ذوقونا طبخكم ! (1 زائر)

[S a n d r a]

طلعولنا الشيف اللي جواتكم







يا مرحبا و يا مرحبتين
و يا اهلًا و سهلين
شرفتونا و آنستونا اكيد طبعًا و دومًا

احم - على فكرة هاي اول مرة بعمل فعالية فحاسة بتوتر - تحك راسها
بمزح مين بتفكروني انا ساندرا طبعًا ما بتوتر

المهم - فعاليتنا اليوم فعالية طبخ !
وووااااااوووو
شو رح نعمل فيها ؟
نطبخ طبعًا

خلص خلص بمزح نتائج التوتر هاي

رح نعمل مسابقة طبخ من جولتين على اقتراح احدى الاخوات لعزيزات
مش كثير صعبة بالعكس حتحبوها

لانها بسيطة و ما بدها جهد كثير
و هسا رح افصللكم بالجولة الاولى و الثانية

يلا نبدا ~

زيما حكيتلكم الفعالية فعالية طبخ و رح تكون عبارة عن جولتين طيب ؟
الجولة الاولى رح اقترحلكم انا وصفات تعملوها بمكوناتها و طريقة العمل و انتم تختارو الوصفة اللي بتكون انسب اشي الكم
و بتعملو عنها موضوع بسيط عادي و رح نتناقش بشغلكم في الموضوع
طبعًا فيكم تسوو الموضوع بالطريقة اللي بتعجبكم و فيكم تطبخو الطبخة اللي بدكم اياها
بس الطبخات اللي ضفتها هي وصفات مقترحة
طبعا الموضوع , بتنسيق ولا بدون تتنسيق عادي
عشان كل المشاركين رح يربحو معانا مبلغ توني كويس


اللي رح يشاركوا رح ياخدو 100 تون على مشاركتهم طبعًا هاي غير عن تونات الموضوع نفسه
يعني راح تاخد 100 تون على مشاركتك و اذا كان موضوعك مرتب و منسق حسب
شروط قسم فضاء تون رح تاخد تونات الاشتراك و تونات الموضوع

فصلت بزيادة مع انه ما بيحتاج

+ اوسمة للفائزين و سيكون شغلهم ممتاز

وسام : شيف مخضرم

**

وسام : شيف عالأصول

**

وسام : شيف مبدع

رح نبدا بالجولة الاولى ~

هسا هون رح اقترحلكم الاكلات مع مكوناتها و بدائل المكونات في حال ما كان متواجد احد المكونات عندكم
و رح يكون 5 اكلات , رح اتدرج فيهم بدرجة الصعوبة اول اثنين سهلين و الثالث بدها شوي يعني وسط
و الرابعة و الخامسة بدها شغل

بمزح هسا بتشوفو كيف مدلعتكم انا

طبخاتنا المقترحة للمسابقة
( يعني فيكم تعملو اشي غيرها )

الطبخة الاولى

- كتبتلكم في اليوتيوب اكلات سهلة و سريعة بس يوتيوب زنخ فأول وصفة من عندي
و كثييييير سهلة يا رب تكون مكوناتها متوافرة -

سلطة الكوسلو
( بالمشرمحي سلطة ملفوف و جزر و مايونيز )

هدوا المايونيز صنع بيت رح اعطيكم وصفة عالاصول

محتوى مخفي: سلطة الكوسلو - المكونات - طريقة العمل

أول اشي المكونات :
- ملفوف ابيض ( اذا ما في استخدمو خس عادي بتطلع طيبة برضه )
- جزر
- بيضتين
- عصير ليمون ( نص ليمونة او ليمونة كاملة حسب الحجم )
- خل ابيض ( اختياري )
- معلقة صغيرة سكر
- معلقة صغيرة ملح
- زيت نباتي
- لبن زبادي

يلا :
1- غسلي الخضر كثير منيح
و بعدين بنقطع الملفوف او الخس .
كيف بنقطعها ؟ شرائح كتثير نحيفة

محتوى مخفي: تقطيعة الملفوف

- الصورة كبيرة معليش -

2- الجزر , ابرشوه برش
الجزر ما تتعبو حالكم فيه و تصارعوا مع السكينة عشان تقطعوه
لا تجيبوا فينا العيد

3- المايونيز , اذا في عندكم مايونيز اصلًا فصلى الله و بارك
اذا ما في عندكم زيي استخدموا هاي الطريقة :

بتجيبي خلاط الكوكتيل ما في بتستخدمي المضرب الكهربائي
ما فيه بتجيبي مايونيز من السوبر ماركت

بصحن على جنب
بتعصري الليمون و بعدين بتضيفي معلقة كبيرة خل - مثل ما حكيت اختياري عادي ما تحطيه -
بتضيفي عليه م.ص سكر

( طبعًا هاد اذا بدك المايونيز يكون حلو , بدك اياه مثل
طعمة المثومة تبع المطاعم بتحطي بس ملح بدون السكر )

و بعد السكر بتضيفي م.ص ملح , و بعدين بتخلطيهم سوا

طبعا المعلقة الصغيرة مش - معرمة بتكون ممسوحة
+ اذا في اشي من حكيي مش مفهوم اسألو عادي

-

هسا بترجعيلي للخلاط
بتجيبي بيضتين و بتفصلي الصفار عن البياض و احنا بدنا البياض طبعًا
ما بتعرفي تفصلي نادي ماما او اختك الكبيرة , لسا ما في مجال ؟
عادي نزلي البيضة مثل ما هي
الطعمة ما رح تفرق الشغلة شغلة لون

بعد ما تضيفي البيض بتخلطيه لحاله في الخلاط حتى يصير قوامه هيك شوي كريمي
بعدين بتنزلي عليه خلطة الليمون و بترجعي تخلطيه
و بعدين بتبلشي تضيفي الزيت شوي شوي حتى يسمك معاكي الخليط ( يصير سميك )
طبعا اضافة الزيت يا اما على دفعات او و الخلاط شغال
- برضه اذا ما بتعرفي تستخدمي الخلاط خلي حد يساعدك -

خلطة المايونيز هيك بتكون جاهزة ....

4- هسا بنرجع للملفوف و الجزر
بتجيبي صحن كبير بيوسع المكونات اللي حضرتيهم
و بتنزلي فيه الملفوف و الجزر و بتجيبي معلقة سكر عشان
رح تفركي السكر مع الجز و الملفوف و تعصريهم و تسوي فيهم مثل العجين
مو كثير يعني ما تطولي و انت بتفركيهم بس شوي ياخدو نكهة و تنزل المي تبعتهم .

5- بتجيبي صحن على جنب
حطي فيه شوية لبن و بعدين ضيفي عليه خلطة المايونيز
و اعصري عليه شوية ليمون كنكهة و ضيفيهم على الجزر و الملفوف
و اخلطيهم منيح

و هيك وصفتنا صارت جاهزة

----------


الطبخة الثانية

فتوش

ما بتعرفو الفتوش ؟
هسا بحكيلكم ~

الفتوش هي سلطة , بندورة و خيار و هيك بس الفرق انكم بتضيفو خبز
مقلي

محتوى مخفي: الفتوش - المكونات - طريقة العمل

و هي المكونات :
- بندورة ( طماطم )
- خيار
- فلفل اخضر
- خس
- فجل
- بقدونس
- بصل اخضر
- نعنع
( شوفو هسا الخضار هاد كله عشان اذا حابين تكثرو بالوصفة
بس عادي انا كنت بعملها بدون هالكمية كلها , حسب المتوافر عندكم من الاشياء فيكم
تستخدموا )
- رشة ملح
- رشة فلفل
- زيت زيتون
- عصير ليمون
- سماق ( حسب الرغبة )
و اهم مكون اللي هو الخبز العربي
او الخبز الآلي اللي بكون دائري

طريقة العمل :
1- غسلي الخضر كثير منيح
بعدين ابدي تقطيع طبعًا التقطيع مش ملزمة بحجم معين
ممكن مكعبات كبيرة و ممكن وسط و ممكن تفرميها ناعمة
البندورة - مكعبات
خيار - مكعبات
البقدونس و النعنع فرم ناعم
الخس - شرائح
الفجل - مكعبات
الفلفل الاخضر - مكعبات
البصل الاخضر - ( عود واحد او اثنين حسب الحجم ) افرميهم عادي زيما بينفرم البصل

2- جيبي صحن كبير عشان تحطي فيه الخضر المقطعة
نزليهم فيه و بعدين بتنزلي البهارات

ملح و فلفل
زيت الزيتون شوي لا تكثري
عصرة ليمون - نص ليمونة اذا كانت كبيرة و ليمونة كاملة اذا كانت صغيرة -
سماق
( السماق مش ضروري على فكرة )

بعد ما تضيفي البهارات اخلطيهم منيح .

3- هسا دور الخبز
بتجيبيلي الخبزة و بتفرديها او بتطويها
و بعدين بتقطعيها شرائح
و بعد ما تقطعيها شرائح بترجعي بتقطعيها مربعات عشان تكون اسهل للقلي .

4- جيبي مقلاي و نزلي فيها زيت القلي ...
و بعد ما يحمى الزيت بتنزلي الخبز و بتقليه
اول ما يبدا لونه يتغير اصبري عليه بس نتوفة بعدين بتشيليه عشان ما ينحرق

5- بتجيبي الخبز و بتنزليه على السلطة اللي عملتيها
و بتخلطيهم منيح

و الله يعطيكي الف عافية

الطبخة الثالثة

عجة
( بناء على طلب الجمهور )

طبعًا قوقل فسقان - العجة ما بدها غير ست سبع مكونات و عم بطلع لي عجينة كوسى مدري ايش
سيبكم بدي اعطيكم وصفة ماما

محتوى مخفي: العجة - المكونات - طريقة العمل

المكونات :
- بيض ( 4 )
- طحين
- بقدونس
- بصل اخضر
- ملح
- فلفل اسود
- زيت زيتون عشان القلي

و بس سلامة تسلمكم ~

طريقة العمل :

1- افرمي البقدونس و البصل الاخضر
طبعا اذا ما في بقدونس حطي بصل اخضر
ما في بصل اخضر استخدمي البقدونس بس
ما في الاثنين لا تتهوري و تسوي عجة
- اذا اسلوبي فظ بكون عشان لسا صاحية و عندي امتحان رياضيات ما تواخذونا -

2- جيبي صحن كبير و نزلي فيه البيض
حطي بعدين البقدونس و البصل الاخضر و حطي عليهم الطحين
بالنسبة للطحين لا تكثري كثير و ما يكون قليل
انتي نزلي أول بأول و حركي مع البيض و الخضر
بالمضرب اليدوي و لما تشوفي القوام هيك لزج و معجن شوي بتكون منيحة
و بعدين ضيفي البهارات و ارجعي حركي

3- جهزي المقلاي و شغلي النار - و ديري بالك -
نزلي الزيت , تكون كمية الزيت كويسة عشان تعرفي تقلي العجة

هسا في طريقتين للقلي
يا اما تكون قرص كبير على شكل المقلاي
يا اما بتنزليهم معلقة معلقة مثل الميني بان كيك
صراحة الطريقة الثانية بتخلي الخلطة تبورك ...

4- نزلي الخليط بالشكل اللي بدك اياه
في حال كان قرص كبير
اتركيه شوي و بعدين لما تشوفي انه الخليط صار متماسك و متشكل ابدي
تفقدي اذا احمر الوجه اللي من تحت
و اذا لونه تغير جيبي معلقتين
او شوكتين او مغرفة مسطحة و اقلبي القرص عشان يتحمر عالوجه الثاني

في حال كان حجم صغير زي الميني بان كيك
بتستوي اسرع و بنفس الطريقة بس يحمر وجه اقلبيه عالوجه الثاني .

و خلص هيك تمت معك

الطبخة الرابعة

معكرونة بلبن

كثير سهلة هاي و بسيطة و طعمها طيب

محتوى مخفي: المعكرونة بلبن - المكونات - طريقة العمل

المكونات :
- باكيت معكرونة - لا تكثري -
- ثلاث فصوص ثوم
- لبن زبادي
- ملح
- زيت نباتي عشان السلق

طريقة العمل :

1- جيبي طنجرة حجم وسط
و عبيها مي من الحنفية , لا تجيبي العيد و تعبي من الكولر بتتبهدلي
, شغلي الغاز و حطي الطنجرة
رشي شوية ملح و معلقتين زيت نباتي عشان المعكرونة ما تلزق في بعضها

2- كسري المعكرونة و بس تغلى المي نزليهم
ولا تطولي على المعكرونة بس تشوفيها صارت طرية شيليها عشان بتذوب و بتعجن
و بصير طعمها مش زاكي
بس تستوي صفيها من المي و حطيها على جنب - و ديري بالك لا تنحرقي -

3- جيبي الثوم قشريه و غسليه
و بعدين قطعيه , و بعد ما تقطعيه استخدمي هاي اللي بتهرس الثوم
او بالمدقة , او بتجيبي فنجان قهوة قديم او كاسة شاي صغيرة
و بصحن بلاستك حطي الثوم و اضربيه شوي حتى تحسيه هيك تفتفت .

4- جيبي اللبن و نزليه على على الثوم و اخلطيهم منيح و ضيفي عليهم رشحة ملح

5- نزلي المعكرونة بصحن كبير و حطي الخليط تبع اللبن و اخلطيها مع المعكرونة منيح

- فيكي تضيفي نعنع كنكهة عالمعكرونة -
و هاي الوصفة بتتاكل على حمها يعني اذا كانت دافية بعد الشغل فيها مباشرة
او باردة عادي
و هيك الوصفة جاهزة

الطبخة الخامسة

شوربة عدس

محتوى مخفي: شوربة العدس - المكونات - طريقة العمل

المكونات :
- عدس احمر
- جزر
- بصل
- ملح
- كمون
- كركم
- فلفل اسود
-زيت زيتون

طريقة العمل :

1- بتغسلي العدس كويس

2- افرمي البصل و الثوم فرمة ناعمة
و قشري الجزر و قطعيه مكعبات

3- جيبي طنجرة حجم منيح
حطي فيها زيت زيتون و استني شوي يحمى
بعدين نزلي عليه البصل و قلبيه منيح
و بعدين ضيفي الثوم و بعد بشوي ضيفي الجزر , لما تشوفي انه لون البصل
قلب ذهبي مباشرة نزلي عليه مي ساخنة من الكولر او مي فاترة
و قلبيهم كويس

4- ضيفي الملح و الكمون و الكركم و الفلفل الاسود
و بعدين نزلي العدس عليهم و قلبيهم سوا

5- بس تشوفيه بلش يغلى غطي الطنجرة
و انتظري عليه 25 دقيقة بالضبط
زدتي خلص انحرق العدس - عن تجربة -

في ناس بتستخدم طنجرة الضغط عشان العدس و احنا زي هيك
ما في فرق بس بيحكو احسن
بس طنجرة الضغط الها شغل معين ...
فبعد الخمس و عشرين دقيقة بتطفي الغاز و بعدين بتتركيها تطلع البخار
لانه هي بتصير تصفر
و بس تتطلع البخار بتقدري تفتحي الغطاء

طبعا طنجرة الضغط خطيرة خلي حد يكون معك لما تستخدميها
عشان ما تفجري المطبخ و تروحي فيها

6- هاي خطوة زيادة انه بعد ما تجهز الشوربة بتحطيها بالخلاط
عشان تصير انعم و ما يكون العدس كثير باين فيها .

و هي طبختك جاهزة

طبعا لا تعتمدوا على شرحي شوفو يوتيوب

هدول وصفاتنا اتمنى انهم بسيطين

+ اذا بتريدو حاولو الموضوع يكون فيه صور

@S A L W A

@RO-CHAN
....





​

 

[O Z E N]

السلام عليكم و رحمة الله تعالى و بركاته

نزلت الي كنا ناطرينها ..
حبيت كتير فكرة المسابقة خصوصي سهولة الوصفات و هيك، بس أنا مابحب الالتزام بالوصفات حرفيًا .. وبتوقع حيدخل دا الشي فالتقييم
لهيك بسجل بس غالبًا لثاني جولة و مابنعرف

يعطيكِ العافية ساندي على الفكرة الي تفتح نفس البني آدم يدخل المطبخ و يجرب و هو مكيف

 

[S a n d r a]

السلام عليكم و رحمة الله تعالى و بركاته

نزلت الي كنا ناطرينها ..
حبيت كتير فكرة المسابقة خصوصي سهولة الوصفات و هيك، بس أنا مابحب الالتزام بالوصفات حرفيًا .. وبتوقع حيدخل دا الشي فالتقييم
لهيك بسجل بس غالبًا لثاني جولة و مابنعرف

يعطيكِ العافية ساندي على الفكرة الي تفتح نفس البني آدم يدخل المطبخ و يجرب و هو مكيف

عادي فرفورة بإمكانك تستخدمي المكونات اللي بدك اياها، المقادير موجودة كمرجع فقط

 

[S a n d r a]

بالعكس اصلا ممكن اضافتك لشيء ثاني يكون ضايف اشي جميل للوصفة

طبعا اذا كتبتي وصفتك و ايش استخدمتي، اذكري المكونات الجديدة اللي ضفتيها و ليش
عشان نستفيد منكم

 

[S A L W A]

مشتركة، بس عدلي ع الجوائز بدنا وسام
كم مدة المسابقة؟

 

[S a n d r a]

مشتركة، بس عدلي ع الجوائز بدنا وسام
كم مدة المسابقة؟

من عيوني احلى وسام للطاهي المحترف
ما بعرف لسا ما حددت ممكن للأسبوع الجاي قبل العيد بيومين هيك

 

[Murakawa Yuka]

عمورتنا هي الي لازم تعمل هاد

 

[ＬＥＶＩ]

اصلا عادي الايام العادية ما تسوون مسابقات لكن لما صرنا بالاواخر قامو يسوون فعاليات وجي حتى ف جمعية عندنا نفس النذالة يالله ما علينا موفقين في المسابقة و لاسف ما راح اكون معاكم يمكن لو الوصفه من صوبي كنت بشارك بس انتي اخترتي و خلصتي موفقين للكل

 

[RO-CHAN]

I'm in

 

[S a n d r a]

اصلا عادي الايام العادية ما تسوون مسابقات لكن لما صرنا بالاواخر قامو يسوون فعاليات وجي حتى ف جمعية عندنا نفس النذالة يالله ما علينا موفقين في المسابقة و لاسف ما راح اكون معاكم يمكن لو الوصفه من صوبي كنت بشارك بس انتي اخترتي و خلصتي موفقين للكل

في دولة ثانية تسوين اللي تبغينه