راحِل الروح

امضوا في طريقكم، فقد تركت الحاضر والمستقبل للجميع، وأنا سأكتفي بالوقوف على أطلال الماضي، أقلب كفي على تلك الأيام الخوالي.

(( اللهم صلِّ وَ سلم و بارك على نبينا محمد و على آله و صحبه أجمعين ))

(( اللهم صلِّ وَ سلم و بارك على نبينا محمد و على آله و صحبه أجمعين ))

شخص من اللي حولي من فترة بس يناديني عم ضياء؛عم ضياء راح عم ضياء جاء، و اللي حولي يضحكون، طبعًا الموضوع عادي ولا يهمني للأمانه لكن اليوم فتحت لقطة من مسلسل مصري (بالصدفة المحضة)، وعرفت مين عم ضياء.

"ودَّعتك الله يا موادع حبايبك
ودَاعتك روحٍ توادع .. جسدها"

(( اللهم صلِّ وَ سلم و بارك على نبينا محمد و على آله و صحبه أجمعين ))

افكر اسافر لأختي لأن احس في شيء صاير، بس السؤال اللذي يطرح نفسه، اروح بدون ما ابلغها عشان اشوف الوضع على حاله، و لا ابلغها قبل اجي زي الناس المحترمين؟

على طاري الأطفال والتلفزيون والأجهزة انا لازم افضفض ولا بنفجر، في العيد والمناسبات اللي فاتت أطالع في الاطفال وأتحسر، ما فيه أحد يلعب ولا يسولف، كلها جوالات وآيبادات ومقاطع ريلز تدوخ وتلعن أبو التركيز.

كلمت كذا شخص و نصحت، بس يطالع فيك و يعطيك ذيك النظرة اللي تقول (اللي يده بالماء.....) او يقول وش دخلك،
طيب لو بكره جاهم توحد ولا صرع او أفكار وإيحاءات مريضة وش بتستفيدون؟

تخيلوا طفل عمره 9 سنوات بيده آيفون خاص فيه و حاط له رمز بعد يعني لازم خصوصيه، وفوقها رقم جوال وتويتر وتيليجرام! والمصيبة الأب متعلم وعارف الدنيا، وش يفكر فيه بس؟
اللي مو قد الأمانة لا يجيب عيال ويرميهم للشاشات.

المشكلة ان في العائلة حالت توحد تقطع القلب و كلهم شايفين النتيجة وماحد يتعض،الله المستعان.

قبل فترة، لمحت أطفال العائلة ملتفين حول الشاشة، يغرقون في نوبات ضحك لا تنتهي مع ماشا و سبونج بوب، وقفت مصدوم وقلت في نفسي:يجب انقاذ هذا الجيل و تعديل مساره! كيف يسمح لهم بهذه البهجة الغير مبررة؟ أين نظرات الشفقة والحرقة؟ أين الدموع الصامتة والدروس القاسية والصدمات المبكرة؟

قمت فورًا بإطفاء تلك التفاهات، و استبدلتها بسالي،و الله يقدرني على فعل الخير،
المرة القادمة بإذن الله سيكون مغامرات جامبا او شطور،يجب ان يروا ابن عرس بشكل مختلف.