انمي تون AniMe TOoN

أيه انا اكثر حد يشوف هزاري يضحك
و لما اتمسخر على نفسي و امزح معاها ما تواخدني انا و اياها جدا متفاهمين
حبيت النقطة

اي بنتفق بذي النقطة ذاتس واي أخدتك ثاني محتوى لإلي و كل ماهديت الجلسة أفضح خشمك

انا معطيتك الرخصة براحة فافضحي خشمي براحتك

و من هذا المنبر اقلك خشمك ع كتبك يلا

بروح اكل و بعدين برجع للكتب

صحيح انا تفاجئت اليوم انه موضوعي حصل بنر مع انه ذهبي

هيك أحسن عشان أغلب المواضيع الي محصلة بنر مواضيع رمزيات الواجهة تحتاج مواضيع تثير الفضول للزوار ليتصفحوها

أيه بعدين الحمد لله موضوعي محصل ردود حلوة ، مدحته سيلين و قالت انه طرحه بسيط و حلو ، هالشي خلاني حب طريقة طرحي اكثر

أحسن وصف لموضوعك اللذيذ و المنعش هو فراولة XD يعطيك العافية على هالموضوع الفراولة أكثر اشي حبيتو بعد الطقم هو العبارة الي صممتيها، و لهجتك لذيييذة جدًا كتري من المواضيع بلهجتك و راجعة!!

أنقر للتوسيع...

الله يعافيكي مش كثير كثير حلوة ؟ انا كثير عاجبيتني عشان هيك حطيتها غطت مساحة فاضية و اعطت طابع كيوت ...
هاي مش لهجتي هاي لهجة شامية زي لهجة سلوى و ساكي
لهجتي جاية ادفش شوي ، و عمليا قاعدة بحكي معك فيها بهاللحظة في عنا لهجة مدنية بتيجي قريبة للشامية و في عنا لهجة فلاحية زي لهجتي و في لهجة بدوية زي اهل الجنوب

كنت جاية أقلك أنو أظرف شي بموضوعك كان طريقتك و لهجتك تصدقي عم شم ريحة الفراولة هلء من قوة تأثير موضوعك

لما بحكي مع نور الفلسطينية بستخدم لهجتي لانها بتحكي معي بلهجتها و لهجاتنا حرفيا زي بعض ، ما بعرف لما دخلت عالتون انعجقت اللهجة

علم كبير ياخي المهم كانت لذيذة أيًا كان أصلها حلت الموضوع

كنت جاية أقلك أنو أظرف شي بموضوعك كان طريقتك و لهجتك تصدقي عم شم ريحة الفراولة هلء من قوة تأثير موضوعك

أنقر للتوسيع...

شكرا الك ! و الحمد لله انه رغبتي بطرح الموضوع بعفوية و كياتة ضبطت و وصلتلكم الأجواء !
احلى إشي بالمواضيع انها تنعطى بعفوية ، حتى المعلومات حبيت اني ادخل فيها مصطلحات عامية عشان ما تاخذ طابع جدي مؤوفر صراحة لما ادخل مواضيع جدية و طويلة و بتلاقي صاحبها تعبان عليها جد و مبدع و رهيب بس كان اسلوبه جامد بنقل المعلومات ما بستمتع ممكن مرات اقرأها لاستفيد من إشي او عشان ارد عليها ، بس بالمواضيع زي هيك بتحسي انك مستمتعة لما تقرأي ، هاي وجهة نظري

عشان هيك بحب الفضاء لانه مريح

معك إنسان يشوف كل العرب لهجة وحدة و جايب كل كلمة من لهجة المهم يترجم أفكارو

بتعرفي كثير هالفترة بسمع صوت طيارات عنا ، الوضع كثير زنخ

و ما بيجوش غير بالليل او بآخر النهار

احلى وسيلة والله مرات حلو تشوفي حكي مليئ باللهجات بضحك و لطيف

شكرا الك ! و الحمد لله انه رغبتي بطرح الموضوع بعفوية و كياتة ضبطت و وصلتلكم الأجواء !
احلى إشي بالمواضيع انها تنعطى بعفوية ، حتى المعلومات حبيت اني ادخل فيها مصطلحات عامية عشان ما تاخذ طابع جدي مؤوفر صراحة لما ادخل مواضيع جدية و طويلة و بتلاقي صاحبها تعبان عليها جد و مبدع و رهيب بس كان اسلوبه جامد بنقل المعلومات ما بستمتع ممكن مرات اقرأها لاستفيد من إشي او عشان ارد عليها ، بس بالمواضيع زي هيك بتحسي انك مستمتعة لما تقرأي ، هاي وجهة نظري

عشان هيك بحب الفضاء لانه مريح

أنقر للتوسيع...

يعطيك العافية هي بالضبط نقطة ضعف المواضيع الإدارية و الطويلة تعبها بيسلب منها طعمتها بتجي ختم و بس! طبعًا مو بالنسبة للكل في أعضاء ماشاء الله كل موضوع إلهم ينسيك التاني مهما كان الختم (مواضيع التصاميم و الرفع غير معنية) تقنيًا هالسبب الي خلاني أفقد شغفي بالمواضيع بعرف لو سويت واحد بغض النظر عن ختمو حيكون فارغ لأني بسوي لأسوي

صدقًا مواضيعك عمرها ولا فشلت تلهمني، أسلوبك متجدد(هي نقطة مهمة جدًا أنا نفسي بعاني منها تكرار الأفكار، تكرار الأسلوب شبه الحلقة المفرغة حيث الإنسان لا يتطور عكسك) و متفرد لمستك تكون واضحة فين ماحللتي

أتفق معك بخصوص في مواضيع عنجد رهيبة ما بتقدري تتخطيها و بكون صاحبها كثير كثير تعب عليها عشان ياخذ الختم والله بحكي مبدعين ~

ما بعرف اذا هالشي يزبط بس بحس موضوع الافكار احيانا بتجي لحظة الهام ، احيانا بتكون فكرة سخيفة و بسيطة و بدك تعمليها و احيانا اخرى بتكون بعد جهد طويل من عصرة المخ !

بس انا عالمواضيع الصغيرة بحاول افكر ايش ابسط موضوع ممكن نعمل عنه ؟
ايش موضوع بكون سلس و يسير و ما بده كثير شغل و بيجذب القراء او عالأقل يكون قصير و غني لمعلومات واضحة ...

فبتبلش الاشياء تخطر عبالي ، فواكه ؟ ادوات ؟ العاب ؟
مثلا على موضوع الفراولة كنت بفكر انه بدي موضوع قصير اظبط وضعي فيه عشان التقييم و لو طلع فضي عادي ...
فكرت و طرحت اشياء و اخترت الاسهل...

فااا مش بالضرورة الفكرة تكون كثير خارج الصندوق ، بحس الاهم تكون فكرة مريحة بالنسبة الك خصيصا لما تعملي موضوع عالقدر ... اهم إشي تحسي حالك مرتاحة و مش مضغوطة بكم الاشياء اللي لازم تكتبيها بالموضوع لانه ممكن اتضيفي شوي شوي كلما استمررتي فيه و ممكن تحذفي اشي باخر لحظة .

برضه بمواضيع الأنمي بحس انه ممكن عشان تطلع معك افكار لطيفة لقسم الأنمي انك تحطي اول خيار قسم الانمي و المانجا العام .

خطرت عبالي هسا فكرة ما بعرف اذا انعملت قبل و اذا انعملت عادي لانه كل واحد اله اسلوبه ...

بتختاري شخصيتين أنمي .. من انميين مختلفين ..
ماذا لو تبادلتا العوالم ؟
نجيب ناروتو مثلا على أنمي رعب
و نأخذ ليفاي على أنمي رومانسي كوميدي ..

كيف حيتفاعلوا... ناخذها بدون منطقية و بخيال واسع ..

بنشرح عن تفصيلة و هيكل الأنمي بشكل عام و بعدين بنجيب مواقف رئيسية او ثانوية بهالانمي زي كانك بتعملي موضوع عن آركات أنمي بشكل طبيعي يعني ..
و بنسأل سؤال ماذا لو ادخلنا الشخصية الفلانة لهذا الموقف ايش حيكون ردة فعله او فعلها ؟ كيف حتتفاعل مع الموقف ، طبعا مش بالضرورة انه نفكر انه هالشخصية لو كانت بانمي تصنيفه كذا ، لا قصدي انه كأنك بتجيبي الشخصية فجأة و بتحطيها بهالموقف بهاللحظة بالذات ! كيف حتتفاعل ! زي كأنه دخلت من العدم و من دون سابق انذار ! هيك بتكون أمتع ، و حطي تنويه للأشخاص ذوي العقول الرخيمة انه مجرد خيال


مثلا خلينا ندخل كونان على هجوم العمالقة ... ( اسوء محاولة )
اولا كونان حينصدم و و يتخيل حاله بحلم و انا حصحى كمان شوي يقدعان ، حيصير يشغل مخه كيف اجا و ليش و مين هدول ، حيصير يتخبى و يستفيد من هيئته الصغيرة لحتى يختفي بأماكن ما بتنشاف بيصير يحلل الوضع اللي هو فيه و ممكن يقرر ينتحر بسبب فقدان الأمل بس بيتمالك نفسه و بيحكي ركز و فكر بالوضع ، و لو دخلناه بالجزء الاول و الثاني حنصير بموقف كيف ممكن نروح نأخذ المفتاح بأقل أضرار ممكنة - ما بعرف كيف زبطت معي -

او ممكن حتى انه كونان ينمسك من اول نزلته عالاحداث و يدخل بطن العملاق خلال ثواني و هو بقول : وداعا ران
و بتلمع نظارته و بيبتسم ابتسام حزينة و بعدين بينفعس باسنان العملاق ..

و بتبني الموقف بناء على خيالك الخاص ، ممكن يكون صعب التخيل ففيكي تستعيني بحد خياله واسع ( انا موجودة ) عشان يتخيل معك الموقف و تحاولي تبني السيناريو بناء عليه .. بحس حيكون كثير بضحك و ممتع


فش داعي الموضوع يكون بيرفكت ، النواقص بتعطي طابع برضه ..

كيف لما نحب نشوف فصول جانبية عن كيف لو كانوا الشخصيات يعيشوا بعالم واقعي بدون خيال و اكشن ، زي اخر الفصول من مانجا كيميستو

فبحس هاي فكرة موضوع محتملة ، اذا مش حتنحط على قائمة الافكار انا بعملها بعد ما اخلص