واخيراً نسخة محسنة بالكامل من Resident Evil 2 (1 زائر)

[SKY NET]

السلام عليكم ورحمة الله وبركاته

اهلا وسهلا بكم ~
من ضمن فعاليات مؤتمر سوني ل E3 2018
تم الاعلان عن نسخة محسنه كلياً مع اضافات جديده للعبه الرعب Resident Evil 2
وهذا تأكيد لما صرحت به شركة كابكوم مسبقا حول اعاده تحسين جميع اجزاء رزدنت ايفل
وسبق وابتدأت بالجزء الاول اضافه للجزء الاضافي زيرو

اليكم العرض الترويجي لها ..

يُذكر أن اللعبة ستتوفر في 25 يناير 2019، على PS4 و Xbox One و PC.

ودي ~

 

[جويلان]

×× وعليكُم السَلام ورحمة الله وبركَاته
مسَاء الخير ؛ اتمنّى تكون بخير ~~
بصراحة لعبت RE مرّة وحدة بحياتي وما أظن كمّلت اللعبة كاملة ولو انها كَانت ممتعة وتشّد الاعصاب
وقت الإعلَان عَن القِيم فِي الإي ثرّي قدّيش شفت الحَماس من القيمزر وواضح انها رَاح تكُون بطلة
والصِدق ان هالسَنة أشوف الجرافِيكس والتحريك جد جد رَهيب ويتطَور أكثر ويحمّس الواحد يلعب
جَالسة أفكّر بجدية ألعبها من جديد كاملة لين ما ألعب الجديدة بعد ما تنزِل ~~
شُكرًا عَلى طرخ الإعلان والتَصريح للعبة وننتُظر المَزيد
مُوفّق ولك نجوم واعجاب

~~ جويلَان

 

[WiSHES]

وعليكم السلام ورحمة الله وبركاته
والله امس لسه بالفجرية كنت انتظر المهم من الـE3 من صديق لي ، وكان حرفيا اللي قاله لي خورافي جدا
يعني حاجة خيال!!! حرفيا واو الاعلان خورافي غير الوصف اللي سمعته
لكن اللي ماعجبني انهم غيروا رسوم الشخصيات تقريبا ، يعني ليون مو هاد شكله مرا فرق كبير
هو حلو صار واضح ودقة اكبر لكن التفاصيل احسهم جابو العيد فيها مرا
عاد الا ليون دا حبيبي
لسه من كم يوم كنت ابغا اشوف بلايثرو لهم لاني نسيت الاحداث
بس ع كدا راح استنى دا افضل بما انه رسوم افضل
يعطيك العافية ع الطرح منور

 

[SKY NET]

ما غيرو تفاصيلهم وانما حسنو تفاصيل اشكالهم الي بالجزء الاصلي
وما يقدرون يحطون لك اشكالهم بالجزء الرابع فما فوق لان يصير تضارب بالنمط للقصه
لان هنا هم بشبابهم وهناك من يكبرو ويشيبو

 

[7sN]

متحمس لها هاللعبة

عندي تخوّف و تفاؤل بنفس الوقت بالنسبة لقرار كابكوم بإعادة الأجزاء , تخوّف من ناحية
تخريب الأجزاء الحلوة ( اللي هي من الأول لين الرابع ) اعادة الجزء الأول نجحت بشدة
لأنهم اعتقد بس طوّروا الجرافيكس مع بعض التغييرات الصغيرة , هالمرة اعادة اعادة يعني
كأنها لعبة يديدة , و هذا يخليني حذر رغم الحماس

بس عندي تفاؤل من ناحية ان ابيهم يغيرون قصص الخامس و السادس

يعطيك العافية

 

[SKY NET]

متحمس لها هاللعبة

عندي تخوّف و تفاؤل بنفس الوقت بالنسبة لقرار كابكوم بإعادة الأجزاء , تخوّف من ناحية
تخريب الأجزاء الحلوة ( اللي هي من الأول لين الرابع ) اعادة الجزء الأول نجحت بشدة
لأنهم اعتقد بس طوّروا الجرافيكس مع بعض التغييرات الصغيرة , هالمرة اعادة اعادة يعني
كأنها لعبة يديدة , و هذا يخليني حذر رغم الحماس

بس عندي تفاؤل من ناحية ان ابيهم يغيرون قصص الخامس و السادس

يعطيك العافية

لا ما يقدرون يغيرون فيها لان تخرب ويخسرون جمهورهم
الاعاده الغايه منها جعل اللعبه تظهر باحسن صوره واجمل دقه
ومتوافقه مع اجهزه السوني والاكسبوكس ون لان التعديلات ما تكون بالمستوى
نجحو بالجزء الاول لكن من سلبياتها انها احتاجت مواصفات كبيره جدا ع الحاسب
رغم انها ما تستحق من ناحيه الجوده لما نقارنها مع العاب اخرى
الجزء الجديد اعاده صياغه للشخصيات مع اضافات بسيطه لكن القصه نفسها ما غيروها
ممكن يضيفون لك امور بالوحوش مثل الوحش المفخخ بالجزء الاول
فهنا ممكن يجيبو لك وحش مثل نيمسس يلاحقك
او يخلو الوحوش ما تموت وترجع كل شوي مثل جزء فيرونيكا اكس

 

[SKY NET]

تحديث :
‏لعبة resident evil 2 ستعمل بوضوح ال 4K وبسرعة 30 إطار على جهاز
ال PS4 PRO و XBOX ONE X

السؤال كم ستكون المواصفات على PC

 

[WiSHES]

@SKY NET @7sN
ايش رايكم تحولو النقاش بالنادي ؟
ترا انفتح الموضوع تقدروا تتناقشو هناك