ضيفتنا على كرسي الاعتراف Misk

السسسلاااام علييييييكم ورحمة الله وبركاتهه
يا هلا والله بالحلوينن ميسكك ع الكرسي
احم: رح ابدأ بالإسئله
1-اسمكك ؟
2-كم عمركك ؟
3-من مواليد ؟
4-هواياتكك ؟
5- صفه م تحبيهاا فيك ؟ والعكس ؟
6-لو كااااانت حياتكك عباره عن كتاب شبيكون عنوانه ؟
7-اقرب شخص لكك ؟
8-اخر كتاب قرأتيه ؟
9-تصنيفكك المفضل للمسلسلات اكشن وغموض -رومنسي وكذاا ؟
10- كم معدلكك اخر سنه دراسيه ؟
11-اخر مدح سمعتيه ؟
12- تقيمكك للمربى من 10 ؟
13-مين افضل الأشخااص الي عرفتيهم ف التون ؟

جست خلصت اسئله

 

وعليكم السلام

هلا بالغاليين

ان شاالله رح ارجع بس كمان شوي
لخلص كم شغلة تحت ايدي وبرد عأسألتك جيم هههه

يلا بشوفكم

 

السلام عليكم
كيفك حبيبتي ؟؟؟؟
إن شاء الله بخير
مبروك فزوك في التصويت
هذه هي أسئلتي :
أفضل أنمي حسب رأيك ؟؟؟
طعامك المفضل ؟؟؟
أحلى إسم بنت ؟؟؟
أجمل أغنية حسب رأيك ؟؟؟
هل الجمال مهم في الحياة ؟؟؟؟
البلد الذي تتمنين زيارته ؟؟؟
شخصيتك في كلمة ؟؟؟
أول أنمي شاهدتيه في حياتك ؟؟؟
شكرا

 

مقتبس من Jam

اهلا فيك
رح جاوبك :

1- أسماء

2- 25

3- 31- 5 -
1993
4- الطبخ والنفخ هو صحيح من ضمن هواياتي وبعشقو ،، بس الهوايات الرئيسية هي الكتابة وبس

5- بعصب بسرعة كثير
وصفة بحبها في حالي ..هي تابعة للصفة الي ما بحبها اني بروق بسرعة وبأي حكي ..باختصار بنضحك عليي
لا عنجد بعصب بسرعة وبروق بسرعة مع مين ما كان ..وهاد الشي بحبو بحالي..وبنسى ومستحيل احقد

6- الصراحة احترت شو جاوبك هههه بس اذا كانت كتاب رح يكون انا كاتبتو ورح يكون عنوانو ( بين الماضي والحاضر والمستقبل ستروي لكم أسماء حكايتها)
ما بعرف حلو العنوان ولا لا ههههه

7- كثار والله ،، اقربهم زوجي ،، بعدو نبع الحنان واختي الكبيرة

8- زمان ما قرأت بس اخر كتاب قرأتو كان احدى كتب التفسير

9- كلهم بحبهم وبحب اشوف اكشن ومغامرات وخيال ورومانسي بس المفضل عندي الاكشن والتحقيق

10- كان معدلي 83.9 فرع علمي

11- هههه جميل هالسؤال لانو والله وبتواضع بالفترة الأخيرة انمدحت كثير الحمد لله

12- ما بحبو وما عندي تقييم لانو بالنسبة الي في الاكل الناس اذواق

13- والله انا بعتبر حالي جديدة هون بالرغم اني من زمان كنت بالتون ..
ولسا ما عرفت العالم كثير لحتى يكون في شخص مفضل ..بس Alma هي اول وحدة تعرفت عليها وقريبة مني وحبيتها ..

وسكاي من افضل الأشخاص لأنو بعرفو من التون القديم
(مع اني ندمانة كتبت اسمك لحتى ما تزيد شوفة الحال عندك المتفاقمة هالفترةبس شو اعمل هي الحقيقة المرة)

وبالتون القديم كانت فيه الرسامة روز. كالن .وميض الامل . ولو عد ما بخلص الصراحة ..كلهم ما شاالله عنهم ..
كثير عرفت وقتها ناس وكانو مفضلين عندي

نورتي ي حب بأسئلتك

 

مقتبس من نجمة تشان

هلا هلا
الحمد لله تمام

1- كونان مع انو صار سخيف وما رح يخلص ..بس لساتني بحضرو ..لهيك اكيد هو المفضل عندي
بس في كثير شفتهم وحبيتهم..وعلى رأس القائمة بالنسبة الي ومفضل لحد هسا هو عهد الأصدقاء

2- ورق العنب (دوالي)

3- اسم بنتي رواء

4- مو عارفة في كثير حلوين..ما في شي محدد

5- لو تحددي سؤالك اكثر.. الجمال بشكل عام؟ ولا قصدك جمال الشكل الخارجي؟
لانو لو كنت تقصدي الجمال الخارجي فلا هو مش مهم ..المهم جمال الروح ..اما اذا كنت تحكي بشكل عام..اه طبعا الجمال مهم بالحياة وفي كثير مجالات

6- لاني زرت بلد الحرمين ..فحابة ازور حاليا بلد فيها غابات مثل أمريكا الجنوبية ..
ما بعرف ليش بحب الغابات ونفسي اروح على غابة وفيها شلالات ويعني اقضي مغامرة
-طبعا متل حلم ابليس في الجنة-
البحر بجنبنا ومو واصلينو..خليني احلم احسنلي

7- محترمة

8- لا اذكر أي واحد اول واحد ..بس انا بدايتي بالانمي كانت عالقناة المحلية الإسرائيلية ..
كانو يحطو رسوم ومدبلجة بالعبري (حلوين كثير وكنا نفهم عادي)..
بس ناسي أي واحد فيهم كان اول واحد

العفو
نورتي حبيبتي

 

السَلام عليكم ؛
اهلًا مِسك ؛ اتمنى تكوني مرتاحة عَ الكرسي
أسئلتي ~~

- انتِ من مُحبّي السَفر او لا ؟
- مكَان تتمني تسافرين له ؟ ليش وكم المُدّة ؟
- كلنا نتعرض لتغييرات كبيرة في حياتنا ؛ فيه مرة حسيتي ان قدَمتي على موقف غيّر جزء كبير منك او من حياتك ؟
/ مو شرط تقولين ايش هو او ايش الي تغير بس جاوبي بالشَكل الي يريحك /
- تحبي تعيشي باي نوع من الاماكن ؟ المُدن أو الرِيف؟

وبس للحين ما عندي غيرها ~~
وبالتوفيق لك

 

السلام عليكم ضيفتنا العزيزة
كيفك ؟ كيف الكرسي معك الأعضاء مايقصروا بالأسئلة
أسئلتي هي
أجمل خبر سمعتية ؟
أجمل هدية جتك ؟
أجمل شخصية غربية عجبتك ؟
أجمل شخصية دينية عجبتك؟
أجمل شخصية شرقية عجبتك ؟
ماذا تفضلين
البحر
المزرعة
البر
ماجبيت أكثر ماحب أتعبك معي

 

مقتبس من Pinkish Hanji

وعليكم السلام
يس مرتاحة

1- يس من محبي السفر وبقوة،، لأني محرومة منو

2- عفكرة جوج ضربتي عالوتر الحساس،،
لأني انا كل ما اكتئب بضل فكر انو لازم اسافر لحالي شي شهر ...
على أي بلد..مو مهم..المهم اسافر شهر اغير نفسيات
بس انا مثل ما حكيت قبل فوق،، حابة اسافر على منطقة فيها غابات واعيش مغامرة وامشي فيها.. ياريت
واتأمل الطبيعة..هيك لحتى الواحد يقوي من ايمانو وعلاقتو بربو ،، لانو فعلا بقوي الايمان وثانيا لحتى اغير من نفسيتي المتقلبة

3- فهمت سؤالك ،،الصراحة في كثير مواقف صارت معي وغيرت اشي فيي او جزء من حياتي
فيه مواقف خلتني اصحح من حالي وارجع حط حالي عالطريق والتفكير الصح
وفيه مواقف طورت مني ومن تفكيري وقدرت عن طريقها اغير شخصيتي للاحسن طبعا
وكل الفضل في تحسين نفسي من بعد اي موقف هي امي
قد ما احكي عن امي ما بوفيها حقها،، من كثر ما انها انسانة فهمانة ورائعة جدا

واكثر شي غير جزء كبير من حياتي هو قدوم اختي سوار الي حكيت عنها بموضوعي الأخير
وبس تزوجت وجبت أطفال كمان هاد بحد ذاتو تغيير جذري في نفسيتي وعقليتي وحياتي كلها،، صحيح ضليت انا هي أسماء المرحة المجنونة نوعا ما - هيك بقولولي المقربين مني- بس في كثير أشياء تغيرت من جوا،، وطريقة تفكيري

4- الجهتين الهم محاسنهم ومساوئهم،، ولكنني بحب ازور الريف واقعد فترة هيك تغيير جو..بس العيش بفضل بالمدن

نورتي يا غالية

 

مقتبس من بنت الحارة

هلا حبيبتي وعليكم السلام
الحمد لله..والكرسي حلو حلو

1- يييي تسأليش شو في اخبار جميلة بحياتي ،، بس رح احكي اجدد خبر ،، خبر قدوم ابن اخي الغالي "سعد "
كثير فرحت بهالخبر الصراحة وكل ما شوفو برقصلو قلبي رقص الله يحميه

2- استني أتذكر
كل الهدايا الي من زوجي

3- ما في حد الصراحة
فيه أدوار لممثلين عجبتني..اما شخصية اجنبية مشهورة بفضلها ما فيه

4- الرسول عليه الصلاة والسلام " بحب سيرتو "

5- شاعر اسمو تميم البرغوثي،،عفكرة فيه كثير مفضلين،، بس هاد الي خطر ببالي

6- كلهم بحبهم
بس بما نك سالتي شو المفضل فهو البحر

عادي خدي راحتك واسألي الي بدك ياه