انمي تون AniMe TOoN

فديت الي بتفتح موضوع

انا مشكل اي شي بشوفو حلو بحضرو

ماعندي شي بحضرو اكتر شي
بتشوفيني فترة لازقة بالانمي
و فترة بالمسلسلات الاجنبية

طبعاَ العربي ما بحب احضر بحسو مستهلك ( الاغلب ) في مسلسلات حضرتها بس بعد ما كل الشعب نصحني اني احضرو عدا هن هيك ما بحضر

بس حالياَ عم عيد بليتش للمرة التالتة

و انتي ؟

حلو زي زيك والله

بتعيدي ببليتش
انا تابعت الجزء الأول لحد الحلقة،200 و اشي و انا بني آدم مستفز تركت الانمي عشان شخصية
و مش قادرة ارجع اتابعه مع انه ايتشيغو من أفضل الشخصيات بالنسبة الي

حاليا بعيد جينتاما للمرة المدري كم

جينتاما حلو ؟
انا سمعت انو كوميدي و انا بحب الانميات الكوميدية

بتنصحيني تابعو بدل ما عم امتحن ببليتش

هو انتي بتسألي؟
بتسألي؟! ولك جينتاما يعني شو احكيلك لاحكيلك

هو مو بس كوميدي هو اكشن و دراما و بتعرفي الدراما اللي فيه رهيبة والله، و الاكشن خيال انتي بس شوفي القتالات اللي فيه و بتعرفي شو الاكشن
- تطبييييل -

شوفي جينتاما بنصحك فيه بس ممكن تتركيه اذا فاقدة الشغف، لأنه الجزء الأول 200 حلقة و اول ثلاثين حلقة تعريف بالشخصيات و اغلبها كوميديا و شوية دراما و بعدين بتبلش الاركات،... الاركات الحماسية بتبلش من عند ارك البينيزاكورا و اللي بانت فيه اهم الشخصيات اللي رح تستمر معانا في الانمي

صح لازم احكيلك ليش تركت بليتش عشان حابة اتبهدل شوي

تركته عشان اينوي

حرام عليكي عنجد عنجد حرام

هلأ رح ينزل الجزء التاني بعد 3 ايام راح كل عمرك مو نصو بس

اسحبي عليها الانمي مليان شخصيات خرافية و خاصة مع الجزئين الجداد الي نزلوا نار و شرار

تخيلي احتمال بالجزء الجديد نشوف البانكاي تبع زاراكي !!!

عم اتخيل كيف رح يكون شكلو !!!

-


عنجد حمستيني تابعو . رح بلش فيه من بكرا
بس بتنصحيني احضرو من الاول ولا من اي حلقة ؟

صح لازم تحضري بليتش كامل لحتى تفهمي سر قوة ايتشيغو بأرك الف سنة الدموية
لأن انتي اعتقد راح عليكي ارك الفولبرينغ و ما بعرف لو حضرتي ارك الاسبادا كامل

بس بليتش مع اني متابعتو مرتين لما عم احضر الاجزاء الجديدة بحس اني شوي مو فاهمة
و مع اني متابعة لأشخاص محللين للأنمي و بيشرحوا من المانجا و كمان بحس مرات مو فاهمة

يمكن استيعابي بطيء و انا ما بعرف ؟

نسيت من اي ارك ارجع تابعه
شكلني رح عيده من الاول
خلص بشوف دامه كثير عاجبك و اتنا اصلا كنت بحبه كثير بس
اينوي مسستتففززةةةةة
و ما حبيت انها الشخص اللي ارتبط فيه ايتشيغو بالاخر
انا شخص بيتأثر بهالاشياء لاني كنت بحب روكيا اكثر
مشاعري بتتلخبط...
خلص بحاول اركز على أهدافي و بتابعه عشان الاكشن


-----
اذا ما بتحضري من اول بتضيعي على حالك

انا على فكرة كنت بشوف هالأنمي مسخرة زي الناس الباقية اللي بتحب أتاك و كيميتسو و مدري ايش، بس بعد ما تابعته عرفت انه في كثير ناس خسرانة لأنها ما تابعته

على فكرة اول جزء اغلبه كوميديا بعدين الاجزاء الثانية بتصير تشتاقي للكوميديا زي اول لانه كمية الدراما اللي رح تعيشيها مش طبيعية

انا ما بعرف اذا الناس زيي بس متخيلة اني بكيت بس على تريلر الفلم!!
كثير بحبو جد ايام لا تنسى كانت لما كنت بتابعه

ليش لهالدرجة لازم يكون تفكيرك عالي و انتي بتحضري؟!

جينتاما انمي قديم رسمه فرح يذكرك ببداياتي بليتش من ناحية الرسم مع انه مختلف طبعا، الرياكشنات و طبيعة الشخصيات كلها ما حتقدري تتخطيها، البطل لحاله حكاية
حكااييةة طوووييلللةةة
عنجد جينتوكي مهما قارنتتيه بشخصيات ما رح تلاقي احسن منه

مع انهم مرات بشبهوه بكاكاشي و غوجو بس انا بشوفو ابعد منهم بكثير من ناحية القناعات و طريقة التصرف و طبيعة الشخصية و باقي الشخصيات طبعا كثير كثير بيحبو ما تقدري تكرهي اي شخصية فيهم،. حتى اغث شخصية و اللي بتغثني اكثر من اينوي ما بقدر اكرهها بحبها كثير و بتعرفي مين هي بس تحضريه

خلص رح تابعو من الاول و انا افضل من الاول لاني حاسة لو حضرت من النص مارح افهم شي

-

ييي منيح انك مو متابعة قروبات انمي او محللين بتفوتي بالحيط رسمي
متل ما انا فتت

تخيلي ما كنت بعرف انو ايتشيغو الو صلة دم بالكوينشي و اذ شو ؟ قال امو من الكوينشي

هي ايمت عرفتا ؟ قبل ما ينزل الجزء الاول من الارك الجديد و كنت لسا بأرك الاسبادا
هالمعلومة لخبطتني و صرت فكر كيف عندو قوى الكوينشي ؟

و كيف هو شينيغامي و فولبرينغ و فاستولورد و كوينشي بنفس الوقت هههههههههههههههه

و قبل كل هاد صرت فكر اكتر كيف تحول للفاستورود بهل البساطة ؟

و شو سرر قوتو ؟ معقول لأن اوريهيمي حكتلو احمينا مدري انقذنا ؟
مع انو كان كتير من الاسبادا نفسن يوصلوا لهل المستوى من التحول بس ما قدروا لأنو بدو قوة مو طبيعية

هالافكار كانت ببالي لحتى اتضحت كتير شغلات من الارك الجديد

و هاد كلو من المحللين الي بجيبوا تحاليلهم من المانجا

يمكن لاني حبيت هالانمي كتير مشان هيك دخلت حالي بمتاهات مع اني كان فيني ضل ع الانمي

بس كيف مثلاَ لما تحبي شي كتير و تبحثي اكتر عنو ؟ هاد الي صار فيني

حكيت كتير بعرف اصلا انا اذا بلشت احكي ما بسكت

صح نسيت اهم جملة

- و لفي بينا يا دنيا -

هههههههههههههههههه

مبدئيا انا مش مستوعبة اشي
كل كلمة كتبتيها ما فهمت اشي غير أنها الها دخل بايتشيغو

بصي كدا الوالدة حقت اخونا ايتشيغو-كن
كانت لغز خاص بالنسبة الي... فأنا عرفت هسا ايش موضعها من الإعراب

انا وصلت الارك اللي طلعت فيه حقيقة هديك الشخصية اللي بطلعو عنه ميمز تبع " كان هذا جزء من خطتي" يربي كل ما اتذكره بضحك

و برضه تبع هداك اللي خطف اينوي و راحو على مكان غريب كأنه صحرا انا مش متذكرة كل اشي بس هاي الأشياء، و من هون اينوي بلشت تستفزني و حسيت وجود روكيا قل

بس كان في شخصية كنت كثير بحبها و اللي متذكرة شكله اكثر من اسمه

هداك القصير اللي قوته الها بالحليد و هيك و اللي بيعمل أجنحة منها، هداك الكائن يا الله شو كنت بحبه حتى صوته كان يعجبني شخصيته و الكاريزما تبعه هايالشخصيات دايما بتجذبني

ليه كدا انا ابتديت اخاف بقى لفي بينا يا دنيا ليه؟!

اسفة اني لخبطت افكارك

موتيني ضحك على الميمي تبع هذا جزء من خطتي ههههههههههههههههههههههههههههههههههههههههههههههههههههههههه

احلا شخصية شريرة وربي ( في حدا ممكن يحب شخصية شريرة ؟) انااااااااااااااا

مع انه وجوده كان مستفز بس يا الله كل ما اتذكر الميم بضحك
علقت بمخي يربي

بس اسمعي اسمحي لي اجيب لك مقتطف من جينتاما عشان افرجيكي اكشن من اكشناته

احد أجمل المقتطفات من ارك البينيزاكورا

انا انهرت