مدونة مميزة - ٱيلـوٰثيريـا (9 زائر)

[N A Y]

بخصوص جمال الطقم ​

فعالية الإسبوع ²
لندخل تطبيق اليوتيوب و لنتشارك معا المحتوى المفيد ، أخبرنا عن قنواتك المفضلة ؟ كي تضيف الى قائمتنا لذة المحتوى الفريد​

اليوتيوب احلى موقع بالنسبة لي وقائمة الاشياء يلي
اتابعها فيه لا نهائية ، فعلاً هو كنز لـ يلي يعرف كيف يغوص
فيه < الحكم xd
بدايةً قناتي المفضلة من سنين وهي
- دوباميكافين ،
لازم يعطونا جزء من أرباحها انا وزهراء كثر ما نطبل لها
- بوكافيين وهي لنفس الشخص وبنفس المحتوى
يلي هو تلخيص للكتب الفلسفية يلي الواحد يحس من العنوان
انه ممل وحشو كلام ، بس يسمع الفيديوهات تبع هالقنوات
من طريقة الالقاء الفخمة يحسه احلى كتاب بالكوكب xd

- قناة انس بوخش يلي هي مقابلات مع أشخاص معروفين
اتابع فيديو من اصل عشرة يعني بس يلي اشوفه مثير للاهتمام
اني أتابع مقابلته يلي مدتها ساعة ولا ساعتين

- قناتين لكوريات او وحدة فيهم يابانية ما اعرف ،
بتكون صاحبة القناة ما تتكلم وما تطلع وجهها بس تصور
روتينها اليومي بالطبخ والترتيب والعناية بالنباتات
وغيره مع ترجمة اسفل الفيديو ، خصوصاً ان بيوتهم ما شاء الله
جداً فخمة وفي مناطق ريفية تعطي تعقيم للنظر
والمقاطع هاي فل روقان

- قناة انس اكشن ينزل قصص تاريخيّة ودينية بطريقة
جميلة ومفصلة لكنها مو مملة

- قناة الغافري فيه حالياً برنامجين : دين وطين يلي بدا برمضان
عن سيرة النبي وللحين مستمر ، وبرنامج تحدي المعلومات
مع محمد عدنان كمان مسلي اتابعه اوقات حسب محتوى الفيديو

- قنوات البودكاست مثل فنجان وكنبة السبت وغيرهم،
البودكاست مو محدد عندي اي مقطع يطلع لي بالاقتراحات
يعجبني العنوان اشوفه.

- السليط الاخباري تنزل حلقة اسبوعياً
يتكلم عن السياسة بطريقة ساخرة وحرفياً هو المضحك المبكي xd
مقدمين البرنامج جوهم خطير خصوصاً نيكولاس مضيّع عالآخر
بس ناقص يسلم لأنه مسيحي

- من قنوات السياحة يعجبني اكثر شي جو حطاب
تصويره احترافي جداً ، وابن حتوتة ممتع كمان

فيه كمان بس خلص ما بذكر طولت :$

 

[N A Y]

ماذا لو أتيحت لك فرصة السفر إلى أي مكان في العالم، فأين ستذهب ؟ أتحفونا بالوصف​

بطبيعتي أحب الأماكن الريفيّة والطبيعة وللآن
ما صارت لي فرصة زيارة هيك أماكن ، منهم :
طرابزون - تركيا

TikTok - Make Your Day

صلالة - سلطنة عُمان

TikTok - Make Your Day

زيلامسي - النمسا

TikTok - Make Your Day

سويسرا - بالنسبة لي اشوفها الأجمل

TikTok - Make Your Day

ترومسو - النرويج
هنا الشفق القطبي

TikTok - Make Your Day

واكيد كيوتو - اليابان

TikTok - Make Your Day

تدوينة الاحلأم الوردية رسمي
لو نجي للواقع شو اللي حقدر ازورهم بجد
فـ غالباً تركيا ، وقطر
صحيح عبالي اروح قطر كمان اكسبلوري
كله فيديوهات عنها واحسها فعلاً مثل ما وصفها
حد بالنت انها مو دولة يعني كأنها زمردة كوكب للفتيات فقط
مرة رواق وسلام وجمال
TikTok - Make Your Day

 

[N A Y]

رأيك عن القرن الحالي وما وصلنا له من تطور، عصر الجنون مع الذكاء الاصطناعي، اذا جربته قيمه لنا كيف شفت اداءه؟ شو توقعاتك ممكن يكون تأثيره ع العالم البشري؟
معك مجال مفتوح في " نقاش&رأي شخصي"​

كان في موضوع نقاشي الشهر الماضي عن هذا الموضوع وتكلمت كثير فيه
مع اني ما اذكر شو قلت تماماً :$
لنكون مُنصفين التطور لا بد منه وما يمشي تضل الحياة ع نفس الوتيرة دائماً
وتضل حياتنا في منطقة الراحة المعتادين عليها من الطفولة ، الحياة حالياً
تحتاج تاخذها بجديّة وتفكير أعمق ، لأنه كلشي صاير مثل سيف بحدّين وما ننكر أن
عصر التكنولوجيا والذكاء الاصطناعي ممتع من جهة ويسهل أمور كثيرة من جهة
لكن له سيئات كمان وأكثر شي لازم الأهل بالذات ينتبهوا منه هو استخدام أطفالهم
للأجهزة والمحتوى يلي يشوفوه والأفكار يلي تدخل عقولهم يومياً ، وكمان يلي بأعمار المراهقة
وحتى الشباب ينتبهوا لجديّة نشر صور او فيديوهات لهم لأنه صاير سهل جداً تركيب
فيديوهات باستخدامهم وإدخالهم بمشاكل كبيرة مع الأهل او تشويه سمعتهم
مع كثرة العقول المريضة يلي ممكن تكون حتى من الاقارب والغيرة ممكن تخليهم يسوو
اي شي ليخربوا حياة غيرهم وياما مرت علينا هيك قصص .

ما عندي تجربة فعليّة لأحد برامج الذكاء الاصطناعي بس كنت أوقات
ارسل رسائل استهبال واسأل عن حاجات عامة مثل ما كنت بسأل سيري بالجوال
لكن ما صار موقف اني احتجت استخدمه بشي ضروري مثل حل واجبات او بحث علمي
وتوقعاتي للسنين الجاية مع تطوره بشكل أكبر رح يتم الاستغناء عن الأيادي العاملة البشرية
في كثير مجالات وهذا الشي له فترة صاير بس أكيد رح يزيد بس ما عنا فكرة لأي درجة
ممكن يوصل ولأي نوع من الوظائف بس من جهة ثانية عم تظهر وظائف جديدة متعلقة
بتطوير انظمة الذكاء الاصطناعي ، حتى ممكن ع أيام احفادنا تكون الروبوتات منتشرة
واعتيادية ويشوفوا بجد بيوت تتحرك ، سيارات بتطير وهاي الأمور الغريبة xd

احس إني تفلسفت كثير المهم آخر شغلة بذكرها ع سيرة الروبوت
قبل كم سنة كان في لقاء انتشر جداً لـ شخص صنع روبوت بشكل فتاة واعطاها
اسم بس نسيته المهم كانت بشكل قريب جداً من البشر وقالت بلحظة أنهم
رح يسيطروا عالعالم او يمكن النص الحرفي قالت إنها بعد سنين رح تكون واقفة مكان مُقدم
البرنامج ما اذكر الجملة بالزبط ، بعدين سكتت لحظات وقالت إنها تمزح
لو نجي نفكر فيها فعلياً اللي صنعها ما دخل في نظامها انها تقول هيك كلام
ممكن نعتبر انه قالته من نفسها ، صحيح صنع الخالق ما رح يتفوق ع قدرة وذكاء
المخلوق لكن الموضوع له تفصيلات ثانية ، أظن الفيديو يلي تكلم عن هذا المقطع
في قناة عمر ابو الرب .

احتاج ختم إداري هنا مش ختم فعالية

 

[N A Y]

تخيل أنو طقس بكره راايق ، احكيلنا عن حالة الجو المفضلة عندك و صف لنا تفاصيلو و
ما يصاحب هذا الطقس من مشاهد
كيف يتفاعل مزاجك ونفسيتك مع هذا الجو؟ هل بتحس بالراحة والسعادة ؟ أو بتحس بطاقة أكبر ، أو من جهة تانية تحس برغبة بالنوم ؟ شاركنا شعورك! ​

الفصل المفضل عندي أنا وبقيّة الناس العاقلين الطبيعين هو الشتاء
ولا عزاء لجماعة الصيف غريبين الأطوار الله يهديهم
أكثر وقتين أحبهم هم شروق الشمس والغروب والهوا البارد المنعش يلي يكون مرافق
لهذا المنظر الرهيب ، أفخم مكان تتابع منه هالشي وتعيش الجو هو البحر
وحضرت مرات كثيرة الغروب في البحر ، صورة من آخر مرة ولو مو باين انه وقت غروب #هنا
حرفياً البحر والهوا البارد والغروب يعتبروا علاج نفسي ،
ساعة بس بعدين تطلع منكد كمان مرة
يعجبني الجو الماطر كمان ، ما أفضل انزل امشي وقتها بس أحب اسمع صوت
المطر وأتفرج عليه ، بشكل غريب واحس الوصف هذا مش راكب عالموقف والبرود
يلي بكون بالجو لكنه يعطيني شعور بالدفء ، الراحة ، الانتماء
وأحب أنام ع صوت المطر كمان عندي عادة اشغل هيك مقاطع باليوتيوب
كمان يعجبني الجو الغائم وأحب اتأمل السما والغيوم وقتها وانزل لمكان مفتوح اجلس فيه
#هنا

 

[N A Y]

الحياة عملتنِي أنني لن أتخلصّ من قدرِي إن هربت ، بشكل قصِير وسريع ،
الإنسان يصطدم بنفسِه كلمّا هرب ، اذهَب أينمَا تُريد فـ أنت تأخذُ نفسَك ، قدرَك ، ما جمعتَه ،
جراحُك ، تواجُدك ، آمالك ، المسألة ليسَت الذهاب ، لأنك نفسُك التي تأخُذها معك .

-
في آخر حلقة من مسلسل تابعته أبطاله نائب ومحاميّة عطول عالقين بقضايا
قتل واختطاف وما شابه ، قرروا يستقيلوا و راحوا لمدينة ثانية لحتى يعيشوا بهدوء
لكنهم هُناك صادفوا جُثة في حديقة البيت يلي اشتروه وهنا قالت المحاميّة :
"لماذا يحدث كلّ هذا معنا؟ ولمَ كان يجب أن يبدأ كل شيء بمقتل أختي؟"
-الحلقة الأولى بدأت بقتل أختها-
السؤال هذا يلي يخطر ع بال الكل
وهو أنه ليش لازم نمر بظروف سيئة لحتى نوصل للأيام الكويسة؟
ولو أنه ما صار معي الشي الفلاني ذاك الوقت كانت حياتي الحين مختلفة
الإجابة لهذا السؤال انه لا ما كانت رح تختلف حياتك حالياً
ولو اختلفت أحداث حياتك الماضية ، أياً كان السبب النتيجة واحدة
حتى أنه خطة ربنا دائماً ما تكون أفضل من الخطة يلي رسمتها لنفسك
ولو ما عجبتك ، ولو انتهت حياتك وأنت مو فاهم ليش صار معك كل هذا.

الطريقة يلي جاوب فيها المخرج على هذا السؤال كانت مُبهرة
وأبدع بتوصيل هاي الفكرة ، رجعت الأحداث للحلقة الأولى من المسلسل ، وما انقتلت أختها
وكلشي كانت مخبيته عن أهلها حكته لهم وأسرارها هاي كنت احد اسباب قتلها أول مرة،
وانتقلت بنت ثانية واجتمعوا النائب والمحامية بهذا السيناريو الجديد كونهم الاثنين
مُشتبه فيهم بقضية قتل هاي البنت - في المرة الأولى اجتمعوا بكون أخ النائب مشتبه
فيه بقتل أخت المحاميّة-

إذاً لهنا الأمور ماشية مثل ما كانت تتمنى المحامية إنه تمشي
اختها عايشة ، ومعترفة بكل أسرارها ، وعلاقتها بالنائب كويسة ،
ومشى السيناريو بعدها بشكل مختلف كلياً لكن الشخصيات نفسهم
كانوا يظهروا بس لأسباب مختلفة عن الاولى ، واضطر النائب والمحامية
يروحوا لمدينة ثانية مشان التحقيق بالقضية اللي مشتبه بهم فيها
وكانت هاي المدينة نفسها يلي انتقلوا لها بداية الحلقة الأخيرة
لكن طبعاً قلنا السيناريو هنا مختلف ، صادفوا شخص
تسبب النائب في سجن ابنه وكان بده ينتقم منه ، وقتل النائب والمحامية
وبالنسبة لأختها كمان تم قتلها من نفس الشخص يلي قتلها بأول حلقة
الفرق الوحيد إنها عاشت أسبوع زيادة.

عودة للسيناريو الأول والأساسي، تقابلوا النائب والمحامية مع هذا
الاب يلي ابنه انسجن لكنه وقتها كان متغير الحكم ع ابنه وتمت تبرئته ف
ما هاجمهم ، وضلوا عايشين .

وهنا كمان يوصل لك فكرة إنه لا تتمنى تعيش شي قبل موعده ولا تزعل على تأخره
مثل يلي كانوا مسافرين وتأخروا عن طيارتهم وزعلوا على تأخرهم
بعدين شافوا بالأخبار انه الطائرة اللي كان مقرر يركبوها تحطمت ومات كل من فيها

فعلاً هاي الأمور حقيقية ومو مجرد قصص للاستمتاع فيها ، الفكرة منها عميقة جداً .


كلّ شيء كما يجِب أن يكُون.