انمي تون AniMe TOoN

أنا version قديمة تاع LMD

مهندس دولة فالإعلام الآلي (ingénieur d'état en informatique)
Computer science engineer

من آسمها راح تقراو فيها علوم الحاسوب المقسمة بين:
عتاد (Hardware): كهرباء، الكترونيك، الجبر، المنطق الرياضي .. الخ
برمجيات (Software): مفهوم البرمجة و لغات البرمجة، قواعد البيانات، الشبكات، أنظمة التشغيل، الأمن السيبراني، الذكاء الاصطناعي.. الخ


الرياضيات رح تكون الراعي الرسمي للتخصص خصوصًا علوم المنطق و الاحتمالات و رح تتعرفو على رياضيات مختلفة تمامًا و منطقها مختلف عن واش شفتو فالليسي (ما تخافيش الرياضيات الي تقراوها خير ألف مرة من تاع الليسي و ممتعة)

مفهوم البرمجة راح يكون عندو منطق weird تان في البداية اومبعد حتستوعبوه مع الممارسة

التخصص شارجي و صعيب و info ing شارجي زيادة و فيها النقطة الإقصائية (إذا ديتي أقل من نقطة معينة فأي مادة تعتبري معيدة العام حتى كون تطلعي)، إذا ماكنتيش تقدري على الدراسة تحت الضغط غير أخطيك

البرمجة رح تولي أسلوب حياتك، و ممارستها رح تولي جزء لا يتجزأ من حياتك ماشي حاجة تمارسيها فالفصول الدراسية و فالخدمة برك، تأكدي من استعدادك للريتم تاعها

التخصص جميل بحيث يحتاج إنسان منطقي و فقط ما يحتاجش منك حتى أنك تكوني شاطرة فالمات و لا ذكية

فروعو كثيرة و متباينة تطوير مواقع الويب، التطبيقات، و الألعاب
تطوير أنظمة التشغيل، الذكاء الاصطناعي و التعلم العميق
الشبكات، قواعد و أنظمة البيانات، الأمن السيبراني
و مزال غيرهم الكثير هادو الواجهة

و التخصص تان معروف أنو أصبح مطلوب مع انتشار الرقمنة


إذا راكي حابة تعرفي واش راح تقراو من مواد واش قادرة تخدمي بالتخصص مستقبلًا و واش فيه من فروع قوليلي نجاوبك

هدرنا على فرض نتي درتيها مي المقصد بشكل عام

حبييييت ضرك السنة الثانية يمدولي التفرعات هاذوك
حسب معدلي ؟
كاين منح ؟ وفرصة أنهم يطلعوك لكأس إيكول مثلا ؟

نحب الانفوو

طيب فير تعرفي شي عن نظم معلومات صحية ؟

حتى السنة الثالثة باش يمدولك ليسبيسياليتي و تزيدي تتفرعي في هادو فالعام الرابع، قبل ماتتفرعي لازم تقراي نبذات عنهم
يب على حساب معدلك لأول ثلاث سنوات يمدولك ليسبيسياليتي

كاين منح كل عام مي نتي تخلصي تكاليفك
الي يماجوري واقيل عامين (مانيش سور) يطلعوه للـ esi بصح كي حتبداي تقراي وحدك حتبدلي رايك عليها
مانيش نحطمك بصح info صعيبة و ماشي في صالحك يزيد عليك الضغط فمدرسة عليا

@S a n d r a
بيجهزوكم للعمل بالقطاع الصحي

رح تدرسو البرمجة عادي، و نظم البيانات، قواعد البيانات، الأمن السيبيراني، الشبكات عادي كمان بس مخصوص للعمل في إدارات القطاع الصحي

هيك بظن لأنو مافي هيك شي عنا

كمان كيف تبرمجو و تشغلو الأجهزة و البرامج الطبية زي الكشف و هيك

ايه بحثت فيه شوي , فكرته معلوماتية صحية طلعوا يفرقوا عن بعض مدري كيف

صراحةً جديد هاد علي نحنا أصلًا عايشين على الأرشيفات الورقية مالنا لا بالمعلوماتية و لا بعلوم الحاسوب من كتر ما متخلفين ما تأثرت مطاراتنا بتوقف المطارات و الرحلات الجوية العالمية و كفينا رحلاتنا عادي