انمي تون AniMe TOoN

هايات
أكييد
مع هالستايل أكيد حنكون أصدقاء

طيب انا ميا من سوريا
وانتي؟
ليش ؟مو من ستايلك يعني؟

عاشت الأسامي ناديني جيلو ~ كمان من سوريا
إلا ستايلي خصوصًا هالقرد بحبو

كم عمرك وشو هواياتك ؟!

من سوريا
مبسوطة فيكي
انا عمري 12
وانتي؟
هوايتي القراءة
اممم بصراحة ما عاد عندي هواية بس ادرس لشان انجح بحياتي

وأنا مبسوطه أكتر
العمر كلو لساتك صغنونه
حلو القراءة جربتي تقري كتب وروايات ؟!
أنا عمري 28 ~ يلا كمان الدراسه حلوه < بعض المواد
يلا عقبال النجاح وأعلى الدرجات .

لا مو صغنونة كثير
امممم صح بقرا روايات خيالية ورومنسية شوي
وفي كمان كتب قديمة ادبية جدتي اعطتهملي بقراهم غصب
بس بستمتع بيهم بعد ما بفهم
28 ماشاالله بس مع هيك خلينا نظل نحكي اوك؟
بحب يكون عندي اصدقاء كثير

صغنونه هون مدح مو ذم ما في حدا حواليي من عمرك عشان هيك متخيلتك كيوت وصغيره وهيك
الكتب عمومًا حتى الروايات ~ إن مادخلتي جوها مارح تكمليها < وهالشي بالأخير بيرجع لمقدرة الكاتب بالسرد

28 ماشاالله بس مع هيك خلينا نظل نحكي اوك؟

أنقر للتوسيع...

أكيد ~ بعالم النت خصوصًا مافي هيك شغلات
مابعرف مين حط قانون ان الصغار لازم يحكو مع الصغار والكبار مع الكبار
بيني وبينك قصص الصغارر أحلى وأمتع من حشش ونميمة الكبار
إن شاء الله يصرلك اصحاب كتير وما تشوفي منهم إلا الخير وترتاحيلهم ويرتاحولك

طيب اذا مدح اوووك
لانو ما حد بده يكلمني غيرك انتي وابريل. مو لاني صغيرة يعني؟
اي والله لما بقرا قصة بحس كاني عايشة فيها وبتصير مشاعري مرتبطة ببطل القصة ..لهذا بتفادى القصص الحزينة لاني هبلة و بتدمر
لشان هيك حبيت القراءة يمكن هاد الشي الوحيد الي بيمليليي وقتي
اي احكيلي عنك بحب اتعرف عليكي اكثر
بتمنى لشان هيك تسجلت بحب اتعرف على ناس طيبين مثلك

السلام
ما فتحتي اليوم

حسابي الجديد الاول ضاع مني

وعليكم السلام ~ ايه هاليومين كان كتير فوضى بالبيت
مالقيت وقت ادخل ~
أي حساب ؟!

منورة جيلو هلا فيكي
الحساب الي كنت كلمتك منه قبل البارح بح ضاع
هاذ جديد

أهااا ~ هلأ لستوعبت
استغربت عن شو عم تحكي لأنو نفس الاسم تقريبًا
اهم شي لقيتي حل بحساب جديد

اي صح الحمد الله
كنت خايفة ما اقدر ارجع

لا الشغله سهله ولا يهمك
أكبرها حساب جديد < مع انو تعدد الحسابات ممنوعه
بس للضروره أحكام والإداره هون بتتفهم الموضوع لذا لا تقلقي
هاتي خبريني شو جديدك ؟ وين رحتو وين جيتو ؟ < انا وحده ما بحب الطلعات ابدًا

اي يمكن ممنوعة ما بعرف بس ما كان الي حل ثاني
جديدي اني فقدت الحساب البارح بالليل نمت مقهورة
صحيت بكييييييير لشان اشوف ابن خالتي يساعدني قبل ما يطلع الشغل
وبالفرحة ظليت اليوم كله تقريبا بالمنتدى ما عملت شي

يسعدك هي فررحة الرجعه
مري على المواضيع دامك فاضيه ~ قسم صور الأنمي < هاد أول ما دخلت المنتدى كنت مابتحرك منه
عايشه هنيك 24 ساعة ~ عبري عن رأيك بالي شفتيه وردي على المواضيع
هيك هيك قاعده بالمنتدى ساويلك شغله تسلي

فكرة حلوة
بقدر احط مواضيع انا كمان صح؟

يسس اكيد بتقدري
طلي على قوانين القسم الي بدك تحطي فيه الموضوع عشان مايروح تعبك على الفاضي