مدونة متألقة في مٌحادثة عميقة مع " الفوضى _ (2 زائر)


Passacaglia

The human mind is a graveyard
إنضم
12 مايو 2019
رقم العضوية
9970
المشاركات
7,063
الحلول
13
مستوى التفاعل
34,187
النقاط
1,961
أوسمتــي
52
العمر
29
الإقامة
Deutschland
توناتي
17,565
الجنس
أنثى
LV
12
 
zZfITRq.png



lSuSRcy.png


ta1YCtH.png
 
التعديل الأخير بواسطة المشرف:

Passacaglia

The human mind is a graveyard
إنضم
12 مايو 2019
رقم العضوية
9970
المشاركات
7,063
الحلول
13
مستوى التفاعل
34,187
النقاط
1,961
أوسمتــي
52
العمر
29
الإقامة
Deutschland
توناتي
17,565
الجنس
أنثى
LV
12
 
zZfITRq.png


m0hyjCN.png



عٌدنا ق1

في موضوع جديد رح ينزل قريباَ للعلن و رح أعلن فكرتو بالرغم من اني ما بحب حرق مواضيعي مٌسبقاَ

بس فكرتو ما بعرف كيف خطرت عبالي قلت جسدها للواقع ,

و محتاجة مساعدتكم , طبعاَ إن إستطعتم مساعدتي بليز1

محتاجة أعمل إستطلاع و الي بيقدروا يجاوبوا ع الأسئلة بصدق و بكل وضوح و صراحة
و أمانة , بكون ممنونلتلهم ق1


و للأمانة ممكن الإجابة على هالأسئلة تساعد أشخاص مروا بتجارب مماثلة ق1 !

الموضوع عبارة عن مجموعة أغاني غنوها مطربين لأشخاص ماتوا , طبعاَ لأشخاص أعزاء ع قلبهم

و عملت بحث طويل , علمي و نفسي بنفس الوقت على فوائد تنفيس/تفريغ الحزن الي بقلبنا

عبر عدة طرق و منها الأغاني إن كانت ككلمات او كلحن .

ف أسئلتي رح تكون كالآتي , و الي بيقدر يجاوب يبعتلي الأجوبة ع الخاص ق1 !


هالموضوع رح يكون إنساني اكتر من ما يكون لتجميع تونات او مشاهدات !

متل ما ذكرت مسبقاَ , أجوبتكم ممكن تساعد شخص عم يمر بهل المرحلة حز88


ملاحظة : أصحاب الأجوبة ما رح يتم ذكر اسمائهم مشان يرتاحوا تماماَ بتقديم الأجوبة
و رح امسح الرسالة بعد ما انقل الجواب , للخصوصية ق1 .


1- هل مررت بتجربة فقدان شخص تحبه ؟

2- هل يمكن أن تخبرني لمحة عن من فقدته ؟

3- كيف تعاملت مع الموضوع ؟

4- هل استعنت بمساعدة خارجية ؟ مثل دعم معنوي من صديق او الأهل ؟

5- كيف كانت الأمور مع عائلتك وأصدقائك؟

6- ما هو شعورك حيال ذلك؟


7- هل اعتزلت العالم ؟ أم كانت هنالك وسيلة لهروبك من الواقع ؟ إن أمكن أذكرها .

8- عندما كنت أعاني من أوقات عصيبة ، كان الشيء الذي جربته هو
" الإستماع لموسيقى قريبة من حالتي و إعتزال العالم " هل تعتقد أن هذه الطريقة يمكن أن تساعدك؟

9- هل تفضل الإستماع لأغاني كلماتها/لحنها قد تكون قريبة من حالتك النفسية ؟

10- قدم لنا نصيحة في حال مررنا - لا سمح الله - في مثل هذه الحالة .

الي ما مروا بتجربة مماثلة , بكفي انكم تجاوبوا ع الأسئلة الي ما بتتعلق بتجربة فقدان شخص
من خلال خيالكم و إحساسكم و اذا في سؤال ما عندكم جواب الو , اعملوا Skip

رح كون متشكرة لكل عضو رح يشارك بالإجابة ق1

 
التعديل الأخير بواسطة المشرف:

Passacaglia

The human mind is a graveyard
إنضم
12 مايو 2019
رقم العضوية
9970
المشاركات
7,063
الحلول
13
مستوى التفاعل
34,187
النقاط
1,961
أوسمتــي
52
العمر
29
الإقامة
Deutschland
توناتي
17,565
الجنس
أنثى
LV
12
 
zZfITRq.png


mkdFamm.png



- أبريل -

جوجو1الفعالية الأسبوعية ¹جوجو1

بما اننا في شهر رمضان المبارك أحببت ان نستفتح أول فعالية اسبوعية لهذه السنة
بشكل مفيد، فـ كما تعلم.. في رمضان الحسنة بـ عشرة أمثالها، ما رأيك ان لا نضيع هكذا فرصة؟
لدي لك إقتراح، ما رأيك ان تشاركنا من خلال كتابة تدوينة مفيدة
تنشر بها العلم، ربما تدوينة واحدة! الله أعلم كم سيأتيك ثواب من خلالها
- سواء كانت التدوينة درس فيه حكمة تعلمته سابقاً من مكان ما وتنقله لنا
او اختيار سورة صغيرة او بضع آيات تضع فيها شرحاً او نصيحة دينية
او أمراً طبياً تعلمه او تعلمته حديثاً قد تنصح فيه او تحذر منه
الاختيار امامك مفتوح.. الهدف هو إفادة الغير..




مرحبا ياحلوين داركو2

زمان عن الفعاليات و هالمرة فعالية حلوة و مٌلفتة حبيت اني شارك فيها
بمعلومة اعتقد انو 99% من الاعضاء ما بيعرفوها < انا شخصياَ انصدمت
لما عرفتها هه4

و بتعرفوا شو ؟ عمركم تخيلتوا انو للصوت شكل ؟ لا مو بس شكل
بل أشكال , و كل شكل احلا من التاني حبوبي2

عمركم تخيلتوا انو ممكن نوصل لمرحلة انو نشوف الأشياء الغير
مرئية و كيف بتتجسد ؟

انا كتير بحب العلم على اد ما هو معقد على اد ماهو جميل و مثير
للإهتمام حبوبي2

هالتدوينة رح تحكي عن هالموضوع , و رح حاول اختصر قد ما اقدر

-


أول شي رح نبدأ بتعريف الصوت لحتى نعرف هو عبارة عن شو ؟
لحتى نقدر نفهم كيف الصوت رح يتشكل معنا ق1


تعريف الصوت

في الفيزياء ، الصوت هو اهتزاز ينتشر كموجة صوتية ، عبر وسيط نقل مثل الغاز أو السائل أو الصلب . في علم
وظائف الأعضاء وعلم النفس البشري ، الصوت هو استقبال مثل هذه الموجات وإدراك الدماغ لها . فقط الموجات
الصوتية التي لها ترددات تتراوح بين حوالي 20 هرتز و 20 كيلو هرتز ، نطاق تردد الصوت هي التي تثير
الإدراك السمعي لدى البشر . في الهواء عند الضغط الجوي ، تمثل هذه الموجات الصوتية بأطوال موجية من 17
مترًا (56 قدمًا) إلى 1.7 سم (0.67 بوصة) . تُعرف الموجات الصوتية التي تزيد عن 20 كيلو هرتز بالموجات
فوق الصوتية ولا يمكن سماعها للإنسان . تُعرف الموجات الصوتية التي تقل عن 20 هرتز بالموجات فوق الصوتية .
أنواع الحيوانات المختلفة لها نطاقات سمع متفاوتة .


السياق التاريخي

كان العالم الألماني إرنست كلادني من رواد علم الصوتيات التجريبي . خدم بحثه حول أنواع مختلفة
من الاهتزازات كأساس للفهم العلمي للصوت الذي ظهر لاحقًا في القرن التاسع عشر .

كان أحد اختراعات كلادني هو تقنية لدراسة حركات الألواح الاهتزازية . بدءًا من صفيحة معدنية
تم رش سطحها قليلاً بالرمل ، وجد أن انحناءها ينتج أنماطًا مميزة يمكن أن تكون مرتبطة بالأبعاد المادية
للصفيحة . قدمت لوحات كلادني ، كما أصبح يطلق عليها ، طريقة مبكرة لتصور تأثيرات الاهتزازات
على الأسطح الميكانيكية .

كان كلادني قادرًا حتى على إنتاج صيغة تنبأت بنجاح بالأنماط الموجودة على الألواح الدائرية
المهتزة . أدى نجاح بحث كلادني ، جنبًا إلى جنب مع شعبية العديد من مظاهراته العامة ، إلى
تحسين مكانة الصوتيات خلال حياته ، وألهم العديد من الباحثين الصوتيين الذين وسعوا عمله لاحقًا .

بمجرد أن بدأ فهم أنماط كلادني ، وجد أنه يمكن استخدامها أيضًا بشكل تحليلي ، لتوفير معلومات
حول الظروف التي شكلتهم . على سبيل المثال :

استخدم صانعو الكمان منذ فترة طويلة أشكال كلادني لتقديم التغذية الراجعة لأنها تشكل الألواح
الأمامية والخلفية الحرجة لصندوق الرنين الخاص بالأداة .

يتم رش برادة معدنية دقيقة على الألواح الخشبية ، والتي يتم اهتزازها بعد ذلك (بما يصل إلى سبعة
ترددات مختلفة) لإنتاج سلسلة من الأنماط .

يتم توجيه الكثير من التشكيل النهائي للألواح نحو ضمان تطابق الأنماط الموجودة على كلاهما وتماثلها .
هذا التناظر هو ما يسمح للرنان بالتحرك ككتلة واحدة وإنتاج أغنى وأجمل النغمات .

لا تزال أنماط كلادني ذات أهمية علمية ، على الرغم من أن استخداماتها التحليلية قد تم استبدالها
في الغالب بتقنيات أخرى . اليوم ، من المرجح أن يتم إنتاج هذه الأرقام بواسطة برنامج تصوير
افتراضي أكثر من إنتاج لوحة اهتزاز فعلية .


طبق كلادني

تم استخدام هذه الأداة في مدرسة ثانوية في ولاية أوهايو وربما يرجع تاريخها إلى أواخر القرن التاسع عشر
أو أوائل القرن العشرين . كان تكرار التجارب الكلاسيكية طريقة شائعة لتعليم العلوم في ذلك الوقت ، واعتُبرت
شخصيات كلادني مفيدة وجميلة .

من أجل العزف على هذه الآلة ، قم أولاً برش طبقة رقيقة من الرمل أو الملح عليها ثم قم بتنشيط اللوحة عن
طريق ثني منتصف إحدى الحواف . سيتشكل نمط سريعًا لأنه مع اهتزاز اللوحة ترتد الرمال الموجودة على
المناطق المتحركة وتتراكم في الأماكن التي لا تتحرك " العقد " . مع القليل من الممارسة يصبح من السهل
إنتاج نغمة أساسية للوحة وهذا يشكل رسمة في الرمال تغطي اللوحة بأكملها . الانحناء بقوة أكبر وأسرع في
نفس المكان ينتج نغمة أعلى بكثير ويخلق نمطًا أكثر تفصيلاً يحتوي على المزيد من العقد والمساحات المفتوحة .

-


في كتير معلومات بتخص هالموضوع مو حابة طول التدوينة اكتر من هيك لأني رح حط فديوات

للي عندو فضول انو يعرف اكتر ( طبعاَ للأسف المعلومات مانها مدعمة باللغة العربية )
يفوت هون - Ernst Chladni - Wikipedia

-


فديوات

طبعاَ هاد اكتر جزء مستنية انو اعرضو عليكم على اد مانو حلو و بيسحر ندى1ق1 !

و صدمة عمري كانت لما عرفت انو للصوت اشكال و الغريب بالموضوع
انو هالأشكال ما طلعت صدفة ( للي ممكن يحكي انو بالصدفة طلع هالشكل )


في كتير فديوات وضحت انو هالاشكال مانها بالصدفة و رجعوا عادوا الصوت
كذا مرة و بكل مرة بيطلع نفس الشكل !


عنجد انو تجربة حلوة و ممتعة و حتى معلومة العمر انا بسميها حبوبي2ق1

بخليكم مع الفديوات



هاد فديو بيحكي عن صلة الربط بين طبق كلادني و الموسيقى و كيف
دمجوهم مع بعض و طلعت بنتائج خيالية ق1

و مو بس هيك , متل ما ذكرت قبل بتعريف الصوت :

هو اهتزاز ينتشر كموجة صوتية ، عبر وسيط نقل مثل الغاز أو السائل أو الصلب

حتى جربوا ع السائل و الغاز حتى الصوت تشكل على السائل و الغاز مو بس على الصلب
الي كانت بإستخدام طبق كلادني . ما توقعت انو ممكن يتشكل ع الغاز ( أبهروني بصراحة )

الي بالفديو , جربوا أشكال الصوت بإستخدام 4 طرق
( السائل و الغاز و الصلب ) و الي هي :


1- طبق كلادني - Chaldni Plate ( ذكرته بهل التدوينة )

2- أنبوب روبن - Ruben's Tube


أنبوب روبنز ، المعروف أيضًا باسم أنبوب لهب الموجة الدائمة ، أو ببساطة أنبوب اللهب
هو جهاز فيزيائي لإظهار الموجات الصوتية الدائمة في الأنبوب . اخترعها الفيزيائي
الألماني هاينريش روبنز في عام 1905 ، وهي تُظهر بيانياً العلاقة بين الموجات الصوتية
وضغط الصوت ، ككوسيلوسكوب بدائي . اليوم ، يتم استخدامه فقط من حين لآخر ، عادةً
كمظاهرة في تعليم الفيزياء .

3- ملف تسلا - Tesla Coil

ملف تسلا عبارة عن دائرة محول طنين كهربائي صممها المخترع نيكولا تيسلا عام 1891 .
يتم استخدامه لإنتاج الكهرباء ذات الجهد العالي ، التيار المنخفض ، التيار المتردد عالي التردد .
جرب تسلا عددًا من التكوينات المختلفة التي تتكون من دائرتين أو أحيانًا ثلاث دوائر كهربائية
طنين مقترنة .

استخدم Tesla هذه الدوائر لإجراء تجارب مبتكرة في الإضاءة الكهربائية ، والفسفور ، وتوليد
الأشعة السينية ، وظواهر التيار المتردد عالي التردد ، والعلاج الكهربائي ، ونقل الطاقة الكهربائية
بدون أسلاك . تم استخدام دوائر ملف تسلا تجاريًا في أجهزة الإرسال اللاسلكية ذات فجوة الشرارة
للإبراق اللاسلكي حتى عشرينيات القرن الماضي ، وفي المعدات الطبية مثل العلاج الكهربائي وأجهزة
الأشعة البنفسجية . اليوم ، يتم استخدامها الرئيسي في العروض الترفيهية والتعليمية ، على الرغم من
أن الملفات الصغيرة لا تزال تستخدم ككاشفات تسرب لأنظمة التفريغ العالي .

في الأصل ، تستخدم ملفات تسلا فجوات شرارة ثابتة أو فجوات شرارة دوارة لتوفير إثارة متقطعة
لدائرة الرنين .

4- السائل الحديدي - Ferro Fluid

الفيروفلويد هو سائل ينجذب إلى أقطاب المغناطيس . إنه سائل غرواني مصنوع من جسيمات مغناطيسية
أو مغناطيسية حديدية نانوية النطاق معلقة في سائل ناقل (عادة مذيب عضوي أو ماء) . يتم تغليف كل جسيم
مغناطيسي تمامًا بمادة خافضة للتوتر السطحي لمنع التكتل . يمكن اقتلاع الجسيمات المغناطيسية الحديدية الكبيرة
من الخليط الغرواني المتجانس ، وتشكيل كتلة منفصلة من الغبار المغناطيسي عند تعريضها لمجالات مغناطيسية
قوية .

شي خيااااااااااليييي ندى1ق1 !!!


و أحلى شي انو بأول الفديو مكتوب كل شي بالفديو حقيقي من كتر ماهو قريب من الخيال اكتر من الواقع هه4ق1

انتوا متخيلين انو هالشرارات ( الي جاية من الكهرباء ) بالفديو هو عبارة عن تجسيد للصوت ؟

بربي لو فلم خيالي مو هيك ندى1ق1ق1ق1ق1


و هون فديو جداَ واضح لأشكال الصوت , استخدموا اهتزازات صوت مختلفة
مكتوب جمب كل شكل قوة الإهتزاز و انتبهوا كيف كلما ارتفعت شدة الإهتزازات
زاد تعقيد الشكل !

الانحناء بقوة أكبر وأسرع في نفس المكان ينتج نغمة أعلى بكثير ويخلق نمطًا أكثر تفصيلاً يحتوي على المزيد من العقد والمساحات المفتوحة .

متٌِعوا نظركم بأحلا أشكال للصوت حبوبي2ق1
 
التعديل الأخير بواسطة المشرف:

Passacaglia

The human mind is a graveyard
إنضم
12 مايو 2019
رقم العضوية
9970
المشاركات
7,063
الحلول
13
مستوى التفاعل
34,187
النقاط
1,961
أوسمتــي
52
العمر
29
الإقامة
Deutschland
توناتي
17,565
الجنس
أنثى
LV
12
 
rSaxcEg.png


ECOWs8Z.png





VOLBEAT
من أجمل الفرق الي سمعتها أذني لحد اليوم !
طبعاَ اكيد اكيد بعد فرقة
AVENGED SVENEFOLD
الي جذبني كوني مستمعة روك من 2012
هو
أول شي و الي اكتر شي صدمني صدقاَ
و يمكن تضحكوا عليه انو الفرقة أصلها
دينماركي !
متخيلين هالموضوع خ1 ؟
اصل الروك امريكي و تطور هنيك
و اشهر الفرق الي خلدها التاريخ امريكية
ف بستغرب شوف هيك فرقة
" راااائعة , تطرب الآذان و أصلها اوروبي نا1 ! "
و طبعاَ اللفظ بالاغاني ابدا ابدا ما بتحكوا انو الفرقة
دينماركية و متعلمين انجليزي !
هاد غير التعصب الاوروبي باللغات
ما بعرف لو بس بالمانيا هيك
بس حبيت انو فرقة مانها امريكية و بتغني اغاني
من فن مانو من اصل بلدها ولا بلغة بلدها اعجبني2 !
بالرغم من التعصب الموجود عنا غ6

كيف عرفت أصل الفرقة ؟
صدقاَ ما فكرت سوي بحث ع الفرقة
لأني انسحرت بأغانيهم
بس في أغنية الهم هي هية :


الأغنية هي تعتبر تحفة فنية ياه1ق7 !
المهم , بالكورس و الي هو المقطع الي بيفصل
بين مقاطع الأغنية , غنوا باللغة الدنماركية

" ما بخفي عليكم انبهرت انهم دمجوا لغتهم مع الانجليزي
كان شي غريب علي بالأخص بأغاني الروك "

طبعا فكرتها تركية مابعرف
ليه حسيت نفس الحروف هه4
بس لما فتت ع التعليقات شفت انهم عم يحكوا
عن اللغة الدينماركية و قلت مستحيل تكون الفرقة
دينماركية و قلت اعمل بحث و فعلاَ طلعت من هنيك !


تاني شي صدمني هو المغني الرئيسي للفرقة !
والله العظيم خرج يغني اوبرا من عذابة صوتو !
صوتو صافي و عذب بشكل لا يوصف !
يعني ما بعرف كيف اوصفلكم , بس الي بيسمع روك بيعرف
عن شو عم بحكي !
اغلب مغنين الروك بميلوا انهم يخلوا خامة صوتهم مضخمة
و بضخموها بزيادة بالاستديو بس VOLBEAT أبهرتني
كيف دمجت الروك بالصوت العذب مع دمج كذا لغة بالاغنية !


تالت شي ابهرني هو الحانهم و كلماتهم , مابعرف وين كانت
مختفية عني هالفرقة !

بحب لما اسمع اغنية روك اتخيل الغنية انها فلم
هيك سكر عيوني و حس باللحن و الكلمات و يتنقل المغني
بين طبقات الصوت !

مشان هيك حبيت فرقة AVENGED SEVENFOLD
لأنها عطتني هالمخيلة , كل أغنية منهم بتخليني حس اني
بمسرحية ! عاد VOLVEAT عطتني نفس هالاحساس !

عنجد فرقة ولا أروع ق1 !


رابع شي ابهرني انو الفرقة عمرها 11 سنة بس
متخيلين ! كتير قليل بالنسبة لفرقة روك وواضح انهم
طالعين جداد !

انا بقدر احكي انو الروك القادم رح يكون كتير حلو
خاصةَ انو عم تطلع فرق جديدة و أفكار جديدة
الروك عم يتطور للأجمل بالتأكيد ق1

طبعاَ كلامي هاد مو يعني انو الروك القديم مو حلو
بس لكل موسيقى زمان و كل موسيقى حلوة
بس لما يتم دمج الفن بالتكنولوجيا و العلم
بيطلع معنا شي خيالي !
نفس " انو تطورت كتير تقنيات الاستديوات عن قبل
و صاروا الفنانين يتعلموا كذا لغة و يدمجوها بأغنيهم
حتى كمان قصص أغانيهم كانت ولا زالت مؤثرة
بس عم يتم تطويرها للأفضل "


حقيقة ممتعة :

يُدعى المغني الذي غنى الكورس باللغة الدنماركية " يوهان أولسن "
وإلى جانب كونه موسيقيًا ، فهو في الواقع عالم من جامعة كوبنهاغن
معروف باستضافته العديد من البرامج الإذاعية القائمة على العلوم وقد كتب
الكثير من الكتب . يستضيف حاليًا الحدث المباشر لمركبة Mars Perseverance
على التلفزيون الوطني . الرجل هو نوع من الأسطورة عندما تفكر في الأمر .


ترجمة الكورس للأنجليزية :

" Forever, maybe forever, shall we go together
the same way. And when tomorrow gets it’s eyes
and the night rests, shall we forever, maybe
go the same way ”


عندكم هالأغنية خيالية ! الأغنية تحمل ثيم الثقافة السومرية القديمة !
و معبد أيكور ، هو مصطلح سومري يعني منزل جبلي . وهو تجمع الآلهة في حديقة
الآلهة ، ويوازي جبل أوليمبوس في الأساطير اليونانية، وكان المبنى الأكثر احتراماً
وقدسية في سومر القديمة .

لا تعليق على جمال الأغنية شي خيالي !

الرسالة الخفية وراء الاغنية ، بالنسبة لي تبدو وكأنها رسالة بسيطة لكنها قوية .
عش حياتك ، لا تتردد ، إذا وجدت شيئًا تحبه ، اتبعه . إذا كنت تشعر أنك بحاجة إلى التغيير
فقم بتحقيقه . عش من أجل ما يجعلك سعيدًا ، ولا تترك أي شيء غير مكتمل ، لأن الغد قد لا يأتي أبدًا .

انتهى .

 
التعديل الأخير بواسطة المشرف:

Passacaglia

The human mind is a graveyard
إنضم
12 مايو 2019
رقم العضوية
9970
المشاركات
7,063
الحلول
13
مستوى التفاعل
34,187
النقاط
1,961
أوسمتــي
52
العمر
29
الإقامة
Deutschland
توناتي
17,565
الجنس
أنثى
LV
12
 
rSaxcEg.png



ECOWs8Z.png


انا هلأ يا دوب اكتشفت اديه شركة ابل عم تضحك علينا هه4
بالرغم من طريقتهم الي لما الواحد يفكر فيها بيشمئز و بيكره هالشركة
بس وربي ما بقدر استغني عن منتجاتهم ما بعرف ليه بحسها الافضل بالسوق !

بالرغم من اني مقتنعة تماماَ انو ابل مانها بيرفيكت بكل شي و انا كمستخدمة
ابل قديمة برف كتير ثغرات و سلبيات عندهم و هاد غير انو اسعارهم خيالية
مقابل الخدمات الي بقدموها بالمقابل في شركات تانية بتكون ارخص و عملية
اكتر

-

مثلا انا خرب موبايلي للأسف وقع و الشاشة من تحت بس بطلت تشتغل
وديتو ع التصليح حكولي انو لازم تبدلي الشاشة و الأصلية حقها 400 يورو
و هن نفسهم حكولي هالسعر ما بيستاهل لهل الموبايل و اذا بدي روح ع التقليد
متل هم قلبي لاني عشت تجارب مريرة بالشاشات المقلدة

كان عندي ايفون 6 بزماناتو و على قد ما بدلتلو شاشتو بالتقليد بسعر تبديلهم
كنت شتريت موبايل جديد صدقا !!! ف مستحيل عيد هالتجربة المقرفة مع التقليد

معروف التقليد انو شاشتو ما بتكون بنفس قوة الشاشة الاصلية و بدو اهتمام زيادة

-

المهم بلا طول سيرة , ف رفيقي عطاني موبايل من عندو و كان هواوي لبين ما جيب
موبايل جديد , و صدقاَ مع انو الموبايل قديم بس لقيت فيه خواص ما لقيتها بالايفون !

ابسط مثال نقول لما بدي حط لوكيشن بالقوقل مابس بالايفون لما اطلع برا التطبيق و هو
شغال ما بتطلعلي شاشة صغيرة ع الجنب بعكس هواوي و حسيت هالحركة كتير عملية
لان الواحد مرات بيحتاج يشغل البرنامج و يشوف شي تاني ف رح يضطر كل شوي
بالايفون يفتح البرنامج ليعرف وين صار ؟

-

المهم كيف عرفت انو شركة ابل بتضحك علينا , بس بصراحة بذكاء
يعني تخيلوا انو اسعار اي ايفون من 11 لل 14 اذا بدي جيب البرو منن
يعني 3 كميرات رح يكون سعرهم متقارب من بعض و كتير متقارب
لدرجة رح يستخسر الواحد انو يجب مثلاَ 12 برو بينو و بين ال 13 برو
50 يورو ! و الفرق بين 13 برو و 14 برو نفس الحكي ممكن يزيد كمان
100

^ طبعاَ هون عم احكي مع عقد لسنتين مع شركة

ليه هالحركة يعني ؟ لأن اي حدا لما يشوفني ماسكة 3 كميرات ما رح يعرف
اي اصدار ماسكة , يعني بصراحة كنت حاطة ببالي ايفون 13 بس قلت ليه
ما انزل اصدار و جيب البرو تبع 3 كميرات اكيد رح يكون ارخص هه4 !
قمت شفت انو لا وين ارخص فرق بسيط كتير

و اعتقد هي هية سياسة ابل ! انو بحطوا اسعار المنتجات بشكل متفاوت
مشان المستهلك لما بدو يشتري مثلا ايفون 11 بكون مثلاَ ب 400
بشوف 12 ب 500 بيحكي ييي فرق 100 بجيب 12 احسن
بشوف 13 بكون الفرق 150 بقول يييي مانو فرق 150 بجيب 13
جديد و احسن و هيك الى مالا نهاية هه4 !

حتى الشركات نفسهم صاروا يعملوا نفس الشي صاروا يحطوا عروض
بأسعار متفاوتة جداَ الواحد بيستخسر ياخد ارخص عرض بيحكي ببالو
طيب هاد الفرق 2 يورو و بجيب هاد و بشوف عرض تاني طبعا
بكون افضل من الاول و الفرق 4 يورو بيحكي يلا هي 4 مو مستاهلة
جيب تبع ال 2 يورو و هيك !

انا تعلمت من ابل بصراحة , و صرت انتبه ع حالي لان قبل ما انتبه
ع هالشي كنت انغر بهل العروض و هي كلها عروض مدروسة و عارفين
شو عم يعملوا و محدا انضحك عليه غير انا هه4 !!

و مرة شفت فديو فرطني من الضحك لواحد لبناني عمل فديو عن
هالموضوع و صدقاَ بكيت من الضحك انو اديشو صح هه4 !

قال كان بدو يجيب ايباد و راح لأرخص واحد شافو ب 300
قام شاف الاصدار الي بعدو الفرق 50 قال خلص لكن بجيب تبع
ال 350 قام شاف لابتوب ب 450 قال لكن باخدلي لابتوب
فرق بسيط و هاد بضل لابتوب عملي اكتر , قام شاف اللاب
الي بعدو بالاصدار الفرق 600 قال هاد احسن فيو رامات اكتر
و بيستحمل اكتر بعد شي 10 ثواني بكون واصل لشاشة ابل
ب 52 الف و كيبورد ب 2000 و مدري شو
ههههههههههههههههههههههههههههههههههههههههههه ه4ه4ه4ه4

طبعاَ الاسعار ما كانت هيك بالفديو كان يورجينا اسعار حقيقية من الموقع
بس انو الي كتبتو بيشبه الي بالفديو , فرطني من الضحك مو طبيعي اديشو صح هه4

شو بدكن بالحكي شركة ابل ذكية اديش بتستغبينا هه4

-

المهم حبيت احكيلكم اني وصيت على ايفون 13 و كتير متحمسة للموبايل
طبعاَ اخدو مع عرض لمدة سنتين مع 20 قيقا نت ب 53 يورو سعتو 100
و شي نسيت 100 و كم هه4 و لونو اخضر زيتي ندى1ق1 !!

عاد استنوني بأحلى صور من الموبايل < انو اديش قاتلة حالي ع التصوير انا هه4

بصور كتير بس القليل الي بعرضو و في منن بنسى اعرضهم هه4

-

دمتم سالمين ق1




 
التعديل الأخير بواسطة المشرف:

Passacaglia

The human mind is a graveyard
إنضم
12 مايو 2019
رقم العضوية
9970
المشاركات
7,063
الحلول
13
مستوى التفاعل
34,187
النقاط
1,961
أوسمتــي
52
العمر
29
الإقامة
Deutschland
توناتي
17,565
الجنس
أنثى
LV
12
 
rSaxcEg.png



m0hyjCN.png



REVIEW !
GYMSHARK


1- للي بحبوا الرياضة و الجم
2- للأشخاص الي اوزانهم عالية و محتاجين لبس للرياضة يكون مدعم و ما يخايل و يكون مصنوع بخامة حلوة
3- للأشخاص الي بحبوا الموضة حتى بلبس الجم
4- للأشخاص الي عم يدوروا ع لبس مريح بالتمرين
5- للأشخاص الي عم يدوروا على لبس بألوان غريبة للتمرين
6- للأشخاص الي عم يدوروا على لبس لأنواع معينة من الرياضة مثلاَ : الركض , رفع الأثقال أو حتى لأي رياضة اخرى
7- للأشخاص الي عم يدوروا على تياب بستايل سبورتي و stylish لل outdoor و طلعات الروتينية
8- للأشخاص الي عم يدوروا على اكسسوارات الرياضة او حتى على شناتي اليومية او حتى للتمرين
9- للأشخاص الي عندهم insecurity بجزء معين من جسمهم
هالماركة من ملابس الرياضة عندها كل الي انكتب فوق

و زيدكم من الشعر بيت

للبنات ال curvy منعاني كتير لنلاقي لبس للتمرين ما يكون اوفر

هالماركة صممت ملابس خاصة الكيرفي بتحتضن اجسامنا بشكل حلو كتير و حتى اغلب ملابسهم فيها مشد طبيعي
يعني رح تحسوا انكم slim و جسمكم مضبوب اكتر من العادي

و هاد غير انو كل ملابسهم عندهم support مو طبيعي لمناطق معينة من الجسم مشان وقت الرياضة
يكون كل شي مشدود و مدعوم

و هاد غير الشي الي انا انبهرت فيه و كرمالي عم انبهرو هو اخيارهم للألوان , كل لون مختارينو مدروس و بعناية

و الأحلى من هاد كلو انو لكل فصل من فصول السنة بنزلوا كولكشن بألوان خاصة بهل الفصل مثلا بفصل الشتاء
بنزلوا كولكشن بألوان مطفية و غامقة مثل لون الأزرق , الاحمر او الأخضر الغامق و بفصل الربيع بنزلوا الوان
baby colors و بفصل الخريف بنزلوا الوان باهتة متل البني او الوردي المحروق اما بالصيف افضل فصل
بالنسبة الي لأنو بعشق الوان النيون و هن بنزلوا الوان نيون كتير حلوة و غريبة و مو بالضرورة تكون اللبسة
كلها نيون مثلا بنزلوا ليقينز اسود و عليه خطوط نيون يعني الوان النيون بتكون متداخلة باللون الرئيسي و هالشي
ما بسبب وجع نظر

ف هالشي كتير حبيتو بهل الماركة , إهتمامهم بأدق التفاصيل !

و اهم اهم اهم اهم اهم شي و اكتر شي حبيتو هي الخامة المستعملة بتصميم منتجاتهم

ما بكذب عليكم يا جماعة انبهرت بجودة الخامة المستعملة ! نعومة مو طبيعية ! و قوة مو طبيعية !

شتريت مرة ليقينز قياس لارج و الي هو قياسي المعتاد لما اجا اللقينيز و شفتو قلت هاد مستحيل
يفوت فيني هه4 ! من كتر مانو صغير بس ع اللبس بمط بشكل حلو و بعدين بياخد قياسك بالضبط !

و بيعطي support مو طبيعي للخصر و الي عندهم بطن سفلي بيخفيه 70%

اما ال sports bras الي عندن حدث ولا حرج , انا غامرت مرة و طلبت وحدة منن مع انها غالية
بالنسبة ك SB بس والله لما اجتني قلت حقها فيها ! ناعمة بشكل مو طبيعي و ما بتضايق ع الجسم ابدا
و خاصةَ عند التعرق ما بتحسوا فيها و ما بتقرص ولا شي ! و عندهم اشكال و الوان خرافية و منهم مدعمة
لمنطقة الصدر و منهم لا ( المدعمين بيجوا حصراَ للركض او الي حجم صدرهم كبير اما الي مو مدعمين للي
بيتمرنوا حديد و كارديو خفيف يعني ما بكون في حركة عالية )

عنجد كوني انا curvy كنت عاني كتير بشكل ما بتتصوروه و انا عم اختار لبس للجم انسوا الجزء الفوقاني
بس السفلي كنت عاني , اغلب الليقينزات كانت تخايل و هاد غير ما تتحمل حركة عالية ف كنت روح للأديداس
و متل ما بتعرفوا اسعار الاديداس و النايك غالي بشكل مبالغ فيه و الوانهم و ستايلاتهم جداَ عادية انو ما في
هالشي المميز بس اني عم ادفع لأشتري ماركة من اديداس ! بس هالماركة صح سعرها متل الاديداس بس
عم تقدم شي زيادة عنهم , عم تقدم خامة , راحة , ستايلات رهيبة و كل فترة بنزلوا 2 كولكشن او واحد و الألوان
المدروسة بكل فصل

و اهم اهم اهم شي انهم راعوا الاشخاص ال curvy او الي عندهم overweight لأن اغلب الماركات للأسف
ما بيحسبوا حساب هالنوع من الأشخاص

و اكتر شي عجبني انو تيابهم بتقدروا تلبسوهم برا الجم ك daily life style مثلاَ عندهم ليقينز من القطن
بصير اتمرن فيه و بقدر اطلع فيه , بطقمو ع تيشيرت او هودي بيطلعوا بجننوا و عن جديد بلشوا يقدموا
ملابس خاصة للطلعات متل بيجامات للطلعة و هيك

و اشتريت من عندهم شنتة للجم و فكرت رح يجيني قياس وسط بس ما توقعت هالكبر َ!
اكيد بتصير كشنتة سفر !
و الجودة بالخامة ! حملت فيها وزن قلت هلأ رح تنقطع حمالة الكتف هه4 بس طلعت قوية
صرلا عندي سنة و نص بإستخدام يومي و لهلأ كأنها جديدة !
اما جراباتهم عنجد عنجد حدث ولا حرج ! شي فخخخم الخامة المستحدمة كتير ناعمة
ما بتحسوا بحرارة برجليكم ( كنت دائما عاني من هالموضوع ) بس مصممة أنها تدخل هوا للرجل
و سميكة كفاية انها ما تعمل ضغط للرجل لما نركص مسافات او نحمل أثقال !

بالإضافة و الشي الي ممكن تنبهروا فيه انو حتى جراباتهم نزلوهم بألوان الكولكشن تبعهم
يعني تخيلوا تلبقوا الجرابات ع لون اللبس مو بس ابيض و اسود ؟

هالإضافة كتير حبيتها منهم ق1

اشتريت كفوف يد شي خياااالي , مدعمة بمنطقة الكف بمادة لما امسك اي شي تلزق و ما تزحلق
و مدعمة بربطة حول المعصم مشان الضغط عليه يخف
كل شي عندهم بجودة فوق العالية ! هي الماركة الي مستعدة اني ادفع عليها
لانها عم تعطيني كتير بالمقابل !

انا بحكيلكم انكم تجربوها و ما تخافوا , للأسف ما بقدر اعرض صوري بملابسهم هون بس هالماركة خيالية

طبعاَ انا القيت نظرة اذا موجودة بالشرق الاوسط انتبهت انها موجودة بدبي

ملاحظة : كمان عندهم لبس للشباب و كتير حلوين و لمختلف الأذواق
بس طبعاَ ما فيني ابدي رأيي فيها لأني ما جربتهم هه4

يعني شاملين البنات و الشباب فيها

عنجد شغالين مزبوط , برفعلهم القبعة اعجبني2ق1

هاد موقعهم Gymshark Official Store | Activewear & Gym Clothes | Gymshark
 
التعديل الأخير بواسطة المشرف:

Passacaglia

The human mind is a graveyard
إنضم
12 مايو 2019
رقم العضوية
9970
المشاركات
7,063
الحلول
13
مستوى التفاعل
34,187
النقاط
1,961
أوسمتــي
52
العمر
29
الإقامة
Deutschland
توناتي
17,565
الجنس
أنثى
LV
12
 
rSaxcEg.png

m0hyjCN.png



REVIEW !

SHEIN


1- SHEGLAM Sun Sculpt Flüssige Kontur-Golden Sun | aktuelle Trends, günstig kaufen | SHEIN Deutschland
هاد المنتج الخاص بالكونتور حبيتو لانو كريمي و هلأ صار الكريمي يمدحوا فيه اكتر من الكونتور البودرة لأنو بيندمج مع البشرة
مبدئياَ دمجو كتير سهل و نتيجتو حلوة بس للأسف اشتريتو لما تشمست فصارت بشتري سمرة كتير بالنسبة لهل اللون و انا طالبتو
ع لوني القديم هه4 بس overall جيد

2- SHEGLAM Fill Me In 2 In 1 Augenbrauenstift & Creme-Espresso | aktuelle Trends, günstig kaufen | SHEIN Deutschland
كوني ما عندي حواجب هه2 ف دائما كنت استخدم منتجات غالية لحتى ما يبين اني راسمة حواجبي او تبين كأنو تاتو ! كنت استخدم
منتجات Anastasia كونها اخدة المرتبة الاولى بمنتجات الحواجب و حبيتها بصراحة بس بما انو سعرها غالي قلت جرب شي ان
بما انو القلم رخيص و لو ما زبط ما رح اخسر شي بس اذا زبط القلم بكون وفرت 27 يورو ض1 !
بس الي صدمني حبيت كتير نتيجة هالقلم و كتير ببين طبيعي ع الحاجب , طبعاَ اذا استخدم صح و اذا اندمج صح
الالوان المتوفر رهيبة و حلوة و بتمنى انو شي ان ينزل الوان اكتر
اخدت لون اسبريسو بما اني تشمست و بشرتي صارت اغمق , اذا بشرتكم فاتجة خدوا الوان افتح الاسبريسو الفينيشيق تبعو
جاي قريب الاسود يعني اغمق شي بالبني ف ما اعتقد يطلع حلو

اي صح و بضاين كمان متل ما مكتوب long lasting

3- 4 Stücke Schal Haargummi mit Blume Muster | aktuelle Trends, günstig kaufen | SHEIN Deutschland
من هلأ بحكيلكم من حلاوتهم اهلي اخدوا نص الربطات هه4 تركولي 2 بس هه4 ! كتير حلوين ع الشعر و بيعطوا لمسة حلوة
و ناعمة خاصة اذا انتي من البنات الي بحب كتير يعمل ponytail , و الربطة خامتها ناعمة حبيتها ق1

4- Transparente Handyhülle & Tragegurt | aktuelle Trends, günstig kaufen | SHEIN Deutschland
ما تتخيلوا هالكفر اديش رحيني بالسفرة ! كتير كتير عملي , قبل كنت اضحك كيف بنعلق الموبايل برقبتها نفس الولاد الصغار
بس لما جربتو عنجد عنجد علمي و بيحمي الموبايل من انو يوقع ! و الي انتبهتلو اني اشتريت قبل نفس هالكفر بس لموبايلي
القديم الي انتبهتلو انهم كأنهم معدلين ع الكفر قبل كان متل المطاطة هلأ صاير امتن و اقسى و ع الزوايا فيهم حماية

5- 4 Stücke Make-Up Puderquaste mit & 4 Stücke Make-up Schwamm & 2 Stücke Stirnband mit | aktuelle Trends, günstig kaufen | SHEIN Deutschland
ما تتخيلوا هالمجموعة اديش انقذتني ! بهل السعر الرهيب ! خاصة ربطة الشعر الي بتسحبو لورا , بعاني كتير من غرتي وقت ما غسل وجهي
او لما حط ميكب و كتير بتشد يعني مو مرتخية و ناعمة بشكل اما الاسفنجات جودتهم عاااااااااليييية !! و ال buffer الي منشوفها عند اغلب
الميكب ارتستس كتير ناعمة و عاملة شغل حلو ق1 !

6- 100 Stücke Bobby Pins, schwarze Haarnadeln mit niedlicher Box, Metall Bobby Pins für dickes Haar, ideal für alle Haartypen, Mädchen, Frauen, Haarschmuck (2,2 Zoll) | aktuelle Trends, günstig kaufen | SHEIN Deutschland
متخيلين انو هدول ال 100 بيورو هه4 ! عنا ببيعوا ال 9 ب 2 و نص يورو هه4 ! و هدول اطول من الحجم العادي و كتير جودتهم ممتازة

7- 1 Box Künstliche Wimpern individuell extra lang | aktuelle Trends, günstig kaufen | SHEIN Deutschland
كنت كتير خايفة من اني استخدم هالنوع من الرموش تبع الرمشة رمشة ! لأنو لما ركب رموش العادي الي بتجي قطعة كاملة بعاني
ف كيف هدول هه4 ! بس غامرت و طلبتهم بعد ما اغلب الميكب ارتستس مدحوا فيهم و التقيمات كانت واصلة للسما بس ما توقعت انو
استخدامهم لهل الدرجة سهل ! و الحلو بالموضوع انو اول مرة بعمري بركبهم بالجفن الداخلي للعين مو من برا و ما حسيت اني متضايقة
او تقال متل الرموش العادية و حتى مو مبينين تركيب لانهم من جوا و كتير ناعمين , بالبوكس ببينوا تقال لأنهم كثيفين بس لما تشيلوا
مجموعة بتنقسم نصين ما بتطع كاملة فببينوا وقتها انهم خفاف ق1

8- 1 Paar Cat Eye schwarze Modebrille | aktuelle Trends, günstig kaufen | SHEIN Deutschland
صح انها خفيفة بس لسعرها حلوة و عاطية ستايل كتير حلو و فاشون و ناعم بنفس الوقت

9- 24 Stücke Lang Mandel Blume Muster, Kunstnägel mit & 1 Stück Nagelfeile & 1 Blatt Band, | aktuelle Trends, günstig kaufen | SHEIN Deutschland
نجي لهل المجموعة الحلوة , انا بصراحة مو من النوع الي بركب اظافر , انا حتى ما بطيق مبدأ اني سوي اكريليك و أضافري قصار
و ببينوا اشكرة انهم مو طبيعيين , بس لأنو كان عندي سفرة قلت جرب هدول للطوارىء و ما توقعت النتيجة بالنسبة لهل السعر !
اول شي الحجم ركب بالضبط ع ضهري ما بين ابدا جوانب الضفر الاصلي و الصمغ كان كتييييييييييير قوي بشكل يعني , حاولت
شيلو بإيدي ما قدرت , بس سلبيتو الوحيدة انو ما بينفع ابدا ابدا ابدا انو نعرضهم للمي لأنو بمجرد الصمغ شم ريحة المي بفك ع طول
ف حسيت انهم ممكن يتركبوا لطلعة معينة بعدين ينشالوا

و شكلهم كتير ناتشورال ما عدا نفخة الضفر من فوق الي ما بحبها بالاصطناعي

10- 6 Stücke Einfarbiger Haarreif | aktuelle Trends, günstig kaufen | SHEIN Deutschland
سعرهم حلو بالنسبة للعدد , جوتهم لا بأس فيها , رقاق زيادة بس بيعملوا شغل

11- 2023 Neuer Stil Flame Form Highlighter Bürste Contour Bürste | aktuelle Trends, günstig kaufen | SHEIN Deutschland
هالفرشاية جبتها للوس باودر , ناعمة و حجمها حلوة و مسوية شغل

12- Kleid mit vertikalem Streifen, Volant Ärmeln, mehrschichtig Saum | aktuelle Trends, günstig kaufen | SHEIN Deutschland
جبت هالفستان كتير حبيتو لأنو ستايلو صيفي و بحب الفساتين الي كتفهم مفتوح لأنو كتفي حلو و عريض و بحس هالنوع من الفساتين
بيبرزوا نقاط القوة بجسمي , كتير مريح و قماشتو باردة كتير مناسب للصيف ق1

13- Schulterfreies Romper mit Rüsche, geraffter Taille und Blümchen Muster | aktuelle Trends, günstig kaufen | SHEIN Deutschland
هاد من فوق نفس الفستان الي قبلو عدى انو هاد romper يعني هو قطعة كاملة من تحت شورت مو فستان , كتير حلو و مريح ع اللبس و فيو مشد
ع الخصر بيبرزو اكتر الاهم خامتو باردة ق1

14- Pilotenbrille mit getönten Linsen | aktuelle Trends, günstig kaufen | SHEIN Deutschland
هالنظارات رهيبة ! كل سنة بطلب وحدة , اللون مو قوي و ما بخلي الرؤية صعبة سعرها مناسب ق1

15- SHEGLAM Color Bloom Flüssiger Blush Love Cake | aktuelle Trends, günstig kaufen | SHEIN Deutschland
مافي حدا ما مدح هالبلشر ! عنجد انها حلوة و بتعطي فينيشينق طبيعي كتير و كيف انها بتندمج مع البشرة ق1 ! طلبتها مرتين و هلأ جايبين وحدة بتشبها
بس مع لمعة , بصراحة حبيت الي بدون لمعة اكتر

16- Kleid mit Falten Rüschenbesatz, Rüschen | aktuelle Trends, günstig kaufen | SHEIN Deutschland
هالفستان لونو ع الحقيقة رهييييييييب و كتير صيفي ! كالعادة مفتوح من فوق و مريح كتير كتير ع اللبس و خامتو باردة

17- Skater Schuhe mit Farbblock, Band vorne | aktuelle Trends, günstig kaufen | SHEIN Deutschland
هالشوز الوانو تفوز ق1 ! جبتو للتمرين , بصراحة اول فترة كانت عامل شغل بس بعدين ارتخى و ما عدت حبيتو

18- Power Make-up Pinsel, 1 Stück Holz, klassisch, tragbar, wiederverwendbar, Make-up Pinsel zum Schminken, Versorgung für Kommode, Puder, Gesichtskosmetik, Make-up | aktuelle Trends, günstig kaufen | SHEIN Deutschland
هالفرشاية اكتر من رائعة بالنسبة للسعر ! عم اتسخدمها حالياَ كتير كتير عاملة شغل بجنن ش2ق1

19- Mit Gürtel Rüschensaum Leopardenmuster Lässig Kleid | aktuelle Trends, günstig kaufen | SHEIN Deutschland
بالنسبة انو كل فساتيني مفتوحة من فوق هه4 ! بس هاد كتير كتير حلو بشكل ش2ق1 ! و احلى شي فيه انو فيه حزام ع الخصر ش2ق1

20- Socken mit Buchstaben Grafik | aktuelle Trends, günstig kaufen | SHEIN Deutschland
21- Crew-Socken mit Buchstaben Grafik | aktuelle Trends, günstig kaufen | SHEIN Deutschland
طلبت من عندهم جرابات بس لأني متعودة ع السماك ما حبيت هدول , هدول كتير خفاف بس الحلو فيهم الهم حركة ع الجنب
للبنات الي بيلبسوا بنطلون قصير شوي ممكن تبين الرسمة ق1

22- T-Shirt mit Drop Shoulder, Flügel & Blume Muster | aktuelle Trends, günstig kaufen | SHEIN Deutschland
23- T-Shirt mit Drop Shoulder, Buchstabe Muster | aktuelle Trends, günstig kaufen | SHEIN Deutschland
24- Drop Shoulder T-Shirt mit Buchstaben Grafik, | aktuelle Trends, günstig kaufen | SHEIN Deutschland
25- Drop Shoulder T-Shirt mit chinesischen Schriften & Drache Grafik | aktuelle Trends, günstig kaufen | SHEIN Deutschland
26- SHEIN T-Shirt mit Tasche Flicken und Batik | aktuelle Trends, günstig kaufen | SHEIN Deutschland
27- SHEIN EZwear Top mit Buchstaben Grafik und Batik | aktuelle Trends, günstig kaufen | SHEIN Deutschland
هدول البلوز جبتهم للجيم , كتير حلوين و الوانهم براقة و الاحلى انو لهلأ مضاينين معي بالرغم من اني بغسلهم كتير هه4

28- 1 Paar Sports Halbfingerhandschuhe | aktuelle Trends, günstig kaufen | SHEIN Deutschland
جبت هالكفوف للجيم طبعاَ بالنسبة للسعر لا بأس بتلاقوا احسن اكيد , بس كمان اكيد بضلوا احسن من بدونهم

29- Yoga Leggings, nahtlose, hochelastische, hüftbetonte Trainingsleggings mit breitem Bund | aktuelle Trends, günstig kaufen | SHEIN Deutschland

ابدا ابدا ابدا لا تطلبوا ليقينزات من شي ان ض0 ! هاد انشق معي مع اني استخدمتو مرتين بس !

 
التعديل الأخير بواسطة المشرف:

Passacaglia

The human mind is a graveyard
إنضم
12 مايو 2019
رقم العضوية
9970
المشاركات
7,063
الحلول
13
مستوى التفاعل
34,187
النقاط
1,961
أوسمتــي
52
العمر
29
الإقامة
Deutschland
توناتي
17,565
الجنس
أنثى
LV
12
 
rSaxcEg.png

m0hyjCN.png


AVEMGED SEVENFOLD
نزلوا اغنية جديدة ش2ق1


صحيح انها بعيدة عن اسلوبهم المعتاد
بس M SHADOWS صرح انو بالمستقبل رح يبعدوا عن الصريخ
يعني رح يصير ستايلهم روك اكتر من heavy metal

و بحس انها حركة حلوة و مو حلوة منهم للناس الي حبت لونهم القديم ق1
و حركة حلوة انهم عم يواكبوا طلب الجمهور لأنو لو شاف شادوز انو المستقبل
بيطلب ميتل كان ما غير ق1 .

انا المهم عندي انهم يستمروا بصناعة الحان خيالية و كلمات تحسسكم
كأنها مسرحية ش1ق1 !


 
التعديل الأخير بواسطة المشرف:

Passacaglia

The human mind is a graveyard
إنضم
12 مايو 2019
رقم العضوية
9970
المشاركات
7,063
الحلول
13
مستوى التفاعل
34,187
النقاط
1,961
أوسمتــي
52
العمر
29
الإقامة
Deutschland
توناتي
17,565
الجنس
أنثى
LV
12
 
rSaxcEg.png



ECOWs8Z.png



لما كنت صغيرة كنت استغرب من الناس الي بيسمعلوا كلاسيكي و أغاني قديمة
ان كان عربي او اي لغة تانية , كنت شخص جدا سطحي لأن الحياة ما دارت علي
ولا ورجتني عجايبا .

كنت اسمع لنانسي و هيفا و تامر حسني و هلأ بحكي لحالي كيف كنت اسمعلهم ؟

و ما بكذب عليكم , بحس أحياناً انو اغانيهم زمان أحلى من هلأ بس بحكي هلأ
يمكن هن هن نفسهم ما تغيروا و نفس تفاهة اغانيهم بس الفرق انو أغانيهم
القديمة كانت مربوطة بذكريات معينة باماكن معينة مع أشخاص معينين عطونا
احساس انو اغانيهم القديمة احلى من الجديدة !

اتضحلي هلأ بعد 29 سنة حياة على هذا الكوكب البائس انو الاغاني القديمة
و ماعم احكي عن تامر و لا هيفا , عم احكي عن عبد الحليم او ام كلثوم و اغانيهم ,
أغانيهم كان الها معنى , كان الها احساس و عرفت و فهمت هلأ ليه كانوا أهلي
و حتى الكبار بالعمر يسمعوهم و ينطربوا و احكي ببالي يالله كيف هيك مطروبين
و استغرب ! يا جماعة انا عم اكبر و انا مو حاسة , لأن صرت انطرب متل ما كانوا
اهلي ينطربوا ض0ق1 .

حتى موسيقاهم كانت تحفة فنية يخلدها التاريخ و لليوم الناس بتعزفها !

بمناسبة هالتدوينة العتيقة رح اهديكم هالأغنية الراقية ق1


دمتم بخير لك1



 
التعديل الأخير بواسطة المشرف:

المتواجدون في هذا الموضوع

المواضيع المتشابهة

أعلى أسفل