ما بتحلو السهرة بدون ضحك ، بحب امسك القعدة بالضحك بس مش كل القعدات بتلبقلي بس قعدتكم هي اللي بتحلي الجوو أنتِ عليكي جو الراعي الرسمي للتحشيش بكل اللمات.png "ne (1) هه4")
.gif "at1 ق1")
-
ملوك و ملكات التون ~ تحديث سبتمبر 2025 || الطاقم الاداري || مركز الرفع || وكالات التصميم و الرفع || نظام التميز بانمي تون || المهمات الشهريةعضو جديد ؟ >> تعلم كتابة رد مميز بسهولة || فعاليات المدونات || فعاليات التصميم || تحديات الأعضاء || قوانين المنتدى || اطلب بنر لموضوعك
-
انمي تون AniMe TOoN
Shine
Shineبس بالله بنفع كستاند اب كوميدي ؟
Shine
لسا صافنة بشرح معادلة الرياضيات
O Z E Nنحنا بالمغرب العربي بالشهر الكريم الطبق الرئيسي شوربة معاها كم طبق جانبي ثابتين طول الشهر يشيلوني أنا و مايشيلوهم من السفرة، المتغير الوحيد هي المقبلات ..الخ و ثاني طبق و في مين يضيف ثالث بس أحس نبلش ندخل على التبذير عشان صدق الأطباق الجانبية و المقبلات مع الشوربة بتكفي و توفي كفطور الأحسن نتصدق بذل هالبذخ
و أنتو شو فطرتو مبارح و شو عم تجهزو اليوم للفطور؟ و كيف طبيعة مائدة الإفطار عندكم؟
لا صدق ما شاء الله عليك مره عسل بالجمعات الله يحفظك، زي همزة الوصل بتلملمي الناس خانني التعبير.png "At (124) ض000")
أنو معادلة تذكرت أشوف لو تاركينلي أكل
Shineاحنا زي الخليج الطبق الرئيسي رز
اغلب اكللتنا رز على فكرة ، مقلوبة ، منسف ، كبسة ، اوزي ، ملوخخية و رز ، فاصوليا و رز ، فول مع رز ، مش طبيعيين على قد ما بناكل رز و بحكولنا ليش نسب السمنة مرتفعة عنا
مائدة الافطار عنا لازم يكون في تمر و لبن ( عيران ، شنينة ، لبن مخفف - لتسهيل الفهم.gif "At (138) ه1")
) يعني هدول استفتاحية الافطار زي اي حدا على وجه الكرة الارضية .
اضافات غير الوجبة الرئيسية اللي غالبا رز ممكن يكون شوربة شعيرية بس مش دائما و في ناس الشوربة رئيسية ، السلطة ، و المقبلات العادية زي مقالي او سمبوسة ، و غالبا وجبة افطارنا بتعتمد عالوجبة الرئيسية بس اذا كانت الأكلة ثقيلة زيما حكيت فوق ، و احنا مش كلنا عنا نفس الستايل بالفطور في ناس اجواءها مختلفة ، بس احنا بالعائلة هيك غالبا، و بنحب عصير الكركديه
افطرنا مبارح اوزي و شوية سمبوسة و شوربة و دجاج مشوي ، اليوم باقي الرز مع اكلات ثانية ما بعرف انا رجعت من المدرسة دخلت قيلولة رمضانية لمدة ثلاثة ساعات
الله يسعدك تسلمي ، وصلني التشبيه و حبيته جدا
اللي شرحتيها لزهرة
Shineشوربة ايش طيب ؟ بتكون ثقيلة زي يخنة ؟ ولا شوربة خفيفة ؟ ايش بتحطو فيها
O Z E Nحبيت أنكم شوي غير عن البلدان المحيطة فيكم، كتير بسمع عن المنسف و بفكر شي مرة أجربو طمنيني تحضيرو صعب عشان آخده عليه هيك نظرة من كتر ما بيحكو عنو
شفتي القمح قبل لا ينضج و يكون لونو أخضر بينطحن و يتسمى فريك بنساوي الشوربة منو و اسمها على اسمو
Shineأوه شوربة فريكة ؟ اكثر شوربة بحبها كثير بطلب من ماما نعمللنا إياها ، ماما بتسويها خفيفة بس انا بحبها ثقيلة و جاية لملوحة اكثر
بتعملوا منه طبخة فريكة مثل الرز و بتكون مع جاج؟!
ولا بس شوربة ؟
المنسف بدها مواد أكثر من ما بدها شغل
.
يعني الأساسيات بالمنسف : الرز ، التشريبة ( اللبن-المليحية- بيكون لبن مع بهارات و مواد بسيطة بس الأساس فيها الجميد ، الجميد بيعطي القوام و الحموضة للبن و هو اساس المنسف ، ما بعرف إذا بينباع عندكم ، بس اكيد بينباع لأنه بينعمل من الحليب البقري . المهم و اللبن بينطبخ عالنار و لازم تضلي تحركي فيه لحد ما يغلي عشان المواد تختلط ببعضها و ما تكتل و على فكرة المليحية كل ما كانت حامضة احسن ، يعني بابا لما بجيب لبن حلو ما بيعملوا منسف اما لما يجيبه حامض بيعملوا المنسف عشان طعمة الحموضة مع الجميد تبرز تبرز عالمزبوط ) بعدين اللحم ، الدجاج حسب رغبتكم بس الغالبية مشهور باللحمة ، كيف بشوف ماما بتعمل اللحمة ؟ ( بتنسلق مع بهارات بطنجرة ضغط لحد ما تستوي ، و في ناس عادي بدون طنجرة ضغط بس بتقعد وقت أطول ) اما الدجاج ممكن تسلقوه برضه او شوي بالفرن بكون اسهل بكثير ، و آخر إشي التزيينات البسيطة زي البقدونس و اللوز عالوجه آاااااخر إشي بينحطوا ، و في شغلة بيعملوها انهم بيحطوا خبز الشراك الرقيق تحت الرز او فوق الرز .
بس انه اذا بدك تعملي منسف بتاخد وقت شوي يعني بدك تكوني متجهزة لإلها نفسيا و تقولي للجماعة : " محدش يدخلل المطبخ من بعدي ، واحد بس يحط رجل وحدة ها بالمطبخ وراي ليشوف ليلة سوداء ما بيطلع فيها القمر "
- المهم و النقطة بضغط الأشياء اللي بتنطبخ حوليكي و الحرارة ، بس الحلو فيها انها ما بتخرب معك لانه المليحية - اللبن تحضيرها كثثثير سهل و الرز ما في حدا ما بيعرف يعملوا ، في ناس بتحب تعمل الرز أبيض بس الغالبية بالرز الأصفر اللي بينحط عليه عصفر قبل الطبخ .
بتعرفي العصفر صح ؟
يعني هاي وصفة المنسف بأبسط ما يكون
Shineو بناكلها بالإيد ، الشعبي هيك
الرجال غالبا بياكلوا بالإيد و النسوان بالمعالق خصيصا بالعزايم ، يعني أكيد ما حتحبي تشوفي زلمة عم يتطلع عليكي و أنتي عم تدخلي كرة رز بتنقط منها المليحية على ثمك بمظهر وحشي للغاية
Shineبس زاكية ، زاكية كثير ، و دسمة.png "At (39) ش1")
احنا كثير منحبها مع انه بس الله بيعرف كم مرة بناكلها بالسنة و ما بنزهق منها
بس جربيها بنصحك ، اذا عندكم شي مطبخ شعبي بيطبخ المنسف جربوه بس يكون شغله منيح و طيب ، عشان المنسف اول تجربة منه لازم تكون طيبة
و كطبق جانبي للمنسف افرمي بصل شرايح و حطي عليهم سماق و ليمون و كلي مع الرز زاكية برضه
او مخلل لفت كثير زاكي و مخلل خيار برضه
Shineشايفة كيف لما نحكي عن المنسف بننهبل احنا ، ممكن في ناس بتشوفنا منطبل كثير لإله و ما بيعجبهم بس غالبية اهل الاردن بيحبوه و اللي ما بحبه هم جماعة اللي بتكون معدتهم خفيفة او من جماعة ما باكل رز
O Z E Nمن حكيك زاد خوفي عشان أنتو معلمين رز نحنا نادر ما بناكلو فما عندنا ثقافة انتقاء أرز كبيرة، فوقها طريقة أعدادو للمنسف كتير فريدة عن الأكل العادي خصوصي بالنسبة لإلنا و أنا كتير بتزنق بالمطبخ حتى مع الأكل الي معتادة أساويه
لازم أشوف أكتر من فيديو و أحاول مع كمية قليلة و لازم بردو أدور على الجميد دا كويس بالمحلات أو عند اللبانين أو أشوف كيف فيني أطلع بنتيجة قريبة إلو لأنو ماقد شفت هالجميد عنا أبدًا
العصفر دي نبتة لو وردة عندنا
أخاف تطلع النبتة الي ببالي يسو منها توابل، أنا ماعرف غير الكركم يغيرون بيه لون الأرز
ماحب البصل نيء شكلي بحط المخلل أحسن عشان باين المنسف ثقيل عالمعدة فالمخلل بيساعد على الحفاظ ع النفس مفتوح للأكل
لسا ما لاقيت مطعم أردني أحس ماعنا أردنيين بالجزائر، و نحنا عنا البحث كتير صعب لأنو من كبر البلد المحلات الحلوة موجودة بس قلال الي سامعين فيها و صعب يذيع سيطها خارج مدينتها لأنو في مدن حرفيًا بحجم بلدان بس بركز بحثي بالعاصمة على أمل ألاقي و لو مطعم شرقي يساوي منسف حتى لو فيك
Shineوراك مشوار تدورين مطعم
بس ما عليك شر عشر سنين ان شاء الله و بعد ما التقي بولد الحلال بخليه يأخذني لين عندك و بسويلكم منسف بصدر بيتكم.png "At (116) حز88")
Shineالسفر غير عن الكركم ، الكركم يعطي طعم و لون ، العصفر لون اكثر من طعم ، هذا اللي اعرفه
- او اني اهبد من عندي -
في ناس لما يبون يصبغون العجين اصفر يحطون عصفر
O Z E Nإن شاء الله زي اليوم
مب عارفه إلا الكركم والله
Shineبخصوص فير ينفع اثقل عليك شوي تشوفي القصة تعطيني رايك فيها ؟
اللي قلت لك اني كتبتها اخر فترة
Shineمتى ما تكوني فاضية طبعا ~
Shineبخصوص رياكت المتت معناه انه منك فاضية اصلا.png "At (125) ض00")
O Z E Nكنت أحس أني ناسية شي لازم أعملو، بإذن الله بكره بستقعدلها كويس و أجيك برأي مرتب استعدي بسهرة بكرة مع كباية شاي تعرفين ردودي المستقعدة أطول من المواضيع ذات نفسها
أنا أفضى حد فيكي تعرفيه شنو فاضية هي
شو أفطرتو اليوم ؟ ولا اقول مبارح