[TBL="http://www.anime-tooon.com/up/uploads/toon1474366790643.png"]
[/TBL][TBL="http://www.anime-tooon.com/up/uploads/toon1474366790572.png"]
كثير بيمر على الناس جملة انو الرسام مجنون أو هاد الشي المتعارف عليه
طبعا أنا كنت أرفض و بشدة هذا الكلام ، لكن مع مرور الوقت سرت أقتنع فيه شوي شوي
يعني هو مو جنون أكيد لكن انت كرسام رح تظهر بحالتك الطبيعية مع لوحتك و انت بتشتغل عليها
انك مجنون ، حديثك مع نفسك خلال البحث عن الأدوات المنتشرة حولك
، و تقديراتك اللوحة بأي شكل رح تكون صح
و شو الأدارة اللي راح تستخدمها ، و اللف و الدوران حول نفسك لتلاقي فرشاة و هي قدام عينك
هذه أبداً مو أفعال حد عاقل لكن ، انت بجنونك كرسام فإنت عاقل تأكد من هاد الشي
لأنو الرسم شغف لا ينتهي ، تكون بترسم و انت غارق في عالم بجميع حواسك .
بالتدوينات السابقة كنت أتكلم عن أعمالي بالرسم طبعاً لا أعتبرها أعمال قمة بالروعة
و لا أعتبر نفسي نشيطة كفاية لانجاز كم هائل من الررسومات مع عدم الاهتمام للاتقان قد اهتمامي
بحبي للشي اللي بعمله .
و الحمد لله كل يوم بكتشف بنفسي ميول مختلف لنوع من أنواع الرسم و أغلب الناس مو فاهمة و أنا بحكي .
المهم أنا اكتشفت بنفسي اني أميل للرسم بالمائي كثير مع انو الفترة الماضية لأنو فصل الشتاء
كان صعب علي كثير مع هالبرد اني أرسم بالمائي لهيك انجازاتي كانت للأسف قليلة جداً
هالرسمة صورتها فيديو للي حابب يوشوف الفيديو
الرسمة مو متقنة فقط تجريب
الرسمة الاولى الشيء الجميل اللي حصل انو الكل حب هالرسمة كثير كثير
و أنا كمان حبيتها مع انو و انا أرسم فيها كثير خوفت انهاتطلع غلط
و الرسمة الثانية حبيت أجرب شي جديد و هو الرسم بالرصاص مع الباستل على ورق بني
و النتيجة أعجبتني و الدرجات طالعة جميلة على هذا اللون من الورق و ناوية أكثر من هذه التجربة بالأيام القادمة
أما الشيء الثالث اللي أنا كنت ناوية أسويه مفاجأة بلمنتدى بحضر لها لكن للأسف انشغالاتي و حياتي
ما خلتني أبداً أخلص هالشي هو النوع اللي ما عرضته بلمنتدى من رسمي و هو الرسم على الزجاج
الشي الحلو اني عم أرسم و أكتب جمل حسب ذوقي و أحس انو هاد الاشي
لوني الخاص و فعلا ما حد نفذه
و هذا أجمل شعور حسيت فيه بالانجاز لأنو نادر لما ألاقي حد مسوي الأسلوب الخاص فيني
و هاد بعض الرسومات اللي أنجزتها من الرسم على الزجاج
هامش : التدوينة القادمة عودة للسنة الماضية
[/TBL][TBL="http://www.anime-tooon.com/up/uploads/toon147436679051.png"]
[/TBL]