الدليل الشامل للمواضيع الادارية - من اين ابدأ ؟ (1 زائر)

الحالة
مغلق و غير مفتوح للمزيد من الردود.

S E L E N E

The human mind is a graveyard
إنضم
12 مايو 2019
رقم العضوية
9970
المشاركات
6,446
الحلول
13
مستوى التفاعل
31,659
النقاط
1,752
أوسمتــي
49
العمر
29
الإقامة
Deutschland
توناتي
18,030
الجنس
أنثى
LV
12
 



السلام عليكم و رحمة الله و بركاته ق1

موضوعي اليوم رح احكي فيه
بالتفصيل عن كل شي بيتعلق بالمواضيع الادارية

و كيف فينا ناخد هالختم الفخم بأقل وقت و مجهود و بأفكار ابداعية

و كيف فينا نسهل علينا ناخد هالختم اكتر من الختم الماسي و الذهبي ض1ق1

<
مصدومين ض0؟ لا تنصدموا فالمواضيع الادارية مو بهل الصعوبة اذا اتبعتوا الشرح

و النصائح وحدة وحدة و ان شاء الله رح تضمنوا الختم بجيبتكم بينابل1ق1


يلا نبلش سكاي3 ؟





الي لازم نعرفو هو الاساسيات الرئيسية لحتى ناخد الختم و الموجودة بهل الموضوع


بس مانها ثابتة بكل الاقسام (
ما عدا قسم تحميل الانمي و تحميل الافلام و المسلسلات فهي مبنية على عدد مراكز الرفع )

فهل المعايير الموجودة بالموضوع (
عامة ) بس مثلا لو سوينا موضوع ضخم

و كانت
بعض الفقرات المكتوبة بالموضوع المعايير مو موجودة فيه مو يعني انو ما رح ناخد الختم

بمعنى اخر الختم الاداري رح يكون (
الاسلوب الحر للعضو ) الادارة حطت هالمعايير لتقريب مفهوم
الختم بس مانها اساسية . . و الحلو بالاسلوب الحر انو انتوا احرار بأي اسلوب و نوع الفقرة
الي رح تحطوها بالموضوع ان كانت ترجماتكم الخاصة , تصاميمكم , كتاباتكم او فقرة جديدة من نوعها .
المهم انها رح تكون من
جهدكم الخاص



المهم بالختم الاداري ثلاث نقاط و هي :


غرابة الفكرة اولاَ و الأبداع بطرح الفكرة ثانياَ و شمولية الفكرة ثالثاَ

و مو ضروري ال 3 يكونوا بنفس القياس يعني لو مثلا خليتو الشمولية 100% مو ضروري يكون الابداع بنفس مستوى الشمولية
او مثلا لو كانت الفكرة غريبة و فيها ابداع بالطرح مو ضروري تكون الشمولية بنفس قياسها وهيك , المهم يكون في نسبة حلوة
بين ال 3 و لو خليتو ال ثلاث اساسيات نسبتهم فوق ال 50% ف انتوا ضمنتوا الختم بجيبكم ق1

يعني هال 3 اساسيات الها نسبة و تناسب بكل موضوع و مافي موضوع كامل و شامل هال 3 اساسيات 100%
الا ما يكون في وحدة منهم اقل من التانية الا بعض المواضيع
الي فعلاَ تعتبر نادرة و بالنهاية
نحن بدنا على الاقل 50% من كل وحدة او وحدة 100% و الباقين 50%

ولكن افضل نسبة الي بتكون متساوية مع جميع العناصر ف الاعتدال جميل بيعطي كل عنصر
من هالعناصر الثلاثة حقها ش1ق1



1- غرابة الفكرة :

كلما كانت فكرة الموضوع الي اخترتوها غريبة كلما كان مؤهل انو ياخد الختم ف نحن عم ندور على مواضيع فريدة من نوعها و التي تطرح افكار مختلفة و غريبة

2- الابداع بطرح الفكرة

طريقة عرض الموضوع النهائية مهمة جدا جدا جدا فكلما كانت افكاركم غريبة - مرتبة - منسقة بشكل احترافي من ناحية الخط و اللون و التخطيط و الطقم و طريقة عرضكم النهائي للموضوع , اضافة فقرات جديدة و مختلفة كلما زادت نسبة ختمه ق1

3- الشمولية :

بهل الختم بالذات بدنا شي فخم و متعوب عليه خاصتا بمواضيع التقارير كلما كانت شاملة للموضوع المختار كلما كانت افخم و ادسم و زادت نسبة الختم الها يعني الزبدة لما نشوف انو في تعب ملحوظ بالموضوع مو نسخ و لصق هون رح يكون كلام تاني و رح يكون مؤهل للختم .



بالاول منحدد الفكرة الي بدنا نسوي عليها الموضوع و بعدين نخطط الموضوع و نتخيل الخلفية النهائية الي بدنا ياها تكون بالموضوع ,
مثلا انا بدي الموضوع يكون شمولي اكتر من ما يكون ابداعي مثلا انا بدي الموضوع يكون معتمد على غرابة طرح الفكرة و الابداع
اكتر من الشمولية مثلا انا بدي موضوعي يكون متوازن من جميع العناصر الثلاثة و هكذا

هالتحليل بسهل كتير انكم تاخدوا الختم لانكم بتعملوا بكل بساطة (
تخطيط ابتدائي للموضوع )


بعدين ,

بعد ما قررنا نطبق نقطة من النقاط الثلاثة او نقطتين او الثلاث الي رح يعتمد عليها هيكل الموضوع بعدها منقرر اي قسم


مثلا عن نفسي و كل شخص مختلف عن الاخر :

- انا بمشي بهل الطريقة الي مزاجي بيتحكم فيها , لما يكون مزاجي اني ابدع اكتر من ما ترجم مقالات او روح للمواضيع
الي تعتمد ع الكتابة و الشمولية بختار اقسام الابداع نفس التصميم او قسم التقارير ( قسم التقارير لا تعتبر اقسام ناشفة )

- و في اشخاص بيختاروا القسم بعدين بحددوا نوعية النقاط الي رح تبني هيكل الموضوع , مثلا انا اخترت قسم الرياضة
بعدين بحدد نوعية هيكلة الموضوع مثلا تعتمد ع الشمولية او على الابداع او على غرابة الفكرة .

و الطريقتين صحيحة


اول شي هالعناصر الثلاثة تشمل جميع اقسام المنتدى ولكن هنالك عناصر تناسب
اقسام اكثر من عناصر اخرى - سأشرحها لكم -

مثلا بقسم الموسوعة الحرة مواضيعها تعتمد ع الشمولية اكتر من ما تعتمد ع الابداع او على غرابة الفكرة
لانه قسم معلومات فمن الطبيعي عندما نريد طرح معلومات عن شيء معين ف يجب علينا ان نشمل جميع النقاط
التي تخص الموضوع المراد طرحه ولكن عندما نريد طرح موضوع في قسم التصميم على سبيل المثال ف رح
نركز على عنصر الابداع و غرابة الفكرة اكتر من الشمولية لانه قسم يعتمد على هاذين العنصرين , ف كل
قسم من اقسام المنتدى يعتمد على عنصر من هذه العناصر بنسبة 100%
اكثر من قسم اخر ف ليس هنالك
قاعدة محددة لهذه الاساسيات الثلاثة . ولكن هنالك قسم مناسب لعنصر معين اكثر من قسم اخر و هكذا .

و بالاخر
نحن منحكي ب نسب يعني حتى بقسم الموسوعة منقدر انو نجمع جميع العناصر
ولو ان هالشي
صعب لان عنصر الابداع رح يكمن بأسلوب الكتابة و لان القسم يعتمد بنسة 100% على الشمولية
ف رح يكون كمية هائلة من اعادة صياغة الكلام بأسلوب العضو لحتى يجمع عنصر الابداع مع الشمولية معا .

و العكس صحيح عندما نضيف عنصر الشمولية و الابداع معا بأقسام التصميم مثلا عندي هالموضوع

كان صعب علي اني شملت ثيم واحد و هو الفن تحت عنصر واحد , فقسم الفوتوشوب صعب فيه
نوعا ما عندما نجمع مابين الشمولية و الابداع بنفس الوقت ف الابداع فيه اسهل من الشمولية
اما بقسم الموسوعة مثلا فالشمولية اسهل من الابداع ف هنا نستطيع ان نضع نسب مناسبة
لكل موضوع .


وصلت الفكرة ؟



انا انتبهت و كان هالشي جدا ملحوظ لي ان في بعض الاعضاء كانوا عم يعتمدوا على عنصر الشمولية فقط ( الكمية وليس جودة )
يعني بحطوا معلومات اي شي و بكتروا حكي بدون اي تنسيق للكلام او اعادة صياغته على اساس انو هيك بيضمنوا الختم بس هالشي خطأ 100%

شوفوا تأكدوا دائما ان كان بالمنتدى هون او بالحياة العملية هالشي خطأ , الكمية مو مهمة ابدا لما يقابلها ابداع و تعب ملحوظ بطرح
الفكرة , مابحكي انو الشمولية سلبية بالعكس الشمولية لما يقابلها ابداع فهي بتدعم الموضوع بس مو منيح تخلوا الموضوع
معتمد عليها 100% حتى لو كانت بقسم الموسوعة !

تاني شي انتوا تعبانين و تعبانين بالموضوع صح ؟ ليه ما تعملوا شي (
فعلاَ ) يفيد احد الاشخاص و يمكن يفيد مجموعة من
الاشخاص ؟ يعني انا ما بتذكر اني سويت موضوع شلفقة اي كلام بس لحتى اخد الختم ,
هدفي من الموضوع الاول هو نشر الفائدة
باسلوب جميل و انو ينقرا كامل و انا كتير بتضايق لما لاقي على موضوع انختم اداري رد او ردين بالكتير ! بس في غيري ماعندو
مانع دامو انختم ,
طيب وين الهدف الاساسي من الموضوع وهو الفائدة ؟

الوقت ثمين فلا تضيعوه على مجرد ( ختم وهمي ) اضربوا عصفورين بحجر واحد , استفيدروا و تميزوا بالتون و خلوا كمان
بالمقابل الناس تستفيد من الموضوع المطروح , في كتير مواضيع انطرحت بس كانت ع الهامش مجرد (
حشو حشو حشو كلام كتير
بس محدا قراه
) مو حرام هالشي ؟ تعب و مجهود ووقت راحوا ع الفاضي و كمااان محدا قرا الموضوع بس سوولوا SCANNING
يعني قراية سريعة بدون تركيز ؟

ف انا بتمنى انو الكل يعيد التفكير بالنسبة لهل الختم


if you want it , you need to earnt it
إذا كنت تريده ، فأنت بحاجة إلى كسبه


و بمعنى كسب اي انك تتعب في الحصول عليه و دائما اسأل نفسك هذا السؤال :

لماذا انا اعمل على موضوع كبير ؟ و ماهو والهدف الاساسي منه ؟

لا تحكولي انكم عم تدوروا ع مجرد ختم ؟ هل ممكن انو انا ضيع كل وقتي و جهدي
على مجرد ختم ؟ بدون اي فائدة حقيقية تذكر ؟ ان كانت فائدة شخصية لي (
اي شيء

فعلي اكتسبه من الموضوع او فائدة لغيري ؟ )

و ركزوا على كلمة فعلي اي شيء ممكن يفيدني بحياتي الواقعية ان كانت
بتطوري بالتصميم او معلومات حقيقية كسبتها من موضوع تقرير او فائدة
عامة نشرتها و جعلت غيري يستفيد منها ؟

لما نغير طريقة تفكيرنا للختم كل نظرتنا ونحن منعمل مواضيع رح تتغير
لأن لما يكون الهدف الاساسي هو فائدة تعود لي و لغيري ف رح يكون
الاهتمام بالموضوع مختلف لما يكون الهدف الاساسي هو مجرد حصولي
على ختم .

 

S E L E N E

The human mind is a graveyard
إنضم
12 مايو 2019
رقم العضوية
9970
المشاركات
6,446
الحلول
13
مستوى التفاعل
31,659
النقاط
1,752
أوسمتــي
49
العمر
29
الإقامة
Deutschland
توناتي
18,030
الجنس
أنثى
LV
12
 





بعد ما عرفنا اساسيات الرئيسية بالختم الاداري وكيف نعمل هيكل الموضوع او تخطيط
ابتدائي للموضوع
رح احكي هلأ عن كيف تخلوا في نقاط قوة بالموضوع ؟

و للعلم
هالنقاط مانها اساسية يعني مانها شي انك تتأكد تاخد الختم
لان في مواضيع ما كان فيها نقطة من هالنقاط و اخدت الختم بس الفرق انها
بتزيد من جمالية موضوعك و قوته لما تجمعهم مع بعض و نسبته النهائية
من الاساسيات الثلاثة الي ذكرتها سابقا ق1


1. الوسائل التوضيحية :

جدا جدا جدا مهمة حتى تخيلوا مو بس بالمنتدى حتى بالحياة الدراسية مهمة جدا و بتزيد من العلامات بالتقديم
لما نستخدم صور و فديوات و جداول نسب مئوية او احصائيات الخ

موضوعكم عن تقرير ؟ ليه ما تدعموه بفديوات حلوة او/ و صور ؟ هالشي رح يزيد من قوة موضوعكم ق1


و الاهم انكم ما تهتموا للختم قد ما تهتموا للاعضاء انهم ما يحسوا بملل و هن بيقروا الموضوع !

و هالشي صدقا دائما بخاف منو و بركز فيه لما بسوي موضوعي و بحاول دائما اني غير من الافكار
المطروحة بالمنتدى و بحاول جيب شي من خارج الصندوق . و زيد صور و دعمو بالفديوات


فالموضوع الي بكون نفس مقالة ( صبة باطون ه1 ) من اول لآخر التقرير بس كلام هالشي رح يكون ممل جدا

حاولوا تدعموا الموضوع بالوسائل التوضيحية قدر المستطاع منو بأهلكم اكتر لتاخدوا الختم و منو القارىء ما بحس بملل
و بتزيد احتمالية انو الموضوع ينقرا كامل ق1


2. الآراء الشخصية و آراء الاعضاء او آراء اشخاص من خارج المنتدى :

هالفقرة جدا مهمة بالموضوع الاداري و بأي موضوع مو بس اداري بس رح نركز عليها بهل الختم

جدا مهم انو لما تحكوا عن شي معين و شامل و كبير مهم انكم تاخدوا بآراء غيركم هالشي رح يزيد من فضول
القارىء انو يشوف تفكير الاخرين بفكرة الموضوع و من المهم انك تبدي رأيك كونك اخترت هالموضوع .
و تعطينا تجربتك الشخصية عنو او شو الي عجبك وشو الي ما عجبك الخ


ليه اخترت هالموضوع ؟ شو الي جذبك لإختياره ؟ شو الي عجبك فيه ؟ شو الي ما عجبك فيه ؟ و اي من المعلومات المطروحة لفتت نظرك ؟
كوننا نحن منتثقف و نحن منسوي التقرير لانو نحن منكسب معلومات جديدة علينا ف حلو لما تكتب هالشي بفقرة الرأي الشخصي ق1


3. مجموعة تصاميم :

هالفقرة مانها اساسية ابداَ انا اعتبرها فقرة جمالية للموضوع و صدقوني هالشي رح يغير محتوى موضوعك 180 درجة
لانها رح تكون لفتة حلوة منك انك تحط مجموعة تصاميم لنفس ثيم الموضوع - و نفس ما ذكرت فوق
ممكن هالفقرة تغطي
على فقرة ناقصة بالموضوع
ف انا اعتبرها نقطة قوة بالموضوع بحيث انها ترفعه اكثر ق1

و بهل الفقرة ممكن تغيروا كمان و تبدعوا فيها مثلا بدل ما تختاروا بس رمزيات سووا خلفيات موبايل بما
انها فكرة جديدة ومانها منتشرة او خلفيات سطح مكتب يعني
اطلعوا برا المألوفق1


4. مجموعة ملحقات لنفس ثيم الموضوع :

اذا الموضوع الي اخترتوه في منو ملحقات حتى لو كانت قليلة زيدوها رح تكون اضافة غريبة للموضوع
و نحن عم ندور على الغرابة ش1ق1


5. مجموعة موسيقى SOUNDTRUCK لنفس ثيم الموضوع :

اذا الموضوع الي اخترتوه في منو موسيقى خاصة فيه مثلا نحكي اخترتو تسووا تقرير عن فلم حطوا بالموضوع
فقرة تحميل الاغاني الي طلعت بالفلم هالشي غريب و مو منتشر بالمواضيع او مثلا تقرير عن الذئاب
حطوا مجموعة موسيقى هادية لنفس الثيم في مليان باليوتيوب او عن النار في موسيقى هادية مع صوت احتراق
الخشب مع النار و هيك هالفكرة كتير غريبة و بترفع الموضوع كتييير

اكتبوا باليوتيوب اسم الموضوع او الفلم و جمبو SOUNDTRUCK بيطلع كتير اشياء حلوة و غريبة


6. فلم او مجوعة افلام لنفس ثيم الموضوع :

اذا كان تقريرك في منو فلم او فلم على نفس الثيم اعرضو بالموضوع - ما بدنا نرجع نحكي انو رح يرفع موضوعك كتيره2ق1

7. رواية او كتاب لنفس الثيم :

في بعض ثيمات المواضيع تحتوي على روايات لنفس الثيم مثلا انا اخترت موضوع بقسم التصميم بعنوان الجماليات Aesthetics
منقدر نبحث على روايات تحمل نفس العنوان او روايات تتحدث عن مصطلح الجمالية بشكل عام او بشكل خاص
هالفقرة كتييير غريبة وممكن ؟ لا مو ممكن متأكدة انها رح تزيد من جمالية الموضوع و ترفعو 10 علامات لفوق ش1ق1


8. فقرة شعرية او كتابية :

اذا عندك موهبة الكتابة الحرة اكتب شي يتعلق بالثيم الي اخترتو ؟
او لو شاطر بالترجمة ترجم شي شعر اجنبي او قصة اجنبية بنفس الثيم ؟


بهل الموضوع حطيت فيه مجموعة اشعار انجليزية على نفس ثيم الموضوع عن ال Aesthetics


و بهل الفقرة يعني مفتوحلكم الابداع نحن ما منحكي ع شي لا ابدا ض0
كلما زادت متل هيك فقرات غريبة كلما الموضوع طلع نااااار

اخرج عن المألوف
اطلع برا منطقة راحتك
اطلع خارج الصندوق

9. العنوان

هلأ نجي لشي يعتبر بنظري اساسي ولكن الاغلب بشوفو ثانوي و هو

العنوان يعتبر الواجهة الرئيسية للموضوع فكيف ما نهتم فيه و ناخدو بعين الاعتبار ؟

كنت شوف كتير مواضيع عناوينها لا تدل على محتواها او تكون عبارة عن كلمات اغنية

طيب انت كيف رح تخلي القارىء يعرف محتوى الموضوع من برا و ينجذب
لحتى يدخلو و ياخدو فضولو عليه اذا العنوان مانو دال بشكل كافي عن الموضوع ؟

لازم نعرف كتير منيح كيف نختار عناوين مناسبة لمواضيعنا


و الاهم نبعد قدر المستطاع عن الزخرفة لانكم انتوا حابين تفيدوا اكبر عدد
من الاعضاء و الزوار و الزخرفة ما بتطلع بمحركات البحث ف الافضل تتجنبوها


و انكم تخلوا العنوان على نفس ثيم الموضوع مثلا نحكي الموضوع عن الذئاب
ابسط شي افتحوا قوقل اكتبو WOLF QUOTES و اختاروا اقصر اقتباس
و حطوا بالعنوان و جمبو تقرير عن الذئاب

ليه اقصر اقتباس ؟ لان ما رح ينحط لحالو بالعنوان لازم تحطو جمبو العنوان الرئيسي للموضوع
مثلا :


CRYING WOLF IS A REAL DANGER - تقرير عن الذئاب

لو اخترتوا عنوان طويل رح يكون ممل اولا و ثانيا رح يكون مع العنوان الرئيسي

و تحطوا العنوان فقط ( تقرير عن الذئاب ) كمان رح يكون ممل

الافضل انكم تدعموا العنوان بإقتباس قصير مع عنوان الموضوع الرئيسي


Beauty is Simplicity
الجمال بالبساطة ق1

ويفضل الاقتباس يكون الو علاقة بثيم الموضوع مو يكون الموضوع عن الذئاب
و انا حاطة اقتباس - ابتسامة الاطفال رائعة - ما بصير هيك ض0


10. الفهرس

من المهم انكم تحطوا فهرس بالموضوع و الافضل ( بعرف هالشي صعب عند الاغلب )
مشان القارىء يختصر وقت لما يرجع للموضوع و يبحث عن بعض الفقرات
ان تضعوا رابط الرد الخاص بالفقرة بحيث عند الضغط عليها تأخذه فوراَ لهذه الفقرة

و انا كنت حطها بفقرة التحميل بموضوع الملحقات بحيث مشان تختصر وقت للمشاهد
بانو يدور ع الروابط . حاتطها بأول رد رابط صفحة التحميل و بتاخدها لصفحة التحميل

و الفهرس بشكل عام مهم بالموضوع بحيث برتب الموضوع اكتر و بخليه واضح

و الوضوح علامة من علامات الجمال . . لا تخلوا مواضيعكم بدون الفهرس
جدا بسيط ولكن بيعطي جمالية رائعة للموضوع


11. الفكرة المحورية للموضوع

حاولوا تختاروا موضوع مانو مستهلك كتير لأن حتى لو كان جبار و كبير الفكرة بحد ذاتها انحرقت من كتر استهلاكها
اكيد فاهمين شو قصدي . . حاولوا تختاروا افكار لمواضيعكم تكون جديدة و لم يٌسلط عليها الضوء بعد

مثلا في موضوع عم سويه جديد عن الاسلحة . . الفكرة بحد ذاتها غريبة و مانها مستهلكة والاقلية فكرت تقرا
عن هالموضوع . . ف الفكرة ما انحرقت . .
حاولوا تاخدوا من فكرة الموضوع نقطة قوة عندكم و لا تخلوها
تكون بدون تأثير فعلي للموضوع الكلي


متل ما بيحكوا : نحن تعبانين بالموضوع و تعبانين ف خلينا نتعب ع فكرة تستاهل ض1

12. الألوان و الخط

فقرة تنسيق الكلام و انكم تختاروا نوع خط مناسب للقراءة و الوان مناسبة لالوان الطقم
و لازم تركزا لهل الشي لانو رح يعكس جمالية رهيبة للموضوع لما الالوان تكون متناسقة
مع الطقم ق1

و هالنقطة جدا جدا جدا جدا جدا مهمة للموضوع لانو بتعكس 90% منو لانو اغلبو
رح يكون كتابة ف هل شي كتيييير مهم انكم تركزوا عليه . . و خاصتا نوع الخط . .
انتبهت انو في البعض
بيستخدم هالخطض0 ؟ كيف انت بتقدر تقراه لتحطو كخط ه1 ؟

لازم يكون الخط مريح للعين و واضح و اختيار الالوان المناسبة للعين و بما ان الخلفيات
اللونية انلغت ف رح نعتمد على الالوان الي تباينها جيد مع الابيض ق1

13. الفقرة الكتابية

هالنقطة جدا مهمة لمواضيع التقارير او المواضيع التي تحتوي على كمية هائلة من الفقرات
الافضل دائما انو ما نخلي فقرة كبيرة متصلة مع بعضها , هالشي رح يسبب ملل و نفور القارىء
ففي بعض الاشخاص القراءة ليست من هواياتهم ف الافضل انو نفصل الفقرات و نضع بينا
مسافات لكي تريح العين و تشجع الزوار و المشاهدين على القراءة ق1


و نجعل حجم الخط مناسب للقراءة , انا انتبهت انو في بعض الاعضاء بيختاروا هالحجم وقت الكتابة
ومابعرف شو بيتهيألهم ه2 ؟ يمكن شايفينوا كيوت و انيق ؟ بس
لازم نراعي جميع فئات الاشخاص
الي ممكن انو يشاهدوا الموضوع ونوصل فكرتنا لأكبر عدد من الاشخاص .

بعض الاشخاص بيقدروا يقروا
بحجم هالخط ولكن كل الاشخاص بيقدروا يقروا بحجم هالخط !
ف ايهما الافضل ؟ (
البعض ام الكل ) ؟



طبعا هالفقرة للي حابين يتميزوا بمواضيعهم و يطلعوا فوق الختم الاداري
انا لا اتطلع لأخذ الختم فقط بل اتطلع لآخذ اعلى من هالختم ف هدفي هو
جعل القراء مستمتعين قدر المستطاع بمواضيعي اكتر من ما اخد الختم

 

S E L E N E

The human mind is a graveyard
إنضم
12 مايو 2019
رقم العضوية
9970
المشاركات
6,446
الحلول
13
مستوى التفاعل
31,659
النقاط
1,752
أوسمتــي
49
العمر
29
الإقامة
Deutschland
توناتي
18,030
الجنس
أنثى
LV
12
 







1. تنسيق الوقت

من اهم اهم اهم الاشياء الي لازم نركز عليها لانها بنظري و من بعد كتير مواضيع سويتها تعتبر 100%
من الجهد النهائي للموضوع !

و كتير من الاعضاء استغربوا من اني كيف بلحق نزل هالكم من المواضيع الكبيرة بوقت قصير ؟


و السر يكمن في تنسيق الوقت و الجهد !

يا حلوين الموضوع وماهو اني انا بنسق قعداتي ع اللاب يعني ما بقعد قعدة وحدة لان هالشي رح يرهقني كتير
و بحس بملل و بحس كمان انو هالشي مغصوبة عليه لما بكون تحت ضغط و قعدة وحدة . .

الي بسويه اني بقعد الصبح ساعة او ساعة و نص بسوي كم فقرة بعدين باخد بريك او ممكن اخد بريك
من الشغلة نفسها بس على نفس القعدة مثلا اني روح على فريق التصميم صمم شي شغلة او احكي مع اي عضو
او اسمع اغاني و ممكن اني سكر اللاب كلو و شوف شي شغلة بعالمي الواقعي .


المهم انو تشتغل بشي غير هالموضوع لان التركيز العالي و الضغط النفسي رح يخليك تتعب بزيادة
و بإبداع اقل لان مخك رح يكون بكل بساطة مقفل و مرهق لحتى يطلع افكار ابداعية !


ف رح تقسم وقتك الصبح ساعة او ساعة و نص الضهر ساعة او ساعة و نص كافية و زيادة
لان بهل ساعة و نص رح يكون مخك و قوتك و تركيزك كامل 100% و رح تشتغل عن 4 ساعات
و انت مرهق بوقت اقل .


2. تنسيق الجهد

تنسيق الجهد يكمن بطريقة تخطيط الموضوع ! و هو المسودة و هي جدا مهمة و بتختصر كتيييير تعب ووقت !

سووا مسودة بسيطة للافكار و الفقرات الي حابين تحطوها بالموضوع و تكون بس كلام و بدون اي تلوين
او صور بس كلام و سووا ردود بناءاَ عليها يعني تخيلوا الموضوع منسق و مع طقم و كل شي و حطوا ردود
كافية على حسب عدد الفقرات بس كل هاد مجرد خيال ( عم نتخيل الموضوع منسق وكامل )
رح تكون مسودة بس كتابة الفقرات !

بعدين بتعبوا هالفقرات بالعناوين الي اخترتوها لكل فقرة و مو ضروري بالترتيب مثلا اليوم مزاجكم
انكم تشتغلوا بفقرة التصميم قبل ما تبلشوا بالكتابة مثلا اليوم جاي عبالي ابحث عن عنوان مناسب
للموضوع مثلا انا بدي سوي الفقرة التكميلية للموضوع (
الفقرة الي رح تكون خارجة عن المألوف )
مثلا انا بدي بلش بالكتابة اول و هيك , التخطيط للموضوع كتير بسهل شغلكم و اكمال فكرة
الموضوع النهائية ,
افضل من ما يكون شغلكم بشكل عشوائي

مثلا انا كتير مرات كنت بلش من اخر الموضوع قبل ما بلش من اولو يعني بلش بفقرة
التصميم و اترك الفقرة الكتابية اخر شي و العكس صحيح و هالشي كتير سهل علي


3. الصور المعروضة بالموضوع

الي بعملو اني بجمع كل الصور الي بدي ياها تكون بالموضوع تكون بملف واحد ع الكمبيوتر و برقمهم حسب تسلسلهم
بالموضوع مثلا اول صورة بالموضوع برقمها برقم 1 و بحط اشارة بالموضوع انو هون الصورة رقم 1 بحيث
انو هالشي بسهل كتييييير تعب ووقت بوضع الصور بالموضوع و بحث عن الصور ع اكتر من قعدة , و لما حط
عليهم الحقوق كمان سهل فكلهم مجموعين بملف واحد و مرقمين و مرتبين (
الترتيب بسهل كتيييير جهد
وبيختصر وقت
) لا تستهينوا بالترتيب .

و الاهم من هاد كلو اني لما بدي اجمع صور للموضوع بجمعها بقعدة وحدة , بحكي انو هالوقت رح خصصو
بس لتجميع الصور الخاصة لهل الموضوع , و هيك بكون خليت مخي مركز بشغلة وحدة و بنفس الوقت ما
برجع برجعلها بعدين لاني خصصتلها وقت خاص فقط لتجميع الصور .

مو نخلي هالنقطة بشكل عشوائي يا اما نسيت صورة معينة لفقرة و مالي خلق ارجع ابحث و حط الحقوق عليها
يا اما ما عندي وقت لحتى دور ع صورة تانية او تنسوا الملف وين ضاع و الخ من هالاشياء الي الافضل نتجنب حدوثها ق1


4. حفظ العمل على الكمبيوتر

حتى هالنقطة الها تكتيك مشان ما نضيع شغلنا ففي بعض المواضيع بتضل شهور لتكمل او ممكن نشتغل نصها
و نأجل نص تاني وممكن توصل لمدة سنة من التأجيل ف هالشي
بِسَبِب انو نضيع ملف العمل على هالموضوع
و اكيد كمصممين رح يكون عندكم اشياء كتيرة على الكمبيوتر وتصير لخبطة او نسيان بمكان وضع الملف
ف مشان ما يصير هالشي . .

اول نقطة بعمل مجلد و ركزوا على هالنقطة (
بنفس عنوان الموضوع او بنفس الفكرة المحورية للموضوع )
مثلا انا بدي سوي عن موضوع الذئاب اذا اعتمدت عنوان بحط عنوان الموضوع على المجلد لحتى
نعرف هالمجلد لأي موضوع و اذا ما اخترت عنوان للموضوع بحط الفكرة المحورية و هية
تقرير عن الذئاب .

تاني نقطة بفتح ملف بالقرص D نسميه متل ما بدنا , انا مسميتو important وفيه كل ملفاتي
الي بحتاجها , منحط ملف التقرير بداخل هالملف بحيث حتى لو بعد سنة رح ترجع لنفس الملف
رح تلاقي ملف التقرير موجود و ما بضيع ابدا حتى لو تفرمت الكمبيوتر او حصل عطل فيه الخ
و هيك بتكونوا حفظتوا كل شغلكم و بتقدروا تكملوا شغلكم ع الموضوع ولو كانت بعد سنة
بكل ترتيب ق1



5. طريقة حفظ الصور :

افضل شي شفتو و الي خلاني اختصر كتير وقت اني رقمهم من رقم 1 الى عدد لا نهائي
حتى لما بدي ارفعهم الارقام جمب بعض وما بتلخبط ابداَ و هالشي جدا مهم لسرعة الحفظ
و سرعة الرفع !

و مرات بتصير في لخبطة برفع بعض الملفات او مثلا كون نسيت رقم و بهل الحالة
رح يكون كتير سهل علينا نعرف اي ملف نسيناه لما نرقم الملفات من 1 الا عد لا نهائي .

ف الزبدة بهل النقطة بتنسيق الجهد انها معتمدة ع الترتيب ثم الترتيب ثم الترتيب !
الترتيب بيختصر كتييييييييييييييييييييييييييييير جهد ووقت !


6. ملفات التصميم

انا كمصممة بلاقي كتير صعوبة بترتيب ملفات التصميم الخاصة بالموضوع مثل الفواصل
و خاصتا انو بكون عددها كتير لما يكون الموضوع اداري مابين فواصل رئيسية و فرعية

و بين الصور الخاصة بالموضوع و مابين الهيدرات عندما يكون هنالك اكثر من هيدر للموضوع
و اكثر من عنوان للهيدر الخ

لهل السبب انا بعمل ملف الخاص بهل الموضوع و بداخله بعمل ملف اسمو Design هاد بكون
خاص بكل الو علاقة بتنسيق الموضوع - من هيدرات و فوترات و فواصل -

عند حفظ ملفات التصميم مثلا بقسم الدروس من الافضل حفظ جميع الاعمال على شكل ملفات
بسد لاختصار كثير من الوقت في حال حدوث اي خطأ غير ملحوظ


طريقة تسمية الملفات :

تعتمد على خلفية التصميم مثلا لو كان درس نسميه L1 و نحاول نختصر الكتابة
و هي اختصار لِ Lesson 1 مثلا الهيدرات نحفظها على هالشكل h1,h2
header 1, header 2 الفوتر كذلك f1,f1 , footer1, footer2 الخ

حاولوا انكم تحفظوا ككككل شي بتشتغلوا ع الفوتوشوب حتى لو متأكيد انكم ما
رح ترجعوا تشتغلوا على هالشي ولكن ( الاحتياط واجب ) و انتوا مو خسرانين
شي ولا وقت حتى مجرد save as psd و انتهى .

هالشي انا عانيت منو لسنوات لحتى انا تعلمت من تجاربي اني احفظ كل شي
و هالشي خلاني ارتاح و اختصر كتير وقت لما لاقي خطأ غير ملحوظ بأي شي
سويتو بالفوتو بعرف انو في ملف خاص بالعمل محفوظ و كل شغلي تمام التمام ق1


الترتيب جدا مهم حتى مع ملفات التصميم الخاصة بالموضوع



 

S E L E N E

The human mind is a graveyard
إنضم
12 مايو 2019
رقم العضوية
9970
المشاركات
6,446
الحلول
13
مستوى التفاعل
31,659
النقاط
1,752
أوسمتــي
49
العمر
29
الإقامة
Deutschland
توناتي
18,030
الجنس
أنثى
LV
12
 







الوكلاء فيه كتير خدمات بتساعدنا انو نبدع اكتر بمواضيعنا بس للأسف محدا بيستخدمها
مع انها ما بتكلف شي و بالمقابل كتير بتغير هيكل الموضوع و نتيجته النهائية


بهل الفقرة رح سلط الضوء على بعض الاشياء انمي تون بقدموها :

1. خدمة الوكلاء


★ تنسيق موضوع بالألوآن وتركيب الخلفيه وغيرها يتراوح ما بين [ 10 الى 15 تون ]

★ كتابة مدخل ومخرج [ 5 الى 10 تون ]

★ إختيار عنوان ملائم للموضوع [ 2 الى 5 تون ]


★ تتدقيق لغوي وإملائي للموضوع [ 5 الى 10 تون ]

المنتدى بقدم هالخدمات الي محدا بيستخدمها , في البعض منا و انا من هالاشخاص الي مو شاطرين بالكتابة
و بالمقابل في اعضاء شاطرين بالكتابة , ليه محدا بيستخدم هالخدمات مع انها بتضيف لمسة كتير حلوة للموضوع ؟

كتابة مدخل و مخرج شي كتير حلو و هالعنصر ابدا ما بستغني عنها بمواضيعي
ان كانت ادارية او ذهبية , بتضيف لمسة جمالية و خيالية , جيبوا اي شي الو علاقة
بالثيم , كتابة حٌرة , شعر , ترجمة , قصة قصيرة اي شي , رح يضيف لمسة
خيالية للموضوع تخلي القارىء يدخل بجو الموضوع عطول ق1

ف لو ماعندكم فن الكتابة نفسي بتقدروا تستعينوا بهل الخدمة جدا ممتازة ش1ق1


اختيار عنوان ملائم للموضوع

اذا احترت بالعنوان و محتاج عنوان يكون فخم و يوصف محتوى موضوعك
خدمة الوكلاء بتوفر هالشي و بسعر جدا رمزي و بالمقابل واجهة موضوعك
رح تكون فخمة و اي حدا بيقرأو من برا رح يجيه فضول يعرف محتوى موضوعك

نفس ما قلت قبل , العنوان جدا مهم لجذب المشاهد لدخول الى موضوعك ق1


التدقيق اللغوي و الإملائي للموضوع

هالشي جدا جدا جدا مهم , ف جودة اللغة العربية بتعطي جودة للموضوع
و بتخلي القارىء مرتاح و هو عم يقرأ ما بتحس انو منزعج بسبب
الاخطاء الاملائية , و صدقاَ انا من الاشخاص الي بتنفر من المواضيع
الي مليانة اخطاء املائية حتى ما بقدر كمل قراية , ف اكيد في اعضاء
نفسي , بتهمهم جودة اللغة العربية بالموضوع .

و مرة استخدمت هالخدمة بأحد مواضيعي لأنها كانت من ترجمتي
و خفت يكون في خطأ لغوي يمين او يسار ما انتبهت عليه ف استعنت
بالوكلاء و كانت @Roro sama هي المدققة

- هي بسموها نقرشات المواضيع , اي بمعنى انها تعتبر تفاصيل صغيرة
ولكن تضيف لمسة خيالية للموضوع و بتبين اهتمامك فيه و بالنتيجة النهائية


تنسيق الموضوع بالألوان

نفس ما ذكرت قبل انو من الافضل انو نخلي الوان الكتابة بنفس الوان التنسيق
مع مراعاة تباين الالوان مع الخلفية البيضاء ق1 , ففي بعض منا بواجه صعوبة
بتلوين النصوص او بتكون بالنسبة الو مهمة شاقة لان فعلاَ تلوين النصوص وخاصتا
لما تكون تلوين كلمة كلمة شوي صعب لما نواجه نص طويل وفيه معلومات كتيرة

فخدمة الوكلاء بتقدم هالمساعدة و حتى لو كنت من الاعضاء الي سهل عندهم
تلوين النصوص بس مرات ما بكون الك خلق تلون بتقدر كمان تطلب المساعدة
منهم , تراني مصممة بس كمان انا بطلب بقسم الوكلاء تصاميم لان مرات ما بكون
الي مزاج للتصميم ف هالشي حلو ق1


خدمة ترجمة نص

من اللغة العربية إلى الإنجليزية
•عنوان الموضوع أو السطر الواحد = 1 تون اي الـ 10 أسطر = 10 تونات



في البعض منا كمان مو شاطر بالترجمة او لغته الانجليزية ضعيفة نوعا ما ما بتأهلو
انو يدخل بموضوع ترجمة المقالات , ف الوكلاء بقدموا خدمة الترجمة و نفس ما ذكرت
سابقاَ منقدر انو نحط بمواضيعنا مقالات مترجمة صح اني انا افضل انها تكون من ترجمتك
بس هاد مو يعني انك تستغني كاملاَ عن هالنقطة ممكن انك تضيف فقرة او فقرين من ترجمة
الوكلاء - لانها لا تعتبر ترجمتك - اما اذا كانت ترجمتك تقدر تخليها ع كامل الموضوع - بأسلوبك
الخاص
-


ملاحظة

انا ضد 100% الترجمات الي بتكون حرفية من GOOGLE TRANSLATE
لأن دائما بكون في اخطاء في تركيبة الجملة و مرات بترجم ع صيغة ولد مع انو
المقالة مكتوبة بصيغة بنت ف العضو بينسخ ومابركز انو في اخطاء من هل النوع

و طبعا مو محتاجة احكيلكم انو كيف رح يطلع الموضوع لما يكون هالخطأ واضح ض0
ابدا ابدا مو حلو حتى و انا عم ادرس اللغة الالمانية ما بترجم الالمانية حرفياَ للانجليزية
او العربية , بترجم المقال كامل و بعيد صياغته حسب دراستي للغة .

ف انتبهوا لهل النقطة اعجبني2


2. خدمة للمصممين


هالموضوع بساعد المصممين انهم يختصروا جهد على البحث على بعض الادوات
الي محتاجينها لتصاميمهم .

بكل بساطة تعا ع هالموضوع و اطلب , مابكلفك شي فهل الخدمة مجانية اعجبني2ق1
و الاحلى من هاد كلو , محطوط فهرس للطلبات الي لبوها الاعضاء يعني يمكن
تلاقي طلبك جاهز حتى قبل ما تطلب ش1ق1


3. خدمات الرفع الخاصة بالانمي


اذا سويتو تقرير عن اي انمي كان و بدكم تسووا الفقرة الي من خارج الصندوق
انكم تحطوا رابط تحميل الفلم و مشاهدته بتقدروا انكم تستعينوا بهل الموضوع
لإختصار الوقت و الجهد كمان و بنفس الوقت بتضيفوا لمسة حلوة للموضوع ق1

طبعا انا حكيت عن قسم التقارير , لانك مسوي جزء كبير من جهدك وهو التقرير
و حطيت روابط تحميل لانمي معين هالشي جانبي مو اساسي اما قسم تحميل الانمي
اذا سويتو موضوع اداري معتمدين على هالموضوع ما بصير لان مو من تعبكن


الموضوع الاداري لازم تكون لمستك الشخصية واضحة فيه

نفس الشي ينطبق على طلبات الوكلاء , الاعضاء الي بيطلبوا رمزيات خاصة
لموضوع بقسم صور الانمي و المانجا هالشي كمان ممنوع لان القسم نفسو
معتمد ع صور الانمي وما رح يكون الك لمسة فعلية بالموضوع .


4. خدمات الرفع الخاصة بقسم تحميل الافلام و المسلسلات



هالموضوع بساعدكم كمان و بضيف لمسة حلوة للموضوع نفس فكرة
طلبات الرفع الخاصة بالانمي ولكن الفرق انو من بنود هالموضوع
الرافع
بحقلو ينزل موضوع بروابط التحميل ف شو بتعملوا بهل الحالة ؟
بتروحوا لقسم الفن و الانيميشن بتسووا تقرير عن اي فلم كان -
هالشي اساسي -
و بتضيفوا روابط تحميل -
هالشي جانبي - و اضافي للموضوع .

و بنفس الوقت الرافع بيقدر ينزل موضوع بقسم التحميل و حتى لو نزل
موضوع بقسم التقارير هالشي عادي كمان مافي اي اشكال
لان كل عضو
الو لمسته الخاصة بكل موضوع
فلو كان في موضوعين ع نفس الثيم
تأكدوا انو الموضوعين رح ينطرحوا بأسلوبين مختلفين ق1

طبعا للتنويه فقط - الي طالب الرفع
ما بحقلو ينزل موضوع بقسم
التحميل و يكون اداري ممكن يكون ذهبي او فضي
ولكن الاداري


لازم تكون لمستك الشخصية واضحة فيه

يعني التحميل يكون من تعبك انت لان القسم معتمد 100%
على عدد مراكز التحميل او ممكن تاخد مساعدة بمركز رفع
واحد وانت تكمل الباقي المهم انو لمستك تكون واضحة

بالموضوع ق1 .

 
التعديل الأخير:
الحالة
مغلق و غير مفتوح للمزيد من الردود.

المتواجدون في هذا الموضوع

المواضيع المتشابهة
كاتب الموضوع العنوان المنتدى الردود التاريخ
Shigino Kisumi طلبات تصميم و تركيب البنرات للمواضيع •• أخبــآر المنتـدى •• 2

المواضيع المتشابهة

أعلى أسفل