انمي تون AniMe TOoN

ههههه انا حاسه انه بيرجني مدري على كذا متى باخلصه
شايف كيف الرعب لا عادي الكلمات اذا لها بالعربيه الفصحى بافهم بس جيب لي كلام عامي تلاقيني متنحه
اوه ماجا ببالي الموضوع اصعب من الي ببالي اجل نسهل عليك الاختيار اتذكر اني شفت اعلان على فلم الرجال يبغى يكون له حضانه ابنه بعد ما تطلق من زوجته ما اذكر الاعلان و لا اسم الفلم بس الرجال و ابنه كانو يدوروا بالشوارع و هم سمر
امحق وصف بس سلك نفسك فيه

اوووه عيل الله يعينك
بعكس كايجي خلصته تقريبًا بجلسة وحده
يب يب ما أقصد ما بتفهمينها ، أقصد تستغربين لأني قلت كلمة فصحى < تصير لي وايد
لاااااااا أنتِ من جد تبين تسهلين الموضوع ولا متعمدة تصعبينه بس تستهبلين وياي ؟

ما أعرف الفيلم اللي تتكلمين عنه بس فيه حساب بانستغرام كل أسبوع يسوون فقرة للي يعرف قصة فيلم بس ما يعرف اسمه يقول قصته والبقية يساعدونه .. ممكن أكتب وأشوف أو أعطيك الحساب تسألين بنفسك
أما بخصوص النوعية الpsychological فما عليك عندي عدة أفلام .. بس يعني اصبري علي وأضبطك إن شاء الله

قبل كل شي الف مبروك اللون طالع كشخه عقبال الاحمر ان شاء الله
+اوه تروج لي كايجي خلاص ما باقي غير شوي و ابدا احمل فيه ولا يهمك
انا عادي اكثر وحده عندها تكسير و تجيب من الفصحى و من لهجات ثانيه انا فماراح انتبه ان في فرق فخذ راحتك

ويش دراني على بالي مر عليك او تذكر شي مشابه لاني شفت الاعلان عليه انه في السينما من زمان فما اذكر القصه زين
اقول لا تروح تسال و اطلع مخربطه الاحداث و تتفشل
طيب جيب لي حد عنده مرض خطير و نضاله مع المرض حتى لو بيموت بالاخير عادي
خلاص مافي مشكله بانتظر خذ راحتك

الله يبارك فيك حبة حبة أول أخضر بعدين نفكر بالأحمر
يب يب ترا كايجي ومونستر اثنينهم أعتبرهم من التوب ١٠ عندي
اووه حلوو طمنتيني أقدر أتكلم براحتي من دون تعجب

مدري صراحة ما أعرفه xD
مرض خطير أعرف فلمين وأظن اثنينهم فيهم شغلات مش ولا بد
بس زي ما قلت بتأكد أو بشوف غيرهم وبجيب لك ولا يهمك

لا ما عليك خلي احلامك كبيره و بتوصل
حلو اخلص منهم و اشوف باقي قائمتك
عادي خذ راحتك و تحدث بلا حرج
افا مرض خطير و فيهم مش ولا بد هذا بيموت و لا رايح اجازه
كأني سمعت ان في فلم على ولد كان عنده سرطان و معاناته مع المرض ما اعتقد فيه شي هذا ولا

إن شاء الله
اوك < محد فرحان لأنك تاخذين بذوقي وكذا
هههههههههههههههههه عجبتنييييي ذي
مدري مو متأكد من الفيلم اللي تتكلمين عنه
^ معلومة بسيطة:
أنا مالي وايد بالأفلام على فكرة ، يعني ما أعتبر شفت أفلام وايد
+ أنا من النوع اللي ما أقرأ قصة شي ما شفته .. وعشان كذا إذا شي ما شفته تلقيني ما أعرف قصته حتى لو كان فيلم مشهور

طيب ذوقك حلو خليني استفيد منه
من جد ما ادري ايش دخل هذي الامور بالفلم خليني بالتصنيفات العائليه اهون
ما عليك تظل اهون مني انا الافلام الي شفتها معدوده الا لو فلم انيميشن الكلام يختلف
انا لازم اقرا ايش القصه عشان ما يطلع فيها مش ولا بد و لا شي ما يعجبني
حتى افلام الرعب فيها مش ولابد احس المخرج عقله مصفي ناس بتموت و شي يطاردها ليه يدخل شي زي كذا ما افهم

لا كذا بصدق نفسي
يب يب غصب يدخلون هالسوالف بكل شي
اوووه لا أنا حتى الأنميشن مو وايد
ههههههههههه يخليهم يستمتعون بأيامهم الأخيرة
رحت أتأكد من الفلمين اللي عندي اللي أبطالهم مرضى.. فعلًا ما ينفعون xD
لو ما قدرت أجيب من هالنوعية بجيب لك أفلام نفسية

لا صدق صدق
الله يعينهم عقولهم خربانه لازم لهم مثل ما يقول اخوي قلع راس و تركيب جديد
لا الانميشن عندي مثل الانمي فبتلاقيني اتابع كثير و اهون من ناحيه الاشياء الي مش ولا بد بس طبعا التصنيف العائلي في تصنيفات ثانيه ما اقرب منها

بس اذكر شي ما ادري اعتبره انيميشن و لا ايش اسمه لان الشخصيات كانوا صلصال و اشكالهم زفت بس القصه كانت فريده و هي قصه حقيقيه على بنت و شايب كل واحد منهم بدوله بس بدؤا يتراسلوا و نمت بينهم صداقه فريده البنت كانت تعاني من عائلتها و الرجال كان اصلا تقريبا من المعاقين عقليا نوعا ما ما اذكر بس تاثرت و بكيت بكم من مقطع

بس بعد ما ينفع للبزران من اكثر من ناحيه سواء الحوارات و الافكار و بعض المشاهد رغم انها ما تجي حتى ربع الي في الانمي بس ما عليه
خلاص ننتظرك و خذ راحتك عارفه عندك اشغال ثانيه فلا تضغط نفسك خاصه الحين كبار مراقبين المسؤوليه صارت اكبر

من جددد
آهااا.. هو أنا بشكل عام ما أميل للأفلام وايد بكل أنواعها ، يعني حتى أفلام الأنميات عادة أسحب عليها
بس أحيانًا يكون لي مزاج للأفلام خاصة ب ويكند أو إجازة قصيرة -مثل الحين- xD
هذا اللي تتكلمين عنه فيلم يعني ولا مسلسل؟ وش وضعه يعني -حسيت أثار اهتمامي من وصفك له-

هو أنا بصراحة قلت يمكن أتأخر لأن جاتني فكرة أرفع أكثر من فيلم بموضوع واحد وآخذ ختم إداري
بس المشكلة من زمان وأنا أبي وسام الأختام الإدارية ف مابي أنزل موضوع واحد بس وأوقف < برا
ف بتبع خطة ثانية يعني

اوه انت تتابع مسلسلات اكثر من الافلام اجل تعرف مسلسل قود داكتر اخوي يمدح فيه كثير بس طبعا ما راح يعطيني نت اشوفه فألغيت الفكره
انا اميل للافلام لان ما لازم لها نت كثير و تخلص بسرعه
ايه فلم بس صلصال اشكالهم اسمه ماري و ماكس بس ما اعتقد بتتحمس له بعد ما تشوف اشكالهم

ما عليك خذ راحتك لسات عندي مونستر و كايجي فما مستعجله
مونستر لحاله لازم له مده
شد حيلك و خذ الوسام
حتى انا قاعده اجهز عشان اخذه هذا الشهر باذن الله دعواتك

يب يب أميل للمسلسلات أكثر
يب أعرف ذا غود دكتور تابعت الموسم الأول .. بصراحة مسلسل عادي جدًا ما أحسه بالمستوى اللي توقعناه قبل عرضه بس نشوف يمكن يتحسن بالحلقات الجاية xD

اووووه هذا الفيلم ايه عرفته .. فيه واحد أثق بذوقه نصحني به وحطيته باللستة الطويلة التي لا تنتهي حمستيني له أكثر الحين + أنا ما أهتم للأشكال أو الرسم وكذا كثر ما يهمني المحتوى
اوك ولا يهمك + إذا بديتِ تتابعين قولي لي خل أتحمس وياك
اووه نااايس يلا شدي حيلك ومنها تاخذين لقب الملك بعد

اوه طلع عادي اعتقد اخوي شاف مقطع له و عجبه مدري اذا عاد تابع
ما دام تهتم بالمحتوى صدقني بيعجبك ما ابغا احرق عليك ما راح تفهم لين تشوف
اخيرا لقيت حد يقدم المحتوى حطيت قبل يومين مانجا في قسم المرفوعات كل الي ركزوا عليه الرسم رغم ان القصه كانت حلوه بس ما اعتقد بيفهموها لازم لها شخص عميق بتفكير نكدي مثلي عشان تعجبه