يا حلوين . . انا حيرانةة . . و بدي مساعدتكم . . حابة اهدي ساعةة لأخي و حيرانة جد !!
ما عندي خبرةة بعالم الساعات ولا ماركاتها !! اذا عندكم ماركة بتحبوها بتصنع ساعات اكتبوهم بملفي . .
هو بحب ستايل الستانلس ستيل و الخلفية سودا او الغوامق بشكل عام و التصميم المعقد
الي بكون في عدادات جوا ومدري شو يعني مو التصميم البسيط
المهم . . اني حيرانةة بين ماركة POLICE او CASIO او TOMMY HILFIGER
بس طبعا في فرق بينهم بالتصميم ف مابعرررف انو ك شب شو بحب اكتر ك تصميم ؟
بس عاد ما بعرف عن ماركة كاسيو هل هيةة ثقيلةة و حلوة او لا ك ماركة عم بحكي مو كتصميم ؟
لانو شفت كم تصميم ل كاسيو رهييب ! و بصراحةة سعرهم تراااب و لما شفت اراء المشترين
كمان كانت ايجابيةة ف هالشي اغراني !
المهم . . رح اعرضلكم كم من ساعةة حبيتهم . . بدي رأيكم ايا الاحلى ؟
مرحبا يا حلوين . . هلا بما اني ملانةة بالقو !! يعني والله ما بعرف شو احكيلكم ؟ مــن كتر ماني ملانةة ف صـرت اقـعد كـل الـوقت ع المـنتدى ولسـاعات طويلةة تقريبا . . ومـافي شـي سويهو مافيني اطلع ع مكان حاليا . . و صار ظهري يوجعني من كتر القعدة مع اني والله امـس نـظـفـت الـبـيـت و شطفت الارض مع انو نحنمامنشطفهالانو الارضية خشب ! فتخيلوا من كتر الملل شطفتها لاول مرة مع انو امي نبهتني حكتلي لا تشطفي مشان ما تقبع الارضيةة و انا شطفتها و لما ماما اجت وشافت الجأ و اللأ بالارض فرحت مدري ليه حستبنضافةة مو طبيعية بالبيت كأنو هية كان بدا حدا يشطف بس خجلانة تحكي ؟ المهم و من بعد هالليوم الله لا يورجيكم وربي ظهريمن يومها عم يووجع بشكل فظييع . . و مو قادرة اقعد نفس الناس !! لا وزيدكم من الشعر بيت . . من اسبوعين ونص تقريبا كنت عم اتحمم و وعنا بانيو الي هو الحوض و بتعرفوا هاد بزحلق اذا كان في شامبو او صابون ع الارض و انا من غبائي سـويـت حـركـةة غبية وتزحلقت ووقعت ع حافة البانيو و المصيبة انو الـوقـعـة اجـت مـبـاشـرة ع صـدري وربي الله لا يذوقكم هالوجع الي حسيت فيه !! ماقدرت اتنفس دقـيـقـتـيـن هـيـك بـالـزور لحتى اخد نفس و حسيت قلبي مسك لفترة قصيرةة بس الحمد الله بعدها مشي الحال و رجعت اتنفس طبيعي . . والحلو اني قصيت يومي ولاكأني صار شي وما كان في وجـع امـا شـو ؟ تـعـوا شوفـوني تاني يوم ووووووووججع فظييييع كنت بموووت بمووت منو يـعـنـي ما بقدر اعطس تخيلوا لما تجي العطسة كانت تـروح دايـركـت وهـون خـفـت قـلـت مـعـقـول القلب بطل يستحـمـل الـعـطـسـة ؟ وفـوقـهـا مـابـقـدر لا اضـحك ولا اسعل كمان لانو وجع وجع فظيع ومـابـقـدر نـامبـوضـعياتمعينةة متل ع بطني او ع الجنب من ناحية قلبي لازم نام ع الجهة التانيةة ولما حاول اني غير لفة النومةة اتشنج من كتر الوجع !! و المصيبةة انو بعد كـم يـوم صـار ظـهـري يـوجعـنـي مـن نـفـس الـجـهـة الـي وقـعـت فـيـهـا والم فظييعيعني ما كنت اقدر اقعد قعدة عادية كان لازم اتشطح و علىالجهة العكسية للوقعة !! و كـمـلتت هـيـك اسـبوع ونـص اخـر شي بطلت استحمل حكيتلا للماما اني بدي روح عند الدكتورة بلكي بتشوف شـو فـيـنـي او اذاانكسرشي و انا مو حاسة ؟ قمت رحت عند الدكتور منكم يومو حكتلي انو بكون في شي انكسر بـس حـكـتـلـي عـادي هاد بطيب لحالو يعني لا تخافي و عطتني دوا مــسكن اذا وجـعـنـي كـتـيـر بـس طبـعـا ما اخدت الدوا لانـي مـاعم يوجع لدرجة اخد مسكن ؟ و حكتلي اذا كـتـيـر خـايـفـةة رح اعطيكي طلب تروحـي ع المستشفى جمبنا مشان تعملي تصوير اكس راي قمت حكيتلا ضروري التصوير ؟ حكتلي لا قمت حكيتلا لكن مارح سوي انا اساسا ما بحب ابدا روحة المستشفيات و حـكـتلي انو بدا تشوف محل الضربة قامت بس دلكت شوي ضهري مع انها حكت انها مانها معالجة فيزيائيـة ومـابعـرف لـما رجعت ع البيت خف الوجع بشكل كبيير !! و هلأ مو حاسـة بأي شـي يـعـني الجع كلو راح الحمد الله بس ابتلشت بوجع ضهري من تحت و بتعرفوا هي المنظقة مصيبةة !! مع اني اخر فترة بالجم كنت ركز عليها و العب تمارين الضهر الخلفي مشان يقوى اكتر بسلا حياة لمن تناديعنجد هالمنظقةة مصيبةة . .
اخر شي بحكيلكم انتبهوا وانتوا بتتحموا اذا كان عندكن بانيو لانو عنجد وقعة الحمام مصيبةة و كتير بسمع بقصص بحكي الحمد الله انو مرت ع خير متل ماما حكتلي تزحلقت ولولا لطف الله كانت الوقعة اجت ع راسا بحكيلكم لولا لطف الله . . ف جد انتبهوا كتير . .
مرحبا يا حلوين . . عدت لكم من جديد . . بصراحةة هالفترة متعاجزةصدق اني اكتب تدوينةة مع اني صرلي 3 ايام ورا بعض حط ببالي يلا اليوم ناوية على تدوينةة واخر شي بتروح الافكار من بالي لا تعليق و خاصتا كنت مصورة مجموعة صور وكنت بدي حطهم بالمدونةة اخر شي حطيتهم بموضوع لقطة التقاء لاني تعاجزة اكتب كلام و اكتب تدوينة شو هاد يا زلمةة خمول مو طبيعي . .
المهم انا مو مسدئةة اني حصلت على ختم مدونةة راقيةة و اخيراا حبيتالختم عنجد انو هيبةة . . و الاهم انو لونو ازرق على لون عضويتي < برا . .
ماعلينا يا اصدقائي انا رح احكيلكم اخر الاخبار عني و ان شاء الله تكون ايجابيةو حلوة عليكم . . اول امس تاريخ 28,2 كان عندي موعد بكورس و الحمد الله دخلوني كورس B2 و اخيرا و بصراحةة انا كتييير متشجعةة على هالكورس مع انو هالمستوى الكل بيحكي عليه انو اصعب مستوى باللغةة و مع هيك متشجعةة لانو مدتو بس 4 شهور مع انو هالمدة قليلةة بس هن قالوا الي علاماتهم عالية بحطوهم بهل الكورس بكون كورس مكثف و انا مبسوووطة ع مدة الكورس لاني جد جد انا ملولة و مابطييق الكورسات الطويلةة لاني انا جامعية و المعلومة مابدا عشرين سنة لافهما و هالشي الي حبيتو . .
و الاحلى من هيك شو ؟موعد الامتحان النهائي تاريخ 27.7 و عيد ميلادي بكون بتاريخ 28.7 يعني بهل اليوم بقدر اني ساااااافففر برات المانيا و عيد على راحتي بتعرفوا شو بيحكوا ؟ هاد واحد امو داعيتلو و عنجد امي ليل نهار بتدعيلنا . . ف ما بستغرب يجيني هيك كورس مفصل تفصيل . . و الاحلى من هيك اني بخلص بشهر 7 و هالمدة جدا مناسبة اني اخد شهادة المستوى و ادخل الجامعة لأني ناوية على اخر هالسنة اني بلش جامعةة و جاي التوقيت كلو مع بعضو متناسق و رهيب . .
عنجد مفائلة كتير و مبسوطةة فوق ما تتصوروا . . و الله يكتب الي فيه الخير . .
المهم بعد ماحكيتلكم عن اسعد خبر اجاني لحد هلأ رح احكيلكم عن اليوم الي نزل فيه الثلج كان بتاريخ 27.2 عاد ولا مرة فكرت اني قشط الثلج من عند باب البيت و فكرت انو الشغلةة حلوة و ممتعة بس اوووووعكم تنغروا بالمظهر لا عنجد الظاهر غير عن الواقع وربي كان يوم كااارثي !! شفت فيه الوويل !! ما توقعت يكون الثلج هيك ثقيييل !!! ايديانملخت و انا قاعدة احمل بهل التلج و حطو ع جنب وكنت انا قشط كل الشارع بعدين قال شو ؟ قال لا تقشطي كل الشارع سوي ممر صغير بس !! حكيت لا بالله ؟ بعد ما قشطت شارع كامل ؟ و انسكر ظهري ؟ لما عرفت صحت صحت للعادة قلت شو هالحظ الي علي لا و الي بيقهر اكتر . . كانت تجي الشاحنة الكبيرة الي بتقشط الشارع الرئيسي و كانت جاية صوبنا ف راحت قشطت كل التلج الي بالشارع و اجا محل ماعم قشط و تيتي تيتي متل ما رحتي متل ما جيتي و انا اتطلع بأختي و احكيلا شو الي ضرب على قلبي و قلت بدي قشط . . بس والله قشطنا منيح قشطنا عند بيتنا و بيت جيرانا خطي هن كبار بالعمر و بيتعبوا ف قشطنا قدامهم كمان بس شو ؟ بتصدقوا لليوم اخر ظهري منتهي ؟ عم يووووجع من كتر ما ضغطت عليه و ايدي من فوق عم توجع كمان والساعد تبعي كمان حاسة اني ختيرت بس شو بدكن بالحكي تجربة جديدة علي و حلوة بنفس الوقت . . تخيلوا كانت عم تتلج و نحن عم نقشط اديشش كان حلو و التلج شكلو متل القطن من بعيد . .
عقبال ما نط بالتلجو غوص فيه او سوي رجل ثلجي لهلأ ماغامرت هيك مغامرات
مرحبا ياحلوين رجعنالكم بتدوينة جديدة و نقول الو
هالتدوينة رح اكتب عن رياضتي القديمةة او مابعرف لو بتسمى رياضةة بس هن صنفوها من ضمن
الرياضات و كانوا يعملوا مسابقات عليها كمان . . هي اللعبة اسمها pump it up و بيختصروها ب piu
^ هي واجهة اللعبة من فوق . .طبعا الها اكتر من اصدار بس رح احكي عن هالاصدار بالذات الي اسمو ZERO 2005 لان كانت طفولتي كلها على هالاصدار لحتى نزل بعديين اصدارها الاجدد من هاد
الي اسمو pump it up prime 2014
^ هاد الاصدار مختلف كلياَ عن اصدار الزيرو و رح احكي عن الختلافات بهل التدوينةة
^ هي هية اللعبة و اكيد الكل بيعرفها و مافي حدا الا وشافها بالمول
هالأحداث الي رح احكي عنها جزء منها من مراهقتي وجزء منها لما كبرت وكان عمري 18 وفوق
بتعرفوا الجد لما يحكي لأحفادو عن قصصو لما كان شب ؟ و اخد دور البطل ؟ اي انا هيك رح كون
بهل التدوينةة لاني حاسة جد عجزت لانو مابصدق انو هالاحداث صرلها فوق 14 سنة ق9 !
المهم . . اول مرة شفت اللعبة كانت بمول بالشارقة اسمو ( صحارى مول ) و شفت مجموعةة بنات
و شباب اجانب وكانوا بعمري بهداك الوقت تقريباَ و شفتهم عم يلعبوا و هيك وانسحرت بلعبهم
ف قلت لاختي بدي جربا و هية جربت معي هي اللعبةة و من اولها و انا متت عليها حبيت الاغاني
الي بتعرضها و هيك و شوي شوي ادمنتها . . بس للأسف شالوا اللعبة من هالمول و لحسن حظي
احد اصدقائي قال لي ان مول اسمه ( ميغا مول بالشارقة ) حط اللعبة هنيك و رحت دايركت لهنيك
مشان العبها و اتعرف على الناس الي بيلعبوها مشان كون حلقة صداقةة قويةة ضمن هاللعبة
و فعلاَ صار هالشي و كونت صداقات كتيييييييييييييييرة وربي مابقدر عد كم عدد الاصدقاء كانوا بهداك
الوقت وكلهم كانوا يلعبوا وفي منهم كانوا يتفرجوا و كنت انا ضمن الاوائل بهل اللعبة لان
كنت اتدرب بالبيت على حركاتها باليوتيوب فيه كل شي و كنت افتحو مشان شوف الحركات مشان لما
روح ع الواقع اعرف كيف العبها ف كانوا يحكولي اني انا المرتبة الاولى من البنات بوقتها
و كانوا الشباب نفسهم ما يضاهوا مهارتي بهل اللعبةة و كنت اتحدا الشباب بس لان مافي بنت
كانت توصل لربع مستواي و الشباب بشكل عام كانوا شايفين نفسهم انو كيف بنت اقوى مني ؟
ف كنت حب اتحداهم و فوز عليهم و ينصدموا و ياما سمعت من ناس و يحكولي ما شاء الله عليكي
كيف بتلحقي تقري الحركات ؟ بحكيلهم تعود من كتر التمرين صرت شوف الحركات السريعة بطيئة
المهم كان ابي يعطيني 250 درهم وقتا مصروف على ما اذكر تخيلوا 100 كاملة حطها بالكرت
مشان العب فيها و مرات حط 150 و 100 شبرقة ؟ و كنت اشتري دائما قناني مي الحجم الكبير
لان اللعبة كانت تعطش و كنت وزعها على الشعب الدانسي هنيك ( الدانسي بمعنى دانس لان اللعبة
لعبة رقص فكنا نختصرها بكلمة دانس ) و سوينا قروب كبير سمينا قروب زيرو لان اللعبة اسمها
زيرو وما خلينا حدود صداقتنا فقط بمجال اللعبة لا كنا نطلع و نروح سنما و هيك و مرة رحنا سنما تخيلوا
نحن حجزنا كل السنما كان عددنا فوق ال 20 شخص مقسمين بين بنات و شباب و لحد هلأ
بتذكر اسم الفلم الي حضرناه كان فلم Wild Child و كنا اكتر من اصدقاء متل اخوة و لما اخدت
الليسن لاني كنت اكبر وحدة بالمجموعة كلها ف كنت اول وحدة من القروب بياخد الليسن فكنت مر عليهم
واحد واحد و نصيع بالسيارة و نروح و نرجع ايمت ما بدنا ياخي وربي كانت احلى ايام خاصتا انو الي
كانوا مقربين مني اكتر شي كانوا المحترفين منهم وكنا نتدرب بالميغا مول و نروح على دبي مول
لانو كان في دانس ماشين هنيك و كنا نسوي شو ! مافي مرة طلعت ع اللعبة و الغنية تخلص ولف
ظهري وما كنت شوف جمهور بكل مرة كنت لاقي كمية جمهووور كبيييرة ومو طبيعية و المشكلة كنت من
النوع الخجول لما كنت شوف هالكم الهائل من الناس وراي و مصدومين انا بستحي و بلف ظهري مرة تانيةة ف كيف لو كانوا رفقاتي معي ؟ والله كنا دائما نفجر الجو بالمول و كنا نعرف
كل الي بيشتغلوا وضاربين صحبة معهم لانو نعتبر مداومين نفسنا نفسهم كل يوم تقريبا كنا نروح ع
المول مشان نلعبها . .
و كان في بالاصدار الاجدد من اللعبةة Prime خاصية انو 4 اشخاص بيقدروا يلعبوا بنفس الوقت
و في شخصين و في 3 على حسب الخيار الي نحطو . . و الغنية بتطلع على حسب عدد الاشخاص
طبعا اكتر شي 4 كان و بتطلع الحركات و بالشاشة في 4 الوان كل شخص بيختار لون و بيلعب عليه فتخيلوا
انو 4 اشخاص بيلعبوا بلعبة مافيها غير مكان لشخصين ؟ والمصيبة لما تبلش الغنية و نلعب
ما مننتبه لخطواتنا لانو مافينا نطلع ع الارض لازم عيونا تكون ع الشاشة مشان الحركة ماتروح
و انت تكون ع اليمين و الحركة تجي ع اليسار و تروح تنط ع اليسار و تدخل برفيقك
يالله شو كانت تضحكتني هاللعبة ومرات بيختل توازني و بدي اوقع و تكون رفيقتي
وراي و تسندني من يومي بكره هاللعبة بس كانت جد مسليةة و مليانة ضحك
و في وضعيات منفردة و رح اذكرها كلها بهل التدوينةة مع اني بعرف يمكن محدا مهتم فيها بس هيك
فلسفةة بدي اكتبها . .
رح ورجيكم اكتر الاغاني الي كنت موووت فيهم و دائما كان افتتاحيةة اللعبة بأغاني معينة مابقدر
لازم كل مرة العبها للعبة العب هالاغاني . . و بتعرفوا شو احلى شي بهل اللعبة ؟ انو الاغاني
الي فيها اغاني حقيقية طبعا باللعبة بينحط جزء من الاغنية و بالنت اذا كتبت اسم الاغنية كاملة بتطلع
كاملة مع اسم المغني و في حركات باللعبة نفسها يعني الي حافظ حركات الاغنية بيقدر يسوي
عرض . . بيقدر مثلا يلف و هو عم يرقص ع الحركات المعينة و بيقدر يرقص ع الجنب ( هي عنجد كانت
اصعب شي بالنسبة الي اصعب من الدوران ) بس بالاخر اتقنتها . .
^ هي كانت من اول الاغاني الي تعلمت عليهم يالله هالغنية اديشها من الذكريات
وماكان في حدا الا و يحب يلعبها كانت ضرب هالاغنية بهداك الوقت
^ انتوا ركزا على الحركات لانو بالفديوات القادمة رح تشوفوا كيف تطور مستواي
^ و هي الاغنية كنت كتير حب العبها حركاتها كانت حلوةة ومن كتر ماحبيتها لعبت المود الصعب
منها والي هو ال crazy mode طبعا باللعبة في 3 انواع للمودات normal, hard & crazy
طبعا هالمودات الي بتكون ع جهة وحدة من اللعبة و في مودين للجهتين من اللعبة ( بتكون على اللعبة كلها )
يعني بتاخد مكان شخصين بس انت لحالك اسمهم Freestyle و الي بكون السهل و ال Nightmare الي
بكون الصعب
^ هالغنية رهيبة خاصتا لو كان صوت اللعبة عالي بتحس حالك بالديسكو
اكتر شي كان يلخبطي بهل اللعبة هو دقيقة 1:06 يخربيها كانت تلف رجلي لف
بس يعني مع التمرين كل شي بصير
طبعا في بالحركات بيجي 3 خطوات بنفس اللحظة هي احلى شي و سهلة بنفس الوقت
لان نظام خطوات اللعبة ع الارض كتير خفيف ومو ضروري تضربها بقوة لحتى تدعسهم كلهم
بكفي تلمسهم لمس و احلى شي لما تجي ال 3 حركات بآخر الغنية هي معناها لازم تضرب اقوى
شي مشان يبين انك فجرت ام ام الغنية ياما كنت سويها و كنت حس سويت انجاز
+ باخر الفديو هاد اخد علامة S هالعلامة يعني ماجاب ولا خطأ و هي العلامة اقوى شي و في علامات
متل A,B,C,D,F متل علامات الجامعةة من الايه الافضل و الاف للاسوأ و الاف يعني انك طلعت برا اللعبة
و اللعبة بتسمحلك تختار 3 اغاني فقط و اذا جبت بأغنية دي ف بحقلك تختار اغنيتين بس فكنا دائما لما بدنا
نختار اغنية صعبة و عارفين انو مارح ننجح فيها كنا نخليها بآخر اغنية مشان لو حتى جبنا اف ف عادي
اخدنا اول غنيتين < مخ ياحبيبي مخ
^ هي كانت من اشهر الاغاني الي بتنلعب فريستايل لانها سهلة و حلوةة ف كبداية للاعب ببلش
بهيك اغاني . .
وركزوا معي هون رح حط اغنية الهارد منها و رح بعدها الكريزي و شوفوا كيف تطور مستواي
^ هي الهارد و كانت بأول ايامي باللعبة صعبة و مرة اخدت فيها اف على ما اذكر
لاني ماكنت اعرف دور وحركاتها كلها دوران بدوران
^ هي حركاتها عبارة عن انك تثبت رجل اليمين بالنص ( عند اللون الاصفر ) و رجل اليسار تتحرك
يمين و يسار مو الرجلتين تحركهم سوا و هاد خطأ بيوقع فيها الكتير و الدوران كان يصير دقيقة 48
^ هي المود الاصعب منها . . شوفوا بأول الغنية كيف الحركات بتجي ؟ في كتير ناس ماقدروا
يكملوها لانو اذا مالحقت اول الغنية بتطلع برا اللعبة بس تخيلوا اني قدرت اختمها
هي الغنية عنجد كانت تعتبر كتير صعبة بالنسبة الي و كانت تعتبر تحدي كبير لانو حركاتها كانت
سريعة و في منها حركات جانبية و كانت نقطة ضعفي الحركات الجانبيةة ومعي هيك متل ماحكيتلكم
مع التدريب كل شي بصير و انتبهوا بآخر فديو اجت 3 ضربات سوا بتعرفوا شو يعني
^ هالاغنية كانت عشقي و لليوم بعشقها لانها ناعمة كتيير و بلشت فيها من السهل
لحتى وصل لهل المستوى الي بالفديو مع انكم لو ركزتوا اغلبها حركات جانبية من الي بكرها
على حظي يعني بس لاني بحب الغنية اتقنتها و كمان اتقنت مود الفريستايل منها و الفريستايل
كان شي خرااااااااااااااااااااااااااااااااااااااااااااااااافي وربي . .
^ كانت دائما تلخبطني الحركات النصانية الي بتكون بين الجهة اليمين و اليسار
و مرات كنت سوي الحركات بالعكس على اد ما كنت اتلخبط يخربيتها كانت تلف مخي
بس هي الغنية كان الفريستايل تبعها قريب من النايتمير مشان هيك كنت كتير حب العبها
طبعا انا ولا بحلم العب النايتمير لانو كتير سريع و صعب صعب صعب !
^ بهالغنية كلما كان يطلع مقطع ال OH OH كان الكل يصرخ بصوت عالي اوه اوه
وربي هالغنيةة فننن خاصتا اذا كان في زحمة بالمول بتجيب كتير ناس
^ هالغنية كنت بعششششششقها لاني كنت مجنونة سرعةة وماكان حدا يلحقني
هي المود الهارد منها و كانت صعبة كيف لو كريزي ؟ طبعا مرات كنت اختمها و مرات
لا على حسب تعبي لانو عنجد هالغنية متعببببة بشكل فظييييع لانوا لحركات كلها ورا بعضها
^ و هي الاغنية من كتر ماكنت داخلة قلبي اخدت فيها S بالمود الكريزي تبعها
^ يالله هالاغنية اديشش اخدت مني عمر تخيلوا بأول ايامي باللعبة
ما كنت اقدر اختم اللعبة الي المود تبعها هارد ( طبعا مافي منها نورمال بس هارد و كريزي )
و هلأ شوفوا هي الكريزي منها المصيبة بالاخر بالله شوفوا الفديو للآخر كنت دائما جيب
العيد بالاخر
^ و هي الغنية يمكن تشوفوها عاديةة بس وربي وقت ما تلعبوها بتحسوا انكم بعالم تاني
عنجد هيك بحس اني مبسوووووطة خاصتا انو النطات شكلها بضحك انو وحدة بالعرض ووحدة بالطول
و جاية على دقة الغنية و احلى شي انها كلها نطات ياخي بتطلع كل الطاقة السلبية منكم
^ هي الغنية بالاصدار الاجدد كنا نسميها عدنان و عبسي لانو المغني بصرخ بيحكي
عدنااااااااان و بعدين عبسسسسسسسي طبعا هو ما بيحكي هيك بس نحن
منا نتمسخر
^ اما هي الغنية ف بعشقهههههههههههههههااااااا لأنها كانت ناززلة جديدة بالاصدار الجديد
و كانت صعبةة و كانت اول غنية من مستوى 15 بختمها كان يعتبر انجاز الي
شوفوا اخر الفديو كيف الحركات بتصير و تخيلوا انو من بعد طول الغنية و الغنية متعبة تجي هيك
حركات شو بصير فيكن بتصيروا نفس الغسالة الخربانةة
^ اما هالغنية حبيتها لانها حزينةة و كنت ناوية اتدرب على النمط الصعب منها ولكن للأسف تركت اللعبة
وقتها هي من مستوى 7 تخيلوا ؟
و هلأ رح احكيلكم على خدع هاللعبةة و كلما اخترت خدعة كلما زدت عدد الجماهير وراك
كانت من اكتر الخدع بالنسبة الي هية خدعة كود X كانت الحركات تدخل ببعضها ع الشاشة على
شكل حرف اكس بس لازم تكون حافظ الحركات منيح لحتى تقدر تحط هالمود لانو جد صعب و بفوت بالحيط
مشان كون صادقةة غنية وحدة قدرت طبق عليها هالمود من صعوبتو
و لحتى نطلع هالمود على الشاشة لازم نكبس شيفرة معينة على الارض و هية على هالشكل: 9 7 5 3 1 رقم 1 هو الدعسة على اليسار من تحت و 3 هي الدعسة ع اليمين تحت و ال5 بالنص و هيك
و الكود لهل المود هو 191937375 يعني لو تخيلتوها كأنكم عم تعملوا حرف اكس مكرر مرتين
PUMP IT UP PRIME 2CO-OP PLAY - CO-OP X2 - DOUBLE PERFORMANCE (2 PEOPLE PERFORMANCE)EFFECT PLAY■ Song: Rolling Christmas■ Artist: BanYa■ Player: NUMBUH_1 (Red...
www.youtube.com
^ و هاد مثال عليه طبعا هاد لانو تنين مشاركين لو واحد بتطلع من اليسار من الشاشة من تحت
اذا عم تلعب من اليمين و العكس صحيح هالمود عنجد صعب و معقد خاصتا اذا كانت الحركات سريعة
او متشابكةة
و عنا مود فانيش بينحط بإختصار V على الشاشة و هو انو الحركات بتختفي نصها من فوق يعني بتطلع
من تحت و بتشوفها بس بتختفي من نص الشاشة يعني بدك تحفظ توقيت الحركات وقت وصولها لفوق
و لحتى يطلع هلمود بنعمل هيك 17135
و في عنا اصعب مود بكل اللعبة و هو مود ال NONSTEP mode و بيطلع اختصارو NS
على الشاشة هالمود مابخلي الحركات تطلع بيخفيها كامل يعني بدك تكون حافظ الحركات ع الغايب
و هاد فعلياَ اصعب مود لانو هاد لازم تكون حافظ الحركات 100% و مرة رفيقي لعب بهل المود
على اغنيةة صح طلع في بعض الاخطاء بس ختمها للاخر طبعا يعتبر انجاز حتى لو كانت الاغنية سهلة
و لحتى يطلع هالمود لازم نكون الريدي حاطين على الفانيش مود بعدها منعيد نفس الحركات و بيتطبق معنا
و في مود دائما بستخدمو لانو يعتبر الاسهل هو عبارة انو بيخفي قائمة الحركات فوق الي بتكون بأعلى الشاشة
محل مالازم الحركة توصل فوق و ندعسها هالقائمة بتختفي و اسم هالمود Freedom و بتطلع بالشاشة تحت
هالاختصار FD و لحتى نسويها منعمل هيك 719337915
و اللعبة بتكون مقفولة يعني ما بتطلع كل الاغاني الصعبة مثلا اذا ما فتحتها و في شيفرة لحتى تفتح
النظام كلو و اسمو Full Mode و لحتى نقدر نفتح هالمود منسوي هيك 175937571
ف تخيلوا ايها السادةة اني وقتها كنت حافظةة كل هالكودات و في كودات اكتر من هدول بس هدول احلاهم
و كنت سوي الشيفرة بسرعة و الي بشوفني و انا بسوريها بينحول
المهم بىخر هالتدوينة حابة احكي . . كانت ايام حلوة و عنجد بشتاق لهل الايام كتير حسيت انو كان الي
عالم خاص فيني و للأسف بتصدقوا اذا حكيتلكم في بعض الاغاني الي وضعتها بهل التدوينة و خاصتا
الصعبة منها بستغرب كيف كنت العب هيك ؟ اكيد انا تراجعت هههههههه بس اذا رجعتلها برجعلها بظرف شهر
على المستوى القديم . . و هاللعبة كانت سبب من اسباب انو بطة رجلي كبار و كل حدا ماشافهم يحكيلي كيف هيك
و اشرحلو قصة حياتي
و بهيك بكون خلصت ان شاء الله تكونوا استمتعتوا معي نراكم في تدوينات أٌخرى
مرحبا يا حلوين والله زمان على فعاليات المجتمع ليه بتقطعوها علينا هيك ترا بحب
الطلبات الي بتحطوها ضمن الفعاليات . . و خاصتا اذا من ريلينا حبيت طلبات هالفعالية
كتير وجذبتني و بتذكر مرة بالانستا اجت فترة الناس كلهم صاروا يحطوا 10 اشياء لا تعرفها عني
و مرة كتبت طبعا هالشي قدييييم من 2015 يمكن ؟ المهم رح احكيلكم 10 اشياء ما بتعرفوها
عني ( على اساس ما بتعرفوها يمكن بتعرفوها بس طوفوا و اعملوا حالكم ما بتعرفوها اتفقنا ؟ )
1. انا متزلجة انلاين سكيت محترفة من سنة 2010 و بديت التزلج سنة 2005 ذ1
2. البنات انواع و انا من النوع الخشن بس فيني انوثة اكيد بس قصدي بستحمل ضغط و تعب اكتر من غيري من البنات ومرة انطق كتفي من حركة سويتها وانا عم اتزلج و بتعرفوا طقة الكتف الي بتكون بمعنى رضدة بتكون قوية قدرت استحمل هالالم مع انو وقتها كانت الدموع تنزل لحالها بس كنت عم اضحك مابعرف كيف و شي كمان انو قلبي قوية و هي من اكتر من واحد حكالي ياها لحتى انا اقتنعت و انتبهت ع حالي انو قلبي قوي و من التجارب الي بينت قلبي القوي تجربتي بطريق اللجوء و كنت وقتها لحالي و هاد بغض النظر عن بافي المواقف الي مريت فيها . .
3. انا من عشاق عالم السيارات و التزويد حصراَ و لما كان عمري 17 سنة كنت دائما كون قريبة من الأشخاص الي بكونوا مهتمين بعالم التزويد و كنت دائما مستمعة اكتر ماكون بحكي معهم ووصلت لمرحلة بقدر ادخل بنقاش مع واحد ( متعمق بالسيارات ) ممكن يوصل لفوق الساعة بدون مانحس و في منهم حكولي اني انا شب مو بنت من عمق المعلومات الي كنت اعرفها بعالم التزويد
4. لما كنت بالامارات كنت اترايس ( اتسابق ) مع سيارات و السيارات الي كانت تتسابق معي كانت اقوى من السيارة الي معي بكتير بس كنت فوز لسببين الاول مهارة السائق و التاني القلب القوي ( بليز تعليقات تبعيت اكيد سواقتك سواقة هنود شيلوها من بالكم انا اخدت الليسن من اول محاولة و كان المعهد الي سويت الامتحان فيه معهد الشرطة اسالو عليه بالامارات محدا بينجح فيه من اول مرة )
5. انا من محبين التاتو بشكل فظيع . . يعني هي تعتبر الشهوة الوحيدة الي نفسي سويها
ومابقدر و انا كتير بيجذبوني الناس الي بكونوا مسوين تاتو و مرة فكرت اني حط بس
الحمد الله بآخر لحظة تراجعت و هالمرة تراجعت للأبد
6. لما كنت صغيرة غرقت مرتين الاولى بالبحر ولو ماكان اخي موجود ع الشط كنت متت و التانية بالمسبح و كمان واحد انقذني و هالشي لما كنت صغيرةة و بسبب هالخوف من الغرق تعلمت السباحة لحتى صرت سباحة ماهرة و صرت روح يوميا ع البحر و اسبح لعند الخط الفاصل و مرة صارت عاصفة و انا بنص البحر و على قد ما العاصفة كانت قوية صار اسود و الشط اختفى بسبب الغبار و كنت مليانة فرحةة لاني وقتها ابدا ماكنت خايفة
7. لما وصلت المانيا اخدت قرار اني ما اخد ليسن بسبب سواقتي المجنونة و اني مالي قدرة على دفع المخالفات مخالفاتي بالامارات قبل ما اطلع وصلت ل 13 الف هي بآخر تجديد و الي قبلو وصلت ل 12 الف ولا مخالفة فيهم حوادث او اشياء تانية كلها كانت سرعة ( شكلي رح قدم بفلم فاست اند فيوريوس الجديد يمكن ناقصهم سائق جديد )
8. اول ما اخدت الامارات الاكسبو فتحوا باب الاشتراك لتصميم لوغو خاص للاكسبو و انا شاركت فيه . . مع اني كنت عارفة اني مارح يختاروني اكيد اختارو شي واحد هندي لانو الهنود بيبدعوا بهل التخصص بس بكفي انجاز اني شاركت و بعتت تصميمي ولحد الان الايميل موجود طبعا الي مسحوب عليه هههههههههههههههههههههههه
9. من كتر تعمقي بالفوتوشوب كهوايةة لما دخلت جامعة بالامارات كان في مادة الفوتوشوب اي انا كنت قوم و اشرح لرفقاتي بدال الدكتور و هو يتطلع علي و يضحك
10. صنفوني بسنة 2012 المرتبة الاولى بلعبة Pump it up من فئة البنات بدولة الامارات
11. بتمرين الكابس بالجم ( اكيد الشباب بيعرفوه ) بأول محاولة الي حملت وزن 120 كيلو
12. من كتر حبي للتمارين الصعبة والي بتشبه تمارين الكروس فت . . كنت روح 3 ايام بالاسبوع ع البحر و حط وزن برجلي 3 كيلو لكل رجل يعني 6 كيلو مع وزني الاصلي و كنت اركض على الرمل ومرات اركض على الطين و كنت لف لفة كاملة ( البحر جاي على شكل حلقة ) بدون ما وقف طبعا بالبداية ماكنت اقدر بس مع التدريب المتواصل كانت تقوا رجلي و رئتي تنفتح اكتر و استحمل و احلى شي بهل التمرين لما تركض هيك شي ساعة و بعدين تشيل الوزن بتحس حالك كأنك عم تمشي ع القمر حسيت انو وزني 10 هههههههههه و كنت نط و اركض سبرنت شي 5 دقايق بدون ماحس برجلي ههههههههههههههههههههه وربي احساس لا ينوصف ( سبرنت هو بتكون ركضة وحدة بدون ما تتوقف و باسوع ما عندك )
13. مرة نمت ب 3 حدود دول بنفس الوقت كانت بلجيكا و اليونان و تركيا
14. لما انولدت كان وزني 3 كيلو و 300 غرام و ماما كانت تحكيلي انو كنت اقعد قدام البراد و اكل جبنة كيري ههههههههههههههههههههههههههههه
^ بصراحة اول مابلشت ماكنت عارفة كيف رح حط 10 اشياء عني ؟ حكيت ببالي معقول اني ما بعرف حالي و ماعندي 10 اشياء ما بتعرفوها بعدين بلشت الافكار تطلع و حذفت نقطتين ماحبيت زودها ههههههههههههههههه
مستحيل اني ابيعك لو على حد السيوف لاخـر العـمـر بـنـشـارك بـعضنا عمريننا
لا تـفـاول بـالـنهاية باكر نعيش ونشوف إمــا زان الــحــظ ولا ربــنــا بــيـعـيـنـنـا
انا عمري 25 سنة و اجتني حالة إشمئزاز من الزواج والعلاقات ..
يا شباب مبدئياَ هيك في اي علاقة مافي شي اسمو unconditional love
الكلام هاد رح تلائيه عند امك و ابوك الك, جابوك و صرفوا عليك و ربوك, بحبوك لله ف لله .
ف إذا انت متوقع تدخل علاقة و تلاقي فيها unconditional love رح تكون لامؤاخذة حمار .
لو انت قررت تدخل اي علاقة ف لازم تكون عارف انك رح تقابل نوع من انواع هالبنات:
الاولى : البنت المادية, و هية غالبا بتكون تافهة, و مو قد المسؤولية و مارح تعرف تفتح معا حديث
و اهم شغلة عندها: شكلك, لبسك, كم بجيبك؟ , بتصرف اديش؟ طبعا هي رح تدلع عليك مشان كل هاد
و طبعا انت متل الحمار رح تصدق انها محتاجة الك ف بالتالي انت رح تفتكر انو هاد كلو حب !!
التانية : البنت المستقلة ! و بالذات لو طلعت مستقلة و حلوة بنفس الوقت .. النوع هاد صار للاسف
متآكل حقو, البنت هي, لا رح يفرق معها معك كم! ولا راكب اي سيارة ولا شي. كل اللي بتطلبو هو
الاهتمام و الوقت و انك تحسسها بقيمتها عندك .. بس انت مشان انك رجل شرقي, رح تكون للاسف
عندك شي اسمو غباء اجتماعي, رح تاخد البنت for granted يلا ما هي موجودة رح تروح لوين؟؟؟
و طبعا مشان هي عاقلة رح تصبر عليك كتير يمكن يكون عندها امل .. هي رح تزعل كتير بالاول
لو انت مو مهتم فيها, و رح تنجن لو انت ما بتطلب تشوفها, و رح تكون غيورة كتير بالاول, ولو
هي مو من ضمن اهتماماتك رح تنكد عليك, لكن لأنها بتحبك رح تبينلك كل هاد, كأنها بتحكيلك هي
المفاتيح خدن مشان تربحني .. لكن انت كمان رح يكون لسا عندك غباء إجتماعي و رح تضل اخدها
for granted , لكن مع الوقت, ال compare هاد من اول ما عرفتها لحد ما انت حسيت بتغير فيها .
كلامها قل, صح؟؟ ماعم تحكيلك نفس الاول, صح؟؟؟ بطلت تغار عليك, مو هيك؟ بطل يهما انت وين رايح
و من وين جاية و رحت ولا لأ , صح؟؟؟ ماعاد يهمها goodmorning or goodnight text
ولا عادت تلومك, صح؟؟؟ هي ما بتكرهك, هي احتمال كتير كبير تكون بتحبك كتير, بس هي فكرت انها لازم
تحب نفسها كمان!! هالنوعية من البنات صاروا للاسف خسارتهم تجيب الارض, لأنو انت عارف وهن
عارفين انو بهل الزمن, ما رح تلاقي متلن !!!!! و الشغلة لما تقل, قيمتها لا ارادياَ بتزيد . الرجل مرآة
زوجته او شريكتو ,و البنت بطبعها معطاءة كتير, لو رح تعطيها قيراط رح ترجعوا 24 .. مارح تعطيها شي !
لا وقت ولا حب ولا إهتمام ولا دلع ولا حتى وردة و تخليها تضحك لمدة دقيقة, رح تضل هي كمان تعطيك
لحتى ما ال inventory اللي عندها يخلص . و لو خلص رح يكون في حلين قدامك . يا إما رح تكون غبي
و تتركها تروح تشوف حياتها وال re-fill اللي هي عطتك ياه . يا إما رح تكون ذكي و تقدر النعمة اللي
في ايدك, و تعرف و تعًرفها انو متل ما اهلك و شغلك و رفقاتك و الجيم اولوية في حياتك, هي كمان اولوية
و يمكن اهم اولوية لأن هي رح تكون الشريكة اللي رح تشيلك ف حلوك و مرك . انا اكتر البنات شفتهم بيتطلقوا
بكير او سنقل , هن اكتر البنات نجاح و استقلال و رح كون متأكدة انو ازواجهم للاسف عاملوهم غلط ..
رفقا بالقوارير يا رجال .
لو قدرت تضيف لمعرفتك 0.01 كل يوم سواء في مجال شغلك أو مجال دراستك او تخصصك
لمدة 365 يوم معرفتك رح تزيد 37 ضعف ..
على العكس اذا ماطورت من حالك وبدأت تواكب التطور والعلم سواء في مجالك أو بشكل عام
ولو معرفتك قلت بنسبة 0.01 معرفتك رح تنقص لحد ما توصل 0.03 بعد 365. لهاد الشي لازم
تعود حالك انك تمارس قانون الاضافة البسيطة في شتى امور حياتك وبالأخص في مجال تخصصك
وعملك وانتاجك ورح تحقق بالمقابل نتائج رهيبة بس مارس قانون الإضافة البسيطة وخليه الك عادة
يومية ورح تتغير حياتك بالكامل ..
انت رح تشوف انو 0.01 كتير ضئيلة بس على المدى الطويل بتفرق كتير ..
رح اعطيكم حالات طبقت قانون الأضافة البسيطة ورح نشوف النتيجة كيف كانت مذهلة
1. في أولمبياد 1976 كان هناك 8 متسابقين لنهائي سباق ال 100 متر، صاحب الميدالية
الذهبية فيهم كان أسرع فقط ( بعُشر من الثانية ) عن آخر المتسابقين الثمانية .. ( فرق بسيط في السرعة لكن فروقات هائلة في النتائج ) ..
2. في إحدى سباقات الخيل في الولايات المتحدة الأمريكية، الحصان الفائز بالمركز الأول حصل
على مليون دولار أما الحصان في المركز الثاني الذي خسر ( فقط بفارق مسافة الأنف )، حصل
على 75000 دولار .. ( فرق بسيط في المسافة ولكنه كبير في النتائج ) ..
3. اذا استيقظت مبكرا ( ساعة واحدة فقط ) قبل الدوام وقرأت في مجال تخصصك او اشياء معرفية
عامة رح تكون حصلت على 7 ساعات علم في الأسبوع .. بعد فترة قصيرة، سوف تقف شامخا
مقارنة بزملاءك في الدوام وُ يشار إليك بالبنان لأنك الخبير بينهم .. ( إضافة بسيطة ولكن فرق
كبير في النتائج ) ..
4. إذا ذهبت إلى المسجد قبل الأذان بقليل أو مع الأذان فإنك سوف تقرأ على الاقل 10 صفحات
من القرآن الكريم .. وعلى افتراض أنك تأتي مبكرا فريضتين فقط من الصلوات، سوف تقرأ 20
صفحة في اليوم الواحد، أي جزءاً كاملاً، أي 140 في الأسبوع .. وتقريبا ختمة كاملة في الشهر ..
( إضافة بسيطة ولكن فرق كبير في النتائج ) ..
5. أحد الزملاء يقرأ مع ابنه قصة أو كتاب باللغة الانجليزية، عندما كان في المرحلة الابتدائية
١٥ دقيقة أثناء تحضير وجبة العشاء .. يقول : إن ابنه الآن في المتوسط قادرعلى قراءة أي
كتاب باللغة الانجليزية دون أي جهد .. نعم ( إضافة بسيطة من الوقت ولكن فروقات كبيرة في النتائج .. )
الخلاصة :
مارس قانون الإضافة البسيطة في كل مجالات حياتك، انظر إلى عملك .. إلى علاقاتك .. إلى صحتك ..
إلى أبناءك .. وفكر ما الذي يمكنني إضافته لأصنع الفارق، ستجد أن هناك الكثير من الإضافات البسيطة ..
قانون الاضافة البسيطة هو خيار رائع ومفيد جداً لمن يجد في وقته زحاماً شديداً بسبب الوظيفة أو نحو
ذلك .. فكيف سيستفيد من هذا القانون من كان فارغاً أكثر اليوم والليلة .. هل نستفيد منه ونطبقه في
حياتنا ويصبح سلوكا وعادة يومية ؟! الخيار لكم … فشمروا عن سواعد الجد وابدءوا الان ..
* قليل دائم خير من كثير منقطع .. * و احب الأعمال الى الله أدومها و ان قل.
اليوم رفيقي طلب مني اني صمم بزنس كارد و انا وافقت مع انو ولا مرة جربت اني صمم بزنس كارد و ما توقعت تطلع معي هيك نتيجةة من اول محاولةة ياخي شو بدكم بالحكي عنجد اليوتيوب المفروض يسموه منمي المواهب او باحث المواهب لانو اذا في شي انت مو موهوب فيه اليوتيوب رح يخليك موهوب فيه . . المهم فتحت توتوريال ع اليوتيوب عن قياسات الكرت كيف لازم يكون و سمعت من قبل انو في قياس بكون زايد مشان لما ينطبع ما ينقص التصميم نفسو و بشكل عام انا بتلخط بين القياسات الديجيتال و الحقيقية الي بالسانتيمتر . . و تصميم الكروت الها طابع خاص فيها مو نفس التصاميم العاديةة الها خطوط معينةة و باترن معين و حتى الوان معينةة و اللير تبعها لازم يكون بصيغة ال CMYK مو RBG لانها رح تنطبع . . المهم بصراحةة كتير اشياء تعلمتها من هالتصميم و من اهمها تعلمت كيف سوي لاين التحديد الي بكون ع جوانب التصميم بكون بلون السماوي هاد بينحط مشان يخططلنا التصميم او مشان ما نطلع برا التحديد كنت بدي اتعلما من زمان بس ماكنت اعرف شو اسما مشان ابحث عنها . .
المهم انو هاد هو التصميم . . صممت للواجهة الأمامية و الخلفية للكرت طبعا الامامية خليت فيها باترن و هون بكون العنصر الجمالي و الخلفي فيه المعلومات . . رفيقي بحب دولة الجمايكا و هو حكالي اني ضيف الوان الاحمر و الاصفر و الاخضر للتصميم ف حبيت سويلو كل التصميم عن هالعلم . . مع تصميم شعار بإسمه CJ
^ بالنسبة لآخر صورة بصراحة مستغربة لانو بالفوتو مبين اسود يمكن هي هية صيغة ال CMYK بس وقت الطباعة بيطلع اسود ؟
.gif "At (234) همم66")
.gif "At (128) ق00")
.gif "At (546) ك22")
. . عنجد دكتور السنان .gif "At (138) ه1")
. . يعني اليوم رحت عند دكتورة .png "ne (6) ب11")
. . بـس لانـو المسكن كان عيار400 ف كنت اضطر اخد .gif "At (439) هاه6")
. . المهم ف بـعـد طول عناء . . قررت اني روح عند .gif "At (167) ء1")
بعد ما .gif "At (209) ش2")
.gif "At (195) ر9")
يعنـي اكـبر مـخـاوفي راحت بس كمان.gif "at2 د9")
.png "At (39) ش1")
.gif "at1 ق1")
. . هلا بما اني .gif "At (110) :(")
!! مع اني اخر 
. . .png "ne (12) هي11")
.gif "At (102) ض1")
.gif "At (75) ح5")
ليه بتقطعوها علينا هيك ترا بحب.gif "At (208) ض0")
؟.gif "At (448) ض2")
.png "At (49) ق10")
" -
