كون غير جا صعيب برك، ياو حطولنا تمرين عليه سبع نقاط من وحدة التنفس الجزائر كاملة ما لحقتهاش!
و حطوها في كلا الموضوعين
الأول حطو عليها سبع نقاط مع تمارين متوسطة
و الموضوع الثاني حطو عليها خمس نقاط مع تمارين اذا انت بنت ابوك حليهم
طبعا الناس رح تروح للي تمارينه متوسطة يخسروا سبع نقاط افضل من الموضوع كامل يهردوه ظلم عيني عينك !!
الفرنسي فالعادة ندي فيها 18 19 بلا قراية
ذي المرة قريت و الموضوع حرفيا ما ينفهم منه حرف عرفت بعض الجمل بس و الحمد لله حصلت الفكرة العامة للنص و الأسوء ما حطولناش القواعد لي مش متعلقين بالنص سو لازم تفهمي النص و لا قولي باي باي للفرنسي
الاسلامية جا يحتاج تشغلي مخك صح
الرياضيات جا طويل و فيه صعوبة
التاريخ و لا مقترح طاح
الفلسفة ما طاحت لا فرضية لا حتمية لي كانوا مرشحين 100%
المشكلة ذي ما مستش شعبتنا برك، كامل الشعب حرفيا !
حسبي الله و نعم الوكيل
اي والله من ناحية وحدة التنفس الي دخلوها ظلموكم خاصة إذا مكمش قاريينها في القسم
بالنسبة الفرنسية صح شفت الموضوع و مفهمتش على واش يهدر بالضبط نظن واحد على اثار النزاعات في العالم و الاخر على مصادرة الأراضي في وقت الاستعمار مش متأكده مستواي سيء بالفرنسي تاعنا تاع العام ليفات كان حلو سكر خاصة تاع السبور
الإسلامية الحق عجبني الموضوع الثاني مليح نوعا ما تقدر تخدم فيه .. خاصة تمرين الربا كانوا يعجبوني و استمتع بحلهم
الرياضيات يب طويل عليكم بصح تقدر تلم فيه خاصة الدالة جات مليحه
و الاحسن انو تخلي تمرين الاحتمالات اخر شي لانه مشكله ياخذ وقت طويل
التاريخ شتها ساهلة على العام الي فات في مصطلحاتها و وتاريخها تبقى الوضعيات مركزتش عليها
ان شاء ميضيعش تعبكم و تلقوا نتيجه مليحه ف التصحيح
مرات ماده تخدم فيها متديش مليح و ماده ماكش خادم فيها تدي خير
مشكلتي اني امنت المقترحات بسك طاحوا لعوام لي فاتوا فبلاصة ما نحفظ خمسين مصطلح حفظت لي قالوا عليهم ممبعد انغدرت غدرة جلب
بالضبط فالرياضيات انا ضيعت معاه وقت حاسبة رح نقدر نكمل ممبعد تبلوكيت فنص الامتحان عقلي توقف مدري كيف اشرح بس مقدرت استوعب اي شي كأنه عقلي غاب فجأة و جاني هلع فجأة و فالأخير ضاع الوقت و رحت فيها و راح تعبي كي شفت تمرين الدالة ندمت اني ما بديتش بيه
و الاسلامية لقيت نفسي ناسية كلش عن الربا و الميراث فرحت للموضوع الأول كله بسبب ذاكرتي
المقترحات هي اسوأ شي ممكن تعتمد عليه
+ احس فيك انا ثاني العام ليفات في الرياضيات رغم أن عندنا 4 سوايع ونص و تمرين الاحتمالات قصير على تاعكم لأننا منقروش الاحتمالات الشرطيه الا اني من التوتر و قاع تبلوكيت فيه و راسي معدش يقدر يخمم بصح قدرت نهدي روحي و كملت
فتصرا و في قاع المواد
إن شاء الله فيها خير
الي يقرا يجيب الا اذا ماكلبتش الوزارة كيما صرالنا هاذ العام زعما قالك بلي ديرلي اضرابات باه متقراش دروس خووووذ وحدة حتى حد ما قراها فموضوع الساهل تع العلوم يعني قلك باد بويز
كلبتتت