انمي تون AniMe TOoN

سمعتها بلهجة اهل اربد مش عارف شو علاقتهم

جبتي البلا لحالك يضي عيني
اكييييد و منسف علحمة - اذكر بتحبيه هيك -

زابطة زابطة بما اني اربداوية

انا بحبه ولو ع لحم بسس
صحيح احتمال نروح عالخليل الاسبوع الجاي هم كثير مشهورين بالجميد هناك بدنا نجربه
بس انا قررت وخلصت انك عمانيّة ارجعي مكانك لو سمحتي
+وينتا النتائج عندكم؟

فديت اللي يشاركني الذوق
اوه زي الكرك يعني جميد خليلي و جميد كركي , هسا الكرك و الخليل قبال بعض و لا الخليل جنوب اكثر ؟
خلص بما اني سكنت بعمان كم سنة بنصير عمانيين هالدقيقتين

- النتايج ب 15 \ 8

رحت اشوف خريطة و حسيتني بخبص ملقيتش الخليل ولا الكرك فيها

دقيقة انت اكلتي لحم بسس قصدك؟
الكرك يخي بموت عليه ، احلى اشي بالسعودية كان انه بكل مكان ما يعترفوا بالشاي العادي بس الكرك
بس عنا ما في كثير انواع
هم ليه صاروا قبال بعض لان اثنيهم فيه جميد؟ كنت انام بحصة الجغرافيا مش عارف
كفو
بسيطة مطول شوفي حياتك لوقتها بعدين تنعجقي بشغلة الجامعة

لا خلص لقيتهم كنت عميا شوي
هما قبال بعض تقريبا

خلص اوقفي ع راس جبل بالكرك لما اروح عالخليل رح أأشرلك تشوفيني

تمممااااممم
بس بيحكو انه من ام قيس بنشوف بحيرة طبريا روحي هناك اروق - معلوماتي شحيحة -

باكل المنسف بجاج بس بفضله بلحمة
صحيح ليش سمو شاي الكرك هيك و هو اصله من الهند ؟

هما اتوقع اشتركوا بالجميد عشان قراب من بعض نفس الثقافة
هسا كيف لهجة اهل الخليل ؟

انا قلقانة لاني مخبصة بالمعدل مش حيطلعلي تخصص جامعي ابن عالم و ناس

طبريا محتلة ؟

بحيرة طبريا كبيرة صح ؟ شفتها عالخريطة كثير واضحة عالواقع بتكون اكثر بكثير
هي بفلسطين بس ولا مشتركة مع دولة ثانية ؟

طبريا بدها تصريح هاي من المناطق المحتلة
انا كنت بحكي عن لحم القطط مش الجاج وقلتي عنا
نفس الذوق
يا خزاوة طلع هندي مش كركي؟ خليني مش عارفة هالمعلومة احسن

الفديت لأنك سألتي عن لهجة أهل الخليل
سؤالي المفضل هذا شوفي هنا

خشمك التيك محظور عنا بشوفها عاليوت
خابرهم بمطو بالحكي زي الشاميين ولا ؟
شفت مرة واحد بعلق انهم بحكو بطيئ ؟

كنت بدي شوف اذا اللهجات تبع الكرك و الخليل قريبين بس طلعوا لا لانه الكرك بحكو شبه بدوي لانهم متمدنين

يزم كيف زبطت معك هسا استوعبت انها لحم بسس كنتي بتمزحي و انا مستعوبتهاش يخزي العين واضح في مخ

صح لا تاكلي هم المعدل ما تعرفي طريقة الحساب ويمكن توصل للمعدل يلي بدك ياه ولو ما صارت تأكدي كله لخير ياما صارت مع ناس ما دخلوا تخصص كان بدهم ياه مشان المعدل اقل وبعد سنة سنتين قالوا الحمدلله اللي صار
هيك وهذا فيه خير اكثر النا

طبريا عم ينسحب منها مي باستمرار من اليهود ف هيك مع السنين عم بتجف بس ما سبق ورحت لها لأنها بعيدة حتى لما كنا نروح رحل للداخل بنروح مدن أقرب مش بالشمال

اوه نسيت انه محظور
اه بمطو اكثر من الشاميين و لهجتهم مدنية كمان بحكوا "ئالوا" مش قالوا قريبين للهجة اهل القدس بس مع مط زيادة ، لهجة البدو عنا عند اهل الجنوب

مهو انا حاسبيته كثير زفت فاهمة و انا متوكلة الحمد لله بس بدي تخصص يكون زي البشر
ما في تخصصات كثير دارجة بسبب المعدل المحتمل
يعني ممكن ادرس فيزياء او رياضيات لاني حاسبة معدلي بين 77-79
بس الحمد لله على كل حال - قاعد افضفض

الله يخزيهم دمروا كلشي جد انهم خرابة تتكسر اجريهم ان شاء الله و تتفتفت ما يضل فيها نتفة عظم و تصير لحمة سايحة

انتي من وين فطومة وين ساكنة ؟ كيف لهجتك

اوه يعني عندك ميول لإنه تكوني معلمة مدرسة لمواد مثل هيك ولا ببالك وظيفة ثانية؟
تُشكر جهودك عالدعوة التفصيلية يلي مفادها الله يحرقهم آمين آمين
انا من مدينة جنب نابلس ، اللهجة عنا نص مدنية نص فلاحي < الفلاحي مش مثل البدوي بس الفرق اننا بنحكي بدل قال "كال" مش "ئال" او قال عادي مش مثل القدس ونابلس والخليل ، والكاف في ناس تلفظها كاف عادي وناس تلفظها
"تش" ، لهجة نور يلي من طولكرم مثلنا كمان وبس هاي الاختلافات عن الباقين