- إنضم
- 12 مايو 2019
- رقم العضوية
- 9970
- المشاركات
- 6,710
- الحلول
- 13
- مستوى التفاعل
- 32,638
- النقاط
- 1,866
- أوسمتــي
- 51
- العمر
- 29
- الإقامة
- Deutschland
- توناتي
- 19,425
- الجنس
- أنثى
السلام عليكم و رحمة الله و بركاته
كيفكم يا مصممينا المبدعين ؟
ان شاء الله الكل يكون بخير و سلامة
اليوم اجيتكم بفكرة جديدة و تدريب جديد النا كمٌصممين
و بنفس الوقت ممٌتعة !!
بس هالمرة رح يكون غير عن فكرة " أكمل التصميم "
هالمرة نحن الي رح نختار الوان التصميم و الي بعدنا
رح يصمم بناءاَ على هالألوان < في احلى من هيك ؟
الفكرة :
هي عبارة عن اني اختار مجموعة ألوان مكونة من 4 الوان كحد أدنى
* ممكن المصمم يختار الوان أكتر بس بهل الحالة بيصعب أكتر لأن
لازم المصمم يصمم بإستخدام جميع الألوان المٌختارة , بس لو حابين
بين بعضكم تصعبوا التحدي كمان لا بأس *
و المصمم الي رح يمسك التحدي لازم يسوي تصميم
بإستخدام اي اداة أو ملحق بالتصميم بس لاااازم يكون
بإستخدام نفس درجات الألوان الي طرحها العضو الي قبله
الهدف من الفكرة :
1- ننمي مهاراتنا التصميمية و الإبداعية
2- تمرين نفسنا على تنسيق الألوان
3- كمان مرة انو نمرن نفسنا انو نصمم بأسرع وقت و كيف ما كانت النتيجة - تحدي وقت -
4- عكس التحدي الأخير " اكمل التصميم " بحيث بدل ما نعود نفسنا على الأدوات الجاهزة
هالمرة رح يكون على تدريب نفسنا على اختيار الأدوات بناءاَ على ألوان معينة " محددة "
القوانين :
1- مدة الحجز لا تتجاوز ساعة : اكمال التصميم في غضون ساعة
2- استخدام نفس الألوان الموجودة بقالب الألوان - يتم سحب اللون بإستخدام هالأداة " "
3- مسموح استخدام أي نوع من أدوات التصميم و استراتيجيات التصميم
4- مسموح استخدام : اللون الأبيض أو الأسود إن تطلب الأمر
5- الحد الأدنى من الألوان 4 و الحد الأقصى مفتوح
6- مـسموح تقليد أفكار المصمـمين الآخرين ان كـانوا بالمـنتدى او خـارجه او تـطـبـيق
الدروس الموجودة بالقسم ولكن " يتم وضع لمساتكم الخاصة " يعني ما يكون التصميم
نسخ لصق من الأصلي + مع مراعاة الألوان المٌختارة بالتحدي
القالب رح يكون بهل الشكل
لتحميل ملف PSD اللون من هنا
مساعدة :
بإمكانكم الإستعانة بهل الموقع : Find Color Codes from Your Images
لحتى تبتكروا قالب الألوان الخاص بكم
بداخل الموقع موجود أغلب درجات الألوان من كل لون
بالإضافة , فيه خاصية ادراج صورة معينة من اختياركم و سيتم سحب ألوانها
+
إتختاروا الوان متعاكسة ( ابعدوا عن الألوان المتقاربة من بعضها ) لأن
رح يصير كتير صعب على المصمم الي بعدك انو يبحث على أدوات
بألوان متقاربة
المكافئة :
1- على كل تصميم تم انجازه بإستخدام 4 الوان سيتم مكافئة المصمم ب 15 تون
2- على كل تصميم تم انجازه بإستخدام 6 الوان سيتم مكافئة المصمم ب 30 تون
3- على كل تصميم تم انجازه بإستخدام 10 الوان سيتم مكافئة المصمم ب 50 تون
و في الختام , هدفنا من هالقسم هو تنمية موهبة التصميم عن طريق العاب التصميم
منها للتسلية و منها لنتحدى نفسنا شو ممكن نسوي اذا انحصرنا بإستخدام مجموعة
الوان ؟
الي بعدي
التعديل الأخير: