مدونة أيانو - Home (2 زائر)

[Hello kitty]

السلام عليكم ورحمة الله تعالى و بركاته .
انت الي ضغطت ع المدونة سواء بالغلط أو لأنك لقيت انه اخيرا أيانو عملت مدونة أهلا بك
تاريخ فتح المدونة : 5/5/2024
أريد أعرف عن نفسي بالبداية ممكن اكتب الكثير ممكن أكتب القليل ، ع حسب المزاج يعني.
إسمي لينا ، حاليا عمري 16 وبعد شهر و شوي ايام بصير 17
تاريخ ميلادي هو 9/6/2007
و من الجزائر تحديدا الشرق الجزائري
أنا شخص متناقض ، شخص تناقضاته تتحكم به سواء افعال او قرارات او طموحات .
اقدر طول حياتي امشي على خط وفجأة اتغير مباشره بس بسبب مزاجي المتقلب ، صارت لي ذي السنة الفايته كنت طول السنة افكر اسوي شعبه تقني رياضي لمن وصلتني ورقة الاختيار رحت اخترت شعبه غير بس بسبب مزاجي بس الحمد لله السيطرة تحت الامور
أنا شخص مدري يريد يكون له اكثر من شيء يتميز به بس مدري ليه احس اذا كان الشخص متميز بنواحي كثيره يصير ماعندو شيء يميزه .
يعني انا الاغلب في التون يعرفني على اساس ايانو المصممة الكسولة الي قليل ماتسوي شيء بس بالاخير تنجي نفسها وتطلع بنتيجة مرضية ترضي الكل إلا هي
البعض يعرفني على اساس اني ايانو المؤلفه الي تريد تحطم شخصيات روايتها وتفرغ فيهم حرتها بس اخر مره كتبت فصل كانت قبل 5 شهور .
البعض يعرفني على اساس ايانو الي تريد تصير ايديتور بس البيسي حقها خلاها تنسحب عن قرارها .
البعض يعرفني على اساس اني ايانو بس ، شخص يسولف ويهبد ويحب المانهوات
البعض يعرفني على اساس اني ايانو الهادية او الباردة او العصبيه او الشخصونية .
البعض ما يعرفني .
البعض يعرفني على اساس اني لينا الدافورة او حتى لينا الثرثارة او لينا النفسية .
بس كيف لينا تعرف نفسها ؟
ذا السؤال الي معرف اجاوبه و ربما اقدر اتوصل لإجابة بفضل ذي المدونة .
بس الي اعرفه اني شخص صعب انه ينفهم بسبب تناقضاته و بسبب افكاره المتضاربة
بس خلني اعرف على نفسي بشكل لائق أولا
يب زي ما قلت انا مصممة و مرات احب الكتابة نادرا ما ارسم شيء ، اطبخ فحالات الجوع بس اطبخ شيء محترم .
احب اللون البنفسجي جدا
احب المانهوات خصوصا لوكيزم و أورف
فالمواد الدراسيه احب الفيزياء والكيمياء
ادرس ثانيه ثانوي و بصير بكلوريا بعد كم شهر
نادرا ما ألعب شيء بسبب انه البيسي حقي معوق بس الألعاب الي احبها gta 4 و yandere simulator
ما احب اتابع الأفلام والمسلسلات ممكن مرات اتابع شيء خفيف
اضافه مالها فايدة احب النظارات بس اكره البسها


انا شخص يحب التخطيط بس ما يقدر يلتزم به يعني لو شخص يطلب مني اساعده ينظم وقته بساعده بس مقدر انظم وقتي احب اكون شخص مرتجل (مرتجل مش مسترجل )
شخصياتي المفضله سواء مانهوات او روايات او العاب او انميات : كيم دوكجا ، هان سويونغ ، يو جونغهيوك بكل تراجعاته ، ايانو آيشي ، ويليام جيمس موريارتي ، دانييل بارك ، غان ، جيمس لي ، CJ (من الطفولة وحلفت احطه) و بيليك حق قراند 4 (اللعبه عشقي احبها )
مدري احس كتبت القليل بس م لقيت وش اكتب

ما تنسو تصلو على النبي صلى الله عليه وسلم
و ما تنسو الدعاء لأخواننا بغزة

​

 

[Hello kitty]

باك .
احسني ادمنت
المهم لي فتره منزعجة من شيء معين قلت خلني افضفض شوي هنا
يعني قبل كل شيء ، انا فيني صفة اني شخص كتوم ومهما صار معي تلقاني اخبي ما اخبر إلا القليل (بس بحالة اني اريد استشير شخص)
كوني شخص كتوم ازعج اشخاص كثيرين خاصة المقربين مني سواء عائلتي او اصدقائي .
لي صديقة او بشكل اوضح كانت لي صديقة اعرفها من ايام الابتدائي و هي قريبتي شوي ، صداقتنا ذيك حقة هبد و مزاح وضحك و كلشي يعني كذا .
صديقتي ذي خلي اسميها ليمونة ، ليمونة لها صديقة بسميها زيتونة ، زيتونة ذي ما ارتاح لها يعني طبعها ذيك البنت الخفيفه الي تحب النميمة و الاشياء غير الاخلاقية و اعرف الكثير عنها و عن ماضيها ولي ماضي سيء جدا معها سبب لي صدمات المهم ، انا ذي السنة انتبهت انه ليمونة صارت خوية زيتونة وتجيب معها وقت طويل يعني ما اكذب ايوة انا غرت بس برضو م اريد صحبتي تكون صديقة شخص سيء لاني ادري الصاحب ساحب و كلشي ، فا قررت انبهها بالبداية و ليمونة قالت انها تدري بس زيتونة تظل صحبتها و انا ما اهتميت لاني مش امها او زوجها عشان اتحكم بها يعني انا سويت الي علي اني نبهتها .
فيه ولد يدرس معي بالدرس ما احتمله وانا اذا كرهت شخص اقوم اضحك عليه وعلى اي شي واجيبها وراه وذي من سلبياتي ، بس الواضح انه زيتونة لها علاقه به ودايم تدافع عليه ولمن اتنمر عليه قدام ليمونة هي تقوم تدافع عليه وتقول لي ما يصير تتنمري و عيب وانتي وانتي وانتي و كذا وانتي تعرفيني اكره ذي التصرفات وانتي ما تراعيني و مدري وش ، لأني احب صديقتي ذي قمت اعتذرت وتنازلت وصرت ما اتنمر عليه قدامها .
و فيه ولد ثاني بالقسم الي جنبنا ذا له ماضي مع زيتونة و عشان كذا زيتونة تكرهه ودايم تتنمر عليه و تسبه وتسوي عنه اشاعات وعن عائلته وتسب عرضه و غيرها ، وليمونة تضحك معها برضو وانا الامر زعلني شويتين لانها نفس الشخص الي قاللي انها ما ترتاح للشخص الي يتنمر على غيره بس ما اهتميت وماشغلت بالي .
المهم مرة تهاوشت انا و زيتونة وانا لاني شخص لمن يعصب يرمي كلام جارح جدا قمت ذكرت شيء من اسرار زيتونة بالعلن وهي زعلت جدا و بسبب ذا جت ليمونة هاوشتني و قالت لي ما يصير تقولي عنها كذا و مهما جرحتك و مدري وش .
و مرة زيتونة قالت شيء حساس عني ووصلني و لمن رحت خبرت ليمونة قامت انسحبت وماقالت شي وقلت عادي مايهم اصلا ذي مسألة شخصيه عمري مش 6 سنين حتى اشخصنها .



مرت الايام و تهاوشت انا وليمونة وهي قامت تقول اني شخص كتوم وما اخبرها بشيء و ذا يخليها تحس انها عديمة قيمة عندي فا انا كنت وقتها اخاف اخسرها قلت لها طيب المرة الجاية اذا صار لي شيء بخبرك الاولى .
مؤخرا صارت شوي مشاكل ببيتنا امي بتسوي عمليه و مشاكل بشغل ابوي و اشياء اخرى وكنت مضغوطة قلت خلي اخبر ليمونة ممكن اخفف على نفسي
خبرتها هي الاولى حتى قبل شخصي المفضل عن عملية امي واقصى شيء عملته ايمائه ما دعت لها حتى و قامت تحكي قلت ممكن ذا اسلوبها بالتخفيف بعدها خبرتها تراني بالاحد اريد اجلس احكي معك لاني ارتاح للسوالف معك وقالت اوكيه
بيوم الاحد هي جت وكنت بقعد معاها فجاة قالت لي لا تراني بقعد مع زيتونة وانا قلت اوكيه
بالاستراحة جلست معهم وحسيت نفسي طرف ثالث وقمت سحبت عليهم ورحت للفصل اجلس وحدي و بعدها هي جت ضربتها ضربه خفيفة قامت ناظرتني بنظرة مدري كيف اوصفها مع انها حرفيا من النوع الي يضرب بداعي المزح وكم مره القى كدمات وبقع زرقا على ذراعي من مزاحها .
لمن كنا راجعين للبيت شافتني قامت غيرت طريقها انا عصبت وقمت اتجاهلها وهي صارت تروح للناس وتقول لهم شوفو لينا معصبه مني بدون سبب و مدري هي نفسيه ومتناقضه و بسبب تافه و الواضح انه زيتونة تحرضها علي لانه كم مره ليمونة تلمح على شيء مافهمته
و حاليا ما افكر اكلمها و اخبرها لاني دايم انا الي اصلح الامور فا خليها هي تجي و تفهم نفسها ولو لمرة واحدة بس !

مدري هل المسألة طفولية وبسبب التراكمات صارت مزعجة او مدري الصراحة مافهمت وش اسوي حتى اخفف غضبي وخيبة املي

​

 

[Hello kitty]

​

لا تنسو تشيكو على موضوعي الرهيب لازم ردود ترا الشغف يجي من قرن لقرن

الختم الماسي - If you want me change yourself||رمزيات + تواقيع + أغلفة

@Yashiro ★ 6/5/2024 أبدعتِ ، أنيرينا مجددًا ندى1 السلام عليكم ورحمة الله تعالى وبركاته . كيف حالكم ؟ اتمنى انكم بخير وصحة وسلامة ق1 اليوم اخيرا قلت خلي ارجع انزل موضوع ، مع اني كنت مخططة لمواضيع كثيره بس ذا بديت اجهز له البارحه يعني بتاريخ 4/5 اذا تأخر تنزيل الموضوع . يعني بلا سبب قمت العب...

www.anime-tooon.com

م توقعت انه ينختم الماسي بصراحة يعني توقعت ذهبي يعني فيه قالب واحد مقارنة بموضوعي الالماسي الثاني حق اوبي مي؟
مدري الصراحة .
بس على ذكر الشغف اريد احكي عن تجربتي مع الشغف من عدة نواحي سواء تجاربي مع الناس او هواياتي او الاشياء الي احبها او الدراسة
ببدا بالدراسة
انا بالابتدائية كنت الطالبة البرفكت الي بكل المواد تجيب درجات كاملة و ذا بفضل انه امي كانت تراقبني الله يحفظها و يشفيها يارب
بس كانت عندي سلبية وحدة اني ماحب اكتب الدروس مدريي كسولة انا اكره امسك القلم و ابدا اكتب وش فايدة اكتب شيء انا فاهمته
الدرجات الي كانت تنخصم مني بس بسبب الدروس وامي و معلماتي عجزو يعالجو ذا المشكل بي و للحين مازلت اعاني منه مدري وش الحل او اني فاقدة الرغبه والشغف بالكتابة يعني اقدر اكتب بورقه و انظمها بس اني اكتب بدفتر ما اقدر
اذا كان دفتر جديد اي ممكن بس اذا كتبت فيه من قبل ما اقدر و مدري احسني مهووسة بالتنظيم مثلا اكتب و اسطر بالغلط السطر كان غليظ على الاسطر الي غيره اقوم امزق الورقه واعيد من البداية لو مثلا اكتب بالاخضر و الاسود لو بالغلط اكتب بأخضر درجته غير عن الي كنت اكتب به اكنسل مدري هل ذي حالة نفسية او لا
برابع متوسط اتذكر كنت اريد اجيب 18 بشهادة المتوسط (البيام) كنت ادرس ليل نهار احل تمارين كثيره احفظ و ادرس وماتركت درس إلا وانا اعرف كلشي عنه .
بالامتحانات حقة البيام كنت بذلت جهدي و خليت كل اجاباتي مثالية وكنت شبه متأكدة اقل شيء ممكن اجيبه 17 بس النتايج صدموني و جبت 16 وقتها كنت احسها نقطة صغيره و حزنت و عصبت و قمت ابكي واقول لا مش درجاتي و واضح انظلمت و لقيت السبب بالفرنسي . مع اني كنت احب المادة جدا بس بسبب ذا صرت اكرهها ما اطيقها حتى اني الحين احسني فقدت ذاكرتي ولا كاني درست او قريت ذي اللغه من قبل صرت ما اقدر اقرا ولا اكتب ولا افهم التصريف ولا النطق و لا شيء و مدري من بعد ذيك السنه ماعدت اريد اذاكر ولا اتحمس ولا اقدر اذاكر صرت بالكاد اركز بالفصل مرات اطل طله خفيفه قبل الامتحان بليلة زي مانقول عندنا ليلة الرعد و يعني الثانوية صعبه درجاتي ماعادت زي المتوسط صرت اجيب علامات زي 15 و 14 ذي درجات يعني حلوة بس مقارنة بدرجاتي زمان لا ، هو انا مش الوحيدة الي صرت كذا اعرف اشخاص كانو يجيبو 19 الحين صارو يجيبو 13 بسبب انه اهتماماتهم تغيرت من الدراسة لأمور غير بلا فايدة زي التداول او مدري الصراحة انا مش متطلعه على هذا الموضوع .

تكلمت عن الكثير عن الدراسه مدري هل ذا يتعلق بالشغف او اني متعبه اخاف الامر يأثر علي السنة الجاية لان لي سنتين متعودة على الكسل ذا

المهم الحين بالاشياء الي احبها ، يعني الي يعرفني غالبا بيعرف اني فان مهووس بأورف يعني باي سالفه اجيب سيره اورف اجيب سيرة دوكجا اورف دوكجا اورف دوكجا بس الحين مدري اعتقد من بداية ذي السنة مافقدت اهتمامي بس ماعدت بذاك الاهتمام زي زمان يعني كنت اجيب اخبار و تسريبات قبل حتى ما تتسرب مدري كيف
الحين اكون اخر شخص يوصله الخبر مثلا التسريب حق انمي هاو تو فايت انا اخر شخص عرف عنه
ماعدت احب اتابع مانهوات كثير سحبت على كل مانهواتي حتى اورف و لوكيزم صرت اتابع شيء خمس دقايق اسكره الانميات كرهتهم اعتقد من 2021 بسبب انمي موريارتي الي تحرف جدا عن المانجا
برضو يانديري زمان كنت اعرف كل التحديثات يوم تنزل و مدونة المطور كنت حافظتها بس فقدت اهتمامي
مدري هل بسبب صدمتي لمن عرفت انه المطور بي*و
يعني ادري انه مش شرط الواحد يبقى بنفس اهتماماته بس انا مافقدتها بس ماعدت اهتم لها زي زمان

بالنسبه لهواياتي زمان كنت رسامة كنت ارسم ليل نهار بس باواخر 2022 يعني ببدايات اولى ثانوي سحبت بسبب شوي امور بتكلم عنهم عما قريب بإذن الله ممكن مرات اقوم اخربش شي اغلب الوقت ارسم اشياء فاصلة تافهة او رياكشنات او مرات بالفصل اكون شاردة القى نفسي راسمة مكعبات و نجوم و خطوط متقاطعة مدري ليه لمن دورت بجوجل لقيت كل موقع يهبد شيء من عنده قمت كنسلت
الكتابة صارت مشكلة سواء بالقلم او بالكيبورد عقلي فارغ مقدر اكتب شيء مهما قريت او شفت ما اقدر سواء اكمل روايتي او احاول اكتب شيء جديد ، عطيت نفسي وقت طويل وما استرجعته قلت لعل بسبب النت قمت عزلت نفسي عنها فتره بس الامر صار اسوء مع اني جالسه اتلقى الدعم من قارئي الوحيد @fin بس مدري الصراحة
التصميم هو الهواية الوحيدة الي مازلت استمتع بها وكل مره احسن ستايلي واجرب اشياء وافكار جديدة و مختلفه وصرت اصمم بكثره مقارنة بالسنوات الفايته يعني بديت بسنة 2020 واحنا الحين ب 2024 (مدري تنحسب 4 او 5 سنين )


الحين الامر الي مدري ممكن اكتب به بكثرة الي هو تجاربي مع الناس
يعني مشكلتي اتعلق بالناس بشدة ، اتكلم مع شخص يوم اصير اتعلق به و اصير اخصص يومي لذا الشخص
اغلب الاشخاص الي تعلقت بهم يعني طبيعي انا ماكنت اعني لهم شيء ولهم الحق بكلشي يعني مثلا لو مشغولين يوم كامل او ساحبين او مكتئبين او اي شيء لمن يصيرو يبعدو اصير اتحطم و تعلقي ذا أذاني ، بعض الاشخاص استغلو تعلقي عشان مصالحهم و بعضهم خاف من تعلقي و هرب بعيد و انا ادري انه تعلقي هو المشكلة بس ما ادري وش اسوي و كيف اوقف ذا التعلق فا صرت م اكلم اشخاص كثيرين عشان ما اتعلق صرت اخلي علاقاتي سطحية مع الاغلب اذا مش الكل سواء من النت او صحباتي بالمدرسة او بالدروس او عائلتي او حتى حيواناتي الاليفة ذي برضو انا جدا متعلقه بها اتذكر مره سلحفاتي كانت متخبيه و مالقيتها فكرتها ماتت و اكتئبت اتذكر برضو عصفورتي لمن ماتت اكتئبت عليها و قطي مره جلس اسبوع ما رجع البيت فكرته انسرق او انقتل او انصاب بس الحمد لله سلامات
بسبب تجاربي مع الناس و تعلقي صارت لي خيبات امل سواء من سوء التفاهم او من عدم الصدق بيني و بينهم او بسبب تدخل اطراف ثالثه ورابعه و خامسة او بسبب تغيرهم او حتى بسبب تغيري و انانيتي
وبسبب كل ذا الي حرفيا كان يجيني in a raw ماعدت اريد اتكلم مع الاشخاص بكثره ممكن فيه استثناء واحد او اثنين بس يعني اغلب الاشخاص كذا
صرت اتأخر بالرد على الناس بالانستا الين يزعلو مني و يمسحو رسائلهم مع اني اشوف نفسي محقه يعني انا مش مجبره ارد على شخص بالوقت وهم برضو مش مجبرين يتقبلو الامر يعني انا زي ما عاطية الاولوية لنفسي اني احتاج مساحة هم برضو عطو الاولوية لكرامتهم ف صرت افتح من حساب ثاني اكلم @fin منه بسبب انه الاستثناء لحالتي ذي ..
مدري حتى بالمدرسه ارد ردود باردة قليلة الي يشوفني يفكرني ساهرة اسبوع بس انام بالفصل او شاردة ما افكر بشيء فقط اناظر بالطاولة .
حتى مع بيتنا ما اتكلم معهم بذيك الكثره مع انها مش من عاداتي معهم لاني دايم ثرثارة و اتكلم بشكل عشوائي و اسولف كلما زانت الجلسة

مدري هل ذا تغير بشخصيتي او انها فتره فقدان شغف او انها فتره طاقتي جاله تنشحن فيها ببطئ


اوله احس تكلمت كثير
بس مدري بفضل ذا صرت اميل للامور الي تخليني ارتاح اكثر وماعدت اروح للاشياء الي تزعجني وتخليني افرط بالتفكير صار عقلي مافيه افكار سلبية زي زمان ماعدت اكره نفسي او الاشياء من حولي زي زمان صرت مسالمة اكثر صرت اشبه نفسي للسحابة مدري ليه

​