Harmony || ♡ (1 زائر)

[- P O O H -]

بســــم الله الـــرحمن الــــرحيم


بهذا التاريخ والوقت بدأت الكتابة والتدوين في مدونتي العزيزة

1.5.2022
6:28 PM

معااكمم لورا من الكويت
العمر 27 سنة
معلمة



​

 

[- P O O H -]

8.5.2022




من يومين وانا افكر اقدم استقالتي




لااعت جبدي من المنافقات الي بالدوام وويييععع
يعني لأي درجه ممكن الانساان يكون منافق
احس لازم يكون فيه حد


لاحظت مجتمع المدارس اغلبهم يضحكون بوجهك ويذمونك بظهرك
ياخي من البدايه مو حابه احد قولي له وارتاحي نفسياً
اتطلع حرة عقدها النفسيه بالطلبه ...
​

 

[- P O O H -]

11.5.2022




صار لي اسبوعين ساحبة على الدوام وامه
واحسسسس بغثه ويع ودي اهدم المدرسة على راس جم وحده



يعني قبل فتررة سمعت سالفة عن وحده بقسمي
هي بنتها موجودة بالمدرسة طالبه
بنتها تهاوشت مع زميلة لها بالصف
ثاني يوم تجي زميلتي بالقسم (المعلمة) تروح لصف بنتها
وتمسك البنت وتطقها ............
يعني ليش الهمجيه .....
تصارخ ع البنت المسكينه والبنت تبجي
اتقول لها :
"انا غيبت بنتي بسببج ليش تهاوشين معاها"


عفواً لحظة .......
بنتج ماتعرف تدافع عن نفسها؟ ماعندها شخصية؟؟
شنو هالحقاره ....
لئيمة صج........




كرهت هالمعلمة الي معاي من يومها!​

 

[- P O O H -]

للعلم ،
انا عمري 27 سنة ومتزوجة
احب زوجي واعيالي
فأغلب الوقت بتشوفون لي تدوينات واجد عنهم
وعن برج العقرب (برجي الجميل)
وبرجي الصيني (الخنزير) >> لا تضحكون بس هذا الواقع خخخخ ح



...






​

 

[- P O O H -]

استفسار ...
(برايكم هل فيه صداقه بين الولد والبنت بدون ما تصير علاقة حب؟)
هل فيه يوم من الايام كان عندكم صديق وفجأة الظروف خلتكم تنفصلون؟
والصديق هذا كان حييييييييل قريب وعزيز على قلبكم


انا كان عندي


صديق تعرفت عليه اون لاين في الانستغرام قبل جم سنة
يمكن على سنة 2013؟ طبعاً قبل زواجي
ايام كنت في الثانوية
هالصديق كان من امريكا (امريكي يعني)
صار الـ Bestie حقي
(لاتفكرون انه ممكن صارت علاقة وكذا لأنه ماصار اي شي من هذا)
كانت علاقتنا Pure
كان حرفياً مثل الاخ الكبير لي

كنا نتابع انمي، نسهر على البلايستيشن، نتهاوش، نرضى، افلام وغيرها
وكنا نتشارك بذوق يعني نحب نفس الاشياء ونكره نفس الاشياء شلون مادري



طبعاً إلى ان بدا يواعد وحده كريهه >> للحين كارهتها! خخخخخخ
صار يختفي يوم عن يوم عن يوم



بيوم رجع وقلت له اناا انخطبت وكذا وبطلع
هو عباله اني اضحك عليه ومقلب وكذا
بس انا ما كنت اضحك .....
وتهاوشنا وماكلمنا بعض من يومها ....


بس احياناً ... اشتاق انه يكون عندي صديق نفسه ...
اسولف له بدون ما يحكم علي او يفكر فيني بسوء
او ياخذ اي شي اقوله بطريقه تخليني بصورة خايسة



حاولت اصادق البنات الي معاي واخلي علاقتنا اقوى بس للحين
ماقدرت اوصل لمرحلة الصداقه هذيك الي كنت انا فيها ...






...







تدوينة من هرمونات الحمل







...






​