مدونة راقية أنثى نادره من عبّق الورد خُلقت ♡ (3 زائر)

[R E E M]

.
.
.
.
.



Take a breath
Give Yourself a Break
Give Yourself Love


تم افتتاح المدونه
يوم الأثنين
20-1-2020
الساعه
01:00 صباحا
.
.
.








​

 

[R E E M]

الأسم الحقيقي :
ريم


العمر :
27

الوظيفه :
معلمة ضت1

أكثر شي تحبه لوريل :
احب الرياضه و الرقص و قيادة السياره و سماع الاغاني و الاكل و النوم
بالإضافه احب الناس اللي تشبهني بكل شي

أكثر شي تكرهه لوريل :
الناس النفسيه جدا
.
.

سبب وجودي و انضمامي للتون :
كنت عضوه قديمه فيه من ايام التون القديم وللاسف نسيت اسم العضويه
ف رديت اشتركت فيه بعضويه جديده
لكن سبب وجودي فيه بالضبط اني اشتقت حق اجواء المنتديات و حابه اكون صداقات فيه


.
.


المهم اني راح اكتب واجد الايام الجايه فالله يعينكم علي
وحابه اشارككم اهم الاشياء المميزه بحياتي
ف اتمنى ان لا يصيبني العجز و الكسل
واتمنى بعد اني ما اسحب على المدونه ضت1


.
.​

 

[R E E M]

.
.

?Photographer
By : iPhone 11

” لا يوجد حب أعظم من حب الغيوم"

.
.

انا من الناس اللي تستمتع بتصوير الغيوم جداً
كذا مره لما اطلع من البيت اوقف بنص الشارع اتأمل الغيوم و اصورهم
لان هالفتره عندنا فتره غائمه تقريباً وتتشكل الغيوم بطريقه جداً مبهره
عندي الكثير من صور الغيوم بس هالصورتين من افضلهم

.
.
.​

 

[R E E M]

.
.

" كوب قهوه و شخص توده "
" تأتي القهوه لـ تزهر الروح و يعم الهدوء "
" مواعيد القهوه دائما تجعل الروح في سرور و مسره "








​

معلومه سريعه عن لوريل :

انا وحده مدمنة شي اسمه " قهوه بجميع أنواعها " واشربه بشكل يومي
للاسف ادري ان كثرة القهوه مضره للصحه بس المشكله اذا ادمنت شغله و صعب انك تهده او تخفف منه
وصلت فيني اني اشرب 3 انواع من القهوه بيوم واحد وطبعا أتلقى جميع انواع التوبيخ من الاهل و من صديقاتي بعد

والمشكلة اذا مر يوم و ما شربت قهوه يحوشني صداع و دوخه و النفسيه بالارض
بسبب ان جسمي تعود على نسبه كبيره من الكافيين اللي يوميا أعبي جسمي فيه

و فوق هذا انا من عشاق ( الكوفي شوب ) وخصوصا ان عندنا بالكويت جميع انواع الكافيهات مثل ستاربكس و كاريبو و الكافيهات الجديده مثل ( توبيز )
مثلا إذا قعدت بالبيت فاضيه و حسيت بالملل أركب سيارتي على طول وعلى أقرب كافيه يا آخذ وحده من خواتي او اتصل على وحده من صحباتي نروح سوا

الصورتين اللي فوق صورتها من أسبوع تقريبا في كافيه جديد أعلنت حبي له والأحلى انه قريب من بيتنا ف كل ما حسيت بالملل رحت له
المهم و بإختصار عطلتي عباره عن ( القعده في الكافيهات )




.
.​

 

[R E E M]

.
.

نصيحة 2020 :

كلنا نعرف ان " إرضاء الناس غايه لا تدرك "
وان اغلبنا ما يهتم ولا عليه من كلام الناس دام اهوا مقتنع انه قاعد يمشي بالطريق الصحيح !

انا عن نفسي من زمان وانا آخر همي كلام الناس لان ادري ان كل اللي قاعده اسويه مقتنعه فيه و مناسب لي
لكن بحياتي الشخصيه او بالاصح فيه اشخاص قريبين مني كل همهم كلام الناس !!
وكيف يكونون بالصوره المثاليه بعيون الناس رغم انهم ما عليهم قصور ولا فيهم اي غلطه
لكن يحسبون ألف حساب شنو ممكن الناس تعلق عليهم او تتكلم عنهم !


لكن في مبدأ لازم الكل يمشي عليه و يتخذه كنصيحه ابديه له :

مو عيب انك تلبس اللبس اللي تحبه اكثر من مره
مو عيب يكون جوالك اقدم من جوالات أصحابك
مو عيب ان ترجع بيتكم بدري عشان أهلك خايفين عليك
مو عيب انك تكون مكتفي بنفسك و تكون سند لنفسك ولأهلك


" العيب الحقيقي أنك تفكر برضا الناس وبرأيهم أكثر من رأيك "


.
.​

 

[R E E M]

.
.

٣١-١-٢٠٢٠م
١١:٢٠ مساءاً

تقريباً ٤٠ دقيقه و ينتهي شهر يناير اللي بنظر الكل عباره عن سنه كامله من الاحداث و الكوارث اللي صارت فيها

" حرائق استراليا - تداعيات بنشوب حرب عالميه ثالثه - مقتل ووفاة العديد من الشخصيات المعروفه - مرض كورونا - سقوط الطائرة الاوكرانيه والاوضاع في العراق و غيرها من الاحداث "


شهر جداً مشؤوم وسبب العديد من التشاؤم و اليأس عند الكثير من الناس
والاغلب فقد الثقه بـ ٢٠٢٠ وقد تكون سنه مشؤومه ومن هالكلام


انا عن نفسي شعرت ببعض الخيبه من الاحداث و الكوارث اللي صارت
و تشائمت من اللي صار وهذا غير اللي صار بحياتي الشخصيه بعد


بس عندي قناعه تامه ان اذا تفائلت راح يتغير كل شي بنظري الى افضل حال
و متفائله ان القادم راح يكون اجمل وافضل من كل ما مضى
ومتأمله خير بالشهور القادمه
و " ان بعد العسر يسرا "


اتمنى من بداية فبرابر ان يتغير كل شي للافضل و يعيش الجميع بأمان و سلام


.
.​

 

[R E E M]

.
.
.

^

لوحه بعنوان :
" ابتهجي يا ريم !! الدوام يوم الاحد "


.
.​

 

[R E E M]

.
.

يقول الشاعر جريس دبيات :

في عينيك ارى دنياي
في عينيك يصير الحلم حقيقه
يستل الصبح بريقه
ويبل الظامىء ريقه
يكتشف الناظر بعد ضياع الامس طريقه

من عينيك يطل الفجر
تتوالى ضحكات الزهر
تنتثر مع الصبح حكايا
تختصر الازمنة الدرب
لتصبح تحت الجفنين المرتعشين حديث مرايا

اذكر اني ابصرت الدنيا
لا اذكر
اذكر اني جئت الى عينيك سفيرا
لا اذكر كيف بدأت
لا اذكر كيف اجتزت سبيل العمر
اعرف اني في عينيك
اظل صغيرا


.
.​

 

[R E E M]

.
.



#رسالة_اليوم

عليك ان تؤمن أن الفرص وفيره والأبواب كثيره و الأرزاق غزيره
والآفاق عديده والعطايا مديده و خيرات الرب منهمره و كرمه واسع لا ينفذ
عليك ان تدرك ان هذه الحياة رحبه أكثر مما تظن و فسيحه أكبر مما تتصور
لا تضيق على نفس واسعاً ولا تحصر ذاتك في إطار محدود


فـ بالنهايه
" لو طريقك صعب أعرف ان نهايته حلوه "

.
.
.​

 

[R E E M]

يقولون " الضربة التي تؤذيك تقويك "
و يقولون " احيانا تبكي من طهر قلبك "

.
.

اكتشفت ان الانسان مستحيل ما يمر بموقف يغير فيه كل شي
مو موقف واحد ! مجموعه من المواقف تمر فيها و موقف عن موقف توعي أكثر و اكثر باللي حواليك
او توعي أكثر بنوعية الناس اللي بحياتك مهما كانوا هالناس قراب منك !
اعطاء الفرص اكثر من مره قد تؤذيك انت لان الطرف الثاني ما استغل هالشي او ما قدّر هالشي بالمره
لكن !
انت لازم تمر او تجرب انك تعيش هالمواقف و تعيش هالألم عشان بالنهايه هالمواقف اهيا اللي راح تقويك و تخليك تكمل حياتك بكل قوه و بكل حرص و بواعي تااام جدا
.
.

فـ الحمدلله ان ربي انار بصيرتي وانار قلبي وخلاني انسانه واعيه أكثر من قبل
والحمدلله على شعور الراحه من بعد الألم

.
.


​