انمي تون AniMe TOoN

ههههههههههه أنا كان قصدي من اللي درسته ، بس يلا حتى الأفلام ما تقصر
المثل بس أحس هذي الحياة أصلًا تمشي كذا
اييييه حسيت بس هو يُنطق يوهان
اوك تلقطين التلميحات أحسن من أنك تنصدمين بها قدامك خذيها من ناحية إيجابية
أما أنا ما أنكر أني أستمتع بمشاهدة أتاك اون تايتن .. بس ما أحب كمية المدح المبالغ فيها أهدا من كذا
وااااو لهالدرجة الوضع كذا ب نجران الله يعينكم عيل

اوه صدق ما قد سالتك ايش تخصصك انت
ايه الافلام تعطيك نظره اعمق للاشخاص بس طبعا على حسب الفلم و تركيزه على الناحيه النفسيه
ياخي ذكرتني لما كنت بالثانوي و شفت الهبل قدامي و مدرسات بعد كان حظي نحس ادخل على مواقف و انا استحي و هم و لا شي هامهم فاكيد باتحسس من التلميح

هههههه انا اي شي تلاقي الناس كلهم مسويين ازعاج و مادحين فيه بزياده من الله تحسني بعدت عنه مدري ليه اقرا بس عليه بس كميه المدح تخليني ابعد و الي يعجبني ما الاقي ناس كثير حابينه
لي ذوق غريب و خاص فيني و اكره المط بكل انواعه

لما بدت الحرب باليمن نص الموجودين هجو اما لجهات من المدينه ابعد عن الحدود او هجو من المدينه كلها بتلاقي جهات فاضيه كثير الحين
رغم ان ما عاد فيه قذايف مافي الا الناس الفقيره او الناس العنيده الي ما راح تترك بيوتها يعني الشي الوحيد الي ما راح تلاقيه بنجران زحمة السير حتى من زمان ما كان فيه زحمة
اوه اخر شي المشاريع يبدؤا فيها و بعدين تجلس سنين و هي واقفه زي ما هي ما خلصوا الا النص

يب أدرس طب xD
يب يب وبعد المسلسلات الأفلام اللي يورونا فيها الشخصيات تتطور وتتغير مع الأحداث اللي تمر فيهم بالذات لما يورونا الأشرار كيف صاروا أشرار
بعكس بعض الشغلات تلقين فيها الشخصيات أصنام من البداية للنهاية على ماهي < مثال بسيط اتاك اون تايتن
لحظة لحظة .. ما استوعبت سالفة الثانوي زين =\ قصدك شفتِ شي كذا ع الطبيعة ؟

ههههههههههه سالفة المدح ذي قاعدين نتكلم عنها أنا وجويلان بعد نفس الشعور
بس واضح أن ذوقك أصعب من ذوقي بمراحل -وأنا اللي كنت مفكر ذوقي صعب-
اوووه =\ عاد أنا ما أعرف شي عن نجران -ولا عن ٩٥٪ من مناطق السعودية-
بس حسيت جاني فضول أقرأ عنها وكذا وأنتِ تشرحين معاناتك الله يعينكم والله =\

ما شاء الله ربي يوفقك
ايه فعلا الافلام الي مثل هذي تكون حلوه تتعمق بالشخصيه و تخليك تفهم ايش الي حاصل بالضبط بس للمعلوميه مو كل الاشرار لان ماضيهم حزين في ناس من كثر الفلوس ما عاد عندهم حس و يفكروا حياه الناس لعبة

ايه كان عندي بالثانوي بس تقدر تقول وضعيات مريبه زي الي سانده ظهراها للجدار و الثانيه مقابلتها و حاطه يدها على الجدار شي زي كذا يعني كانوا معروفين بالمدرسه كلها معلمتين و في بعد بنتين
كانت مشاهد تغث الكبد الله لا يرويك مدري اذا باقي المعلمات عارفين عليهم

ههههه على المدح بعض الاحيان تروح تشوف الشي من كثر ما مدحوه بس يجيك احباط و تقول بنفسك اذواق الناس صارت بايخه ولا انا ما عاد يعجبني العجب
ايه ذوقي صعب بس بعض الاحيان مع الطفش امسك انمي قصير و اتابع حتى لو ما عجبني عشان امشي الوقت و اشوف نهايه الغباء الي بالانمي
مو كل شي سيء هنا عني انا احب هدوءها و ان في مزارع و ما فيها ناطحات سحاب كثير فتشوف السماء الواسعه هذا اهم شي عندي

جميعًا يارب
يب يب أكيد
وااااات لا حوول الطالبات بعد اوك ممكن بس المعلمات ش وضعهم واذا مشكوك فيهم كيف أصلًا كملوا بالمدرسة
ايييييه من جد والمشكلة لما يرتفع مستوى تطلعاتك للشي بسبب مدحهم ف تحسين لو شفتيه من دون ما تسمعين عنه ممكن بيعجبك أكثر!
آهااا زين يعني طلع فيه شغلات إيجابية بنجران

مدري عنهم لا و المشكله موادهم وجودها مثل عدمها لو حذفوها كان اخير
و وحده منهم ما تجي الا ثلاث أيام بالاسبوع على اساس ان في عجز بالمعلمات ولازم تروح جهه ثانيه تدرس هذا و ماهي الا مادة المكتبه
كرهتنا عيشتنا أشوى دخلت علمي و افتكيت منها من جد غثيثه و اذا نقصت حرف من التعريف او الكلام بتنقصك
و الثانيه حق فنيه كنت أكرها و هي تكرهني و شكيت عليها انها تظلمني بالدرجات و بعدها صارت تديني ممتاز غصب عن انفها

ايه من جد ليتهم ساكتين كان أحسن ولا يجو يمدحوا بانمي وتلاقيه فاسد من جد و مافيه شي عليه القيمه لا قصه و لا شي مدري يمدحوا الفساد الي فيه و لا ايش الي عجبهم بالضبط

ايه أكيد في كل مكان و كل دوله و كل بشر إيجابيات و سلبيات إذا نظرت للموضوع بحياديه تامه بتلاقي ان البشر هم البشر وين ما كانوا >> اتفلسف انا الحين
بس على العموم الي يجو من برا ما يعجبهم الجو و بعضهم يقول مكتوم يجيب المرض مدري ما قد رحت اي منطقه ثانيه عشان احكم بنفسي

بعد هههههههههه عشان كذا شكله من الفضاوة يسلون نفسهم بقلة أدبهم أستغفر الله xD
واو كل هذا عشان مكتبة من جد هالمادة غثيثة مدري ش تبي من الحياة من جد يا زين العلمي نعمة فكنا من أغلب المواد الغثيثة
ياخي سبحان الله أحس بكل مكان مدرسين المواد الخايسة لازم ينفخون بموادهم غصب يبون يحسسونك أنها أصعب وأهم مادة

ذكرتيني بالفنية بمتوسط كان يتفلسف علينا ع الرسم وما يعجبه العجب، و يطلب منا رسمات غريبة عجيبة وكلها خيالية بمعنى الكلمة .. تصدقين ٣ سنوات كاملة ولا مرة رسم لنا شي ؟؟ لما يطلب رسمة يقعد يوصف وش يبي بس ما عمره مسك قلم وورانا رسمة

اييييه .. من جد خاصة اللي يمدحون الأنميات المعوقة ش وضعهم ؟ زي فانز طوكيو غول .. بالله ؟!! أحس ما شافوا شي بحياتهم غيره وسووا نفسهم فانز و "أوتاكو"

ههههههههههههههه الله عليك
بس يب معاك حق كل مكان له إيجابيات وسلبيات .. زيي أنا الحين
^ استوعبت أظن ما قلت لك أني أدرس برا صح ؟ الزبدة أني أدرس بإيرلندا
المهم يعني بنفسي أشوف المكان هنا فيه إيجابيات ، و فيه سلبيات أيضًا مقارنة بالسعودية ف يعني لما أكون هنا أحيانًا أتشكى من بعض الشغلات ، ولما أكون بالسعودية أتشكى من شغلات ثانية ، و هكذا ف الحمدلله على كل حال يعني

أما الجو مكتوم =\ مدري هم من وين جايين؟ يعني لو من مناطق تعتبر باردة نسبيًا اوك .. بس لو مثلًا من الرياض خل يرتاحون

^ الزبدة سالفة تقطيع الرسايل ذي ترفع الضغط

على الرسم كل مدرسات الفنيه حتى بابتدائي كانوا كذا بلا يقولوا لنا ارسموا شجر ارسموا ليل ارسموا سياره بس ما يعلمونا شي و لا يرسموا شي بس هذي كانت شي ثاني تطلب اشياء غريبه و تحب تلعب بالنعمه بدل ما تخلينا نجيب عجينه السيراميك من السوق أجبرتنا نجيب طحين و ملح و نخلطه و نسوي أشكال و ورد منه

شوف عادي كل واحد و ذوقه بس لا يجبرني على ذوقه و لا اذا ما عجبني سبني كذا مزودينها زياده كل واحد يحب شي بس لا يسو لنا عصابات عشان انمي
ما شاء الله ايرلندا
يب لما تتغرب بتفهم أكثر هذي الأمور البعض يتعصب لبلده من دون تفكير و البعض يمدح بالجهه الي متغرب فيها من غير تفكير بس حلو لما توصل لمرحله حياديه نوعا ما مافي حياديه تامه

الي يشكو من الكتمه في الاغلب أجانب مثل الكويت يعني أو من الدمام فما ادري على اي اساس بس يمكن لاننا وادي
+ من جد ترفع الضغط ليه محددين عدد حروف معينه عاد انا ثرثاره كيف اسوي بنفسي