الختم الذهبي أنميات سبيستونية || كوكب مغامرات (1 زائر)

[Dr.Saki~☆]

شكرًا لمروركِ العطر، و ردكِ الفواح
في قسم تقارير الأنمي و المانجا
Fear × August <3

السلام عليكم ورحمة الله وبركاته
كيف حالك يوكي
أتمنى أن تكوني بخير دائما

موضوعك رجعنا لزمن جميل أيام ما كانت سبيستون تحط انميات حلوة و فيها عبر << عودي كما كنتِ يا سبيستون

يا عزيزتي القناص عنا بالبيت شي مميز بس طلع ع سبيستون حتى بابا وماما بتابعوه كتير كنت حب كيلوا كراش الطفولة و مستحيل اصدق ان ليوريو عمره 19 أقل شي بالثلاثينات وانا متلك ما كنت افهم كتير الاحداث اما هلق كمان ما فهمتها لأن ما شفته غير على سبيستون وكنت انجلط من يلي يقول و يحلل ان كورابيكا بنت

صراحة ما كنت حب دريلاند ما بعرف ليش و بكره البطلة بحسها غبية بشبهها بدورا ما بعرف ليش بس بتذكر الشخصية الصغيرة يلي بتطلع بالاخير لتعرف بالوحوش و بتحكي نكتة نكتها كانت بتقتل من بياختها لهلق بتذكر مرة كانت الحلقة عن شخص بيتنكر بشخصيتين فآخر الحلقة بتحكي هي الصغيرة قال نهفة "بريلي و بريليان رجل واحد لا اثنان " مع تلحين و من وقتها كرهتها

عهد الأصدقاء مهما نعاد بحب اشوفه و دائما ببكي لما يموت ألفريدو اول خزلان عشناه بالطفولة ان يموت البطل بعد موت بائعة الكبريت الرواية الأصلية حاولت ابحث عنها بس ما لقيتها بس حسب كلام الناس يلي قرأوا المختصر بقولوا أن الرواية سوداوية كتير وكيف وصفت تعذيب معلم ألفريدو له كتير بتزعل ورغم التعذيب كان دائما محافظ على كبريائه لدرجة مرة حاول يغرقه لأفريدو الكاتبة قررت تكتب الرواية بعد وفاة 30 طفل غرق أثناء نقلهم لإيطاليا ليشتغلو بتنظيف المداخن وحبت تحكي عن معاناة الأطفال شو بكره ماضي أوروبا بالظلم و الاستعباد والاحتلال

وشكرا كتير على موضوعك ومجهودك ❤
​