SELEN | DESIGN GALERIE (1 زائر)

[Selene]

-



مرحبا يا حلوين

هون رح يكون معرضي

و رح حط اغلب تصاميمي الي صممتها قبل

طبعاَ حمستني المبدعة @C o n a t o !!​

 

[Selene]

هاد اكتر تصميم مٌحبب لقلبي !
هي كانت اول تجربة الي بإستخدام اسلوب ال Aesthetic بالتصميم

و يمكن هو المٌحبب لأني طلعت بهيك نتيجة من أول محاولة
يعني حسيت انو هاد ممكن يكون اسلوبي الي ممكن اثبت عليه بالمستقبل

طبعاَ لحتى صممت هالتصميم استلهمت كتير افكار من المواقع لحتى طلعت بهيك نتيجة
هي هية نتيجة تدريب النظر وقت التصميم ​

 

[Selene]

صممت هالهيدر وكانت الفكرة منو هو التلاعب بالكلمات
و بما اني من عشاق ستايل ال GLITCH سويت هالحركة
و كلها بشكل يدوي .

فكرتها صعبة بس طلعت لأَ ! و طبعاَ شوفوا
الهيدر كلو بسيط بس مشان كلمة وحدة شوفوا كيف
تحول !
​

 

[Selene]

هالهيدر شو احكيلكم عنو !
هاد تاني اكتر هيدر قريب من قلبي !!

و قصة هالهيدر اني صممتو بالجولة الأخيرة من مسابقة
التصميم ! حطيت كل جهدي فيه حرفياَ !

بهل التصميم طلعت برا الصندوق حرفيا !

تخيلوا انكم تختاروا فن مانكم متقنينومنيح و يكون تاني محاولة الكم فيه
بمسابقة تصميم !

المفروض بالمسابقات نختار فن متقنينو لأنو منرتاح فيه اكتر شي
بس انا دائما بحب اني اتحدى قدراتي بالتصميم و المشكلة الي عرفتو
انو القدرات عمرها ما رح توصل حدها الا اذا انضغطنا مثل مسابقة
او عمل و بما اني ما عم اشتغل بالتصميم ف قلت اني وصلها حدا
بهل المسابقة !

الهيدر كلو مصمم يدوي 100% حتى الخلفية سويتها بإيدي
حطيت الوان بالفرشاة ودمجتهم و حطيت خامات و سكرابز
لو تشوفوا PSD الهيدر ليوقف شعر راسكم من طوله !

و بما اني ما كتير كمان بترتيب السكرابز كمان كان هاد تحدي
و ما بتتخيلوا كم مرة عدلت ع مكان السكرابز و عدلت ع التصميم
ليطلع بهيك نتيجة !

- حتى بملف الهيدر حاطة على العمل النهائي FINAL X لأني
حفظتو 4 مرات و كل مرة غير فيه و ثبتت عالخامسة -

انا عنجد حكيت بأول رد انو هالاسلوب من التصميم مايلة عليه
لأن مو معقول اول و تاني تجربة يكونوا بهل الشكل ! مشان هيك
حكيت حاسة اني رح اثبت على هالاسلوب بالمستقبل !

يمكن البعض يشوفو عشوائي بس هيك هو ستايل التصميم
الي اسمو Aesthetic بكون في كتير سكرابز تحت ستايل هالفن
واهم شي يكون فيه مجسمات المنحوتات و اشهر الوانه هم :
الأزرق و الوردي . و خلفيتة بتكون ع الغالب GRID او ممكن
نحطها كسكراب جانبي .

بعدين صارت تطلع تصاميم بألوان مختلفة بس هالفن انشهر
بهل اللونين

طبعاَ لو كان ثابت رح يكون احلى بكتير لأن لما نحفظو ك GIF بتروح
شوي من وضوح التصميم اذا كان كبير . بس حبيت خليه متحرك لحتى
حط كل خبرتي الي تعلمتا بالتصميم بتصميم واحد .

​

 

[Selene]

-

هالتصاميم كانت هدية لِ @Xiao ~♪ بعيد ميلاده

رمزية

توقيع

توقيع آخر

غلاف

انا هون حبيت كتيركيف طلعت بالنتيجة !
بالرغم من اني ما بحب تصاميم الانمي لأني بعيدة عنها
بس حبيت نعومة النتيجة النهائية !
​

 

[Selene]

-

هدول تصاميم سويتهم لنتائج سهرة و طبعاَ انبهرت بالنتيجة خاصةَ الوسام !
تمنيت يكون ضمن مجموعتي !

و هدول كانوا هدايا للمٌشتركين

حبيت كتير النتيجة !​

 

[Selene]

و هاد تصميم سويتو طلب من المبدع @Mahdicchi لموضوعو الفخم !

و عنجد حبيت نتيجتو كتير !

و هيك كانت الفاصلة !

​

 

[Selene]

-
مجموعة تصاميم مختلفة

هاد التصميم انظلم كتير معي !
سويتو و ما كنت لاقي موضوع اعملو عليه !
مع اني كتير حبيت نتيجتو , فقلت اعرضو هون

هون حبيت كيف الصورة المتحركة اندمجت مع باقي التصميم !

هون كانت اول تجربة الي بدمج صورتين متحركتين بتصميم واحد

هون صممت فاصلة , بس كتير حبيت النتيجة !

هون كانت اول تجربة الي بإني جيب صورة كاملة و قصقص منها و اشتغلت ع الإضاءة و تصحيح الصور
حبيت النتيجة كتير و الخامة الضوئية سوت شغل !

-

هون صممت توقيعين و كانوا بالاساس درس

هون عملت تصميم ل 3 رمزيات , و انا نقطة ضعفي بالتصميم هي التصميم بمساحات صغيرة
مشان هيك بحب اشتغل ع الهيدرات اكتر . ف هون حبيت كمان اني اطلع برا منطقة الراحة عندي

بحب كتير فكرة دمج المنحيات بالتصميم !

هاد تصميم GRAPHIC كانت فكرتو بالاساس اني حط فيه كل خبرتي بالتصميم فيه
( الصورة اكبرمن هيك اضغطوا عليها )

و هون استخدمت موهبتي لإني طلع صوتي تضامناَ مع الفلسطينين ايام لما ترامب كان بدو يعلن اسرائيل عاصمتها

هون حبيت كيف من التدرجات فينا نعمل هيدر جمالي !

هاد اكتر تصميم ( علمي ) حبيتو و ما توقعت تطلع النتيجة بهل الجمال !

هاد التصميم كتير انبسطت بنتيجتو !

اما هاد العشق !
كان اول تصميم الي بإستخدام خواص الدمج بالخط نفس :
lighten , darken , overlay الخ

بس هالمرة استخدمت خواص تقريباَ نادر ما نستخدمها و بكونوا موجودين
بآخر القائمة و هن :

Difference
Exclusion
Subtract
Divide
Hue
Saturation
Color
Luminosity

هدول صعب استخدامهم وقت الدمج و الأفضل انو نستخدمهم
لما ندمج شغلات فيها ألوان بتطلع بنتائج بتهبل !

و كانت تجربة صعبة و بدها حس ابداعي بشكل
و حبيت كيف نتيجة الخط كيف طلعت مع تداخل الالوان ​

 

[Selene]

-


تطقيمات للجميلتين @SAIRYU @iMAYAKIH

هالتصاميم كانت من أحب التصاميم على قلبي من ناحية التطقيمات !

-

رمزية

توقيع

علاف

​

 

[Selene]

-



و هون لما عملت لأول مرة كرت بزنس
طبعاَ رحت ع اليوتيوب و قوقل و صرت اتعلم الطرق الصحيحة
لتصميم كرت بزنس . الو قياسات معينة ( لأنو رح ينطبع )
ف لازم مثلاَ ما يكون التصميم على كل المساحة لازم نترك
فراغ من جميع الاتجاهات

و من هون انا تعلمت كيف استخدم المسطرة بالفوتوشوب
و بصراحة كانت تطلعي قبل و يطلع معها قياس و اضحك
انو شو هي بس تعلمتها هون . هالمسطرة بتخلي تصميمكم
بالضبط مستقيم و بتتأكدوا انو مافي شغلات طالعة برا الحد
الي انتوا عاملينو

المسطرة بتفيد كتير وقت بدكم تطبعوا مشان تطلع القياسات بالضبط
او وقت بدكم تعملوا ترتيب للكتابة او الصور تكون تحت بعضها و بالعين
المجردة صعب انو نعرف اذا الكتابة هي فعلاَ تحت بعضها ولا في شي طالع
عن شي ف المسطرة بتكون كتير واضحة .

و انا بعرف انو ال CYMK للطباعة و ال RGB لتصاميم الرقمية بس بهل التصميم
تعلمت بشكل ( عملي ) شو الفرق بينهم و انو عنجد لما تحولوا التصميم لل CYMK
و بعد ما تحفظوه رح تنتبهو انو الالوان اختلفت , رح تشوفوا انو الازرق باهت و الاحمر
كمان , مو نفس ما بتشوفوه بالتصميم . و هو المفروض الالوان الي شفتوهم بعد الحفظ
رح تكون نفسها بعد الطباعة

^ تصميم الواجهة الخلفية للكرت

^ تصميم الواجهة الأمامية

​