ايتووو راح آعيد تعريف آسمي لان من زمان م دشيت التون اسمي نرجس من سلطنة عُمان واسمي سويسِن بالياباني بكسر السين وجزم الياء - تعقدت ما في آحد ينطقه عدل يا سوسن ولا سوسان - عمري 20 سنة تخرجت من الثانوية الحمدلله بس بعد ما طلعن النتايج - الله يعين - آعشق شي آسمه مكرونة حب آبدي وللآبد المؤبد آحبها بكل مشتقاتها وانواعها ..، آحب وايد آشياء آجوف انمي ومسلسلات واقرا مانجا وكتب وروايات واسمع اغاني بكل اللغات والتصميم وودي آدش تصميم غرافيك آو احد تخصصات التصميم بمختصر احب كل شي آحبه- فهموها اذا انتو قدها - شخصيتي حساسة شوي ع آشياء معينة بس الباقي حالي وحال اللوح واآحد وآيد آضحك واتمصخر واعلق ع كل شي جدامي بس ما اعلق ع خلقة رب العالمين اهنيه عندي خط آحمر عاد لو فصلت ما اعرف اللي جدامي فصلاتي تشابه فصلات المحششين آكثر وحدة تتفشل في الحياة آفكر احط لكم شوية مواقف هنا بس مو كلها لآن { نقط نقط نقط } آحب آكتب خربشات آحيانا وآرسم بعد بس ما ارسم بشكل متواصل للاسف نفسية شويتين وعايبني وضعي الحمدلله ..،
... أود أن تكون لي مساحتي الوردية الخاصة المرصعة بلوحات من الكرستال النقي ... ودي أفتح لي مشروعي الخاص علشان يكون لي مصدر دخل خاص فيني وبكذا اخفف العبئ ع أهلي وهيكا امي كانت معارضة بس سبحان الله مغير الأحوال وافقت الحين ان شاء الله اقدر افكر بشي محترم وبعد ابغي اكون اجتماعية اكثر انا ما اخجل من التجمعات وكذا بس في العادة
أفضل ان اكون مستمعة اكثر من كوني متحدثة بس اكون متحدثة بس مع اللي قريبين مني وبتلاحظون بعد مو كل حد بالتون اقدر ابطل سالفة وياه
ناس معينين بس وحلو الواحد يكون اجتماعي { الناس للناس } واريد اطور مهاراتي الفنية وذوقي الفني ~ من تصميم ورسم وأعمال يديوية وتشكيل بالطين ~
وكذا وابي بعد اتعلم واااايد اشياء الكسييير والكسييير والكسييييييييييييييييييييييييييييييييير قبل فترة لقيت آلة اسمها kalimba هي آلة عزف عبارة عن كياتة ودي اخذها واتعلم عليها
هو عندنا عيب العزف وها بس عادي عندي بيني وبينكم احب اعزف الصراحة بس مبتدآة لكن اتعلم بسرعة لو تدشون اليوتيوب بتلاقون واااايد له مقاطع صوتها الرهيييب دايم يجذبني والحين انتبهت ان من هالآلة يطلعون الصوت الحاد الجميييل وبس والله بعد آفكر آبطل قناة باليوتيوب حق الرسم من كثر م رفيجاتي قالوا لي علميني فكرت انزل دروس رسم و speeddrawings بس مو آكيد مجرد آفكار
( اكتب عن مادة معينه تحبها في دراستك وليش حبيتها )
بصراحة اتوقع بعض الناس بينصدمون مني شخصيا احب كل المواد حتى الفيزياء بس احبها نظرياً وعلمياً بس ماحب اذاكرلها لكن اعشق اتعرف على نظرياتها وكيف تأثر ع الكون خصوصاً دروس الذرات وشلون تتكون الالكترونات
وكيف ممكن تتحول الكتلة الى طاقة والعكس اللي هي نظرية اينشتاين اللي لو نجح العلماء بتطبيقه راح تصير نقلة علمية كبييييرة مررررة اللي هي ان لو تم تحويل الكمية اللي بكوب ماي الى طاقة راح تكون اكبر من الللي نطلعها من البترول
بس بعدها تظل مجرد شي نظري م قدر احد يطبقه علميا هو تحصل ف انوية الذرات خصوصاً المشعة مثل اليورانيوم وكذا يمكن اكثر الدروس اللي كرهتها بحياتي في الفيزيا دروس الكهرب ونظريات منو ؟؟!
يب فاراداي ها المخلوق لو شاد حيله شويتين كنا درسنا عنه في الدراسات ندرس له بالكيميا والفيزيا فصلياً نظرياته جميلة علمياً بس وقت المذاكرة كنت وايد اتلخبط كان لازم اسوي الرابط العجيب مالت سبيستون
بين الفيزيا والكيميا معلمتنا بالفيزيا عبارة عن مخلوق كيووت وايد طيوبة بس شرحها يرقدني دايم بحصصها انام واذا حبيت اقاوم الموضوع اقعد اكل لان ما في حل ثاني
عاد انا صراحة طول اليوم الدراسي اكل خصوصاً حصة الكيميا عاد الأبلة تسمحلنا ناكل بشرط ننتبهلها وحصة العربي حصة النيسكافيه اشتري لي كوبين واستمتع بالحصة حلوة حصة الاعراب
لان تساعد وايد بالكتابة وحالة الأفعال وكذا بس ماحب اذاطر احب اتعلم لكن ماحب اذاكر واكتشفت فحصة العربي ان نازك الملائكة أنثى وانا طول حياتي افكرها ولد
عاد حصة الانجلش ابداااااع ولو انها تسمحلنا بس بالاكل الصحي وقت الحصة وانا ازهب فوالتي من البيت حق هالحصة بس لان ما تسمح بالأكل الثاني والبوبكورن المنزلي لكن الحصة عبارة عن سوالف بالانجلش واكتشفنا انها كانت من مشجعي كرة القدم ولكن اعتزلت لتحثنا على الأنوثة كانت وايد تضيع حصص بعد في التحفيز مالتها وهيكا حصتها جميلة جداً وحصة الدراسات جميلة ولو انه كلها معلومات قديمة نعرفها من زمان عن الوظائف والسياحة وبس يعني معلومات عامة لكن شرح الأبلة رهيب عادي تخلص 3 دروس بحصة وحدة لكن تطلع من الحصة فاهم الدرس عدل نادراً حد ما يفهلمها حصصصة الآحياء عبارة عن فننن وضحوك ولو أن الابلة آكبر مننا لكنها تعاملنا كأنها من نفس سننا
بس عجيبة الأحياء ماحب فيها الحفظ لكن الباقي عجيييب يعني حتى حياتياً بستفيد منه علشان كذا ماخذته يعني تصيرلنا آشياء وحن عبالنا آمراض وخطير و آخرتها تكتشف انه شي طبيعي جداً والاسلامية عجيبة اغلبها عن الميراث اصعب من حياتي لكن الدروس الباقية حلوة تعجبني
اذكر اول ما شفت الآبلة كنت اقول حق رفيجتي اللي جنبي انها تشبهلها وتقرب لج شكلها وهي تقول لا ومحد مصدقني وكان الموضوع كله مجرد احاسيسي بعدين ف يوم من الأيام يات الآبلة وقالت
انه اكتشفت ان رفيجتي تقربلها كان بيوم اجتماع أولياء الأمور عاد آنا كبر راسي اقولهم شفتووو والمادة الأجمل بلا منازع هي الفنون آكثر مادة آستمتعلها بشكل رهيييييب
الكياتة صراحة تبدا من آبلتنا يمكن هي الأبلة الوحيدة اللي اعتبرها غير عن كل الناس حتى خذيت حسابها ونتراسل للحين بالعادة ما اطق الميانة بين معلماتي اللا اذا عرفتهم اكثر سنتين لكن هالأبلة حالة خاصة ذووقها رهيب عشان كذا بسرعة حسيت نفس ستايلاتي وكذا وبس والله هيكا شكلني مشيت ع كل شي بالمعنى الأصح آحب اتعلم كل شي بس ماحب اذاكر
النجاح بنظري مو شرط تحقيق الشي اللي تبيه النجاح اهو انك تنجح بتخطي المصاعب اللي تواجهك وتفهم وتتعلم من كل خطوة تصير بحياتك كل شي له حكمة بالدنيا حتى الورقة اللي تطيح بالآرض..! ... لها حكمة ممكن انها تكون سبب لأجر أو اثم لانسان ! النجاح اهو انك لا سويت غلط ترد لربك وتتوب وترد الحق لصاحبه فهالحالة انت نجحت باصلاح علاقتك ويا ربك بعد القناعة باللي تملكه يعتبر نجاح ع المستوى الشخصي قناعتك باللي وياك والاكتفاء الذاتي بشرط يكون مع الطموح يعتبر آنك نجحت وتغلبت ع شهوة الاسراف الطموح ويا الاكتفاء الذاتي اساسا يحط لك هدف بالحياة شو الفايدة تعيش بدون احلام وطموح تسعى له ! حتى لو شي مستحيل مثلااً مو كل آحد يقدر يحلم مثل ما انت تحلم ... مو كل أحد عنده مميزاتك وشخصيتك فنجاح كل انسان مختلف وله قصة مختلفة ولطيفة وممكن مأكشنة ...
( وكيف تميز الانسان الايجابي و السلبي؟ )
سهل جداً تميز الآنسان الايجابي من السلبي عن طريق اسلوبه في الحكي آو انك تخليه يوصف اي شي جدامه "" كلٌ يرى الشي بعين طبعه "" غالبا يكون الآنسان الايجابي نشيط ومليان طاقة ويحب يسولف ونادر ما يتحلطم وتلقاه ينشر الطاقة الايجابية وين ما يروح عكس السلبي الانسان السلبي دايم ما يحبط خطط ربعه مثلا واحد متحمس حق مشروع ولا شي
وييلس ها الآخ الكريم يعطيه جرعة سلبية وليش تسوي ومو لازم ومليون واحد مسوي وايش اصلا فايدتك في الحياة انت زين تعرف ترتب وقتك
ع سب ترتب مشروع وتديره وما إلى ذلك وتلاقي هالنوع دايم يتحلطم وكسول في العادة بالمختصر يحب يتنقد ع الناس وتعيس ويسحب الناس لتعاسته وحياته افلام حزينة ودراما وبسرعة يتحسس ع اسخف الآشياء غالباً وبس والله هذي نظرتي العميقة بس سبحان الله احب ايلس ويا ناس نكدية مثل هالنوع السلبي انكد عليهم ل ما يصيرون ايجابيين ه
هاليومين تابعت فلمين واحد خايس والثاني يصيح من الفنن
الآول اللي هو فلم After
القصة سخيفة بشكل بس حبيت الساوند تراك
والتصوير حلو بس القصة مختلفة تماااامممماااا عن قصة الكتاب وهالشي محبط
احس ندمت نوعاً ما وقصتها مستهلكة آولاً وآخراً ووايد في connection
هذا الفلم الثاني FIVE FEET APART
هذا هو وضعي حرفياً وانا اتابع هالفلم الخونفشاري
صراحة كمية ابداع قوية + آول مرة اسمع عن هالمرض اللي فيهم
خفت ع نفسي لان بكمل سنة وشي والزكام م رايح عني
المهم ما اتوقع نفسه لان ما يقدروا يلمسوا ناس من نفس مرضهم لان ينقل لهم جراثيم
ويلوث الدم ويسممه ومدري آيش ويموتون آخر شي
المهم وايد حلو آنصحكم فيه بقوة واتمنى يفوز ع باقي الافلام الرومانسية
تقييمي له 8.5\10 بمقياس ميسا الفنان >> آحس هالاسم لازق فيني حتى النخاع
القادم هو الكوميديا ترقبوا الآحدث والآجدد معنا
هل شخصيتك في المنتدى هي نفسها خارج المنتدى ؟ ماذا فقدت في حياتك الخاصة .. بعد دخولك عالم الانترنت وماذا كسبت في حياتك من دخولك عالم الانترنت ؟
شخصيتي تقريباً نفسها نفسها بالنت وبالصج
يعني بالتون م احاجي كل احد نفس م قلت قبل ومو اجتماعية ذاك الزود
بس ثرثارة وفيني طاقة وايد مع اللي اكلمهم
يعني اعتبرهم AS MY FAMILY لآن حتى بالبيت زاعجتهم نوعاً ما
بس في شي مستغربة منه آول ما يعرفني آي آحد يفكرني وحدة كبييرة
مدري شالسبب الآساسي لهالتخمينات العشوائية ووايدين يقولون لي جي
هو صح انا كبيرة بس مو الكبر اللي ف مخيلتهم
آصلاً أنا صغيرة بعدني ف عالم الطفولة آعيش > > فدديييييت عالمي الوردي
يمكن علشان رسميتي ويا الناس اللي اعرفهم اول مرة لان انا دايم اسوي هالحركة
ويا كل اللي اعرفهم حديثاً بس بعدين من اتعود يخرج الشيطان >> آقصد الطفل<< اللي داخلي
بس ما يخيبكم ظنكم وتفكروني قريبة لان آكون قريبة ع قد م آكون بعيدة
يعني دايماً آحط مسافات آمان بالعلاقات كـ حماية شخصية آو مساحة شخصية
ماابي اتعلق بآحد وبعدها من يفك آتضرر جربو تشبكون ايدكم الثنتين بقوة
كذا هي العلاقات القوية الحين جربوا تفكونهم بقوة بتحسون بآلم خفيف صح!!
هذا هو آلم الفراق ،، سو من تشبكون لا تشبكون بقوة شبكوا بلطف ع سب من تنفك
تنفك بسلاسة وما يكون في آضرار !!
آتذكر من دشيت ثانوية يديدة م كنت آعرف آحد موووووووول يالسة بروحي
صراحة مليت مب عارفة شسوي بعدها دخلت بنت يدية الصف منتقلة من ماليزيا
آول شي قلته بويهها [ يآخي خاطري ف مكرونة ! ] متخيلين آن ها بداية تعارفنا
بس هي آنسانة وايد كيوت تعرفت عليها آكثر ورسامة وكذا يعني فنن الجروب كان
ولا وحدة فيه عمانية غيري الباقين مصري واردني و فلسطيني وسوداني
بس كان قروب حش وسوالف وآكل فننن
عاد الجروبات الثانية م كنت عارفة كيف آتعرف عليهم
رحت آخترت جروب عشوائي ويلست عرض قلت ممكن نتعرف > معاكم علي نجم !!
فشلة صحح بس عادي كنت ابا اعرف ع الناس اللي بقعد وياهم
اهم شي الحمدلله ما كونت صداقة مقربة وها
كونت عاد آخر سنة ثانوية وآتآسف ع هيك صداقات
بس مو ندمانة وولا شي الحمدلله و I DONT CARE TOTTALY !
بالنسبةة للي فقدته بعد دخولي عالم النت ولا شي صراحة !
آو مدري آذا في شي فقدته آصلاً لآن من وآنا صغيرة كنت التابع الرسمي حق آختي Witch0o0 كانت تتضايق مني 24 ساعة فوق راسها وهي ع التون وتترجم وتصمم
فما آدري صراحة اذا فقدت شي بالآصح آشوفني آكتسبت وايد آِشياء بدخولي هالعالم الجميل
آولها آن تعرفت ع ناس كيوت ومصممين آكيت ومبدعين وتعرفت ع طموحي
ونفسي آكثر صرت آحب عالم الفنون والتصميم والميكب والآزياء وكل شي
من هالناحية آحسني آنثى صجية >> غضوا البصر عن دفاشتي بآليز
وتابعت انميات فننن ومسلسلات فنن ووايد آشياء قميلة
وبعد الشي الرئيسي هو الطبخ تعلمته نصفيا من النت ونصفيا من طباخ الوالدة الله يحفظها
ولو آنها تزفني وايد << المشكلة آنها لمن تزفني تموت ضحك
بس آنا ترى طبخي من خواتي الآحلى خصوصاً مكرونتي كل حد يحبها
لآنها هي آكثر شي آطبخه لآن هو آكثر شي آحبه ف هالعالم الكبير الوسيع وبس واللهي بسير آذاكر بسني لعيان
اعتزل ما يُؤذيك.. تَجَاهََل بقدر الأيام.. تَجَاهَل بعدد شعر رأسك.. تَجَاهَل بعدد أنفاسك.. فإن لم تُتقن فن التجاهل ستخسر كثيراً جداً ، وأولّهم عافيتك,... ....................- عمر بن الخطاب
في أوقات الواحد تمر عليه فترة تكثر من المشاكل فيها والبلاوي والهواشات وف الغالب تتأثر النفسية !!
السبب هو ان الواحد يستصعب التجاهل ف كذا نوع من المواقف !
بالفعل اصعب التجاهلات هي اللي تكون فيها البلاوي ع سب هيكا التجاهل فنن رهيب يجيب العافية
أحياناً التجاهل ممكن يخل البقعة السودا تنتشر وتكبر لان الموضوع محتاج له حل مو تجاهل ...!
واحيانا التجاهل يمحي المشكلة من ناحيتك انت !!
انا صراحة اتقن تجاهل معاكسات قناعاتي علشان كذا
راسي بارد ويا الناس اللي بس تنقد فيني لان انا مقتنعة مية مية ان انا احسن وافضل من اني اوصل لهالصفات
والنقد مو بس بتصرفاتي احيانا حتى مشاعر الواحد ينتقدوها ← بس ...!
انا حرفيا لووووح ف هالنوع متجاهلة بشكل قوي
ف ما يضايقني اسمع احد ينتقدني بالعكس اضحك وامشيهم ع جدام
بس النوع الثاني من المشاكل انا وحدة م اقدر اقول ان اقدر اتجاهل لان صعب خصوصا المشاكل العايلية
عاد هالنوع انا يقهرني وبشدة وبشدة وبشدة ,,
بس بالنسبة للمشاكل الثانية هم راسي بارد نصفيا ؛!
اذكر اول مرة اعطوني استدعاء ولي امر كنت وقتها اولى ثانوي
راجعة البيت اموووت ضحك واقولهم عطوني استدعاء
مع ان م مسوية شي بس كنت رايحة حق ابلة وكانت م موجودة والمديرة م صدقت ع الله
شافت جروب بنات يمشون ويات وعطتنا
الموهم سرت حق ابوي اقوله وانا اضحك اصلا محد مصدق آبداااً متخيلين !
كلهم يكذبوني يقولون لي منو يضحك وعنده استدعاء ولي امر !!!
ف العادة الاوادم يدشون منزلين راسهم ولا مقطعين الورقة وامورهم فلة
المهم عدى الموضوع بدون اي شوائب
المختصر المفيد لا تعطون بعض المشاكل اكبر من حجمها !
هذي احد الانواع اللي م أثرت فيني بس في مشاكل ثانية تخليني اصيح
ولو اني م من النوع اللي وايد اصيح نادر بالنسبة لي !
بس صجج جذبتني مقولة عمر بن الخطاب هذي قلت لازم اسدحها بمدونتي م لاقية شي اكتب عنه
اي صح عاد انا ما يقهرني غير اللي يستفز الواحد ويطلعه من طوره ولا تغيرت عليه باللحظة هذي
يقول طلعت ع حقيقتك سلامات اخي المسلم انت صاحي ولا ايش بالضبط،
يعني استغفر الله ماعرف هالنوعية من البشر كيف تفكر صرراحة ما واجهت هالنوعية بشكل خاص
بس صادفتهم يسوونها ويا ناس ثانين !
المهم اصلا الواحد لازم يكون ايجابية وجوه نايس وكيوووووت وحركات وبركات
علشان كذا انصحكم بالاندومي والمكرونة علاج راقي جدا
هم النوم علاج فعال بالنسبة لي عادي ازعل منك الحين ..
بس ارقد وانش كان ما صار شي بيننا ابدا اقدر اتعامل وياك بطبيعتي
احس هذا احلى شي فيني مريحني جدا
والتجاهل هو احد طرق الوصل للسعادة خاصة كلام الناس اللي ما يخلص !!!
مسا الورد شحالكم شخباركم عساكم بخير عيدكم مبارك ومن العايدين والفايزين اليوم طبعاً عندنا فـ عُمان أول يوم عيد بس تو 2 بالليل فإذا يعد ثاني يوم رسمياً بس عندي اول يوم دامني ناشة طبعاً حنو عيدنا غير عن كل الناس لان ننش ظهر انا واخواني بس اختي المتزوجة وامي اللي ينشون غبشة بس صراحة قهروني البارحة قايلتهم عطوني كل الملابس وعبيكن اللي تبولهن كواي ?? ع سب من انش بس اخلص اموري واتزهب حق العيد ! اوكي عطوني ملابسهن بس صدموني اليوم بملابس ثانية كنت مخلصة متسبحة بس ابي انشف شعري وسوالف بنات اللي م تخلص ??? المهم قهروني يلست اكوي وخلصوا اهم وانا مب متزهبة مووووووووووووووول ?? المهم ياتني صيحة كنت يالسة اكوي عباة اختي وم مخلصتنها وانشف شعري بالاستشوار واهم يبو يطلعون ترى حن دايم نروح ويا الاهل بسيارتين يعني جروبين نتقسم ولان انا م كنت مخلصة ف كنت انا واخوي العود واخوي اللي اصغر مني بسنتين المووهم سويتلهم اغراضهم ومدري ايش طبعا كنت ميتة حر لان الكواية بخار تلعب فيك لعب ??? عاد لمن سرت اتزهب هنا الصدمة الكبرى ??? لقيت الميكب اختي شالتنه هي تعدلت وتكشخت وانا يالسة اكوي حق حضرتها ?? عاد الحمدلله دبرت اموري استخدمت الروج بلاشر وايشادو بنفس الوقت ?? والحمدلله عندي هايلات واساسا ماحط فاونديشن وهالاشياءات بس مرطب و BB كريم حتى ماسكرتي مخلصة كنت معتمدة استخدم مالت اختي بس شسوي ذيج الساعة اخوي يالس يترياني اييني ويتمصخر ان قاصين عليج اهم يخلصو وانتي كويلهم ?? المهم سفهته خليته يسوي بخور العيد وها وسويت حق الماسكرا زيت اللوز مادري اذا اصلا زين حق الرمش وسويته لان كان جدامي وم فيني اضرب خط للمطبخ
علشان استخدم زيت الزيتون والحمدلله للحين الامور طيبة
ما في نتيجة سلبية ??
ننتظر ان شاء الله م يصيرلهن شي وسويت الايلاينر سريع
الحمدلله بسرعة يضبط معي لان اهم شي عندي بالميكب صراحة اقدر استغني عنه بس بالمناسبات لا !
وبس والله حتى م سويت اظافري سويتهم بالسيارة يلسنا نسولف ويا اخواني واسويهن وخلصت ☺ طبعا ما فطرت غير نيسكافيه وم تغديت وبالدرب خذيت شاي رغم ان الجو مغيم ورطوبة بس تعرفون علاقة الشعب الخليجي بالشاي كرك ?? وبس والله وصممت فلاتر حق العيد مالت سناب ?? اول مرة اسوي صراحة بس حلوو وسهل ف المستقبل ابغي اتعلم كيف يسوو التاثيرات الثانية بالويه احس حلو وبستفيد منه ب البزنس مالتي ♥ عاد وصلنا بيت يدي قبل جروب ابوي وم في حد واصل بعد... وتيمعنا وحركات وسوينا العيد غير ويا (****) توقيعة العيد لازم كل عيد نسويها احلى فقرة ف العيد بعد سوالف اخر الليل ويلسنا ويا العايلة وتمصخرنا وحششنا لين م قلنا بس الحين الشوط الثاني ويا خالاتي الصغار اللي من سن خواتي ?? طبعاً اول مرة بحياتي اتحدث عن موضوع ذوقي بالاولاد احس يضحكك ف ما اتكلم عاد ذوقي سهل اهم شي ولد مهتم بنفسه ونظيف مابي اتلوع واستقرف كل يوم ????? لان اعرف اولاد عادي عندهم 4 ايام يدشون الحمام يبدلون ثيابهم بس وم يتسبحو ويقولو متسبحين ??? وهم بعد يلبس نظارات مو الشمسية الكشخةة - مالت قصر النظر - احس شي غريب بس يعجبنييي ???? واهم شي فيه لحية لان تسوي هيبة وهيكا ???? انا حاليا منصدمة من نفسي لان اقول هالكلام م عرفتني وانا انثى الموهم وخلص يومنا ويومكم سعيد يمكن ف التدوينات القادمة اتكلم عن العناية الشخصية وحركات وبركات مالت بنات ?❤? + قبل لا انسى شو رايكم بالهيدر صممته بالتلفون التصميم ببرنامج Over لونه اصفر رهيييييسب بمعنى الكلمة لكن الكلام ببرنامج المصمم العربي ع سب الخطوط العربية الحلوة يمكن اتكلم عنه بعدين ... يلا تشااااو
في الساعة الـ 5 فجرآ صحوت لآداء صلاة الفجر وك العادة
اعود للنوم بعدها بساعة ونصف...
كانت السماء حمراء مكبدة بالغيوم ينقطع المطر وها هو يهطل فجأة ويلقي فاجعته ...
اخذت هاتفي لتفقد الاشعارات ..ولكن لحظة أدعية ميت
علامات استفهام رسمت على وجهي... من رحل ؟؟
ظهرت صورة لوالدي السلطان ... آيات قرآنية... أدعية لميت !!
لم أكترث ظننتها مجرد اشاعات واهنة كاذبة
ولكن... نعم هذا ما حصل لقد رحل يا عزيزتي
رحل ولن يعود.. لم أصدق لم أكن استوعب الفكرة
كيف رحل..؟ لقد كان بيننا بالأمس واليوم هو لا
حملت الخبر لوالدتي وإذ بها تبكي فجعاً
كانت تلك هي المرة الأولى التي أرى بها أمي على هذه الحال ولا زالت حتى اللحظة هكذا...
يا الله أجبر بخاطر أمي وأعنها يا رب.. فلقد حملت من الأحزان ما يكفي
سبحان الله.. حقا أن الإنسان لا يضمن مكانه بهذه الدنيا
أنت اليوم بيننا.. ولكن هل أنت موقن بأنك ستصحو بعد منامك ?
لقد سمعت هذه الجملة كثيراً ولكن صدقاً لم أشعر بها سوى اليوم..!
نحن سنشتاق.. نحن سنفتقد.. نحن لن ننسى
" اللهم أمطر على قبر والدي صاحب الجلالة السلطان قابوس بن سعيد وقبر كل مؤمن ومسلم من سحائب رحمتك وجودك
وكرمك وإحسانك وإجعل الدعوات لهم دائمه لا تنقطع، يارب إسقي قبورهم بفيض من رحمتك وأمطر عليهم من واسع فضلك
من الرحمة وإجمعنا بهم في دار لا يفنى نعيمها "
.gif "at1 ق1")
.gif "At (149) و2")
.، 
اللهم بالفضل لا بالعدل، وبالإحسان لا بالميزان، وبالجبر لا بالحساب 
.gif "At (131) قك2")
.gif "At (102) ض1")
.gif "at2 د9")
.gif "At (491) هم1")
.gif "At (427) حبي8")
.gif "At (138) ه1")
.png "At (104) مش1")
.gif "At (136) ه2")
.gif "At (209) ش2")
.gif "At (448) ض2")
.png "At (161) معا7")
.gif "At (120) غ1")
.png "At (123) ض111")
.png "At (130) عيو1")
.png "At (117) هيهي0")
.gif "At (147) نظ2")
.gif "At (11) بكا000")
.png "At (162) ضض1")
.gif "At (1) عاق1")
.gif "At (91) نص1")
?
