سمعي يا ستي قاعدة بغرفتي وعم ادرس وعين الله علي قمت نزلت لتحت عشان اشرب مي وماما ما كانت هون راحت لعند مرت عمي عشانها من يومين ولدت ههه اي المهم وأخي عم يلعب ببجي ودخلت عالمطبخ وشربت وقعدت بالصالون عالكنباية وما لاقيتلك الا صرصور عم يمشي بالأرض هاد يلي لونه بني وشواربه طويلة كتير وقفت عالكنباية وصرت صرخ لاخي والخايس ماعم يسمع حضرته حاطت سماعات طلعت لعنده ورح بوس رجليه لحتى يقوم يقتله بزور لحتى رضي نزل ضربه بالشحاطة ورجع يلعب وانا هون ما حسنت اشيله خفت يتحرك ويطلع علي وهون كان الصرصور ميت تقريبا عشان الضربة قوية دخلت عالمطبخ وجبت سم الصراصير هاد يلي ينبخ زي العطر لونه احمر اي ألمهم وبخيت شوي عليه وما لاقيتلك الا ورجع يتحرك مرة تانية انا هون بكيت مثل يلي شخص رسب او شي هههه مسكت هالبخاخ وبخيت نص اللعبة عليه لحتى مات وانا هون مدري شو صرلي وصرت اسعل وعيوني يدمعوا واستفرغت وقلبت على ظهري مثل الصرصور من الريحة واجت ماما وشافتني بهالمنظر صارت تفتح البواب والشبابيك عشان تروح الريحة وغسلت وجهي ورجعت زي ماكنت بس صرخت علي لانو بخيت كتير وقالتلي هاد سم يا دبة انتي وقعتي عظهرك مش الصرصور هههههه
وأهم شي صرخت علي اخي لانو قتل الصرصور وما شاله ويعرف اني اخاف منه وما اقدر اشيله ومحروم من الايباد لأسبوع كامل