Fear is a choice | 상관 하지 마! (1 زائر)

[Lightless]

[TBL="http://www.anime-tooon.com/up/uploads/toon1488321190641.png"]

السلااام عليكُم ورحمة الله وبركاته 안녕하세요 여러분 ث2
جددتها لأسباب غير معروفة ص7 بس حبيت أعمل شوية تحديث XD
المُهم هِنا زي ماشفتو في اللي قبل ، فلسفة وحكي وحاجات مدري إيش قصتها بس المُهم إني أحب أحكي
الإسم من الإقتباسات إللي جداً حابتها وحاطتها بكل مكان xd فحبيت أحطو إسم للمدونة ص7
طبعاً حبيت أنسق أكثر لإني ماحبيت المدونة إللي قبل > عندها مشكلة مع الفواتح ص7

رآجعة بإذن الله XD

[/TBL]

 

[Lightless]

رد: Fear is a choice | 상관 하지 마!

[TBL="http://www.anime-tooon.com/up/uploads/toon1488321190641.png"]

السلااام عليكُم ورحمةُ الله وبركاته...


خلال هالسنتين بدأت ألتزم بحاجات كثير وغيرت حاجات كثير.
تعرفو الناس إللي هادئين ويشوفو كُل شيء سواءاً مُزعج ولا يضايق ومايتكلمو ؟ حتى لو جاء شخص واذآهم أو ضايقهم مايعطوه وجه ؟ وحتى كلامهم قليل ومايطالعو في أحد وهمهم في نفسهم بس ؟ دي أنا بالضبط المضبوط المتضبط م0
بس مُشكلة اللامُبالاة أو التطنيش في مواضيع تكُون أثرت في الشخص بشكل كبير ، لكن يتجاهلها أو (يدّعي) إنو أتجاهلها خطأ.
بسبب هالشيء وإني أسكت عن حاجات كثير كان فيني كِمية طااقة سلبية ، حتى لمّا أطلع مكان أحس نفسي أشبه حقون الأنمي لمّا تتكون هالة سودا عليهم XD وبنفس الوقت كان التنظيم في وقتي وكل شيء = 0. كان الوقت بالنسبة لي جداً قصيير وما أحس فيه أبداً..بس بنفس الوقت كُنت أعمل حاجات كثير وأتعلم عن حاجاات كثير بس برضو ما أتذكر بالضبط أنا إيش كُنت أعمل م0
عشان كِدا من سنتين بالضبط بدأت أعمل نِظام وجدول ، وسِرت أحاول أعمل كونترول على نفسي مِن ناحية حاجات كثير..
أول شيء -النـــوم- تعرفو الناس إللي ينامو 18 ساعة ويقومو أبو ساعتين ويرجعو يكملو 18ساعة ثانية ؟ دي أنا XD
^ وكُنت أستغرب ليه الأيام تمشي بسرعة XD هذا لإني ما كُنت أصحى في السنة غير ربعها والباقي نُــــــــــوم.
بحثت عن هالمواضيع وكيف أنظم نُومي وفعلاً أكتشفت الأسباب أولها أسباب تخص النفسية وكِدا ، قبدأت أعدل وأغير في حاجات كثير. وبنفس الوقت الطاقة السلبية والحاجات دي كانت حُلولها جداً بسيطة صلاة ؟ و رياضة.
صِرت لمّا أتضايق أو أفصل أو يكون فيه شيء محوس دِماغي تلقائياً أنكتم وأقوم أتمرن ، وفعلاً بعد التمرين أحس عقلي هاادئ وأقدر أفكر بشكل عِدل. بدأت أنظم وأقسم وقتي وأيامي للحاجات إللي أعملها عشان مايصير فيه حُوسة ولخبطة. بالبداية واجهت صعوبة بالتنظيم لكن عملت طُرق مختلفة شوية في التنظيم عشان تناسب لي XD
الحمدُلله فيه حاجات أتغيرت كثير ومازِلت أغير وأضيف وأعدل. وللآن في حوسة مع التنظيم ترا لإنو هالشيء صعب عالناس إللي زيي يعملوه XD > تحب الأيام الفاضية إللي تكُون متكية وماتِعمل فيهم شيء XD
بس بنفس الوقت عاارفة إني لمّا أكبر بالعمر مُستقبلاً رح أتمنى إني أرجع لزمان عشان أنجز شيء أو أعدل شيء ، أو أكُون أتعلمت شيء يفيدني.. نفس وضع الأموات ، يبغو يرجعو للدُنيا لو لَحظة عشان يعوضو الحاجات إللي ماعملوها!!
^ مدري إيش جوّي وليه قُلت هالكلام ؟ بس قلتو ص7

في التقييم شُفت تقييم جذبني ص7

أوه أوكيه أوكيه شُكراً عالتنبيه *عين حاقدة*
أصلاً بيجي اليوم إللي أكون متكية فيه في الصباح وماورايا شيء > على أساس الأخت تداوم بالويك-إند. ص7
​

[/TBL]

 

[Lightless]

رد: Fear is a choice | 상관 하지 마!

[TBL="http://www.anime-tooon.com/up/uploads/toon1488321190641.png"]

هذا الوقت سيمضي!!!

هالفترة أحسها متلخبطة مراا ص7
كعادتي مِن بداية هالسنة بداية كل شهر أكون متحمسة ومرا طاايره مع الحماس ووسط الشهر أكون هه يعني هه ص7 وآخر الشهر أكون متكية أنتظر بداية الشهر الجديد ص7 وينعاد نفس الموضوع كل شهر.

بس بداية هالشهر غير ، تِعرفو شعور إنكم تحسو مافيه شيء جواتكم ؟ ماتدرو إيش مزاجكم ولا مشاعركم في يومكم ؟ كل شيء صار عادي بالنسبة لكم ؟ دا بالضبط شعوري هالأيام بس بحاول أرفه عن نفسي بالفرفرة هِنا ص7
بس أحس بسبب التغيرات إللي صايره حولي ، وإني بحاول أتظاهر إني مش شايفة حاجات رافعه ضغطي وكل كلامي إتس أوكيه وذا لايف إز بيوتيفول مع إنو مفيش حاقة أوكيه وذا لايف إزنت بيوتيفول > وضعي صعب ص7
كُل إللي أتمنآه في هاللحظة إنو هالشيء مايستمر لفترة طويلة : (

هالفترة myself أخذت إجازة من بداية الشهر وموراضية ترجع : (
وأنا عآذرتها والله محد حاسس فيها غيري ص7
بس برضو جالسة أحارب وأحاول أكمل إللي لازم أكملو ، نفس ماوعدت نفسي > حالة مستعصية ص7 : (

المُهم تِعرفو هاللحظة إللي إنتو منسدحين فيها ، أو جالسين تِعملو حاجات تاخذ وقتكم كلو بدون أي مبالغة ؟ اللحظات إللي ضيعتوها في هالحاجات إللي ماطلعتو فيها بفايدة ؟ هيّ نفس اللحظات إللي تتمنو ترجعو لها لمّا يفوت الأوان عشان تعدلوها.
^ حاولو تفكرو فيها زي مافكرت فيها بالتمام.
هالنُوع مِن الكِلمات والعبارات يخليني أدخل عاالم بعييد ولمّا أصحى للواقع أكون صحيت نفسي من حاجات كتير.


الوقت مُهم ، وإذا ماعندك أي فِكرة عن تنظيم الوقت أو تِحس إنو تنظيم الوقت شيء مُش مُهم ؟
فإسمع ، إنتا من أول الأشخاص إللي مبذرين في الوقت أو مضيعيين في الوقت!

على قَد ما نحوس ونلعب ونحاول تتسلى بس لانترك يومنا ينتهي بـِ "ولاشيء" لازم نِطلع بفايدة ، نِطلع بِدرس من هاليوم يعلمنا للأيام الجاية! ، الوقت ثابت ، يعني 24 ساعة زي ماهيّ كُل يوم! لكن تقسيمنا لها وترتيبنا لحياتنا يحدد كِمية الإستفادة والتسلية والراحة والوقت الإضافي إللي ممُكن نحصل عليه مِن خلال تنظيمنا ليومنا ولوقتنا ..

من أكثر الأشخاص إللي أحتقرهم في هالعآلم إللي يتكلمو على شخص مِن وراه.
كِمية إستفزاز مو طبيعية تجيني هاللحظة!! ، يمكن لإني صريحة وأتكلم مُباشرة للشخص نفسو ، ما أحب اتكلم على شخص وبالنهاية الناس كُلها عرفت إلا هالشخص! ، يعني لمّا يغلط أو يعمل شيء ؟ أقول له إنتا كِدا وكِدا> أقسم بالله كمييية راااحة فظظيعة ص7

والله جد جربو تكُونو صريحين مره ، بس ركزو على أسلوبكم في الكلام عشان ماتتتحمسو وتصيرو غلطانين بعدها ، بإحترام وأدب وأسلوب صدقوني بتحسو براحة فظيعة لإنكم قُلتو الشيء إللي متخبي جواتكم لنفس الشخص مش لغيرو.

عِندي سؤآل لأشخاص مُعينين ، بأي عقلية إنتَ مستعد تِشتم ، تِنم ، تِغيب على شخص تِكرهـــو جداً وتتكلم عليه من ورا ظهرو عشان بالنهاية هُو بياخذ من حسناتك وإنتا بتاخذ من سيئاتو ؟ بالله كيييف ؟!!!
أنا لمّا فكرت فيها وجلست أعيد حِساباتي عِبارات الشتم والسب وإني أتكلم على شخص وهالحاجات كُلها صار لها Delete تلقائياً بدون أي تفكير!! ص7





في فيه نوعية من الناس إللي يفكرو بطريقة غريبة ويثبتو على تفكيرهم! ويستصغرو أفكار الغير ولو كانت أصح مِنهم! مُتمسكين بحاجات بدون أي سبب ، لكن المُهم هُم الصح وبدون أي سبب ، مو ناويين يتغيرو أبداً! هالناس إللي نفسي أسحبهم شخص شخص وأحطهم بحفرة وأدفنهم ، مستعدة وبقوة أسويها ص7
مدري إيش أقول غير الله يفتح دماغهم المقفل دا : (












المُهم ترا بُكرة مسافرة وبحاول أدور على أي فرصة أدخل أفرفر هِنا وكمان فيه تحديات وحاجات حِلوة ما ابغى أفوتها ومجهزه لمواضيع جديدة ص7

​

[/TBL]

 

[Lightless]

رد: Fear is a choice | 상관 하지 마!

[TBL="http://www.anime-tooon.com/up/uploads/toon1488321190641.png"]

[/IMG]
​

الحمدُلله هالفَترة نفسي بدأت ترجع تدريجياً مع إنها أتأخرت شوي بس عوافي ص7
بس فيه مُوضوع هِيك صاير نفسي أحكي عنو ، هالمُوضوع طبعاً مِن يُوم مابدأت السوشآل ميديا وهالحاجات أنتشر بشكل غريب!!! شيء جميل إنو هالفتَرة أنوضعت قوآنين وحاجات عشان تِحد هالشيء لكِن للأسف لسآتو موجود ص7 طبعاً الفترة السابقة أنا حرفياً ساحبة على كُل شيء إلا اليوتيوب والمُنتدى!! ص7 صِرت أتابع فيديوهات هِيك مُحفزة وستآند أب عشان أضحك وهِيك حاجات ص7 وصِرت لمّا أتطلع بالتعاليق أحس بتطلع لي قرون مِن كِمية التعاليق السيئة أو السلبية ص7


عزِيزي الإنسان!!
بالنِهاية إنتا إنسان ،، إ ن س ا ن !!
يعني إيش إنسان ؟ يعني لِك عقل ولِك تفكير ولِك تجاربك ولِك حاجات خاصة فيك إنتَ فقط!! لَك شخصية مُختلفة عن الغير! لِك حاجات تِختلف إختلاف جذري عَن غيرك! ، لِك حاجات تِكرهها وتِحبها ولَك ذوق خااص.. يعني ؟ إذا ماعجبك شيء في شخص مُو معناتو " فاشل ، سيء ، .. " > طبعاً أخترت ألفاظ وربي مُحترمة عن اللي أشوف غيري يتلفظ بيها عالأشخآص الآخرين !!
ليه مَحد راضي يفهم إنو الناس أذواق ؟ المُشكككلة فااهمين! وربي فاهمين ص7
بس برضو عايشين زي التَنك يطِلعّو أحكام ويفسرو كل شيء على كيفهم!
^
والله فِي جُعبتي الكثير بخصوص هالمُوضوع ^ بس مابدي أحكي كثير ممُكن أنطرد ص7

هل أعتبر سيئة لمّا أعطي أعذار لشخص ص7 ؟
أنا مُقتنعة ومُصدقة إنو مافيه ومِن سابع المستحيلآت إنو يكون فيه شخص بشكل كاامل "سيء" أو بشكل كاامل "جيد" يعني حتى الأشخاص السيئين يكُون لهُم سبب! لازم يكُون لِهم سبب..
مُستحيل يكُون شخص يِعمل أعمال مش كُويسة وتكُون "فِطرة" فيه مُنذ الصغر ص7 سلامات ؟ ، يعني السارقين أكيد مابدؤوا يسرقوا بدون سبب ؟ القَتلة ؟ أكيد ماقتل بدون سبب!
مثلاً القتلة ، نشوفهم بالدرامات هِيك ناس سيئين وحياتهم كُلها سيئة ومافي خير فيهم ودايماً أفكارهم سيئة ومابعرف إيش وِسوآد في سوآد مع إن الأسود حِلو ص7 ولا هالقتلة في الحياة الحقيقية ناس عاديين لهُم أفكارهم ولهم حياتهم ولهُم مبادئ وحاجات بحياتهم ، لكن لمّا قتل! قتل بسبب سواءاً غضب أو فيه شيء حفزّ هالشخص يقتل شخص آخر.

ممم حتى الشخص إللي يتعامل مع الناس بشكل سيء أو أخلاقو دايماً H ؟
يَاخي أكيد عندو مشاكل ؟ ظروف ؟ حالتو النفسية تعبانة ؟ هُوّ صح غلطآن إنو المفترض يتعامل بشكل جيد مع الآخرين ، لكن بنفس الوقت لِيه أسباب لهالشيء وممُكن ماعندو قُدرة تحكم في أعصابو ونفسيتو ، يعني هالإنسان مش باد بشكل كامل.
ممم حتى فيه الأشخاص إللي مثلاً يكونوا قُدامك بوجه ؟ ومِن وراك بوجه!
أنا بصراحةً أكره هالنُوعية من الناس بشكل كاامل لَككن!! ممُكن السبب يكُون إنتا! إيه إنتا..
ممُكن إنتا كَشخص يتعامل معاك هالشخص بوجه ومِن وراك بوجه لإنك ماتتقبل الصراحة ؟ تبع مشاكل ؟ ماتحب الجِدية ؟!! فهالشخص يتضطر يلبس قِناع مَعاك وبعد ماتِمشي يشيل هالقِناع أو يلبس قِنآع ثآني! ،،، وبنفس الوُقت ممُكن تكُون أسباب عكسية يعني على هالشخص نفسو ، ممُكن ما أتعلم يكُون صريح ؟ ممُكن إللي حولو كُلهم نفس النوعية فطبيعي بيصير مِتلهم!! ولا ممُكن مايحُب المُواجهة ؟ يعني فيه 100 سبب وسبب. وممُكن تكون إنتا الغلطآن وممُكن يكون هالشخص الغلطان! وممُكن يكون السبب مُوزع بينك وبين هالشخص ص7


إللي عندو أرآء في هالمُوضوع ياخو ناقشوني أبغا أعرف أفكاركم إتجاه هالمُوضوع كيف ؟!
لإني دخلت في نقاش مع بعض الناس من كَم يوم وأنصدمت من تفكيرهم بصراحةً ، الدراما لاعبة في راسهم لِعب صصح ص7
قلبي3قلبي3قلبي3


..



​

​

[/TBL]

 

[Lightless]

رد: Fear is a choice | 상관 하지 마!

[TBL="http://www.anime-tooon.com/up/uploads/toon1488321190641.png"]

[/IMG]
​

يَ ربب عالحاجات الحلوه إللي هِنا! أشتقت والله خ0
ما أتوقعت فترة النقاهة بتطول وتاخد 8شهور تقريباً ، بس welcome back to myself

،،

المُوقف إللي جد تركني أختفي عن عالم المواقع بالبداية هُو
إني عملت تهيئة لهارديكسي بالغلط ، آآه أنا والأغلاط جِد كثرت هالفترة مره
المُهم إني واجهت إكتئاب حاااد لمّا شفت جميع أشيائي الحلوه وذكرياتي وكُلللل شي أنحذف ، وقِدرت أرجع بعضها مش كُلها بس الحمدلله شيء أحسن من ولاشي
والفترة الأخيرة (8شهور تقريباً) ماكان لي نفس أصمم ولا أتكلم ولا أتابع شيء ولا أعمل أي شي في الحياة وكُنت عايشة بصمت شديد XD خُصوصاً إنو صارت تنقلات كبيرة في حياتي وحاجات تِحوس بس الحمدلله هجدت وأستقريت
المُهم إني على وجه إختبارات نهائية وأعرفني نفسيتي ماتشتاق للحاجات الحلوه والترفيه غير في وقت الإختبارات النهائية>مليون خط تحت النِهائية


جِد أشتقت لأنمي تُون إشتيااق فُوق إشتياق ، تقريباً مافيه أي مُجتمع أو مُنتدى كُنت أدخلو غيرو!
حتى الأعضاء الحلويين إللي هِنا ما أعرف كثير ، بس لِيه معزة خاصة! مدري كيف
المُهم ببدأ أحوس فيه شايفة فيه تغيرات كثيرة صايرة!
وماكان فيه شيء يحمسني أتابع أنميات وهالحاجات قَد أنمي تون! وحتى بخُصوص التصميم
أشتقت لكِل شيء والله

​

​

[/TBL]

 

[Lightless]

رد: Fear is a choice | 상관 하지 마!

[TBL="http://www.anime-tooon.com/up/uploads/toon1488321190641.png"]

[/IMG]
​

الحاجات الفخمة دي لازم أثبتها عِندي هِنا قبل أي تجديد ناوية أعملو
هِنا
هِنا
هِنا
هِنا
هِنا
هِنا
تهنئة وحاجات حِلوة جاتني بشهر 4 بسبب يُوم ميلادي مِن الجميلة ><

​

​

[/TBL]

 

[Dr.Nadine]

يغلق بطلب من العضو