انمي تون AniMe TOoN

حاسة روحي حنهبلك

حلالك

3 سنوات licence
L1: نفس نظام جذع مشترك رياضيات و إعلام آلي القديم MI تقراو ( الجبر + التحليل+ هياكل البيانات + الفيزياء + هيكلة الآلة ) نص مات نص انفو

الجبر: تقراو فيها شوية على المنطق الرياضي و الكثير من البراهين

التحليل: يشبه للمات تاع الباك (نهايات، متتاليات، تكامل) مي أصعب و أعمق

هياكل البيانات: يعلموكم البرمجة و يبداولكم باللغات التي تتعامل مع البيانات باحترافية لأنو أهم نقطة على المبرمج تعلمها كيفاش يبرمج على حسب مساحة الذاكرة المتاحة، اللغة الي رح تقراوها هي الـ C

هيكلة الآلة: مدخل نحو الالكترونيك

الفيزياء: الحركة تاع الباك بصح أسهل، التريسيتي الي رح تكون صعيبة حتقراو القوة و نيوتن فالكهرباء


بالنسبة لثاني فصل يزيدولكم

الاحصاء و الاحتمالات: غنية عن التعريف

MATLAB: برنامج للبرمجة الرياضياتية من أشعة و دوال (اعتبريها مكتبة للدوال الرياضياتية الي تساعد المبرمج)

L2: رح تدخلو فالصح أنظمة التشغيل، قواعد البيانات، الشبكات، برمجة مواقع الويب، البرمجة الموجهة .. إلخ
يعني حيوجدوكم لاختيار تخصص لاليسونس

L3: تخيرو التخصص تاع لاليسونص، كاين زوج Si و لا Isil
يقسمولكم المواد مثلًا si فيها برمجة التطبيقات (تكملة البرمجة الموجهة أو برمجة الأشياء) مع التكملة تاع أنظمة التشغيل

و Isil فيها التكملة تاع برمجة المواقع و الشبكات

و مواد أخرى باين

فالـ Master عامين بتخصص واحد

تخصصات الماستر حكيتلك عليهم من قبل
نفس واش هدرنا مع info ing مي كاين تخصصات أخرى صعب تفهميها قبل الـ L2 علابيها ما ذكرتهاش

تخصص الماستر هو المهم هو الي رح يخرجك ingénieur فواش خيرتي أمن سيبيراني، ذكاء اصطناعي، شبكات .. إلخ

الماستر لازم معدل مليح باه يمدولي تخصص باهي ؟
نتي شادرتي؟

التخصص يهبل

على حسب الطلب في جامعتك، مي أغلبية الجامعات لا تهتم لمعدلك، تبعتك واش خيرتي

أنا درت réseaux

والفرق بينها وبين المدارس العليا ولا مجرد "التوظيف مباشرة "

مواد الرياضيات أكثر
و بالنسبة لـ info ing التطبيق و المشاريع أكثر

أما التوظيف it's Algeria
المعرفة هي الي توظفك
الشهادة غليها تيزاتة مع الأسف مدرسة عليا ولا LMD

مي يقعد عامل الكفاءة هو الأهم مايهمش جاية من ليزي و لا من معهد دخلتيه بالشهادة تاع البيام، الصح فأجوبتك على أسئلة المقابلة و المشاريع الي فالـ CV تاعك

نورمال على الاقل تكون عندي شهادة مهندس في الأمن السيبيراني ( إن شاء الله) نلصقها في جبهة العديان
Just kidding

بالتوفيق
كشما تحتاجي ليكور ليسوجي، و لا نفهمك كاش حاجة m here

حرحريهم XD

الكيبورد هردني
السيراميك ..