انمي تون AniMe TOoN

تعامله مع الحياة مُلهم ه
تمام ناطر رايج

اي والله الجامعة كانت ماخذة وقتي بضمير، الحين لقيت وقت اتنفس فيه الحمدلله
دامت أيامج

تعامله مع الحياة مثالي.. قدوتي

الجامعة وبلاويها اجل
خلص فصلك؟!

بالضبط
باقي الفاينل بعد اسبوع تقريباً وينتهي الفصل بإذن الله

ومتى تتخرج؟!
الله يوفقك

انا خلصت فصل بداية التخصص

ان شاء الله بعد فصلين وخلاص، يعني يا اتخرج صيفي او كورس أول السنة الياية
أجمعين يارب

حلو والله وشلون الوضع؟

قريب
شد حيلك

الوضع اني شاكة بعيد مادة الIT لأن الاختبار انغلق علي وانا ما مخلصة وما حالة ١٠ اسئله

+
برود سايتاما يذكرني ببرود رانبو سان من انمي كلاب الادب الضالة

ان شاء الله
اوه عاد هالحالة تنرفز فعلاً، صارت بوايد ناس أعرفهم بس دامها يت على مادة وحدة الحمدلله

+

مو شايف هالأنمي بس اقتنعت انه برود ناجح

ترا ما منقهرة طالعة بكل ثقة اقول لأمي ترا بعيدها المادة

+
يفوتك الانمي حرفيا.. تصنيفه سينين وهذا يخليه احلى

الحمدلله شي جميل هذا

+
ان شاء الله لو شفته راح أقولج، بحثت وطلعت سامع فيه من قبل بس حالياً
قاعد أشوف وايد أشياء فمطوّل

جميل لدرجة محد يبيها

+
يب اهم شي لا تفوته..
شو تشوف؟! *تبغى تغش

حالياً أشوف:
Cyborg 009 (جداً جداً رائع برايي الشخصي)
Sherlock Hound
Tentai Senshi Sunred (مشابه ل ون بنش مان وايد)
Dungeons and Dragons (كرتون أمريكي قديم جداً)
شوي أشوف فلونة من فترة لفترة

وااه.. كلهم ما عمري سمعت عنهم غير شارلوك تقريبا
انا اشوف ون بانش مان.. ومن يومين مخلصة اباري رانمان و حاطة كثير بالقائمة

هو نحتاج تجديد خاصة بين انميات الغموض و الاكشن.. من زمان رحت اشوف وسط الاكشنات ( Runway de waratte) انمي لطيف وخفيف وحتى لو دراما.. الدراما فيه كانت حلوة ما مصخرة مثل بعض الانميات

اي قاعد أشوف أنميات محد يعرفهم قبل جم شهر شفت فيلم اسمه The were eleven كان حلو بعد.
عجبج اباري رانمان؟ بس شفت بوستره من قبل..

بالضبط صحيح الأنميات اليديدة دايماً متشابهين بكل شي وخلونا ندوّر على شي مختلف، بالنسبة لي لقيت الاختلاف
بالأنميات القديمة، مشكلتي مع الأنميات اليديدة هي أن أسلوب الكتابة ما يختلف أبداً على الرغم من اختلاف الأفكار،
يعني الشخصيات قاعدين ينعادون بكل الأنميات، كل مرة البطل غبي كل مرة الشخصيات الثانوية كوميدية كل مرة
تطلع لقطة حزينة ويقطعونها بكوميديا فجأة، يعني خلاص حفظت كل شي خصوصاً ان أنا ما عندي صبر بمجرد
ما أشوف شي ما يعجبني على طول أصكّر الحلقة، ما عندي نظام اني أنطر 5 حلقات على ما يصير حلو.

اباري رانمان حلو صح..
اباري شخصيته حلوة رغم انه ما يهمه شي ..

هممممم.. ما كلهم يعني أباري رانمان ما كذا.. شخصية البطل ذكي ومخترع وبارد *تحب الباردين

انا اقول لك ليش.. العرب يحبوا انميات الشونين وتنشهر بسرعة وكلها نفس ما قلت.. ما شفت شخصية ذكية كبطل شونين غير ميدوريا وتانجيرو ..
كلاب الادب الضالة صح سينين بس شخصية البطل بعد ما غبي وحلوة شخصيته بس اكره كثر لومه لنفسه.. بعض الفانز يقولوا عنه خروف عشانه لطيف مع الاخرين .. بعد الانمي ما فيه حركة ان البطل الثانوي احلى شخصيته وينحب اكثر من البطل.. ف كلاب الادب الضالة كل الشخصيات لها شي يميزها وكلها تنحب حتى الاشرار حلوين وشخصياتهم حلوة حسبي الله ..

اما عن كسر جو الحزن بكوميديا بعذ ما شفت ذا الشي ف كلاب الادب الضالة.. الحزن حزن والكوميديا كوميديا سوداء

ع فكرة انمي كلاب الادب الضالة الشخصيات اساسا حقيقية وهم كاتبين..
وقدراتهم ف الانمي بأسماء كتبهم ف الواقع..
ولو قرأت سيرتهم الذاتية تلاحظ انه فيه تصرفات نفس اللي ف الانمي

يعني مثلا دازاي حلم حياته يموت منتحر ودازاي الحقيقي كان كذا.. بس شخصيته ملهمه و وجوده بالانمي عجيب..
هممم.. شخصيته تقريبا نفس ريغن سينسيه..

اي انا تحديداً بكلمة "غبي" كنت أقصد "ساذج"، ميدوريا و تانجيرو أثنينهم ما حبيتهم لهالسبب (رغم اني كنت
أحب ماي هيرو أكاديميا قبل) أثنينهم فيهم سذاجة وتكرار مو طبيعي ما أحسهم بشر طبيعيين، أبطال الشونين
خلاص صار لهم طابع معين مستحيل يتغير وهذي مشكلتي مع أنميات الشونين كلها، يعني بالحلقة الأولى
أهل تانجيرو يموتون، ببداية الحلقة الثانية على طول لقطة كوميدية ولا كأنه صاير شي وبعدها لقطات
كوميدية و شرح زايد عن اللزوم لأشياء ما تحتاج شرح، فتركت الأنميين ومعاهم وايد أنميات

حلو خليتيني أهتم لكلاب الأدب الضالة ان شاء الله راح أشوفه على يوم
بس حتى الأنميات اللي تاخذ نفسها جد دايماً أشوفها تطيح على وجهها لمحاولاتها الفاشلة لبعث شعور الجد
والظلام، نفس فينلاند ساجا اللي شفت منه حلقتين ونص قبل ما أصكره وأكمل حياتي بالمقابل لما شفت
جزيرة الكنز حسيت ان الكاتب مهتم بالطبيعة البشرية، فتلاقين الحوار يعبّر عن معاني كثيرة مع الحفاظ على
الطبيعة والبساطة.

ميدوريا يعجبني بس بسبب ان المؤلف حاط انه يحلل كل ساعة مكرهني فيه
بالنسبة لتانجيرو هو يتصرف كأخ اكبر وحياة اخته تهمه.. حبيت اهتمامه بها وانه طول الوقت يفكر فيها وانه ما استسلم لمجرد موت اهله واستمر وهو قال ذا الشي بالانمي.. +جو الكوميديا ضروري ف أي قصة عشان الناس ما يملوا
صمت تركت كثير انميات ما كملت ٩١ days و سومالي عشاني مليت مدري


يبب فهمتك بس تأكد ان بونجو(كلاب الادب الضالة) بيعجبك لأنه تقريبا متكامل ولا تصدق اللي يقول لك جو عصابات عشان سوالف مافيا
جزيرة الكنز اللي قائدهم يقرأ اشعار ناكاهارا تشويا ؟!
احزان.. بديت اشتاق لبونجو

عارف سبب كوْن تانجيرو يتصرف بهذي التصرفات، ولكن كان الأفضل من الكاتبة أنها تركز على كوْن تانجيرو "انسان"
قبل ما يكون "بطل شونين"، والإنسان الطبيعي يظل حزين لفترة وبعدين يرجع لحياته وهذا اللي شفناه ببعض الأنميات
من بينهم Gurren Lagaan اللي صار فيه شي معين واستمرت الحلقات بأجواء حزينة إلى أن تعدّلت الأوضاع بشكل
تدريجي، اللقطات الكوميدية لازم الكاتب يعرف متى يستخدمهم، ولما يكون مكانها خطأ، تقلّل من أهمية الأحداث اللي
قبلها، وهذا اللي صار مع تانجيرو لما استكمل حياته بدايةً مع لقطة كوميدية مالها معنى وبعدين لقطات كوميدية ثانية
مو كأن أهله ماتوا من فترة
الشعور بالمسؤولية والتفكير بأخته حلو ولكن ما يكون هالشي على حساب شي ثاني، خصوصاً وأن شعوره بالمسؤولية اتجاه اخته
هو استكمال مسؤوليته اللي كان يحسها اتجاه أهله، فكان الأجدر من الكاتبة إنها تورّينا مدى الانكسار النفسي نتيجة موت
أهله وبعديين تكمل الأحداث وتضيف الكوميديا تدريجياً.

اي عادي مهما كانت أجواءه المهم يكون مناسب مع فكرة الكاتب
جزيرة الكنز بالياباني Takarajima

اتفق معك بس ترا ما كل نوع المشاهدين واحد
وكل شخص عنده فكره ف رؤية المشاهد..
ويمكن اساسا مخد لاحظ ذا الشي بس كان عندي شعور سئ من ناحية انه لازم يتحمل مسؤولية اخته ومسؤوليه الحزن..

نحن نلوم الكاتبة وما نلومها بنفس الوقت عشانها فكرت بأكثر من نوع للمشاهدين


احس لو جلست امدح بونجو ما بخلص عشانه حرفيا كان جوي و الشخصيات بعد

اوكيه ما شفته من قبل..
وتأكدت ان ذاك الانمي اسمه سفينة الفضاء

صحيح بس اتوقع محد لاحظ هالشي لأن الكل تعوّد على ان مستوى الأنميات يكون ناقص لهالدرجة، يعني
مثلا بالسابق كنت أعذر الأنميات اللي يحطون كوميديا فجأة مالها داعي وكنت أقول "كل الأنميات جذي"
ولكن الحين اكتشفت ان مو كلهم جذي فهذا خلاني أنتقد وألاحظ أكثر.

حلو حبج لبونجو