الختم الذهبي ☆ عيد أضحى مبارك | عادات وتقاليد الدول ☆ (1 زائر)

[Dr.Saki~☆]

@Evelyn
أول شي يوم الوقفة بنعتني بنفسنا وببشرتنا وبنظف البيت كويس كثير وكل ركن فيه لحتى يكون يجنن , صباح العيد أول شي بنعمله انه نسلم على اهالينا ونعيدهم ويعيدونا, ما في اكلات محددة للعيد صراحة وقت محدد لو كان عيد فطر عادي اما عيد الاضحى بنسوي اكلات لها علاقة باللحمة لانه بنضحي وهيك مثل الشاورما وغيره , العيديات متوسطها من 50 ل 100 شيكل وحسب لو الانسان كان صغير او كبير صغير 50 , 40 , 30 اما الكبار 100 00 , زيارة اول يوم العيد بنروح عند قرايبي من جهة الام , ثاني يوم بنروح عند قرايبي من جهة الاب وبنزور قبور الناس المتوفيين القريبين لنا الله يرحمهم , ثالث يوم بنطلع مع بعض كعيلة بنروح على المطعم او مكان , رابع يوم بنطلع مع صديقاتنا , والعادات ما في شي تغير اتوقع كان يحطوا حنا زمان على ايديهم والحين صار قليل جدا يحطوا حنا

​

العودة للفهرس

 

[Dr.Saki~☆]

تصابيع

بقلاوة و حلو شرقي

عريكة

كبدة

حمص و فول و فلافل او طعمية

منسف اردني

ملبس

مسموطة عراقية

عصيدة

كليجة عراقية او معمول بالتمر

كنافة

كاهي

بتفور

العودة للفهرس​

 

[Dr.Saki~☆]

دولمة

قريوش

المقروط

الكحلوش

الكروكي

بقلاوة جزائرية

مندي لحم

شكشوكة

فطير

شخشوخة او البربوشة (ما عرفت فرق بينهم)

المشوك

تشارك

مفتوت

نمورة

العودة للفهرس​

 

[Dr.Saki~☆]

أخر شي خلص الموضوع المستعجل الصعب بعد ما خلص باقي بس اقتبس رسائل الأعضاء ما عاد عرفت كيف فعملتلهم منشن
كان المفروض يكون في بلدان أكتر و من كل بلد شخصين لتكون أشمل بس الأعضاء معيدين وما فاتحين
وبخصوص صور الأكل هدول يلي ذكروهم الأعضاء مشهورين ببلادهم جبتهم من النت ممكن يكون الهم اسم تاني اذكرولنا ياه
وشكراً @saki -chan على الطقم الفخم وآخر مرة بسلمها تعملي طقم
بتمنى يكون عجبكم وشكرا لمروركم

​

العودة للفهرس

 

[Dr.Saki~☆]

للرفع

 

[Murakawa Yuka]

MR.HERO - 11/07/2023

شكراً لردك المميز | 5-7-2023 | S A K Y
فين المغرب يا حاجّة؟
المهم @yuka انا حضرتي راح اعرف لكم على ثقافة المغرب يوم عيد الاضحى المبارك
1-تجهيزات وقفة العيد (اليوم يلي قبل العيد)
صراحة العديد من الناس يحاولون الحفاظ على تقاليد البلاد قبل يوم العيد و حتى يوم العيد رغم صعوبة المعيشة بالنسبة لهم , هذا جعل الكثير يضطر للتخلي عن الكثير من التقاليد للأسف
لكنهم مع ذلك يحاولون جاهدين المحافظة عليها لكي يضل يوم العيد حي على اكمل وجه
اضحيةالعيد ممكن يختاروها قبل يوم العيد ب 3 ايام او ربما اسبوع لا يمكنني ان اخبركم بالوقت بدقة
+ الذهاب الى الحمامات التقليدية المغربية قبل يوم العيد تقليد شائع .
2- شو بتعملو صباح العيد
نبدأ يوم العيد بالمباركات و التهاني لكل فرد من العائلة بدون استثناء .
3- اكلات العيد (الفطور والغداء و العشاء)
باختصار اشهر أكلة هي " بولفاف "
طبق "البولفاف " يُعد من الأطباق الشهيرة في المغرب على مائدة عيد الأضحى، وهي عبارة عن كبد الضأن الذي يشوى على الفحم مرة، ثم يُتَبل جيداً ويُلف بدهون الضأن ويُشوى مرة أخرى على الفحم.
+ التقلية
و هي الرئة + الأمعاء و الدهون
يتم غسلها جيدا بالماء والملح قبل أن تطهى قليلا في الماء المغلي إلى أن تتخلص من الرائحة.
بعد ذلك يتم تقطيعها قطعا صغيرة وتضاف إليها الطماطم والثوم والتوابل ومقادير أخرى حسب الأذواق و تُزين بالزيتون.

10- أي شي حابة تزيديه متل عادة مميزة او شي كان يسوه قديما وهلق بطلو
العادة التي كانت قديمة و صارت قليلة هي الحناء , والآن صار قليل من الناس يضعونها
هذا لا يعني أنها عادة اختفت
هي فقط لم تعد مهمة بالنسبة للناس .
+
يرتدي بعض الشباب المغاربة في عيد الأضحى صوف الخرفان احتفالاً بقدوم العيد، فيصبح كلّ منهم شبيهاً بالخراف - ههههههههههههههه--،ثمَّ يبدأون بالتجول في الحارات والأزقة المختلفة في المدن وضواحيها رغبةً منهم في نشر جو من السعادة والبهجة في قلوب الناس خاصة قلوب الأطفال، ثمَّ يتبع كل منهم جمهوراً من الناس تقديراً لهم واحتفالاً بهذه المناسبة السعيدة
هذا نسميه - بو جلّوود -

صافي ؟
​

 

[Y U M I]

MR.HERO - 11/07/2023

شكراً لردك المميز | 5-7-2023 | S A K Y
السلام عليكم ورحمة الله وبركاته
كيف حالك ساكي موضوعك رائع وفكرته حلوة ووجود صور الأكل فيه شيء مميز

انا ايضاً من سورية

نحن اول شيء نعملو نبلش نعزل البيت بشكل كامل قبل 5 ايام من العيد بالنسبة لهاد العيد نحنا عزلنا ونظفنا البيت قبل بيوم لان عزلناه من فترة قريبة + نقوم بشراء ملابس جديدة لجميع افراد العائلة

اول يوم بالعيد منستيقظ بكير ومنجهز حالنا ومنتعطر ومنلبس الملابس الجديدة

ونجهز طالولة في وسط الصالون نضع عليها الحلويات والموالح والفواكه ...

تبدأ الزيارات الساعة ٩ صباحاً

جدي وخالي بزورونا الساعة ٩ وبيعطونا عيديات
بعد ما يروحو نقعد مع العائلة شوي ومنعيد عليهم ومناخد عيديات الكبير يعطي الصغير وهكذا ...
بالنسبة لي انا الثانية بين اخواتي وعنا ٣ اخوة اصغر مني لذلك هذا العيد تأخرت عليهم في العيدية وقالو وين عيدياتنا ؟!
طبعاً ما كان معي مال لذلك كنت مجهزتلهم ألعاب وعطيتهم الي يحبوه .
العيدية مو بس مال

بالمناسبة ما في فطور الفطور هو نفسه الغدا لاننا
ننام ونكون تعبانين من الشغل واحياناً نبقى سهرانين لأذان الصبح

بالنسبة للغدا ما في اكلة محددة الاكلة بتكون فيها لحمة واحياناً اكلة من اكلات اللبن

العصر قبل المغرب بشوي نروح نزور جدي وستي وباقي الأقارب منخلي زيارتهم لثاني يوم بالعيد
العشاء يكون شي خفيف مثل فواكه

ثالث يوم منروح فيه مشاوير مع العائلة او الأصدقاء مثل الأرض السعيدة او مكان فيه ملاهي او منروح على مطعم ... واحياناً منروح عليهم كلهم

ورابع يوم وهو اليوم زارنا فيه اخو جدي و صديقة ماما وبعض الأقارب

انا بحب العيد وبحب اجواءه بس الشي الي ما احبه فيه هو كرف البيت قبل العيد وتراكم الشغل

اي صح نسيت اقول نحنا مكان الالعاب عنا ومراجيح العيد فيه أحصنة للأولاد الصغار بيركبو عليها وبروحو لفة
يا الله يا ريتني ارجع صغيرة واركب على حصان

وهكذا يكون العيد بالنسبة لعائلتنا

وشكراً لموضوعك المميز وكل عام وانتِ بخير

SYLIA was here







​

 

[k o h a r u]

شكراً لردك المميز | 5-7-2023 | S A K Y
السلام عليكم و رحمة الله تعالى و بركاته
اهلا ساكي تشان كيف احوالك ان شاء الله تمام
نورتي القسم بموضوعك الجميل
حبيت الموضوع خاصة انه يتكلم عن العيد و
عادات و تقاليد الدول المختلفة
الصراحة احنا في الجزائر نعمل
اول يوم عيد طبق اسمه "البوزلوف" مع التشيشة
و باليوم الثاني نعمل كبدة مشوية الصبح
و على الفطور مشاوي لحم
و بالنسبة للزيارات مو متعودة الزيارة بعيد الاضحى
الزيارة عندنا تكون بعيد الفطر اكثر شيء كمان العيديات
حبيت موضوعك كثيير اكتشفت من خلاله عادات و تقاليد الدول الاخرى
اتمنالك التوفيق و النجاح
في امان الله
​

 

[SKY NET]

مرحبًا ..
شلونج مستشارة الخشوم المكروفه
شخبارج ؟ شكو ماكو
حلوه المعلومات الي بموضوعج وفكرتج حلوة جمعتي عادت وتقاليد ودول كامله بموضوع واحد
جا شبيه حضي كضيت العيد نايم وعيوني تدمع بس يلا المهم ختمت لعبتين
اهم شي بالعيد ماكو شغل وكرف وتعب
عاشت ايديج ومتشوق لافكارج الجايه
كل الود ~

 

[A S T E R]

MR.HERO - 11/07/2023

شكراً لردك المميز | 5-7-2023 | S A K Y
السلام عليكم ورحمة الله وبركاته
كيفك ساكي ؟ شو اخبارك ؟

اليوم صحلي أكتب رد بموضوعك بعد ما قريتو كامل

أول شي كثير حبيت فكرة الموضوع بتجنن وجديدة وغريبة
حلو هيك نتعرف على عادات بعضنا وتقاليدنا خاصة بمثل هيك مناسبات سعيدة وروحانية أيضاً

انا من فلسطين وزي ما قالت ايفلين
بننظف البيت قبل باسبوع مو قبل بيوم - تقولو عمرنا ما نظفناه -
ونجهز اللبس الجديد والاكل والضيافة والي اهمها هي كعك العيد العشق
وبيوم العيد نصحى بكير عشان الزلام يروحو عالصلاة واحنا نجهز حالنا لاستقبال محارمنا من الرجال
زوجي بس يرجع بعيد علي وعلى البنات وعلى اهله .. احيانا نفطر واحيانا لا .. حسب الجوع ههههه
بعدها ببلشو عمامي يجو عندي مع ابوي واخواني .. بيجو من الصبح بكير ،، يعني عالثمانة ونص هيك شي
عنا هاي الشغلة موجودة بفلسطين بس في بلدي بقلقيلية ،، انه الزيارات بفترة الصبح بكير
باقي البلاد بخلوها العصر
يعني عنا العيد بفترة الصبح ،،
تعالو عشوارعنا بتلاقو كل الزلام بتنقلو على بيوت اقاربهم من اخوات او عمات او خالات وغيره..
طبعا الزيارات تكون مدتها قصيرة بسبب انهم بدهم يلحقوا يلفو على الجميع قبل الظهر
ما يرجعوا على بيوتهم تلاقوهم منتفخين بسبب الكعك والمعمول

انا بفترة انتظاري لقدوم خوالي بطلع لعند حماتي وبسلم عليها وعلى باقي نسوان عمامي ونقعد ونحكي وهيك
بعدها بيجو خوالي عندي وما بطولو كثير بعدها خلص بعمل الطبخة وغالبا بعملها ورق عنب على لحمة خاروف وجاج
والعصر بنطلع على قرايبنا ،، نسلم على خالتي الكبيرة وبعدها انا وخواتي واخوتي نسهر في بيت اهلي
وثاني يوم عماتي بيجو هون ونلتم كل العيلة مع بعض
ثالق يوم خلص ما في زيارات عنا ولا رابع يوم
بس الناس كلها بتطلع في هاي الايام على الاماكن العامة والمتنزهات والملاهي وغيرها

فيه عادة عنا بالبلد نعملها ألا وهي طبخ - الطبّاخة - على الغداء ههههه
هي عبارة عن لحمة خاروف مطبوخة منيح منيح لحالها هيك بدون شيء ،، بتكون مع مرقتها
كثيييير زاكية ،، انا مش كل عيد بعملها
بس عنا معظم اهل قلقيلية بيعملو طباخة يوم العيد
وزي ما قلتلكم انه عادتنا انه الزلام بلفو على اقاربهم بفترة الصبح مش العصر هالعادة خاصة فينا


بس الي لاحظته في غالب كلام الأعضاء إنه في تشابه كبير بين الجميع في عاداتهم وتقاليدهم بالعيد

يعني سبحان الله برغم الاختلاف في الثقافات بس الحلو فينا احنا المسلمين دايما بتكون طقوس اعيادنا حلوة ومميزة وروحانية ونستشعر فيها صلتنا بالله
مثل صلاة العيد ،، التكبير ،، صلة الرحم ،، الاضحية بعيد الاضحى والصدقات ،، وغيرها كثير
لانه مرتبط في ديننا لهيك بنلاقي تشابه بينا جميعا
دائما كل اشي النا غير احنا المسلمين ومميز الحمد لله
الله يجمعنا تحت راية وحدة ونرجع امة واحدة

سلمتِ يا غالية على طرحك الرائع والمميز
خلتينا كلنا نحكي وكل حد يحكي عن عاداته
ابدعتِ
الموضوع مرتب ومميز والطقم حلو

في انتظار جديدك حبيبتي
في امان الله

​