الخضارة ميسيزو | misizo (1 زائر)

[T W I N K L E]

رد: الخضارة ميسيزو | misizo

[TBL="http://www.anime-tooon.com/up/uploads/toon1471811151171.png"]


































[/TBL]

*
،

آم هيير !! ي حليلها هالخضآرةة انترست مطر !! قامت تنقط
مآي بسبب الخشب * تحط لجانة - شي مثل الوعاء الكبير - *
المهم وهآي حالنا آنه الماي يخر من الليت مال الغرفة ، بس بعدد آحب المطر ~

المهم'ز يعنني آول آمس كان كشخهه ، نآرر .. شرآاار !!
جيي المطر زلازلل .. الله يدومه بسس !! وطبعًا سوينآ بارتي للحبب
تو بي آونست ، كنّا مجذبين عليها ، يعني سوينا لها حفلة توميهية
شرينا لها بوكس وحطينا فيه دلاغات * جوارب * وصابون ومعجون وفوطة
وكتبنا كل عام وانتي آنظف .. وآخاف عليج من البرد واستانست الخبلةة
وقعدت تصور وشرينا لها كيكة من البرادة * البقالة * كيكة ب 100 فلس
^ وعليآ كانت مستانسة

المهم يعني آتفقنا آنه واختها آن تطلعها او تسوي لها حل يعني ، واحنا ندش
ميلس * مجلس * بيتهم ونعدله وجي - هاي في الحفلة الصجية آللي اهيا اول امس -
فيعني شرينا لها هدايا وكيك وآكل وجميعع المستلزمات يعني

ورحنآ بيتهم ، وصلنا عند الباب .. كلمت اختها واتس وجي !!
فتحت الباب ودشينآ الميلس ، قعدنا ننفخ البالونات ورتبنا الكيك والهدايا
والاكل ع الطاولة ، وولعنا الشموع ، بعدين راحت اختها تناديها الميلس وجي ~
بمجرد ما دشت إلا لقلقناها * وصخناها * بذي الرش اللي يكون خيوط ملونة ..
المهم جي صاحت من الوناسةة الهبلة وقعدت كله تصور ، والورق عنب حبيب
القلب صآر بالزينة ، آهيا تصور واحنا ناكل ص7 خلصنا عنها الاكل قم0

الزبدةة وجي ص7 آستانسنا .. بلعنا الكيك وشلنا للاهل ~
والبقايا لعبنا فيها شسمهه لحد يطلع فيها البقايا اللي في الصحن
تعرفون لي كلتوا الصحن بقى كريما وشوية كيك ؟ اي بذي !! جي ولا جي كانت
بتروح الخمام - وانتوا بكرامة - من الاساس لو كانت السالفة بكيك وايد وجي
كنت بهاوشهم ، حرام نعمة الله وجي لقلقوني كيك وكريما .. ثيابي صارت
عبيرة قم0

المهم بعدين حطينا لنا بسطة فوق السطح .. وقعدنا نسولف ويا المطر
طبعًا كان خفيف يعني آجواء غومآنسيةة وجي عاد نزلنا ورحنا الميلس
وجي ، سولفنا شوي بعد وخلاص عساس بمشي يعني !! إلا الطامة الكبرى تحدث ..
المطر نزل زلازلللل !! برج - برك - مآي عند الباب .. ماعندي مظلة !! والشارع
جوه جو قوارب مب سيارات يعني كلش كلش مأساااةة .. حتى طلع
هآشتاق #البحرين_تغرق ، للحين موجود في ترند تويتر

المهم ، طلعت آنه ورفيجتي عساس بنروح مشي .. ونطب في النقعات * مركات ، بقع ماي *
كأنهم برج ي دافع البلا والبلوة .. تلعوزت من فوقي لتحتي .. كأني داشة اتسبح
والماي دش في اليوتي - نعالي - اكرمكم الله ، عاد وآحنا نمشي الا يجوفونا ريايل
صآروخوا علينا يقولون حملوا مظلة .. عاد سودة الويه رفيجتي قالت لهم ولوا
وجي مشينا شوي إلا تجوف هندي .. قالت له : بيا ييب المظلة ، انت ريال ما تحتاجها
طنشها ومشا خبلة هالانسانة فشلتنا ، عسآها بالساحق الماحق والرصاص المتلاحق !!

آند لوك آت هير !!

[YOUTUBE]KxznHbu7hyE[/YOUTUBE]

^ غرق المسؤول .. لحقوا عليه
ياخييي يعجبوني هالناسس .. يابوا لي مغص قلببييي

-

المهم جي رحت البيت وسبحت لي سبحة في مآي دافي
وانطلقت لتلفوني .. جي تهاوشت ويآ سكاي وروب من الفضاوة في المسنجر
مال الفيس وجي ي زعم زعلآنة وطلعت من قروبهم ويوه الفقر ص7 خربوا يومي
بس يستاهلون سويت فيهم دقة !! مقلبت سكاي ويزعم زعلانة منه
وشكله زعلان الحين ع المقلب وروب مسيجينة من تيي تكلمني اطردها
المهم .. يعني جان يوم حلو قم0

-
​

 

[T W I N K L E]

رد: الخضارة ميسيزو | misizo

[TBL="http://www.anime-tooon.com/up/uploads/toon1471811151171.png"]


































[/TBL]

*
،

هآي آيفري بودي .. * تلبس النظارة * آي كانت سبيك عربيك
آم آمريكان .. آند آي ميس يو آلوت < شدخل ذي في ذي ؟ > مشوا لي ح1
المهم * ترفع خشمها وتتمخطر * سوري قآيز آي كانت سبيك ويذ يو .. آم فيموس سو
اتس ديفكلت ~ جب جب مشوا لي .. المهم جي ي الحركاآت ~
ماعندي سالفة والله بس هالخضارة غبرت وآنه غبرت وياها قم0

المهمم'ز جي .. بفضفض لكم ~
تخيلوا يوميًا ماقدر آنام قم0 بدون قصة،صآيرة جني يآهل قم0
لازم تسوون لي حل ، مالي دخل ، لازم كل يوم واحد يقول لي قصة
وعاد قصص عدله ، قصص قبل النوم ترآ ماقدر أنام بدونها ولا تسوون لي
مثل أحمد ، تعالي الساعة 11 .. اييه 11 ويسحب علي ولا يقول كان في وحدة
تاكل وزغ اسمها تقوى .. عسى الوزغة تدش في بوزك وانت نايم !!

ولا عاد غربون .. آقول له قصة قبل النوم يقول لي العوالم المتوازية .. مآلت عليك وعلى عوالمك
آسمها قصة قبل النوم ، يعني قول لي الخنازير الثلاثة .. ساندريلا .. بياض الثلج .. الدجاج الثلاث
فطووم وين السنور .. ياخي خاطري في قصص مالين آول * تحن للماضي * كانت آمي تقول لنا قصص جي
تضحكك ودي نآس تسوي لي جي - جفاف عاطفي - قم0 يعني جان زين آحد يقول لي قصة ذيج
آلي مرت ابوها تخليها تصفط السمج ، آوهو عآد لوع الله جبدكم آنتو وروب .. اقول لهم قولو قصة تقول لي
كان ي مكان خلني ساكتة شتقول .. ولا يقطوني ع آحمد وآحمد يقطني عليهم .. لا والله عبالكم كورة ؟

آبي قصة الي تصفط السمج مالي دخل .. المشكلة ما يعرفونها الا البحرينيين الاصليين
بآت لازم تعرفونها .. دوروا عنها مالي خل ، ان م قلتوا لي قصة قبل النوم برآويكم .. ترآ انه مزاجي
يتغير ، إذا اقعد لي الليل وجي بدون قصة وفيني نوم اتهاوش مع اللي جدامي وقد آعذر من انذر ~

بآي ذآ وآي .. قم0 الموضوع حزين م يضحك آوك ؟
المهم يعني .. تعالوا قولوا لي قصة في آي وسيلة اتصال عندكم وياي
حتى لو آهني .. وشسمه جوفوا بياناتي فيهم وسائل عديدة للتواصل بدون قصة لا تييون آوك ؟

- آغلب شي اكون في الفيس

-

الزبيدةة المتزبدة !! صآر لي فترة مآخذة لي آرت بلوك عن الرسم زين إن مآ زين
وهذآني واعدة سكآي آرسم له قصة وآنه كلش م لي خلق أفتح التابلت ، وآليوم عاد لمآ
بفتح التابلت رسمت لي رسمة وسحبت ع اللي برسمه له قم0 وعليآ وهآي قايلة له
إن اليوم بكمل .. وآنه ربعه م سويت وسحبت عليه ويوم ييت بكمل انغلق البرنامج.. للحين مايدري !! بقول له عقب القصة
عشان م يكنسلها علي قم0

هآي الرسمة كآنت ك حيوآن آليف لي .. الله ي الزمن ، صارت مالين آرت بلوك

وهآذي الرسمةة .. كانت قبل الآرت بلوك ، تقدرون تعتبرونها خلفية ؟ يآه إت كآن بي
طبعًا ذي مشهد من الدرآما الكشخهه آلي وقعت في حبهآ قوبلينن .. هالمشهد من كثر
م حبيته ، رسمته ح1 وضبطط والله ، آي آحد يجوف الدراما بيعرف مباشرة إنها من دراما
قوبلينن .. وعآد بالنسبة لصوري ف الانستا ذي توب لآيكات .. كلها لانها مالت قوبلين ؟
يلآ آحسن قم0

وذي الرسمةة توهآ مطلعةة من الفرنن .. حآرةة !! وبصرآحةة حبيت تلويني فيها وآيد
مع ان الرسمة مب لذاك الزود والله قم0 بآت آي لآيك إت ..
وذي اللي سحبت فيها على سكآي وقعدت ارسمها قم0

وبس والله ح1 ماعندي سآلقة سبيشل آقولها ..
سي يو

-​

 

[T W I N K L E]

رد: الخضارة ميسيزو | misizo

[TBL="http://www.anime-tooon.com/up/uploads/toon1471811151171.png"]


































[/TBL]

*
،

سُئلت : كم جدةً لديك ؟
أجبت : تحت الثرى !!
كم هو صعبٌ هذا السؤال ..
اصبح البعض بلا مشاعر .. مخالفتك لي
لا تعني انعدام الانسانية قم0
-​

 

[T W I N K L E]

رد: الخضارة ميسيزو | misizo

قود باي ايفري ون ..
اللي يبي مني شي ، يكلم روب تكلمني واتس

 

[T W I N K L E]

رد: الخضارة ميسيزو | misizo

[TBL="http://www.anime-tooon.com/up/uploads/toon1471811151171.png"]


































[/TBL]

*
،


دخوولل رآيق يسبب حرآيق غبنآ وغآب الإبداع
ورجعنآ نعدل الأوضاع ، دخول جذآب لدرجة العدآب
* ترفع حواجبها * غصبنن عليكم ياخيي ح1

آوكك آوكك شكرًا عالتصفيق آدري وشحتكم
ترآ ماعندي شي مهم .. بس الملل ومايسوي خلآني ادش اهنيي
واكتشفت بععد إن نسيت سالفة مسابقة الفواكه ومابيمديني
اسوي موضوع كامل واخلصه اليوم قم0 أصلًا عآدي ~

بععدين آنه عندي سآالفة قوية !!
ترآ ملاحظتكم حقودين ، حتى اللي م يعرفوني ولا آعرفهم عدل يقولون
لي انتي آم لسان وملسونة ولسان سجاجين .. حشى حشى حشى يالحقودين
شمسوية لكم ؟ بايقة حلالكم ؟ ويهه ترآ عندي مشاعر ي مال الويعة قم0
كله مطلعيني طويلة اللسان ، ترآني كيوت

اليوم كنت اصبغ جداريات وبيبان * ابواب * ومن هالسوالف ، الا يقول لي
سيفوه انتي اكيد م تسوين لله لانج ملسونة .. اكيد وراها درجات
وقسمبالله ماحصلت ورآها ولا درجة ، ليش حآقد علي جي ؟ يعني
جاعدة ف المدرسة لي الساعة 5 ونص أصبغ واكسر ظهري بعدين يطلع
لي وآحد ينكر شغلي .. قم0

مآعليه ي سيفوهه الايام بيننا ، بتجوف !!
ولآ آنت ي صلعة محمرة ، محرحش في جبدي من زمان ي التبنن
كل ما قلت له شي ، قال لسآن طويلل .. طويل بعينك قم0 وكل شوي والثاني
قال لي سجاجين .. قم0

المهمم آلي م يعترف اني كيوت وآينن ينتحر ، ترآني عسل عسل
وغصبنن عن خشم خشم خشم آخشامكم ح

مآعلينا من ويه الفقر سيفوه وآحمد وراه بو صلعة مقحلفة * حآقدة *

قبل جم يوم مدري اسبوع .. المهم ، آنه وايسو وشوش حلفنآ نسوي مقلب
بميسآ طيب ؟ سويت روحي فرّوس كالعادة * تلبس نظارة * وآني بالجامعة
وآيسو خطيبتي قم0 وآن احنا كوبل وجي بموووووووت
الدلخة مصدقة .. وتقول آوهه كيووت كوبل بالقروب وجي قم0 المهم يعني
للحين فيه ناس هبلة مثل ميسا والفارس الاسود تصدق خرابيطي ؟

خلنا من كل ذي .. المهم آلحين اني
قررت آسوي كوميكس ي قمآععةة ، بألف قصة وجي وبرسمها ديجيتال
وبطبعها عند دآر نشر ، طبعًا هاي اذا م سحبت .. وبتساعدني معلمتنا مالت
التفوق والموهبة في سآلفة النشر .. بس 99 % بسحب عليها قم0

بععد شنو ؟ آليوم استينيت صجج !! بشكل مب طبيعي
يعني ما تتخيلونن .. شلون وحدة تدور بكل المدعسة وتصآرخخ
حريقةةة بقلبي لحقوا عليي قم0 متتتتتتتتتت
كله بسبب ان علينا علوم ، ياخي ذي الحصة ويعععععععععععععع
م تنبلع وقسمبالله ، تحرحش في الجبد

وصلت فيني المواصيل من الغليل ع ذي المعلمة .. انها كانت
ميودة اللعبة اللي طالعة آلحين مالت التوتر ، فيآهه تدرون شقلت لها ؟
جعل محد يتوتر غيرج قم0 طالعتني بنظرة ان من ؟
قلت لها مستدركة قليبي الصغير ، جعل محد ما يتوتر غيرج قم0
ياخي تلوع جبديي قم0

وشسمهه مبرووك عليّ معلمةة العربي حآطة لي ف الدفتر كل شي
غير ملائم قم0 وتراجع ادائي وولا شهر حطت لي زين ، مع اني
افضل إنسانةة فاللغة بالصف وسوت عني محاظرة شكبرها ، بلآس كتبت
عني فقرة شكبرها في الصفحة الاخيرة ، الدفتر غير منسق ومدري شنو

صرت متبلدة فعليًا بالدرجات قم0 يعني آوفر اللي تسويه ماجوف لهالدرجة دفتري
معفوس صرآحةة ولا اجوفني لهالدرجة ماشارك واحسها تبآلغ آلففف .. وخصوصا
هالمعلمة م ابلع حصتها .. باقي المعلمات كلهم حاطين لي احسن تقييم .. شمعنى اهيا
منزلتني ومسويتني كلش تحت ؟ يعني تحسونها حآلفة تنزل معدلي !! وتستمع بتخفيض
درجاتي .. مدري شمسوية فيها !! ولي سويت شي غلط تقول بكل وقآحة مب لازم تحصلين
درجة كاملة ، كله كاملة كله كاملة .. لازم تغلطين شوي !!!

يعني آوفر صج صج .. ماقمت اهتم لدرجاتي ف مادتها ، لان اهيا تبن ~ حآطة راسها براسي
من اول السنة وماقاع تحاول تقيمني صح أو إنها تعطيني حقي بالدرجات .. كل الي قاع تسويه
شآطح وماله داعي ~ لاول مرة يصير تقييمي جي ، تحسسني اني طول السنة ماقاع اشتغل
وكأنها حالفة تضيع تعبتي ~

بس خلآص تنرفزت .. مبكتب شي قم0


-
​

 

[T W I N K L E]

رد: الخضارة ميسيزو | misizo

[TBL="http://www.anime-tooon.com/up/uploads/toon1471811151171.png"]


































[/TBL]

*
،


عند شُربك لهذآ الكأس .. لن تستطيع التذكر أبدًا !!
بمجرد أن تحتسي رشفةً من هذا الكأس ستمر باكثر خمس دقائق
مؤلمةٍ في حياتك ، ستسترد أتعس لحظآتك وأطيبها ثم ستمحى للأبد ..
بحيث لا تعود مجددًا ~

استعد ، انك تمسك تلك الكأس بترددٍ واضح ، ان يداك ترتجفآن
أصبح الكأس قريبًا من فمك ، انك تغلق عينآك .. وأخيرًا لقد تجرعته كاملًا بألمٍ شديد ..
وقع الكأس من يديك ، وبُتّ تنظر لتلك اللحظات السعيدة ، الممتعة ، والمرعبة
هل تُوفيَّ قريبٌ إليك ؟ هل رسبتَ في مادةٍ ما أم أنك أحرزت الرسوب في سنةٍ دراسية
كاملة ؟ هل يضربك والداك ؟ أم هل تتعرض لعنف مدرسي ؟ هل يسخر منك الآخرون ؟
هل تركك صديقك في مفترق الطريق ؟ هل قتلت احدهم ؟ هل هل هل ...

إنك تتذكر كل شيءٍ الآن ، إنك تشعر بالتعاسة والألم الشديدين !!
ثم اختفت تلك الذكريات ، لم تعد تستطيع التذكر ، من أنت ؟ من هم والداك ؟
من هم الأشخاص من حولك ؟ أصبحت لا تفهم شيئًا !!

إنها حياةٌ جديدةٌ الآن ، فرصةٌ جديدةٌ من أجلك ~
حيث لا تعرف من دناءة العالم شيئًا !!

^ آمنية قم0
-
​

 

[T W I N K L E]

رد: الخضارة ميسيزو | misizo

[TBL="http://www.anime-tooon.com/up/uploads/toon1471811151171.png"]


































[/TBL]

*
،

عندما تجوع تجوع وتجوع ليما تقول يوووووووووووووووووووووووووع !!
آوف يوعآنهه ، قاعدة اكتب مع كل عبوس يوعي متيعيع مخلوط بدموع اليوع قم0

آوك آوك ، سلكوا لي ، واذا جفتوا كلجات بعد سلكوا ، لان قاع اكتب عشان يروح اليوع قم0
وتدوينتي اليوم برعاية يوع × يوع = يوعين ونص وثلاثة ارباع ~

المشكلة ، قاع اكتب مثل السكرانة مادري شقاع اخربط ، مصدعععةة ويوعانة وكل شي قم0
والاهم ان يومي ذي خيآاس بكل معنى الكلمةة قم0 يعني فوق م ان يوع ، يودونا رحلة
حق مدارسنا المستقبلية اللي ماندري شمصيرنا فيها قم0 واييبون الهم مدارس مب مرتبة
وتلوع الجبد جنها سجن ، م يحمسون الواحد حق الثنوي ونقعد لي الساعة 11 عشان نرجع
بلا اكل بلا وجبات بلا شي ، مب فالحين لا يسوون اغراء بالماي الفرش ~د=
هاي الفيس اللي صار من شوي مالي خلق امسحه ، شهالحالة القشرة قم0

المهم ورجعت تعبانة المدعسة ، حتى انسدحت ع الدري م ربكت لي صفنا
الهيبة رآحت بس معليه ، اي وحدة تبي تطوف طردتها ، يا ما تشاقحيني انه ورفيجاتي
او تنقلعين فيه دري ثاني قم0 خلاص لاعت جبدي معسلامتة ادري غلط م لي خلق اعدل-
​

 

[T W I N K L E]

رد: الخضارة ميسيزو | misizo

[TBL="http://www.anime-tooon.com/up/uploads/toon1471811151171.png"]


































[/TBL]

*
،

She tells him, "Ohhh, love, no one's ever gonna hurt you, love
I'm gonna give you all of my love
" Nobody matters like you
-

آليوم كمية من طآقة السعادة تغمرني بلآ سبب ..
آمس كنت في بيت يدتي - الله يرحمها قم0 - قاعدة معآ خآلتي وجي
ونتكلم عن يدتي ، المهم يعني .. جآن تقول خالتي عندي صور حق امي برآويكم
إياها يوم آهيا صغيرة نسبيًا ، بس قولوا تبونها برآويكم ، عآد راوتنآ اياهم وقعدت
تقول لنا عنهم ومن اللي في الصور ، عاد فيه صورة من الصور آنه طالعة فيهآ يوم
توني نتفةة يحليللي كنت كشهه جني هندية ومادري شقاع آكل !!

هههههههههههههههههههههههههههههههههههههههههههههههههههههههههههه
هههههههههههههههههههههههههههههههههههههههههههههههههههههههههههههههه
يحلليييللي شهالكشهه بس ؟ تدرون ان م صدق ان هذه آنه ؟ احسني ماشبهني
المشكلة امي وخالتي يقولون آنه ، ويوم رآويتني فطوم اختي تقول هذه آنتي برطم القلب قم0
يقوووولوووون كنآ نلبسكم آحسن لبس !! جني هندية آي احسن لبس آي بطيخ ؟

آلمهم .. وفيه بعد لي صور م صورتهم لآبسة شبآحية - مدري شتسمونها انتوا - قم0
ولما رجعت البيت ، اوف كورس ، قعدت آحوس في صوري وطلعت صور تييب الهم والغم
المصيبة الثآنية والقويةة والاقوى يوم كنت بابتدائي صورونآ صورة .. وكنت آنه مبهدلة في الصورة
وحالتي حآلة ، المشكلة ان هذه الصورة مرفوعة ع قوقل ، فكل ما بفتح صفحة يديدة في سنة
يديدة معآ نآس ما يعرفوني واول مرة اجوفهم في المدرسة ، تطلع وحدة نذلة تطرش الصورة في قروب
الصف ويضيع المستقبل مرة اخرى المشكلة الصورة تقتل .. فيني شنب والشيلة
ع عيني والحالة لله ، اصلا هذه صورة الابتزاز .. حسبي الله ونعم الوكيل ع اللي نشرها في قوقل قم0

شنو بعد صآر اليوم ؟ وصلت طلبيتي ..
آمس طلبت لي رآميون التحدي الحآر - ثالث أحر نودلز في العالم -
طبعًا مجربته من قبل ، حدههه حآر سو ، آوف كورس م بحط كل النكهة
ماقدر عليه كلللش قم0 بس لذيييييييييييييييييذ ياربي

ي حليلهآ الانسانة اللي طلبت من عندها حطت لي جوبستيكس .. هدية معآه
3 وحدآت .. ، المهم يعنني كيوت التعآمل وياها

بعد شبيصير ؟ بآجر بنكمل آخر منهج عندنا إلا آهوآ الريض ، وبعدين بقول بآي بآي حق
الاعدادي ، وبيسوون لنا حفلة تخرج ، وغصبن عليهم اصلا ، لو م يسوون ولله لا اقلع عليهم
الادارة ، يعني في الابتدائي قاعدين 6 سنين ف المدرسة م سووا لنا ، وسووا حق اللي قبلنا
واللي بعدنا ، وآوف كورس باجر بناخذ القياسات حق روب التخرج ، وبيكون لونه أسود وذهبي

اصلا أتخيلني في الثنوي ؟ سوقووي يآخي احس كشخهه بالمريول الكحلي
حمآس والله ، وأخيرًا بلتقي في ربعي اللي كانوا معاي في الابتدائي ، ياخي ايننون
اهما للحين يتذكروني ويكلموني ، لو آنه اللي اكلمهم بيكون لا.. بس والله اهما اللي
يكلموني ويسألون عني فديتهم .. وكنآ كلنا يد وحدة مع اختلاف الطوائف ، ومن صف السآدس
وللحين نتواصل ونقول متى بنجوف بعض وجي ، وفيه وحدة منهم قالت لي من أول يوم خ نروح ويآ
بعض هذه رفيجتي الروح بالروح في الابتدائي كانت مجابلتني بالطاولة

بس عآد مآفيه هذرة

-
​

 

[T W I N K L E]

رد: الخضارة ميسيزو | misizo

[TBL="http://www.anime-tooon.com/up/uploads/toon1471811151171.png"]


































[/TBL]

*
،

قود آفترنون .. وجمعةة مباركةة ~
يآخي قمت احس بأجواء شهر رمضان من الحين ...
ياربيي كشخهه ي حلآة الخواجة ابراهيم عقب صيام متعب
عاد استعدوا هالسنة عدلل .. وتذكرت اجواء المنتدى السنة اللي قبل اللي طافت
كنت مسويةة فعآلية بآلفن والانميشنن .. وكانت وايد خفيفة وحلوة ونآس
وآيد تعرفت عليهم بسببها ، وصرآحةة كان ممتع اني اصمم بالدقيقة هدآيا حق الفائزين !!
تقريبًا كانت أكثر أيام صممت فيها ، لان بالفقرة الوحدة كان فيه وايد فايزين
آتمنى آني الاقي فرصة أرجع فيها للاشراف في شهر رمضان
ع قسمي ولو ان شبه مستحيل .. في عليه مشرفينن

آلمهم .. ترآ خلاص هالسنة آخر سنة لي في الاعدادي ~
ادعوا لي بالتوفيق في امتحاناتي ، وجنه صآيرة طيبة وعاقلة وايد بهالتدوينة ؟ قم0
عآد بيسوون لنا حفلة تخرج وجي ح1 .. وأخذنا قياسات الروب ، وبنصور عما قريب
في الحفلة ، وبنفل امها هنآك وعاد اهم شي ابي هدآيا ؟ ياخي والله استاهل
كل واحد يقرا التدوينة يروح يحول لي تونات يلاا .. براقبكم ترآ قم0 خلني اكتشف
احد قرآ تدوينتي وما حول لي هآكم رابط الصرآفة - كليك هير - هآ ؟ شتبون بععد ؟ يبت لكم
الصرآفةة لحد اهنيي .. كل واحد يعطيني تونات كثر م تجود به نفسه .. استقبل كل شي ، ومامزح ح1

بعدد شنو ؟ آييي ..
فيه ناس ويعع ، كرهت السوشآل ميديا منهم ، كله سب وشتم
وطآئفية ومادري شنو .. بألفاظ بذييييئة جدًا الوآحد يستحي ينطقها
والمصيبة انهم مسلمين ، آهوا الكفار خلصنا منهم يقولون آي شي ، بس المسلمين
لي متى هالتخلف وهالالفاظ ؟ يعني وقسمبالله قآاع اكلم وحدة بسبب الفاظها
وبطريقةة وآاايد محترمة ، يرد عليّ واحد مدري من وين الله قاطه ويسبني ؟ بسب يالله
الواحد م يشتهي يقوله .. انزين انت شدخلك ؟ احد حاجاك انت وويهك ؟ لآزم تفشلونهم
وتقصفون جبهاتهم عشان ينجبون ولا تسمعون لهم حس ..

يعني الوآحد لي كلمهم باسلوب وماعطاهم العين الحمرا يصدقون عمرهم .. يعني آنه
القوي ، والله يا انهم مرضى نفسيين ويبي لهم علاج .. شهالناس ؟ وييع ويييع .. يابوا
لي مغص قلبي

وشسمهه بعد شنو ؟ لازم آستحي على ويهي شوي واشارك بفعآلية القسم
لان جد .. قايلة ان ابيها تستمر ومن ذاك اليوم ولا شاركت لا لا التدوينة الياية بختآر
لي نبش وبنبش الذاكرة قم0

see u
-
​

 

[T W I N K L E]

رد: الخضارة ميسيزو | misizo

[TBL="http://www.anime-tooon.com/up/uploads/toon1471811151171.png"]


































[/TBL]

*
،

#قطعة_حياتية
" جزء من شخصيتي "

سيءٌ ذلك الشعور ، عندما أكون في وسطٍ ملؤه البشر ..
فوضويٌ بشكلٍ لايصدق ، مزعجٌ لحد الاختناق ، مخيفٌ لحد التصلب !!
أكره ذلك الشعور ، عندما تمازحني عيناي أمام الجميع ..
تستمر في ممازحتي بطريقةٍ غير ممتعة ، تذرف دموعًا لا يجب أن تسقط
بينما تراني تلك المخلوقات بترصدٍ شديد وكأنها تريد أن تنهشني كنهش الذئاب
لفريستها ~

قبل سنة في إحدى المرات ، كنتُ أطرق جرس المنزل لئن يظهر أحدهم ليفتح
لي الباب بعد عودتي من المدرسة .. لكن اختي تستمر في إجابتي بدون
حيلةٍ تذكر فهي لا تستطيع أن تحرك ساكنًا ، فقد كان المنزل مقفلًا .. لا يمكن
لأحدهم الدخول أو الخروج ..

شعرتُ حينها أنّي تائهة ، لم أكن بذلك القرب من منزل صديقاتي
ولم أكن بتلك الجرأة التي تخولني المكوث في بيت إحداهن في ذلك الوقت
من الظهر ولو كنتُ أملك أسبابي ، بينما يحرقني لهيب الشمس وتقتلني نظرات
المارةِ إليّ !!

قلّت حيلتي في ذلك الوقت ، شعرتُ باؤلئك الذين بلا مأوى يحتضنهم
لكن الأصعب من ذلك .. هو مرور صديقةٍ قديمة لي ورفيقتها بجانب المنزل ، هل يمكنني
أن أسميها بصديقة ؟ على أية حال فقد كانت تكرهني جدًا هي و صديقتها المشحونة بالحقد
تجاهي .. في ذلك الوقت ، كانت نظراتهما تدعو للسخرية ، كنتُ واقفةً عند باب المنزل لمدةٍ طويلة
وقد التفوا عليّ مرتين ليروني بنفس الحال .

حتى نطقت احداهن قائلةً : ماذا بك ؟ كانت نبرة سخرية !!
شعرتُ حينها بالوهن والضعف الشديدين .. رجلي كانت ترتجف بطريقةٍ غريبة
وكعادتها خانتني عيناي في ذلك الموقف حقًا ، ذرفتُ الدموع بصمتٍ غير متوقع
أخذتُ أفرك عيناي مبتعدةً عن المنزل ، وليومنا هذا تخبر فتيات المدرسة أني بكيت
عند باب المنزل !!


-
​