انمي تون AniMe TOoN

ايوه صح ليش اختفيت مالك حس ولا خبر من زعل القمر < حولتها اغنيه

أغنية عشان رجعت
انشغلت مع الأهل زيادة مع الكورونا ، مع اني اتذكرج مرة قلتي اني راح اكون فاضي للمنتدى هالوقت
بس الحمدلله كل شي مستقر وأهم شي اني محافظ على الرمزية

المفروض نسويلك بارتي ودي جاي بعد هالغيبه
يوو يوو مان
..
ايوه قريت تدوينتك قلت انك سجلت دوره عاد اونلاين ونسيت باقي الكلام
ياخي الناس ملو من التون عشان كذا اختفينا انا صرت ادخل كل اسبوعين او اسبوع وبعدها ادري بتصير شهور وسنوات
..
انا من اول يوم عيد رحت اتابع مسلسلاتي ومسلسلات جديده طايحة بنتفلكس وشوي ب ايجي بيست
بس الافلام مالقيت شي يحمس احب افلام الكوارث الطبيعيه طبعا ختمتهم كلهم ?
...
انت الوحيد الصامد ومحافظ ع الرمزيه ق4
اذا مليت منها غيرها مو لازم تخليها ههههههههههه

الله الله
..
اي دورة اخراج وتمثيل تجهزي يمكن بيوم أصير ممثل ، وقتها سويلي حساب فانز حسن
ههههههههههههههههههه اللي قلتيه وارد ، يمكن ملينا يمكن نحس بالذنب لأن تاركين أشياء مهمة ×_× ، بس لا انا اقدر اوازن يعني
..
افلام كوارث طبيعية نفس شنو؟
مسلسلات ماااا اقدر اتابع ابدا ما اتحمل حلقات مادري ليش
..
لااا بخليها ما تهنيت فيها اصلا اول ما حطيتها غبت -_-
..
شفتي "عرض" سوني؟ ولا ما تهتمين للمعارض؟

يعني خلاص النيه مبيته تصير ممثل؟
ولا قلبك اكثر ي صوب الاخراج؟
..
حساب الفانز بيصير حسنين.. لاصرت ممثل خبرني
ياخوفي بس تنسى التون
..
هو كل مع بعض ملل وتحس بتأنيب الضمير بس صراحه حتى لو كنت بالتون اكون اسوي مني مناك بالبيت الفون بيد والمكنسه بيد
..
Crawl 2019
The day after tomorrow
Sanadreas
Volcano
Armagdon
The core
The Imossible
ماتذكر اذا في غيرهم في منهم تابعتهم زمان
ومنهم قبل كم من سنه واخر واحد تابعته هو crawl
...
مسلسلات بدايتي كانت مع supernatural
وفيه مسلسلات ماعجبتني ووقفت
..
العرض الاول شفت منه شوي وضاع مخي وطنشته ماغير يلعلع.. اما العرض الثاني ماشفته ولادريت عنه
يكفيني اعرف السعر والاكسسوارات الملحقه مع الجهاز
هاه عاد دريت بكم؟
شفت فيه جهاز بمشغل اقراص والثاني بدون مشغل وهو الارخص
لماذاا

اهو بصراحة لا هذا ولا هذا ، أحب التأليف أكثر فهذا ان شاء الله بيكون المجال
..
خلاص دام هذا الاسم عيل اتراجع ، بطلب من ريم تسوي
اهو احتمال انسى اهلي بس لا ما عليج
..
ههههههههههههههههههههههه اي والله مافي احد ينفرد بالتون من غير ما يسوي شي ثاني < يوتيوووب
..
سمعت عن بعض هالأفلام ، يعني تحبين الأفلام اللي بس فيهم دمار وبشر يموتون وعائلات تتفكك يالقاسية؟
انا ما اشوف هالنوع من الأفلام .. اتوقع نفس فلم 2012 بعد
..
لحظة في عرضين؟ انا بس شفت واحد اللي فيه اعلانات الألعاب ، ف في ألعاب حطيت عيني عليهم شكلهم ممتعين
لا والله ما عرفت ، اتوقع ما اعلنوا عن الأسعار لأن شفت ناس وايد يسئلون ?

بدون مشغل يعني بس نظامه داونلود من الستور؟

يعني بتأالف قصص وحركات للمسلسلات والافلام ؟؟؟
..
I feel you bro
اوووه يوتيوب اذا طحت عليه ماعد اطلع منه تلاقيني فيديو ورا فيديو ورا فيديو وربي انسجم اقوى شي
امس تابعت يوتيوب للساعه 10 الصبح مدري 9 <صدمه كبيره
..
ايوه فلم 2012 ياقدمي نسيته هذا الفلم عن يوم الحساب زي كذا
..
ايوه احب افلام الدمار والاكشن
واحب افلام الرعب زي سلسة رزدنت ايفل وسلسلة انسيديوس، واندر ورلد..
وافلام الاكشن الكوميدي زي ride along ، +rush houre
وافلام التشويق زي hush + dont breathe
وبعض افلام عالم مارفل والخيال العلمي.. <ماعد خلت شي
كل شي اتابعه ماعدا الاعمال الدرامیه والرومانسيه مااحبها ابددداااااا
..
العرض الاول ماله دخل بالالعاب كان بس زي مقدمة تعريفيه عن الجهاز والخ..
اي العاب حاط عينك عليهم؟
نظام الستور حلو بس المشكله احس التنزيل يخلي الجهاز بطيء شوي غير انه بعدها تسمع المروحه *المكنسه*

هذا شسمه ابن بلادك عنده حساب بالانستا
یحط الاخبار اول بأول

شوفي انشغلت بعد ×_× الحمدلله قدرت أدخل بس
ايي ان شاء الله ما اعتقد افلام ومسلسلات لأن مو حاطهم ببالي ، أحب المسرحيات أكثر وهذا الهدف الحين ح عاد تابعيني وقتها
..
اليوتيوب قمة الادمااان ، الفيديوهات ما تخلص مادري شلون -_-" كل شوي شي يديد
ما شاء الله عليج
..
يعني انتي انسانة تجارية جدا بالأفلام ما تدورين العمق؟ أهم شي الدمار
رزدنت ايفل الوحيد اللي تابعته أول شي بس كان بسبب اني احب الألعاب ، انا والرعب بعيدين عن بعض أحب الرعب النفسي أكثر
بس باقي الأفلام اللي قلتيهم ولا سلسلة تابعتها مارفل تابعت بس بعدين سحبت لأن كلهم نفس الشي
خل نتفق على عدم حب الرومانسي أهم شي
..
الألعاب اللي اتذكرهم :
Little devil inside - البنت اللي بالغابة تركض وتقفز وحوالينها مخلوقات سود - Solar Ash ( مسوين لعبة Hyper light drifter أحبها )
Resident Evil 8 .. الباقي نسيت أو يمكن بس هذيلا .. وانتي في شي ببالج؟

ههههههههه مانقدر عليك يالبزنس مان
اووه مسرحيات هل فيها ربح وفايده مادري عنها صراحه
بس اذا سويت مسرحيه خبرني بتابعها
..
اذا قصدك افلام زي joker عميقه ومثل السيره الذاتيه وكذا لا
اضرب لي مثال بالافلام العميقه يمكن يكونون مروا علي ولاشي
بس احيانا اتابع وع حسب الفلم زي هالافلام تعتبر عميقه بالنسبه لي
Django, the revenant ، cast away
..
احب التشويق والاكشن والمغامرات والاثاره الافلام اللي تحمس دام كذا يعني انا تجاريه 100٪
شوف انا من النوع اللي الافلام جد تأثر علي وع نفسيتي عشان كذا اتجنب افلام الدراما الحزينه والواقعيه والخ..
..
سلسلسة افلام مارفل مو كلها حلوه في منها بايخه
..
افلام الرعب النفسي زي هانيبال
..
اتفق اهم الشي الرومانسيه صفر عالشمال
..
Solar ash ماعرفها اول مره تمر علي
Little devil ماعرفها بعد
ع فكره وانا ارد عليك حاليا اشيك عليهم
هالالعاب فيها طور اونلاين؟؟
ماعرفت شي منهم غير رزدنت ايفل
فيه اختلاف كبير هالمره طور القصه مختلف بشكل كبير احس زومبي ومستذئبين ومصاصي دماء وغير انه منظور اول اقتهرت وربي كنت متأمله ع الاقل يكون منظور اول وثالث يعني اللاعب يختار ع كيفه ???
احس رزدنت ايفل اخر جزء حلو لها كان الجزء الرابع
..
اللی ف بالي حاليا فقط
The last of us part2
Ghost of tsushima
اما رزدنت ايفل بعدني متردده يمكن ايوه ويمكن لا

بزنس ودراسة
..
ان شاء الله بس اسوي مشروع معين على طول بقولج هو حالياً قاعدين
نشتغل على لعبة للأندرويد انا ومجموعة ابن خالي ، لعبة نظام Space shooter
صارلنا مليون سنة نشتغل عليها وصار الكورونا وتعلقنا
..
أفلام عميقة مثل Taxi Driver و King of Comedy وحركات ، أعتقد جبنا طاريهم من قبل مادري ليش حاس بهالشي ، بس المهم
مادري انصحج فيهم ولا لا عشان لا تتأثرين نفسياً .. King of Comedy أتوقع تقدرين تشوفينه وبيكون خفيف لطيف.
إي الأفلام اللي قلتيهم تعتبر عميقة رغم اني بس شفت جانقو من بينهم.
..
Solar Ash و Little Devil Inside يعتبرون جدد ، الآرت ستايل مع نظام اللعب جذبني فيهم وهم اللي حمسوني بقوه ، ما
أعتقد فيهم أونلاين بس ممكن يكون في بالمستقبل.
ايي عاد رزدنت ايفل حالته حالة
هو في أسباب كثيرة لحالته الغريبة ، المخرج شينجي ميكامي هو اللي مسوي الجزء الأول والرابع ، بعدين ترك شركة كابكوم
وهنا فشلوا بالأجزاء 5 و 6 ، لهالسبب بالسابع صار منظور أول ، عشان يبون يسوون نظام مختلف وما يمشون ورا اللي سواه
ميكامي ويفشلون كالعادة .. بس طبعا لما سووا ريميك للثاني والثالث نجحوا بالمنظور الثالث بس مو بقوة نجاح الجزء الرابع.
شرايج بالـ history lesson بس
..
قوست أوف تسوشيما شكله حلو ، ذكرني بلعبة Zelda breath of the wild وما اعتقد بيكون أفضل منه بالنسبة لي بس ان شاء الله
يكون حلو عاد وما يحبط.
لعبتي لاست أوف أس؟

سبيس شوتر نظام الجرافيك حقها زي سوبر ماريو وكذا؟؟
يعني بتنزلونها بسوق بلاي واب ستور او بتبيعونها لشركه ولا كذا حق وناسه وتضييع وقت؟
..
تاكسي درايفر حاطته باللسته للحين ماتابعته ان شاءالله يوما ما
..
ايوه الارت ستايل حق الالعاب اللي ذكرتهم ذكرتني بلعبة سكاي اوف ذا تشلدرين موجوده لعبه حق موبايل وجرافيك اللعبه حلو ونظيف..
..
هو شَوف احس اي عمل ياباني يتدخلون فيه الامريكان ويخلونه بستايلهم يخربون ام اللعبه وقصتها..
رزدنت ايفل ٥،٦،٧ اخس شي والثامن ياخوفي منه وربي القصه باينه من عنوانها ?? الريميك الثالث مالعبته.. ماشاءالله وربي ناسيه كل شي زين ذكرتني بالماضي حق رزدنت
.
زيلدا شفت كثير يمدحونه بس مالعبتها ?
قوست اوف تسوشيما الجرافيك خارق صراحه بس جو اللعب ماادري عنه مع انه سولو احس حزن لو فيه طور اونلاين ع الاقلا شخصين ولا ثلاثه
وذكرني بسلسة العاب داينستي واريورس القديم بس هذا متطور ..
..
لا للحين ماشريت الشريط ولا لعبته متعاجزه واختي كل يوم تقول لازم نشتري ذا لاست او اس نقدر نطلبه بس العجز ياخي
وانت لعبت شي ولا متعاجز

لا مو نفس ماريو، مادري نفس شنو دوري على اسم سبيس شوتر على طول بيطلع لج المقصود.
اي اي بننزلها بالبلاي ستور فقط ان شاء الله
..

هو شَوف احس اي عمل ياباني يتدخلون فيه الامريكان ويخلونه بستايلهم يخربون ام اللعبه وقصتها..

أنقر للتوسيع...

أتفققققققق والله، أصلا انا عنصري ضد الأمريكان بسبب تدخلاتهم وتخريبهم لكل شي ×_×
وحتى اليابانيين يعكرونها لما يبون يعجبون الغرب .. مو لاااازم.
يعني الانطباع سلبي بقوه عن الجزء الثامن اتوقع بيكون نفس السابع بكل شي لأنه نجح عند الناس، بس فعلاً
مافي واحد راح يكون افضل من الرابع أبداً .. بس ندعي
..
اي انا اشتريت السويتش قبل فترة بس عشان ألعب زيلدا، من أحلى الألعاب اللي لعبتها بس لو ما تحبين الهدوء
وتعشقين الأونلاين فهاللعبة مو لج بس انصحج فيها بكل الأحوال.
من أي ناحية ذكرج بدايناستي واريورز؟ انه ساموراي؟
..
الكسل لاعب لعب
متعاجز عن اللعب بسبب الجامعة والله، كل يوم يطلع شي يديد ومعاناة يديدة بس الحمدلله عالأقل اني
قاعد أشوف انمي جزيرة الكنز ومستمتع

اييوه عرفتها سبيس شوتر.. بالتوفيق
..
اليابانيين شفتهم مسخوها يقلدون الامريكان بطريقة اللعب وربي انقهر منهم،،
..
تخيل علقت ف حساب انستا عن رزدنت ايفل الثامن انه مو حلوه نظامها وطور القصه ضاع من بعد الموسم الرابع تعال شف الهجوم علي وربي تعاجزت ارد سفهتهم
كم من واحد صف معي ههههههه قهر وربي
..
السويتش هذا اللي يشبه الجيمبوي بس ع افخم ؟
..
ايوه لانه ساموراي بس داينستي واريورز على اربش *ربشه*
..
يووه انت مسكين نسيت الجامعه حقتك الله يعينك
كم مواد ماخذ هالفصل؟ ومتى بتطلق الجامعه
جزيرة الكنز ماعرف ليش كنت اتابعه بشغف *تهز راسها يمين يسار*

أجمعيين يارب
..
التعليقات بالمواقع دايماً تجيب ردود الأفعال السلبية قبل كنت
أسب أتاك أون تايتن بالحسابات لأني أبي أتهاوش
..
اي السويتش أفخم بضمير بعد اشتريته لأن شركة نينتيندو يهتمون بالألعاب بطريقة مختلفة عن سوني ومايكروسوفت والشباب
..
أتوقع فهمت معنى ربشة مادري بس اي دايناستي واريورز الواحد يلعبها بدون ما يشغل مخه لأن بس متعة
..
ماخذ مادة وحده .. والحمدلله انها مادة ×_× ضغغغغط مو طبيعي على مادة وحدة كل أسبوع مليون شغله نسويها، ف الله يعين
اللي ماخذين على مادتين وثلاث يعني هذيلا اللي قاعدين يعانون من قلب
جزيرة الكنز روعة لهالسبب تابعتيه بشغف صدقيني

ههههههههههه يعني انت من حقين الاحزاب اللي يسبون
يعني تسب الاكس بوكس بعد <كل شي جايز
اتاك اون تايتن تابعت كل الاجزاء بالموسم الثالث ماحس تحمست له
..
انا ماينفع لي اشتري اجهزة العاب لان امل بسرعه حدي سوني وببجي
..
ربشه ماعرف ايش تقولون لها بالكويتي خبصه ولا مادري
..
بس ماده وكلها ضغط غريبه! ماده تخرج ولا
..
جزيرة الكنز لما تكون طفل حلو تتابعه.. الحين لما اشوف جودة الفيديو والرسم اكنسل الموضوع

لا بصراحة ما اسب بس ببعض الأحيان أحب أشوف ردود أفعال الناس لأني ما احب اللي يتعصب لأنمي بشكل عام.
أتاك اون تايتن خايس والله الشخصيات سطحية وميكاسا بكل جملة لازم تقول اسم ايرين
عاد تصدقين بس اسب سوني الاكس بوكس ساحب عليه بكل شي
..
اي هم شايفين ان احنا ندرس اونلاين فقالوا خل نزيد الضغط الواجب مثلا كميته مو طبيعية وكل اسبوع كويز ومحاضرات اضافية
والدكتورة تطول بالشرح فكلنا نسرح ×_×
..
هو جزيرة الكنز فعلا في حالتين راح تحبينهم ، لو كنتي طفلة أو لو كنتي متعمقة بالفن بس
من ناحية الاخراج والتأليف ممتااز بشكل ما توقعته، بس لو كنتي مشاهدة عابرة وما تهتمين وايد لهالأمور ففعلاً ما راح تلاحظين هالشغلات

انا مو متعصبه لاي شي في حياتي اموري طيبه ومريحه
بس احيانا اسب السوني اذا صار صوتها زي المكنسه
الاكس بوكس حصرياتها قليله صح؟
..
ميكاسا دايما تنادي ايرين وايرين دايما يبكي
بس صراحه عجبني الموسم الاول اكثر شي
..
دام الدكتوره مكثره كويزات وشرح هذي ناويه تخلص كل شي بسرعه بسرعه عشان تفتك منكم وتريح نفسها
اتذكر دكتور كان يدرسني تاريخ حضارات العالم ياربي تعرف هذاك النعاس الثقيل اللي يخلي عيونك تتقفل وراسك يطيح دايما بكل محاضره كذا، ومره من المرات سحبت معي صديقتي تحضر معي المحاضره علشان اصحصح وربي كلنا نمنا
..
انا مو متعمقه بالفن خليت الفن لك ولأهله

أحسن شي
هذا اللي اسمعه عن الاكس بوكس، انا ما عندي جهازهم لأن ما يجذبوني بس في لعبة كانت بتكون حصرية
لهم اسمها Scalebound كانت بتكون روعة بس كنسلوها الأخوان اللي مسوي هاللعبة اهو مسوي Devil May Cry
يعني كان نجاحها مضمون، بس عكروها والله وتكنسلت
..
بالضبط
اي الموسم الأول كان احسن شي عشان الأكشن بس، اللي بعده كان استغفرالله يعني
..
والله وضع الدكتورة غريب، مادري تبي تخلص كل شي ولا تبي تبطئ شرحها كثر ما تقدر ×_× اتوقع عشان صيفي فالأمور ملخبطة.
يارباه تاريخ حضارات العالم من اسمه يدوّخ وما تنلامين على النوم
..
عاد كله اتفلسف بالفن، ساعات اكون غلطان بس محد يلاحظ احمد ربي

الاكس بوكس احيانا تكون حصرياتهم كشخه بس مشكلتهم انها قليله جدا.. يعني تحس مافي فايده ترمي فلوسك عليها
اخواني وعيال خالي عندهم الجهاز بس الاصدار القديم معاملينها معاملة الجدار حتى لما كانت جديده.
مثلا عندك لعبة بايونتا تشبه ديفل ماي كراي، مكملين البارت الجديد ع الاكس بوكس احس انقهرت
وديفل ماي كراي احس اخر جزء يعني مشي حالك ماحبيت جوها عكس الاجزاء القديمه الثالث والرابع
......
لحظه الصيفي عندكم شهر ولا شهرين؟؟ وكم صارلك من بديت الصيفي
..
ولا مره اخذ صيفي بإجازه الصيف ماحب اضيع الجو الكشخه والسهر والوناسه