مدونة متألقة الْجَمَالُ نُصِيبُ الْمُتَأَمِّلَيْنِ - مُدَوَّنَة سويزِنْ - (1 زائر)


S U I S E N

و لَوْ أغرَقتَ الوردَ ماءً فلا حَياة بعدَ الذبولُ
إنضم
11 نوفمبر 2014
رقم العضوية
2942
المشاركات
1,344
مستوى التفاعل
3,415
النقاط
847
أوسمتــي
6
توناتي
1,035
الجنس
أنثى
LV
1
 
at15656482586271.jpg


at155906258923466.png


ماذا كسبت من 2019 وماذا خسرت ؟

٢٠١٩ سنة مليانة تجارب وتفشيلات وكل شي ممكن يخطر ع البال ه1ه1قك2
اصلا عادي لا .. الحياة حلوة لللحين م يأست I'm full of Hope جمي3
هممم هالسنة تعلمت فيها ان الكسل م يوديني مكان لكن مستمرة بكسلي وودي اتخلص منه للابد للمؤبد ض1قك2
لدرجة اني ساحبة ع ناس وايد وم اتكلم كسلانة اتكلم يبيلي حد يهاوشني ع الكسل اللي واصلة له :)قك2
وكمان تعلمت ان مستحيل يظل شخص ع شاكلته اللي عرفته بيها صح ان مو شرط يتغير..!

بس بيطلع حقيقته مع مرور الوقت نادر تلاقي ناس بيور ع نياتهم غالبا البدايات بيها مشاعر مزيفة !
هممم شنو بعد اكشتفت شغفي الصجي وتوجهاتي كلهم تصميم وخياطة بعد جربت اخيط booksleeve

الحمدلله ضبط ولكن القياس غلط يعني ينفع حق الدفاتر الصغيرة المفروض كتب دان براون تدخل هم لابي ض1قك2
بس اهم شي شعور الانجاز بالنهاية لا يوصف - فديتني وأنا أسلك حق نفسي ض7ض7ق1ق1 -

وهم صرت ع نص السنة مهتمة بتدوين تفاصيلي اللي هو فن ال جورنال مرررة حلوو دمجته مع الكولاج وصرت
م ارمي الاوراق القديمة وكذا ع سب استخدمهم خصوصا الاكياس الورقية تحية كبيرة لهم ضض2ضض2ق1ق1

هممم اكتشفت بعد هالسنة اني وااايد مندفعة اسوي اشياء بدون تفكير يعني خطة ع طول تنفيذ بدون لا افكر شنو تبعات الموضوع و و و...
و صراحة م كنت ملاحظة هالشي بنفسي لحتى صديقتي رخرخ بيوم من الايام قالت شنو رايج نسحب ع الكلاس قلتلها شابة خ نسحب م ورانا

شي بنيلس ناكل يعني نسحب ع الكلاس و م عندنا سبب مستاهل بس جي نقعد ونسولف سوالف فلسفية وقالت لي هالشي المشكلة
ان اقولها : منووو أناا ش5؟!!! بكل صدمة انا شلون كذا وصراحة هي من الناس اللي صج مستانسة ان عرفتهم و م ندمت اني تعرفت عليها

- جاني اندم ع شي يعني ه1ه1قك2 - وشنوو بعد... يب

حققت اول محطة من احلامي ودخلت تخصص أنيميشين قسم الجرافيك ديزاين الكراف واضح من امه غ1قك2
بس ممتع وهالشي يعذر الكراف ضض2ق1ق1 وبعد من خططي لنهاية سنة 2019 هي أطور من خطي واتدرب ع تحسينه وها
والحمدلله اختي قالت هالشي ملاحظة ان خطج متغير وايد صاير احلى عن قبل ومرتب اكثر خ22ق1

بس من صدق تميت ع دفتري الصغير اكتب فيه واتدرب واغير طريقة رسم كل حرف ع يصير متناسق
وهيييك يا أعزائي وكان المفروض اقررا 25 كتاب ك تحدي :)ه1قك2

بس قريت اتوقع 3 كتب ومو كلهم قراية كتاب واحد سمعي اللي هو " في قلبي أنثى عبرية" وااااايد حلوووو حبيته وطريقة القراءة

تدخلين في الجو حرفياً انصحكم فيه ... والثنين الباقين قريتهم واحد pdf اللي هو الاحاديث القدسية للشعراوي وشنو بعد نسيت
يب تاريخ الخلفاء لجلال الدين السيوطي بس م خلصته هذا كان سمعي بعد


at155906258925067.png


ما هي اهدافك وتطلعاتك في هذه السنة ؟

هالسنة ان شاء الله تكون بدايتها سنعةة بديت بقراية كتاب ملائكة وشياطين حق دان براون هءءء احب كتبه ق1ق1
دشيت تحدي قراءة 50 كتاب - لان م قريت ال 25 قررت ازود ك تعويض ض2ق1-
وقررت اني اصير منظمة ف حياتي اكثر قد م اقدر واتخلص من مشكلة نومة الفجر واني انش عصر ض1قك2
لو استمريت ع هالنظام انا ميتين ميتين مطرودة من البيت عن طريق الوالدة ه1ه1قك2
وابي اقلص وقت فراغي الكبير هو مو فارغ بس بكسلي الكبير احطه فارغ تمر علي ايام م اسوي
بيها شي مفيد بس اقعد اتابع فيديوات تضحك واضحك وانام وجي ع هالمنوال ز11
وابي ارسم اكثر فيه رسمة من 2019 م خلصتها وم مستاهلة كل هالوقت بس اطنش واكمل شوي
وارد اسحب ف ابي اكمل مسيرتي الفنية بشكل قوي م ابي اسحب وايد ماحب السحبات بس اسويهم مع بالغ الأسى والحزن قك2جل1قك2
وهم ان ابذل مجهود اكبر ع شغلي ع سب اكسب اكثر واقدر اصرف ع نفسي ق1ق1
وبس والله هذيلا تطلعاتي في شي ثاني بس هدف خاص بيني مو للتدوين هون مستحيل اكتبه يعني ض2ض2

 
التعديل الأخير بواسطة المشرف:

S U I S E N

و لَوْ أغرَقتَ الوردَ ماءً فلا حَياة بعدَ الذبولُ
إنضم
11 نوفمبر 2014
رقم العضوية
2942
المشاركات
1,344
مستوى التفاعل
3,415
النقاط
847
أوسمتــي
6
توناتي
1,035
الجنس
أنثى
LV
1
 
at15656482586271.jpg



at155906258917624.png


همم نياهاهاها عدنا اليكم من جديد ترنرنرنرن
في شي صدمني لازم اشارككم فيه فين @WATERMELON لازم تحضر لان قلتلها بتكلم عنه ض2ض2ق1
المهم في شي صج صج صج مصخرة انا ابداااا م توقعته يضحككك بموووووووت ه1ه1ه1
تخيلو مدرستي الثانوية القديمة هععع مغيرين المديرة اوكي الله لا يراويكم شنو مخبصة
وشلون حاطة المدرسة ملاهي اوكي هي خطوة جميلة ومبادرة اجمل بس ع الاقل
ملاهي بذكاء مو بطريقة خارج المنطق السليم انا منصدمةةة للحين بس ابي اشوف ردة فعل وفد منظمة
اليونسكو وهم يدشون هالمرة المدرسة ع سنتنا كانوا فخورين جدا بس الله المستعان ع اللي بيشوفونه
عز الله منو يعلق مريحانة ع نخلة وه المريحانة محد يطولها وفرضا اللي بتتسلق النخلة وتركبها شلون بتلعبها
بتنطق ع ظهرها ومؤخرة راسها بجدارة هذا اذا تحركت يعني ??????????
وشنو بعد معلقة وحدة ثانية ع الدريشة مو الدريشة نفسها هذاك الحديد مالت الحماية اللي يكون
قبال الدريشة ونازلة وواصل الارض ???
والدريشة الثانية مركبة كرسي استجمامي عليه بطريقة خرندعية انا ماقدر صراحة اوصف روعة المنظر وشلون
اتكلم هءءء يضحكككك حرفيااا قتلتني امانة لازم احط لكم تشوفون وفي احد كتب رسالة مبدعة
لازم اسدحها بعد وفي شي حلو سوته بمبنى الثالث ثانوي حاطتلهم ورد وعشب صناعي شي جميل
بس ابي اعرف ليش الباقي ملزقته ف الجدار شكله حرفياا غللط المشكلة
م عندي له صورة ولا بسدحلكم ?????????

at15793926782021.jpg
at157939267829792.jpg


بمووووت يضحككك لو حاطيني انا المديرة مو كان احلى وافنن ???
 
التعديل الأخير بواسطة المشرف:

S U I S E N

و لَوْ أغرَقتَ الوردَ ماءً فلا حَياة بعدَ الذبولُ
إنضم
11 نوفمبر 2014
رقم العضوية
2942
المشاركات
1,344
مستوى التفاعل
3,415
النقاط
847
أوسمتــي
6
توناتي
1,035
الجنس
أنثى
LV
1
 
at157971517657861.jpg


at155906258917624.png


..،..
at157971581117681.gif


[ PSD EFFECT FILE ]

درس توقيع ع السريع ق1ق1من الهيدر اليديد مالتي ض2ق1 عسى يعجبكم ق1ق1
طبعا أغلبه ورد لأن أنا وحدة تعشق الورد دايم الورد بكل أنواعه ودي اسوي دفترخاص اجمع

فيه كل انواع الورد والنباتات العطرية يعني يكون ك معجم خاص فيني احس حلوووو ضض2و3
الورد اللي الاقيه اجففه واستخدمه حق التزيين ولا حق الجورنالنج ياه1ياه1اعجبني2

بس آخر مرة لقيت فيها وردة من صديقتي كنت اجففها ع طاولتي بكل حبب ياه1و3
انصدم اليوم اللي بعده ان الوردة مختفية مو موجودة ع الطاولة انخرشت حرفياً

آخرتها احد راميها فـ الزبالة صججج عصببتتتت شكو يرمونها كنت ابي اكتب تفاصيل يومي الحلووو جل1
وألصقها بالجورنال حقي ك44قك2 بس شسوي حتى اغراضي الثانية يرمونها جم مرة اقولهم لا تلمسون اغراضي قك2

لان ادري فيهم احيانا القرطاسية اللي استخدمها يفكرونها زبالة ويجمعونها :)قك2
اخر مرة امي رمت جيس شفاف هو مالت دفتر بس م رميته لان استخدمه كمغلف حراري احيانا اعجبني2

وكنت قاصته ع مقاس معين ع سب اخلي جدول الكلية مالتي بوكمارك حق الأجندا 2020
ولمن م لقيته رحت عند امي اقولها وتقول شنو تبين منه زبالة حتى الزبالة تبينها ب3ب3قك2

تحطيم من الآخر قلتلها شنوو اغراضي مخبرتنج محد يلمسهم لان ادري انكم ترموهم زبالة دايم
قالت شتبين فيه ومن خبرتها الفكرة قالت وانا شو دراني ان حتى القرطاس تستخدمينه :):)قك2

أصلاً عادي لا الحياة لا زالت جميلة ووديعة ولا زلت أملك بعضا من ذلك القرطاس ضامتنه
للحالات الصعبة المشابهه لهذه الحالة ضض2ضض2سك1
 
التعديل الأخير بواسطة المشرف:

S U I S E N

و لَوْ أغرَقتَ الوردَ ماءً فلا حَياة بعدَ الذبولُ
إنضم
11 نوفمبر 2014
رقم العضوية
2942
المشاركات
1,344
مستوى التفاعل
3,415
النقاط
847
أوسمتــي
6
توناتي
1,035
الجنس
أنثى
LV
1
 
at157971517657861.jpg

at157997079046421.jpg

اجلس أمام الحقيقة وكأنك طفل صغير، كن مستعدا للتخلي
عن كل أفكارك المسبقة، واتبع الطبيعة بتواضع إلى أي مكان
وأية هاوية تقودك إليها، وإلا فلن تتعلم شيئا. -
#توماس_هنري_هكسلي


تحدي 50 كتاب لسنة 2020

طيب من مخططاتي لهالسنة هو ان اتحدي نفسي بقراية 50 كتاب ان شاء الله وبديت هالتحدي
بكتاب دان براون ملائكة وشياطين
كتبه مررة حلوة حبيت اسلوبه في الكتاب بقوة قريت قبل هذا
كتاب الرمز المفقود وكان عبارة عن شي خورافي حرفياً، مقررة بعد اقرا كتاب شيفرة دافنشي كل
احد يمدحها ناوية اختم كل كتبه الصراحة ض2ض2 بس شسوي الجمال موجود
بكل صفحة بالكتاب اسلوبه جميل جداً اعتبره احد المفضلات بالنسبة لي في الوقت الحالي احب شلون يطرح الألغاز والتحريات والتنبؤات وشلون يرتبطن ويا بعض احس بكتلة من الحماس وقت القراية بشكل كبير ق1ق1ق1
تقريبا للحين مخلية ف بالي 41 كتاب اقراهم وكاتبتهن بالجورنال باقي 9 كتب محتارة شنو
وافضل ان هالكتب تكون ورقية مو الكترونية لان اغلب الكتب اللي بقراهم الكترونية مخلية ف بالي الحين فيلة الساحر
وألف شمس ساطعة م لقيتهم ب معرض الكتاب الماضي عسى الاقيهم هالمرة متحمسةة مررررة له
وبعد كتب هاروكي موراكامي وكتاب ملذات طوكيو اللي عنده اقتراحات ثانية يا ريت يطرشلي باليييز ق1ق1

وبكذا اكون متشكرة اوي اوي اوي يلا باي وراي داوم باجر س 9 بسير ارقد تيك كير ق1

 
التعديل الأخير:

S U I S E N

و لَوْ أغرَقتَ الوردَ ماءً فلا حَياة بعدَ الذبولُ
إنضم
11 نوفمبر 2014
رقم العضوية
2942
المشاركات
1,344
مستوى التفاعل
3,415
النقاط
847
أوسمتــي
6
توناتي
1,035
الجنس
أنثى
LV
1
 
at157971517657861.jpg

at158055605997311.jpg


باكر أنا موعود بضحكة ونغمة عود❤?
#طلال_المداح
هلوو جميعاً شحالكم شخباركم عساكم بخير وصحة وسلامة ق1ق1
طبعا اليوم مو اليوم آلبـآرحة خلصت هالرسمة اللي مو راضية تخلص

كانت بتخلص لو شديت الهمة بس كل 3 اسابيع اكمل عليها ساعتين او 5 دقايق ه1ه1
وآخيراً امس كملتها وخلصتها ونزلتها انستا بحمد الله ه1ه1ق1
كان ممكن تطول آكثر لولا مودي الخربان نوعاً ما لان من يخترب مودي احب اشغل
نفسي بآي شي ع سب ما ايلس افكر من الطأطأ للـ سلام عليكم
احب من ارسم اجمع صور واحطيهم كرفرينس وقت الرسم البرنامج الللي استخدمته
اتوقع اغلبكم يعرفه اللي هو الـ MediBang برنامج مجاني طبعا اغنيتي المفضلة

وقت م كنت ارسمها "من بعد مزح ولعب" كان لازم ادخل ف جو العود



احب صوته بشكل فظييع مليان احساس حتى طبقات صوته وعزفه لا غبار عليه ش2ق1
المهم من خلصتها تحمست ارسم وحدة ثانية بما ان م عندي افكار حالياً
حق رسمتي الجاية فقررت ادخل تحدي الرسم باسلوب الرسام
#DRAW_IT_N_YOUR_STYLE
جانااا الحين بروح اكمل شغل الكلية وشغلي الخاص ض2ض2
__الحقيقة هي ان كلامي خلص م عندي شي ثاني آقوله ض2__




 

S U I S E N

و لَوْ أغرَقتَ الوردَ ماءً فلا حَياة بعدَ الذبولُ
إنضم
11 نوفمبر 2014
رقم العضوية
2942
المشاركات
1,344
مستوى التفاعل
3,415
النقاط
847
أوسمتــي
6
توناتي
1,035
الجنس
أنثى
LV
1
 
at157971517657861.jpg


at155906258917624.png


at15857732988791.jpg


"سيعطيك الله أمنيتك ومعها جزاء صبرك
ومعها تعويض انتظارك ، ومعها مكافأة حسن ظنك
أمنيتك ستأتيك مغلفه فقط اصبر "

آخر رسمة رسمتها ضمن فعالية الرسامين #DRAW_IT_N_YOUR_STYLE
امس بوقت قياسي حرفيا أنا وحدي منصدمة من نفسي
بمووت اساسا هالحجر اللي صاير خلاني انصدم من نفسي وايد اكتشفت اشياء
بنفسي م كنت ادريها من قبل ه1ه1ه1
هممم هو صح صراحة الوضع م برابر وايد < يعني مو مرة كويس هع مصطلح مسقطي ض2
بس ستيل هو حلو انو في وقت اخلص كل المشاريع والبروجكتات اللي وياي
اصلا انا مو مالت تعليم الككتروني سحبت ع كلاس التكنكال كان المفروض مدري متى
وانا حضرتي رقدت مع انو الكلاس س9 وأنا كنت راقدة 7 و مكان فيني نوم بس تدرون
اسرع طريقة لتمضية الوقت وتسريعه هو النوم وايد اعتمده هع ه1ه1
وانا من الخير كلهههه م أدري ان أصلا في كلاس ادري انو فيه بس مدري متى موعجه بالضبط!
انصدمت المسا وحدة من زميلاتي مطرشتلي "حضرتي الكلاس؟" انا اقول كلاس شنو وخبرتني
عادي1عادي1
على أية حال:: اليوم رقدت س 9 ونشيت س 8 بالليل امي تمت تزفني ع هالنومة "الماصخة" بمووت
منو يرقد للحين لا صلاة ولا عبادة ولا هم يحزنون شنو انتي ميتة ه1ه1ه1
بس صدق اصلا كنت اتريا شي وم صار ف سحبتها رقدة من الآخر
م كان في شي مخليني صاحية غير مسلسل FRIENDS بمووت يضحكك قررت اتابعه
جي فجأة ورجعت اكمل انمي فيوليت رهيب كمية الدراما هءء مقدر
والمشاعر اللي وصلتني دليل ع كفاءة هالعمل المفروض يفوز بجوائز حرفياً
تابعت اول م نزل الانمي حلقة ومتت صياح وسحبت عليه وتابعته قبل امس
شفت منه 5 حلقات وكل حلقة تصيح فسو سحبت ونمت تعبت من الصياح

بس حلو ينظف العين منه فايدة ومن الناحية الأخرى تعذية بصرية برسمهم الرهيب ق1ق1
.. يب قبل لا أنسى شنو تعليقاتكم ع الرسمة استقبل كل الانتقادات الرهيبة ق1ق1

 
التعديل الأخير بواسطة المشرف:

S U I S E N

و لَوْ أغرَقتَ الوردَ ماءً فلا حَياة بعدَ الذبولُ
إنضم
11 نوفمبر 2014
رقم العضوية
2942
المشاركات
1,344
مستوى التفاعل
3,415
النقاط
847
أوسمتــي
6
توناتي
1,035
الجنس
أنثى
LV
1
 
at157971517657861.jpg


at158698886113624.png


هيلووو ايفيري بودي شلونكم وشخباركم عساكم بخير وصحة وسلامة
ان شاء الله م تشكون من شي يا ربيي شلون اشتقتلكم وحق التفاعل وياكم
بس هالفترة مدري شفيني ماحب اقرا كلام طويل لا شفته اكثر من 10 اسطر اقرا النص
والتالي اصكه طاف الا اذا كان موضوع متعلق بالكلية طبعاً، علشان م اصير مفهية

م ادري باللي يصير حوليني وانصدم فجأة باختبار لا ادري من اين سطع ص0نار1
بس صدق اساسا اختباراتنا حلوة خاصة فترة الحجر شحلاتهن عدد اسئلة الاختبار انقص

واوبن بوك واقدر احل الاختبار ويا ربيعاتي واسرب الأجوبة وبعد ماشي GPA، شو أحلى من كذا بالله
والله متعة حتى لو مذاكرة له بس اقرا الأوراق مالته قبل ساعة واحل دم1جوجو1

المهم هالتدوينة من زمان كان ودي آنزلها بس اتعايز اكتب صراحة مالي خلق حق شي هالفترة مووول
مدري ليش حتى الرسم ارسم بالقطارة ومو حاسة ابد برمضان بالرغم من الصوم :)د9قك2

يـ ليييل ابو لمبة ما هزه الحال يـَ فتاة ياخي ودي ارحع فانو التون عشان اتحمس بس مالت ع حظي
حتى هي كسولة شراتي صج ان الطيور ع أشكالها تقع مهدي1

فعالية الشهر: خمسة أفلام مفضلة لديك ؟

المهم راح اسدح افضل 5 افلام عندي مع اني م عندي غير سلسلة وحدة من الأفلام
اللي ممررررة وااو اعتبرها توب أما الباقي قريب من التوب BUT NOT SATISFIED


01 [ RUSH HOUR ]
tumblr_p9x3gkSUvX1txtch1o1_540.gifv
tumblr_p9x3gkSUvX1txtch1o2_540.gifv


آوك هذي السلسلة تفوز بأطلق أفلام الحياة بالنسبة لي ع كثر الكوميديا والضحك والأكشن

لي فيها صدق الفلم الآخذ لقلبي ومنزل شلالات قلوب مني عاد شخصية كريس تآكر مرررة تفوز
صدق أحب اسلوبه وكلهن خرندعيات أحب الناس اللي يضحكوني عاد لمن يتحمس ولهجته ف الكلام تضحككك
مرررة يفوز الفلم... إذا مو شايفة روح سريييييييييع شوفه لان صدق بيفوتك نص عمرككك م مزاح<< النفسيات لا تشوفونه
ولا أقول شوفوه يمكن تتغير نفسياتكم وتصيرون ناس وبشر محبيين للحياة ق1ق1ق1


02 [ Himitsu no Akko-chan ]
tumblr_nw5ueu1wZl1qeysf2o6_250.gifv
tumblr_nw5ueu1wZl1qeysf2o8_250.gifv


هذا فلم ياباني اسمه سر آكو تشان يتكلم عن بنت تلاقي مراية سحرية تخليها بنت كبيرة بالأصح تحقق

أمنيتها فـ انها تكون بنت كبيرة ويتحقق هالشي وتصير لها مغامرات وهيك مررة حلو الفلم
لطيف وكيوت وكل شي اتوقع له نسخة مانجا بس قديييم مرة.. أساسا البطلة هآروكا اختياراتها
بالأدوار مررة حلوة وخفيفة وحلوة تعجبني وايد مع ان قبل م كنت احب بس جي مدري ليش
بس ع قدام صرت أحبها اكثر هي وأدوارها وأفلامها ق1ق1 آدري وايدين م يحبون يشوفون دراما
بس جربو كذا مرة تشوفون احس شي حلو ك نوع من التغيير والتجدد ق1
ليها فلم ثاني بعد اسمه Konya, Romansu Gekijo de بطل م بتكلم عنه علشان اييكم

فضول بمحتواه بس صدق بطل الفلم وبقوة عجبني وايد بس م كملته... لكن حلو ناوية اكمله قريب ق1ق1

03 [ Bridge to Terabithia ]

9b3e647e5bd4b27ed9b4b9e39760234efd00099f.gifv
00ca017c972d4f0e066878453251b6d0ee79a9db.gifv


هالفلم أحد أفلام الطفولة الحلوة صدق وايد حلووو يفوز بالتوب وايد تحت تصنيف أفلام الفانتازيا

والعايلة وايد حلو أحداثه غير متوقعة خصوصا لمن ماتت ليزلي ما تدرون شكثر صحت عليها
وكمية الابداع اللي فيه واماكن التصوير كلها حلووة وجميلة وكل حاجة في الحياة صدق
اللي ما شايفه يركض يشوف حلو تشوفونه بالحجر ويا أهلكم اكيد اذا عندكم يهال ف البيت

خ يشوفونه بدل التفاهات اللي قاعدة تنزل هالفترة حق الأطفال حتى مادري شلون يشوفونها

04 [ khoobsurat ]
dd0c42aaaeb725bd3b4dc57d2aeba6ccc64a8f95.gifv


آوك هالفلم فلم هندي من انتاج ديزني ونقدر نتعبر البطلة أحد أميرات ديزني وصدق تستاهل

وايد حلوة وآدت الدور حلوو هذا فلم رومانسي كوميدي << بدون الكوميديا م كنت بشوفه هع
يتكلم الفلم عن الدكتورة ميلي اللي بتسير تعالج ريول الملك وبتصير احداث وايد حلوة وخصوصا علاقتها
بأمها وايد حلوة كيف تحكيلها عن كل شي بالتفصيل الممل كأنها ربيعتها وصديقتها ق1ق1
ي حلو العلاقات اللي زي كذا والله مو بس مع امها مع ابوها بعد بس بالفلم مركزين أكثر
ع علاقتها ويا امها وهالشي حلو بس ظلمو الآب مسكين بتستمتعون فيه ها الفلم الوحيد
اللي عدته اكثر من 5 مرات حتى الفلم القبلي ع حلاته م عدته كثر هذا
مدري ليش بالأساس انا ماحب عيد الافلام بس عيبتني شخصيتها بالفلم صدق تفوز شخصيتها

بهالفلم كأكثر شخصية بنت مرحة ف الأفلام الهندية كـ كل حتى أغانيه حلوة ق1ق1

05 [ Kodaike no Hitobito ]
tumblr_ojnoej1yVe1rw93m3o1_1280.jpg
tumblr_ojnoej1yVe1rw93m3o2_r1_1280.jpg


هذا الفلم بعد من أفلامي المفضلة بعد لـ هاروكا يتكلم عن عايلة تقدر تقرا الأفكار والبطل
يصادف هالكياتة وتصير أحداث حلوة مرة وااايد حلو الفلم انصحكم فيه خصوصا حقين الشوجو
مرررة بطل تحمست ارجع اشوفه صدق وااايد حلووووو لان تقريبا نسيت شوية أحداث منه سو برد اشوفه

بس بعد م اضبط لي جو كياتة ويا اندومي وسويتات ق1ق1ق1ق1ق1ق1
مهدي1هي11يي1رانزو1جوجو1جوجو1جوجو1جوجو1


06 [ Howl's Moving Castle ]
tumblr_pqbmvyndXf1vds8xro5_540.gifv
tumblr_pqbmvyndXf1vds8xro4_540.gifv


هو المفروض اسدح 5 افلام بس حرامات الفلم الأنمي المفضل عندي م ينحط ضمن القايمة
سو قررت احطه واتخطى الحدوود نياهاهاها صدق هالأنمي وايد لطيف وشسمه
دافي ع القلب ورسمه مرة حلووووو والقصة خيال وكله ع بعضه يا ربي شكثر ستوديو
جيبلي حلوين وخيال حلم حياتي اشتغل وياهم صدق من كل قلبي ق1ق1

¬يتبع
 
التعديل الأخير بواسطة المشرف:

S U I S E N

و لَوْ أغرَقتَ الوردَ ماءً فلا حَياة بعدَ الذبولُ
إنضم
11 نوفمبر 2014
رقم العضوية
2942
المشاركات
1,344
مستوى التفاعل
3,415
النقاط
847
أوسمتــي
6
توناتي
1,035
الجنس
أنثى
LV
1
 
at157971517657861.jpg


at158698886113624.png


فعالية الشهر: أفضل ذكريات طفولتك ؟

يَـ ليل بو لمبة آحس صعب هالسؤال ه1ه1ه1ق1 ويتات احاول اتذكر بعض من افضل ذكرياتي
شوفوا انا بسدح لي اذكرهم واعتبرهم احد ذكريات الطفولة الحلوين مع ان بعض الاحداث دماغي مسوي

عليهم بلوك لان من زمان م فكرت بهالشي وغبر وتبلك ه1ه1ق1
الموووهم في أحد الآيام في منزل الجد خليفة تولفنا حن كل اليهال حرفيا ويا خواتي وولاد خالاتي وخالاتي الصغار

تمام ترى نحن جيش كبير ض2ض2ق1ق1 آند آي لايك ات احس شي واو مرة هء ق1ق1 الحمدلله رب العالمين ق1
اوقي وقررنا نطلع هذاك اليوم لمزرعة جدي كانت مغامرة في حد ذاتها والليدر الزعيم مالتنا كان ولد خالتي بحكم

ان كان احد كبارية الششلة ه1ه1 تمام اكثر شي اتذكره ويضحكني للحين ان اخذنا لحوش بيت م ندريه
انا ما ادريهم مدري اذا الباقي يعرفونهم ولا لا ه1ه1 المهم هذيل عندهم هوش وطبينا حوشهم جي

وقعدنا نركض ورى الهوش مالتهم ومتحدين بعض اللي يركب وحدة ينعزم ع دكان شي جي...
ماذكر ياخي عدل اقولكم مغبر دماغي ع هالنقاط حالياً ه1ه1ه1


tumblr_op8iusIiIH1wnv5ldo1_540.gifv


المهم كانت الشلة ما بين اللي يكرض وشاد حيله ويحاول ينط فوق الهوش ويركبه جأنه خيل وم بين
اللي يهرب خوفاا من هالحيوان اللطيف ق1 انا طبعا كنت اللي اركض ورى الهوش بس م مسكت ولا وحدة :)قك2

أصلا أصلا أصلااااً عاااااااااااادي مو ندمانة ولا شي ه1ه1 وخلاال فترة استمتاعنا فجأة يظهر شخص
من المنزل... أجل يـَ أصحابي ظهر شخص وفي يديه نعال والأخرى سعف نخل علشان ننضرب

كان ذلك الشخص هو صاحبة المنزل.. أقولكم شو القصة وشو السالفة اللي صارت
من طلعت تمت تتنازع علينا وحن نضحك ونركضض توربوو نشرد وطبعاً هي عرفتنا

وفتنت علينا عند جدي ه1ه1ه بس قبل ذلك رحنا المزرعة عند الحيوانات ولعبنا ورحنا
عند الفلج كان شي ممتع الصراحة اتمنى هالذكرى تنعاد ولو ان الزعيم أكلها منازع من عند الجد

واحنا اكلناها بالحبس وم نطلع حتى افراج اخر بس كان شي حلو وختمنا هذيك الطلعة في
ذلك اليوم بمباراة كورة ب حوش بيت يدي كان كبير سو نلعب بكل ما اوتينا من قوة

كان شي ممتع صراحة رك2ق1ق1ق1ق1 وبس والله هايدا هو افضل زكريات طفولتي ق1

 
التعديل الأخير بواسطة المشرف:

S U I S E N

و لَوْ أغرَقتَ الوردَ ماءً فلا حَياة بعدَ الذبولُ
إنضم
11 نوفمبر 2014
رقم العضوية
2942
المشاركات
1,344
مستوى التفاعل
3,415
النقاط
847
أوسمتــي
6
توناتي
1,035
الجنس
أنثى
LV
1
 
at157971517657861.jpg



tumblr_pcozx4Pwl41seybqqo1_400.gifv
tumblr_pdnfckagpR1xchla7o1_500.gifv


"كانت أقدام الوقت الشاحبة تعبث ببقايا صبرها..
تجعل منها دمية قش.. فتهش عليها رياح الزمن الصعب..
بعصيَّ السخرية.. جاعلة منها حطام فزاعة.. في حقل قاحل..
تتناهشها غربان القلق.. تحت شمس الحقيقة الكاذبة...
ليمتد أمامها وادي الوهم ..

إلى ما لا نهاية.."
- #أمل_عبدالله
 

S U I S E N

و لَوْ أغرَقتَ الوردَ ماءً فلا حَياة بعدَ الذبولُ
إنضم
11 نوفمبر 2014
رقم العضوية
2942
المشاركات
1,344
مستوى التفاعل
3,415
النقاط
847
أوسمتــي
6
توناتي
1,035
الجنس
أنثى
LV
1
 
at157971517657861.jpg

at158698886113624.png
#فعاليّة_الشَهر

ما هِي الأهداف التي حددتها لنفسكَ مؤخرًا ؟

بما اني خلصت كلية وارتحت من كمية الرسمات لي وصلت ل فوق 60 رسمة والاسايمنتات والريسيرتشات
لازم اونس نفسي واعدل مودي حرفيا غير ان ذيك الفترة نومي ضياع حرفيا كنت عادي جدا م انام يومين
اقعد اسهر ع شغلي بحكم ان عندنا بالبيت بنت بعمر السنة م تصدق ع الله تشوفني تركض لي وتقعد فوق اغراضي
بيبي2مهدي1
بس اصلا عادي الدنيا حلوة وخلصنا للله الحمد كانت اول مخططاتي هي اني اعدل نومي
والحمدلله ضبطت بعد م نمت نومين بشكل متقطع لدرجة امي تجي تصحيني تقولي بسج نوم ه1ه1
ارد عليها يمااا خليني ترى م نمت عدل والباقي م دارية اساسا ونايمة وفاقدة للوعي صرت انش صبح
هو اساسا وقتي المفضل احس احب جو الصباح وودي اوقفه عند اللحظة لي تكون بيه الشمس خفيفة
وما شي اضواء شغالة احس حلو كذا الجوو واحب اشتغل فيه بعد ق1ق1
اوكي الهدف الثاني ودي اجرب وادخل عالم الرسم الزيتي احس كذا شي حلوو مرة مع اني م احب ريحة الالوان
الزيتي بسبب قوة ريحتها وانو لما يطبق بالايد واللبس.. اضحك ي طيب لزمن طويل لحد م يروح ه1ه1
وايش بعد بس ماعندي اهداف ثانية صراحة غير الهدف القديم اني كان انقص وزني
والصراحة كنت اسوي رياضة بشكل يومي واذا وقفت يومين كذا وعدلت من أكل بس الصدمة انو زاد وزني
مع اني كنت اكثر هيت وكارديو ومقللة من تمارين المقامة اوكي مقاساتي صغرو لفترة وجيزة
بعدين فجاة وزني زاد بسبب الامساك واحس طاح ظني بالرياضة يعني تخيلو زاد وزني تقريبا 6 كيلو بسبب الامساك
واحس خاب ظني بالرياضة ومنها م رجعت صراحة امارس رياضة الحين لي 3 اسابيع م سويت رياضة
حكمو4
>مع انو ماله دخل بس بمشيني اشوف ل وين توصل معاي ض1قك2
وبس والله الهدف الاخر اني اطور ممن رسمي قبل فترة مستر عقيل طرش لي كتاب رقمي حق كتاب لوميس
مال رسم الفيجرز وكذا وتقريبا خلانا نسوي وايد تمارين منه احس وايد استفدت منه وهذي التجربة خلتني اؤؤمن
ان التكرار ف الرسم يطوره بس تفهم الاساسيات والرولز بيها يعني لو جيت ترسم كذا وتكرر بدون فهم للاساسيات

م راح تستفيد كثير قد م تعيد الرسم وانت فاهم الاساسيات اذا في احد حاب يلاقيه يكلمني م راح ارفعه
لان الكتاب ف بعض الصفحات يصور اجساد عارية مشان هيك م يصلح صراحة كان اساسيات المقرر ان ارسم واحد منهم
بس سحبت عليه اخترت اللي يناسبوني والباقي طاف حرفيا مع انو ادري ان بيسحب من درجاتي بس ماش ما راح ارسم كذا
ه1ه1ه1
 
التعديل الأخير بواسطة المشرف:

المتواجدون في هذا الموضوع

أعلى أسفل