انمي تون AniMe TOoN

حتى سجلت غياب اول شهر 9 لأني حاولت اني اقعد نفس البني ادمين ع الكنباية ما قدرت
و الحمد الله اني ما توقعت اتحسن بهل السرعة ( بدون ابرة كورتيزون )

لا ما طبلت الدنيا بالموضوع بس الحمد الله هلأ كل شي تمام التمام متل الحصان صرت الحمد الله

و صدقيني كلامك هاد اخدتو كأنك حكيتيلي ياه اول ما اجتني الاصابة

طبعاَ بشكر
الدكتورة الي رحت لعندها لأنها ما هولت الموضوع و حكتلي
انو راحة رح يخليه يروح ( للأمانة انا ما صدقت كلامها لأنك
لو شفتي كيف كانت حالتي قبل 3 اسابيع رح تبكي عليي حرفياَ )

أنقر للتوسيع...

اكيد إلها دور ما احسنها خففت عليكي ، في دكاترة الله يسامحهم بهولوا الموضوع على المريض ..
قلبي وجعني سبحان الله كيف بصير فجأة إشي بيقلبك حياتك ..

حتى سجلت غياب اول شهر 9 لأني حاولت اني اقعد نفس البني ادمين ع الكنباية ما قدرت

أنقر للتوسيع...

ياخي احنا بنضحك ، لما نكون مضغوطين بنتمنى نقعد و نركي حالنا عالكنباية و لما ننجبر نقعد عليها ما بنطيق

و الحمد الله اني ما توقعت اتحسن بهل السرعة ( بدون ابرة كورتيزون )

أنقر للتوسيع...

الف الحمد لله يا رب ، الحمد لله انها كانت سليمة و ما سببت لك إشي كبير جد جد الحمد لله الله يبعد عنك الأذى كانت صعبة اكيد هالفترة

لا ما طبلت الدنيا بالموضوع بس الحمد الله هلأ كل شي تمام التمام متل الحصان صرت الحمد الله

أنقر للتوسيع...

كويس ممتاز يا رب دائمًا نشيطة متل الحصان و ما فيكي إشي

و صدقيني كلامك هاد اخدتو كأنك حكيتيلي ياه اول ما اجتني الاصابة

أنقر للتوسيع...

الك عليي حق ما سألت عنك و ما عرفت

مع اني والله العظيم مابعرف كيف اجاني
انا اجاني أول مرة قبل سنة طبعاَ الله لا يورجيكي شو صار بالبيت !
الكل تحرك بإيديه و رجليه ليعرف شو فيني !
لأن بتعرفي المجهول بخوف اكتر من معرفة السبب حتى لو كان لا سمح الله سرطان
هاد غير انو الدكتورتي القديمة غبية بشكل لا يوصف !
فكرتو تشنج عضلي بآخر ضهري و عطتني مرخي عضلات ( سيروم )
و بعد 3 اسابيع رجعت رجعتلها ما خطر ببالها اصابة بضهري لا
عطتني دوا ترامادول/سيتامول مع بعض بدوا واحد و كان قوي علي كتير
اول حبة اخدتها اغمى علي حرفياَ اهلي فكروني رح موت لأن كان في رجفة
( اكتر شي ضحكتني لما فتحت عيوني اختي كانت فوقي حكتلي شو شايفة ؟
حكيتلها ملاك هههههههههههههههههههههههههههههههههههههههههههههه
حتى و انا بعز المي بنكت هههههههههههههههههههههههههههههه )
و كل هاد و الدكتورة مفكرتو تشنج عضلي هههههههههههههههههه ما اغباها
اخر شي اختي الصغيرة عصبت و راحت لعندها حكتلها عطيني تحويلة طوارىء لدكتور
عظمية ( لأن دكاترة الاختصاص عنا الموعد بيشطحولك ياه لبعد شهور ) رحت صورت
صورة لظهري و طلع الدكتور و حكالي انو في فقرة متزحزحة من مكانها هي مسببة الوجع
بعدين اخدت الصورة و رحت لدكتور العظمية عطاني ابرة كورتيزون الله لا يورجيكي الوجع
كيف كان و الابرة كانت اكبر من راسي كون راسي كبير مابعرف كيف بس دخلها بضهري والله
ههههههههههههههههههههههههه عم اضحك ع الموقف و التعليقات الي كانت تطلع بمخي وقتها
و حكالي حاجة تحملي تقيل بالجم مع اني والله انا ما بحمل تقيل لأني كنت داخلة تنحيف و التحنيف
ما بيحمل تقيل بديهياَ يعني , رجعت خففت اوزاني الي اساساَ هي خفيفة و كنسلت كتير تمارين
الها علاقة بالضهر او فيها انحناء , و هلأ رجعت نفس الشي من التمرين على اساس و انا بعرف
و متأكدة انها مو من التمرين لأن كتير مثقفة حالي بالتمارين و طريقة التدريب الصحيحة حتى لو
بتشوفي الانستا تبعي كان كلو مدربين و حسابات تصحيح التمارين و كتير كنت احضر بوقت فراغي
على اذا تماريني صحيحة او لا و ما كنت العب بطن مشان حسيت ظهري كتير عم يوجع وقتها
و مع هيك رجع اجاني , انقهرت كتير لأني كتير بحب الحديد بحس بفرغ عصبيتي اكتر من الكارديو
و هلأ يعني صرت بعمر انا عم احلم اتزوج و جيب ولاد و اذا ذهري بدو يضل تجيه اصابة مارح احلم
احمل و اولد لأن الولاد بتأثر بالحالة الطبيعية كتير ع الظهر فما بالك بظهر مصاب اساساَ !
ف قررت عنجد اني خلص اترك عالم الحديد و ضل ع الكارديو لأن هيك و لاهيك ماعدت اتمرن مشان
شكلي صرت اتمرن فعلاَ مشان تضل صحتي منيحة بالمستقبل

بشكل عام الحياة بدها تضحيات , و مقابل هالشي الي تركتو قررت اني ابدأ بهواية جديدة و فعلاَ
شتريت اغراضها و عم استناهم ليوصلوا لأبدأ , بهل ال 3 اسابيع راحة مخي عملو ريستارت ع كتير
شغلات , اذا تركت شي مو نهاية العالم بالعكس هاد يعني فيني ابدأ بشي جديد غيرو

استني عليي لأكتب ما توقعت هالجريدة

بخصوص الدكاترة الأغبياء شي طبيعي بالدنيا ، انا بسمع مرات عمي و بابا بيحكو بهالأمور و خصيصا ماما مع دكاترة الأسنان كانت حرب بتروح ماما كثير موجوعة و كل مرة بترجع من عند دكتور الأسنان بتحكيلي ممنوع تدرسي طب اسنان
بعدين فهمت انه عشان ما يندعى عليي عشان هالشغلة بتجيب دعاوي خيرات الله خصيصا اذا كنتي من النوعية اللي بتحيبي فيها العيد بالمرضى تبعك

-

بخصوص رياكشنك اول ما صحيتي متت ، احلى شي انك قلتي ملاك يويلي لو كانت كلمة تانية

-

ما بحب الابر بالمرة كان عندي تخوف منهم بس لما أخدت إبرة الكزاز قبل سنة و شوي، كانت كثير طبيعية مع إني كنت خايفة بس الابرة بتضل بتضحك
إبرة كبيرة كثير و بضهرك شو هالدراما ! فلم رعب

-

ما الي كثير بالرياضة و بحياة الرياضيين ، بس حبيت شغلة انك بتعتني بصحتك و بنفس الوقت ماخذة الرياضية وسيلة تخفيف عن النفس و زي منفس .. اول شي فكرت فيه لما قلتي جييم هو الأوزان و المشي على هديك الآلة اللي ما بعرف شو اسمها
كويس انك بتحافظي على رشاقتك شي حلو و بيجنن !
نصيحة الدكتور كانت منيحة لو كنتي من النوعية المبالغة بالتدريب بس أنتي ما شاء الله عليكي انا بعرف من اشياء بسيطة شفتها قديش أنتي بتعتني بالتفاصيل و بتحبي تتعرفي على الشي من كل زواياه قبل لا تدخلي و تتعمقي فيه ...

-

اول شي فكرت فيه بس قلتي انك بلشتي تفكري بالجواز و الحمل هو - كييييوووتتت -
ما بعرف ليه ، بس هالأيام كترانين البنات اللي مدخولة براسهم فكرة القعدة بالبيت و شغلي و حياتي اهم ...
حبيت إنك بتفكري انك حابة تجيبي ولاد ، الله يرزقك زوج منيح ان شاء الله و بتعيشو سوا بتفاهم و رعاية و حب اهتمام و يرزقك اولاد على قد ما يطيب خاطرك

-

مرات تغيير الروتين بيكون حلو خصيصا لما تتعرفي على اشياء جديدة بحياتك و هيك سبحان الله عم بتتفتح افكارك على اشياء كثيرة بتتعلق بمستقبلك و حياتك الجديدة بعد الإصابة !

صح ايش هالاشي الجديد ؟

بخصوص ملاقية انا شعرة برقبتي و خايفة اقطعها عشان ما يطلع لي غيرها

+ كنتي بتحكيلي اسماء الأدوية انا سامعة فيه خصيصا إبرة الكورتيزون بس ما بعرفلهم بالمرة

سمعتي بشي اسمو bullet journal او journaling ؟
فتحي ع اليوتيوب رح توضحلك الفكرة اكتر من اني اشرحها

-


الكورتيزون هو مخدر للأشخاص الي عندهم التهابات بالعظام
الي عندهم التهاب اوتار باليد بيعطوهم كورتيزون
الي عندهم اوجاع بالضهر كمان
هاد مخدر مانو دوا مشان هيك هاد لا يعتبر علاج للمشكلة
بس بخلي الوجع يخف

+ لما يطلعلك شعر برقبتك هاد بسبب خربطة الهرمونات
انا بيطلعلي و اختي كمان و عادي الموضوع
انا بشيلها لأنها بتطول و ما حلو بكون

رايحة شوف

أوه اه مخدر لكان

أوه فكرت + في كثير حبوب بتطلع بمختلف اماكن ، حاولت ابحث على النت ايش هي و طلعت حبوب كيسية مدري ايش هيي..
حكو انها مش سلبيية بس اذا زادت و بلشت تحك و تحمر بزيادة راحعي طبيب و شكلني لازم راجع طبيب

قبل كم يوم قلت لبابا بدي إفحص نظر عشان اذا كنت بحاجة لنظارةو عشان ما يتفاقم اذا كان في انحراف ولا شي ، المهم قعد يسألني شو هاد الحرف و شو هاد الرقم و كنت بجاوبو اخر شي قاللي ممتاز نظرة تسعة على ستة

ماعندي خبرة بالحبوب ابداَ لأن ما بيطلعولي
بس الي عم اقرأو منك مو شايفتو شي منيح اي راجعي دكتور افضل
ع الاقل بتطمني

المشكلة اذا عندك نقص شوي ماببين بهيك فحص
عند الدكتور بيعطيكي احرف عنجد صغيرة و بعيييييييدة بربي بتحسي حالك للحظة انك عمية بعيد الشر
و كلامك صح اذا ما اهتميتي ممكن يزيد مع الوقت
موضوع الانحراف انا مابعرف اذا بزيد مع النظر لإني انولدت فيه فما عندي فكرة

بسيطة قلت لماما قالت لي اذا طفو خلص ما في داعي و إذا زادت خبريني عشان نشوف ابوكي و نروح دكتور ، بس مستحية من شغلة الروحة على دكتور لازم نلاقي طبيبة نروح عليها ، ما بحب هالشي اني روح على دكتور و خصيصا اذا كان شي بيتعلق بموضوع حساس زي حبوب عالجسد

كان في لوحة بمختبر العلوم لفحص النظر و جربتها مع صاحبتي السنة الماضية و كان وضعي تمام بس بالعطلة كثرت استخداماتي التلفون فخايفة + لما اطلع على حالي بالمراية بحس حالي حولا فعنجد لازم إفحص

بصراحة لازم الشخص يفحص حالو بين فترة و فترة ليتطمن ع كل شي انو منيح
حتى لو كان الموضوع مجرد (فحص عام ) يعني ماعندي مشكلة بس حابة اعمل فحص عام لأتطمن
لأن في مرات فعلاَ ما بتكون مبينة المشكلة الا بعد الفحص

اذا حاسة او خايفة انو عيونك متأثرة افحصي ما بأثر

بالعكس حلو كتير الواحد يهتم بحالو و صحتو ( طبعاَ اذا الطبابة مجانية هالكلام )
اذا بفلوس مابعرف شو بدي قلك كنت روح كل 10 سنين لدكتور بسبب غلاء
المراجعات الطبية

أيه لازم والله انا بقول لاهلي بس هنه مو كثير من النوعية اللي بتفحص دوري بس عندي الإصابة

أيه والله بتجيني هواجس فلازم اقنع بابا ، كل عشر سنين اذا صحيح كلامك يعني كلهم على بعضهم مرتين اللي راحتي فيهم الفحص العام
عمرك بس 28

أوه لا 29

صحيح سيلين شو دراستي أنتي ؟

والله مابعرف شو احكيلك
بس انا اول فحص عام سويتو لما اجيت المانيا
يعني مرة و عمري 29
بالامارات كان الوضع متأزم كتير حرفياَ كنت روح ع الدكتور اذا كنت رح موت
عدا عن هيك كان عنا صيدلية بالبيت دوا من سنة 1900 و خشبة بشربو عادي و بطيب
لما وصلت هون اذا سعلت مرتين رحت ع الدكتور في فرق متل ما بيحكوا الي ببلاش كثر منه

هندسة ديكور