انمي تون AniMe TOoN

حمد لله وانت فطوم

ربي يدومها
+ الحمد لله اني بعد

جيت نفكرك العام لجاي عندك الباك

اني نستغل حياتي جيدًا متخافيش

راني معاك لعام لجاي

نتيا هذا العام الباك لالا؟؟

الشعب كامل رح يعاود كي لي قرا كي لي ما قراش كامل راحوا فيها حسبي الله فالوزارة

كون غير جا صعيب برك، ياو حطولنا تمرين عليه سبع نقاط من وحدة التنفس الجزائر كاملة ما لحقتهاش!
و حطوها في كلا الموضوعين
الأول حطو عليها سبع نقاط مع تمارين متوسطة
و الموضوع الثاني حطو عليها خمس نقاط مع تمارين اذا انت بنت ابوك حليهم
طبعا الناس رح تروح للي تمارينه متوسطة يخسروا سبع نقاط افضل من الموضوع كامل يهردوه ظلم عيني عينك، قالولنا المفتشين ما رحش تجي الوحدة ذي لأنه نورمالمو يشوفي وين حابسين الثانويات و يبنوا على اساسه الموضوع مي حبوا يدمرونا لدرجة خلوه فكلا الموضوعين

الفرنسي فالعادة ندي فيها 18 19 بلا قراية
ذي المرة قريت و الموضوع حرفيا ما ينفهم منه حرف عرفت بعض الجمل بس و الحمد لله حصلت الفكرة العامة للنص و الأسوء ما حطولناش القواعد لي مش متعلقين بالنص سو لازم تفهمي النص و لا قولي باي باي للفرنسي
الاسلامية جا يحتاج تشغلي مخك صح
الرياضيات جا طويل و فيه صعوبة
التاريخ و لا مقترح طاح
الفلسفة ما طاحت لا فرضية لا حتمية لي كانوا مرشحين 100%
المشكلة ذي ما مستش شعبتنا برك، كامل الشعب حرفيا !
التسيير دارولهم موضوع رياضيات تاع باك علميين فوق مستواهم الأدبيين شوطوهم تشواط كل عام يطيحولنا المقترحات ذا العام و لا مقترح طاح عدا مقترح العربية بلي شعر سياسي
حسبي الله و نعم الوكيل

اكثر نصيحة ممكن نعطيهالك قراي كلش لأنه الوزارة راهي تظلم نورمال ضك

عندي فرضية تقول عام يجي صعيب والتصحيح مطلوق عام العكس

خاتش العام لي جوزت فيه اختي جا ساهل والتصحيح مزير واحد ماادا وخرجولهم المعدل الموزون والعام لي موراه اختي الدوزيام جوزت جاهم صعيب والتصحيح مطلوق أداو فيه نقاط مليحة دارت ميدسين العام لي بعدو ساهل والتصحيح مزير وليد خالي مجابش فيه العام لي بعدو العكس وعاودو وليد خالي دار ميدسين والعام لي موراه هذا صعيب والله اعلم التصحيح ان شاء الله مطلوق باش تدو فيه وحنا يادرا
خاتش البروبلام مشي في السوجي برك البروبلام الكبير في التصحيح شفتهم بعيني كي يجي ساهل وتحلي كلش ويكون التصحيح مزير كيفاش قاع ميدوش
اختي اللولة غاضتها ايماجيني تشفاي على روحك حليتي كلش ومنهجية هايلة فينالمو متجيبيش لانوت!!
واختي الدوزيام جاتنا قاتلنا راح الباك حنا عمبالنا صايي صح راح فينالمو دات احسن نقطة

الفرضية ذي صحيحة بالنسبة للسنوات السابقة، و انا حليت قاع مواضيع السنوات لي قبل و حرفيا عمري ما شفت عفسة كيما هكا طبعا التصحيح عنده دور كبير جدا لكن ما يقدروش ينحولك حقك كي تكون الاجابة 100% صحيحة الا اذا حبوا يظلموك صح، باش الدولة تحطلك فكلا الموضوعين الوحدة لي ما قراتهاش الجزائر كاملة حتى الأساتذة ه
عبروا عن صدمتهم اتجاه الشي ذا لأنهم اجتمعوا مع المفتشين و قالولنا بلي التنفس لا يوجد فالباك _بسبب الاضرابات النقابية ما لحقوهاش_ نورمالموا يديروا حسابهم، لعام ليفات كملوا البروغرام و العام مافيه لا اضرابات لا حبوبة علاه ما حطوهالهمش؟ راه واضح بلي حابين يزكروا و السبة و الله ماعلابالي قراراتهم ما تخدمش المنطق خلاص صحبتي الدافورة لي جامي بكات من امتحان و لا توترت و كانت واثقة نهار الباك غاضتها التعب لي دارته و كانت اول مرة نشوفها خايفة و تبكي للدرجة ذي مهما قريتي ما رحش تقدري تجاوبي على وحدة ما قريتيهاش اصلا
عندي ما رح ندعي عليهم