم مضاد نسميو
# انبذو اصحاب الأفكار التافهه من حياتكم ​

 

[.Sakura Haruno]

# جيمس الآن ​

 

[.Sakura Haruno]

أمس لمن دخلت بتويتر دخلت وسم عن النقاب
وكيف انو البنات مو عاجبهم وكلهم يبغون يتخلصون
منو " اهل الوسم " على اساس عادة وتخلف
طبعًا كل هالشيء يدور عن السعوديات بشكل عام
وطبيعة حياتنا ... ألخ والولاية وانو الذكور متسلطين
والبنت مسكينة واللي معنفة هذي ظواهر وموبكل بيت
على كل حال لكن اللي لفتني طريقة تعاطي بعض البنات مع
المشاكل يعني اللي اتبعت طريق الشذوذ اللي تركت
الصلاة وعبادة الله وحطت ذريعة سوء اهلها بأن الدين
هو السبب ابغى اوصل لك شيء ياعزيزتي مهما بلغ سوء
من حولك وظلمهم لك وعدم رضائكِ عن معتقدات
او تصرفات لاتعالجين الغلط بغلط ! انا ماتفلسف
عشت زيكم وعايشة زيكم وعادي ابويا والي علينا
وبعدين اخواني بحسب نظام البلد واطلع بعد محجبة
بس لاتكرهين نفسك لاتعاقبين نفسك ! منعوكِ
اهلك من الدراسة لنفترض مثلًا 10 سنوات
وبعد العشر فرجت عليك عادي يابنتي ادرسي
بدل ماتجلسين تسيرين وتقلدين دعاة الحرية
المزيفين وتتابعين المنحطين حاولي تصنعين
لك عالمكِ الخاص وترا فيه حاجة ! اول مراحل
الفشل في مواجهة مصيبة حلت بك هو انك
تحطي نفسك على أنك ضحية دايمًا ؟!
جربتي مرة تحطي نفسك جزء من المشكلة ؟
مويمكن اهلك يستغلونك لأن شخصيتك ضعيفة ؟
او انهم يشوفون من تصرفاتك وافكارك وكلامك
تمرد وافكار ممكن توديك بداهية ؟ ... الخ من الكلام
ادري مو كل الأهل كويسين وفيه مرضى نفسيين بعد
وماينطاقون ومتحجرين بس نعيد ونزيد بنفس السؤال
ليش تعالجين الغلط بغلط ؟! كل مصيبة بالعالم والحياة
لها حل بس اوقات تحتاج وقت وواقات تحتاج بصيرة،
افكار انا مسكينة وانا ضحية ومظلومة وانتو يا غيري
السيئين ماتخليكِ تدركين مفتاح الحل اللي ممكن يكون
بيدك كل اللي يحتاجو انك تتحركين !!! ركزي على نفسك
وقفي عن لوم اللي حولك، وقفي عن معالجة الأغلاط
بغلط بحجة أنو انتو سيئين ! ترا سوءك عائد عليكِ
وبيضرك انتِ وحدك لاتظني انك لمن تمشين بطريق
غلط بتضرين اللي ضروكِ ! بالعكس اللي ضرك حاربيو
بنجاحك وببناء مستقبلك وحياتك الخاصة زي ماتحبينها
ندبك لحظك السيء وانك بنت سعودية وبهذي الدولة
مابيحل اي شيء بحياتك، أمس مع انو اخويا كويس
ربي يحفظو ويطول بعمر اقولو انا مخنوقة ابغى
اطلع وأشم هواء،رفض قال مالي نفس اليوم
اطلع أحد او حتى أطلع بيوم ثاني ان شاء الله،
طلعت فوق السطح وشميت
هواء وحسيت الضيقة اللي فيني
راحت، ماسويت دور الضحية
وانت ذكر سيء/ ترا مودايمًا اللي
حولنا مهما كانو طيبين يلبون طلباتنا على طول
بأوقات انتِ بنفسك اللي تضرينك وتسببين
لك أمراض واكتئاب بسبب طريقة تعاطيكِ
مع المشاكل اللي تصير حولك مشكلة
صغيرة تكبيرينها وتسوينها كارثة !
مشكلة كبيرة تسحبين
عليها وماتعطينه اهتمام !
كل حاجة اعطيها بحسب حجمها
تشوفين الممثلة الفلانية واللي مصورة
بيتها واللي مصورة انجازاتها على بالك
الحياة أنفتحت لها كذا ؟ تراها بذلت جهود
كبيرة بس ماصورت اوقات تعبها وصعودها
للقمة اللي تبغاها !




​

 

[.Sakura Haruno]

ولا مرة تكلمت عن ألعابي المهم هالفترة

واجهت صعوبة قاتلة ): أكلوني الوحوش وخفت مرة ههههههه
للحين خلصت طور ليون وكلير بالنهاية الأولى والثانية أما ليون ماخلصتو
بالنهاية الثانية للحين
نشرت بعض المقاطع من لعبي وعاد جبت العيد وانقتلت أكثر من مرة
بس بالنهاية ماصورتتها كلها طفشت هههههههه من القتل لكن فيه بعض
المقاطع باقي بحسابي راح اشاركها ان شاء الله وناوية عاد أسوي مواضيع
بقسم ألالعاب هذي بعض المقاطع اللي نشرتها

https://www.facebook.com/video.php?v=594633824352590

https://www.facebook.com/video.php?v=593876971094942

https://www.facebook.com/video.php?v=628032977679341

https://www.facebook.com/video.php?v=628105304338775

https://www.facebook.com/video.php?v=628199320996040

https://www.facebook.com/video.php?v=629839060832066

تبغوآ أصور النهاية الثانية لليون كلها واشاركها معكم ولا أسحب، شرأيكم ؟
أنا احب اصور مقاطع مو بث مباشر ​

 

[.Sakura Haruno]

كنت اسمع مناظرات لأحمد ديدات ووقعت على هالفيديو
يا الله حبيت هههههههههههههههههه مع انو فيديو قديم
ألا أنو فعلًا كان مقنع بكلامو ذا أكثر مايفتن الرجل في الحياة هو المرأة
ذي الفطرة ههههههههه حبيت حتى المثل اللي اعطاو حق الشاحنة
جد شيخ عظيم ربي يرحمو ويسكنو فسيح جناتو ​

 

[.Sakura Haruno]

النظام وما أدراكم ما النظام هههههههه ، ممكن من صغري عشت على هالشيء
أيه الترتيب نص العيشة هههههه دايم اقول هذا الكلام، فيكون عندي أكثر من شغلة
فأحب ارتب أولوياتي دايمًا صار الموضوع زي العادة، أذكر صديقة قديمة ليا كانت تقولي أحنا
نفطر الساعة 1 الظهر ونتغداء الساعة 5 ونتعشى الساعة 10 وهذا مو شيء ثابت اوقات تتغير

أو نسحب عليها @-@ فكنت مررة منبهرة كوننا كنا نفطر 8 وغداء 12 وعشاء 7 او 8 بالكثير
في الظروف العادية والوضع ثابت ليش أحنا مو زيهم xd فكنت أحكي وكذا لأهلي فكانو يقولون

وش ذولا كيف مايحترمون الأوقات ! وعاد كنا نعاني بسالفة السهر متخيلين كانت امنيتي زمان
أني اسهر ههههههههههههه xd بس لأنو لا الليل للنوم والنهار للشغل فلا ليش تقلبون الأوقات على كيفكم

فتعرفوا كل ممنوع مرغوب كنت اسهر بالخفاء ولو انقبض علي ألقى لي علقة وتهزيئة على كيف كيفكم

وعاد بالمطبخ شيء ثاني لازم الملاعق يكونو بجنب بعض بنفس الطول ومرتبين والشوك لحالهم والسكاكين والصحون

الصغار والكبار مايكونون فوق بعض ومكركبين طبعًا أول كنت اقول يالله متى أخذ راحتي اسهر على كيفي واسوي

اشيائي على كيفي بدون هالنظام لأنو مافيه حرية حسني مخنوقة المهم قدر الله وخففوا الأهل من هالشيء خلاص خذوا راحتكم وقتها كان مفروض امنيتي تحققت وخلاص لكن لا

اكتشفت أني انعديت بدون ماحس ههههههههههههههه فمرة رحنا عند ناس دخلت مطبخها كان ترتيبها عشوائي يعني ماتصدقوا جاني ضيق بالتنفس xd وحسيتني مقهورة ايشبها حاطة الشوك والملاعق والسكاكين مع بعض ليش الأشياء مقلبة ليييييييييييييييييييش وانتقلت العدوى للبيت كل
ماشوف شيء مومرتب اتضايق وازعل دا2 صرت اقضي
نص ساعة احط الأشياء مع بعض اقول لأخواني ليش حطيتو هذي
هنا ليش رامين هذا هنا رتبوها كذا سووها كذا ومقدر
اجلس بمكان مومرتب ×.× ويوم جينا للسهر على قد

ماكنت متحمسة صرت أنام زي الدجاجة هههههههههههه ، والعجين الساعة 5 الفجر لمن امي ماتكون موجودة واسوي الفطور 8 واطلع اغراض الغداء ويجهز 1 وهكذا، صرت اقول لنفسي

ليشششششششششششششش اعديتوني بنظامكم ماذكرني كنت نظامية مافهمت المهم هذا اكثر تحول صدمني بحياتي أني كنت اتضايق

من حاجة وطلعت اسويها وشكلي حتى لمن اتزوج بجلس على هالحال وامشي بالأنظمة والقوانين نقول الله يرزقني بشخص منظم عشان تسهل الحياة علي ومايصير بينا مطاعنة ومقاتلة هههههههههههه بس ماظني بصير مرتبة على قد أمي ربي يحفظها ابدًا ​

 

[.Sakura Haruno]

بحكي اليوم عن موقفين صارلوا وانا صغيرة راح تظنو أنو خيال او ابالغ لكنو وللأسف الشديد حصل
اول موقف اني تعرضت لحرق بالزيت فظهري تعرفوا ليش اضحك ؟ لأنو وقتها مابكيت ألا قدام
الطبيب واهلي وجداني هياط زايد طبعًا ماكنت ابغى اظهر على اني البنت الضعيفة، المهم وقتها كانت امي
صايمة قضى وكنا عند جداني امي ماعندها غيري انا واخويا انا واخويا وكنا متقاربين بالعمر ! كنت ألعب انا واخويا
بالحوش فبعدين امي نادتنا نطلع وانا جيت مدرعمممممممة < للحين اتذكرني ): كف xd المهم وادخل المطبخ
مسرعة ابغى اسولف لأمي وش سوينا وكانت امي تطبخ على دافور وحاطة الطاوة اللي لها يد ذيك عليو xd

المهم انا من دخلت كانت مخلصة وبس مخلية الطاوة مكانها على الدافور ههههههههه فمعرف كيف رجعت
على نفس اليد وصار الزيت بظهري اححححححححححح وربي يوجع يوجع يوجججججججججع بشكل !!!!!
أقوى ألم حسيتو بحياتي قسم بالله للحين مانسيتو ×-× جلست اصيييييييييييييييييييييح بأقوى ماعندي
وامي انجنت يالله كيف هالموقف صدمها فاللحم كذا بدى ينصهر وامي تحط موية يوم شافتو كذا واحس شوي يبرد بعدين يوجععععععع
وجاء خالي سوى الطامة على اساس يساعدني حط فازلين ههههههههه اخذ كتلة على اساس لحم ظهري
لايروح وبصراحة سوى معروف بالنسبة للطبيب ههههههه فصار اللحم متكتل بدل ماينزل وينصهر على بعضو

×-× كان ظهري يخرع جلست فترة طويلة مقدر امشيء واتحرك زي الاوادم الطبيب سوى لي عملية تجميل وقال ان الفازلين حافظ على الجلد لايتلف فلمن كنت اروح عندو كان يخدرني موضعي بظهري ويأخذ السكين ويحاول يساوي لي جلد ظهري وانا اشوف بعيني كان يقولي غمضي ويقول مافيه شيء بسيط بسيط ويجبروا لي بزي الرباط وكان لمن يروح المخدر امووووووت وجع وطبعًا سويت كم جلسة .-." جد كانت ذكرى بشششششششششششششششعة حرفيًا، بس الأسوأ من تحسنت وسويت اكثر من جلسة اظن كان باقي لي 3 والحمدلله خفيييييت عن اول بكثيير، فكان فيه
زواج لأقاربنا ( ماحبهم ) xd فذكر اشتريت فستان عاري من الظهر بس جابت لي امي زي الشال الخفيف عليو
لأن الملابس وقتها عليو كانت تضايقني فهاللبس كان مناسب فطلعت برا القاعة عاد جماعتنا سمعوا باللي صار

وقتها فكنت اسمعهم يتهامسون لمن يشوفوني ففيه 3 بنات من سني وقتها جلسوا يضحكوا بصوت عالي " يالله مسكييييينة تخيلو هالموقف صار لها صارت مشوهه ليت وجهها انحرق كمان بس ياحسافة، مدري وش ذا الأم معها امي مستحيل تخليني احترق مررره مهملة امها !!! عاد هنا مررررة تضايقت وانفجرت فتقدمت عندهم بسرعة وصفقت وحده منهم كف وقلت امي احسن وحده بالوجود وموغلطها انا كنت مهملة واستاهل ! بعدين طبعًا مابيصيرلكم موقف زي هذا لأنكم ضعيفات وغبيات أما أنا صارلي كذا لاني قوية وهالشيء اقدر اتحملو

ورحت شلت الشال من عليا ورميتو عندهم ومشيييت وتركتهم وهم مررة خافوا -> كل الكلام كان مجرد
هياط الحقيقة كنت كارهه نفسي ليش صارلي كذا وكل ماكنت اشوف ظهر وحدة تمام كنت مرررررة اغار هههههههههههه وانقهر بداخلي المهم رجعت على الطاولة عند امي وقالت لييييييييش وين الشال قلتلها انا رميتوو
واصلا مابغطيو عشان احد اصلا هو علامة مميزة من رجعنا للبيت طلعت فوق السطح وعاد وقتها كنت اتسلق

بالجدران زي القرود -> الله لايوريكم xd فطلعت فوق خشبة اناظر للمباني متأسفة على حالي وابكي بيني وبين نفسي ههههههههههههه وليش هي ضحكت علي هالموقف مر بس تعلمت منو اراعي مشاعر الناس وألمهم
للحين فيه علامة بسيطة منو بظهري قالوا لي سوي عملية تجميل رفضت بخليها

الموقف الثاني هههههههههههههههههه مخيف وممضحك بنفس الوقت
في الديرة ابويا بناء بيتنا فوق جبل كذا ماجنبنا احد ابدًا اشجار وحجار وسماء وغيوم وهواء حلو بس

تعرفوا هذي ؟ طبعًا قد فقعوا قلبي لأنو هناك دايم يجي علينا هجوم من القرود هههههههههههههههههههه
يهاجموا المزارع ويخربوا مرة قرد اكل المانجو اللي زرعتها ااااااااااه كم اني باقي حاقدة عليو xd
المهم مو ذي سالفتنا فكان بيتنا باقي ماكتمل مكشوف وبس فيه زي الجدران البلوك مسوينها للاعمدة xd
طبعًا بذيك الفترة كان صار عندي اخو 3 فكان يوقف ويمشي شويا شويا فهو كان يمشي بالحوش معايا وانا غفلت عنو عاد الحوش كان كبييييير فبعدين مشيت ومشيت جيت وهو جالس بجنب العمود ويناظر فوووق *-* استغربت ايشبو ! إلا احول نظري فوق على الجدار إلا فيه قردة كبيرة زي هذي هههههههههههههههههه

متخيلين ؟ وفي الواقع ؟ وبنت زيي باقي ببداية حياتها ولاشافت هالشيء من قبل اصلا فأنا هنا ماسويت اي ردة فعل او فزعت ! كان هالشيء جديد علي !!!! ومثيييير ايش هذا ؟ فشوي شويا شليت اخويا وقربت ووقفت مسافة قصيرة بعيد عنها بعدين هي مدت يدها لمست شعري وحسيت دافية ): ويدها بشرية كأنها من جد وربي كأنها انسان حسيتها لطيفة كذا بعدين قربت وجها شويا وجلست تشم فينا ههههههههههههه وللأمانة ماذتنا بس أمي خربت علينا صااااااااحت بأعلى صوتها وقالت اهربييييييييييييي هذي متوحشة بتاكلش +-+ وهي عاد
القردة ذي صاحت وجلست تضرب صدرهها بيدينها ×-× وانا انصرعت قسم بالله خفت خوف واخويا بكى وانها جات

بتهجم علينا واني ابغى ارجع اهرب ألا اتعثر بحجرة من وراء واضرب جالسة بجدار المهم فأنا تجمدت مكاني
وامي تبكي دموعها اربع اربع واخذت حجار ترميها فيها ابعدي عن اولادي ومافيه فايدة بعدين جلست تقرب مني ومدت يدها واني احط معصمي على عيوني كردة فعل معاقة لحماية نفسي انا واخويا بعدين فهذي الاثناء سمعت صوت قوي كأنو اخترق اذني قسم بالله ×-× بعدين ابعد يدي ألقى دم على الأرض والقردة ماعدها موجودة وكنت حاسة بزي الألم بأذني اليسار المهم ألا اشوف ابويا جاي معو مسدسو اللي يأخذو لمن يتفقد البيت

xd جاء معصب يقول لأمي شفتي كانت بتأكل عيالش وانت تصايحين هههههههه مامنش فايدة لو أني ماسمعت صوتش كان مالحقتكم لو أني ماني هنا وش كان بيصير وانا حسيت نفسي دايخة من الصدمة اسمعهم يتكلمون من جهة مع بعض واذني يوجعني من جهة فجاية ابغى اقوم ألا احس شعري ناشب ههههههههه
بالجدار بعدين استغربت ايش فيه اسحبو احس بوجع بعدين اكتشفت انو فيه رصاصة صغيرةهي اللي ماسكتو بالجدار وهي اللي انقذنا ابويا فيها وقتها المهم جالسة انادي اهلي الأعزاء واخبرهم اني ناشبة وماهم في شأني ابويا يتكلم من جهة وامي ترد عليو بعشر xd المهم جلست شويا لين هديوا وسكتو بعدين ألا ابويا يقول بعد ماسكتوا شكلي بربيها تربية مختلفة امي قالت ايش قصدك ؟ قال بعد موقف اليوم شكلو صار

تنبيه لي مابغاها تصير ضعيفة زيك فأمي قالت كلمتها المعتادة ! لاتعلم بنتي العنف هههههههههههه قال هو بزرع فيها شيء حدها صغيرة بعدين هو يتنمى لمن تكبر وامي قالت هاه ؟ وش هو ؟ قال بزرع فيها الشجاعة بعدين ماعاد بتحتاجنا ونتطمن عليها، هنا انا مافهمت شيء بس الايام اللي جات بعدين واللي كسر فيها راسي وقالي حاربي عشان مبادئش وقيمش وقناعاتش ولو يوم أنا وقفت في وجهش ومنعتش لاتوقفين واجهيني يمكن اتغير واصير شخص سيء يمكن وقتها كان بيعطيني دفعة المهم، من قبل خبرتكم عن هالشيء وانو علمني الرماية وكان شويا قاسي ترا كل ذا صار من بعد هالحادثة xd المهم تبغوا تعرفوا كيف طلعوا الرصاصة ؟

هههههههههههههههه اخذو مقص وقصو جزء من شعري ماتتخيلو 3 ايام وانا اتحلم بالموقف وزعلانة على شعري اللي ماصار متساوي بسبب اللي صار / بتحسبونها مبالغة او كذب لكنها للأسف هالموقفين مستحييييييييييييل انساهم في حياتي ​

 

[.Sakura Haruno]

من الأفلام الأخيرة اللي شفتها هو هالفيلم ): رهيببب وفيو مشاعرحزينة و جميلة
تضطر تاني تتزوج من رجل ماتحبو بناءً على رغبة ابوها، علاقة باردة جدًا
زواج صار بظروف موحلوة مع شخص مابينها وبينو علاقة حب لكن الرجال كان معجب فيها
فكان مهتم فيها وهي لا تصير مسابقة رقص تغير حياتها وترسم على وجها البسمة من جديد
وتخليها تشوف الحب مرة ثانية
مع شخص ظنتو مختلف لكن صار حدث مختلف ورهيب
-

تعرفوا بالبداية وقت شفت الفيلم وعلاقتهم ههههههههههه تذكرت مجتمعي المعاق في طريقتهم
لنا بالزواج xd تتعايشي بس مابتحبي لكن النهاية في المسلسل عطتني شيء زي الأمل انو يمكن لو كانو
الطرفين صافين مع بعض ينولد بينهم شيء زي الحب
جد انبسطت ورقص قلبي مع اجواء هالفيلم ): حبيت لمن الرجال تغير عشانها اسعدها
حاجة خلقت بقلبي شعور مميز
​