تعلمت من بابا ربنا يرحمه صفة حلوة كثير وهي انو الواحد يكون عصامي لأنو كان عصامي بمعنى يشتغل ويتعب على نفسه لحتى يحقق أحلامه وما ينتظر من أحد يحقق لو اياها ، ويكون صبور لحتى يتحقق حلمه ، وهاي الصفة بس كبرت استوعبتها كثير منيح وأثرت على شخصيتي وقراراتي صرت أكثر أعتمد على حالي وجرب وغامر لحتى أعيش ، وأعمل مستقبل لألي وهاد احلى اشي ورثته من بابا صار عندي نضج كبير وأتطلع على الحياة بنظرة ناضجة وواضحة ، وكمان صفة أنو الواحد ما يكون استغلالي وطماع لمجرد أنه معاه مهنة لأنه كان الحمد لله ما يستغل الناس أو يرفع السعر عليهم لمجرد معاه هندسة كهرباء ومهندس يعني رحيم ، ورثت هاي الصفة وعهدت على نفسي أكون رحيمة بالناس وما أكون استغلالية ايش ما كان معاي شهادة وهاد كان أحلى قرار أو عهد
أما بالنسبة لأمي كانت عندها صفة التعامل الرحمة والتعامل مع الناس بأدب والأهم الخصوصية ما كانت تتدخل بأحد ، وأثرت علي هاي الصفة كثير منيح على شخصيتي ف صرت اعاملهم قدر الإمكان بلطف وأعذر الناس ، وما أتدخل بخصوصيات حدا ، وكمان ورثت من أمي صفة الدراسة وحب النجاح ، هاي الصفة الحمد لله أثرت على شخصيتي وخلتني أكثر اهتم بمستقبلي وأدرس حتى لو ما جاني شغف ، وأثرت على قراراتي خلتني أكثر واعية وأهتم بأمور نفسي
- تجيني أفكار كثيرة ومشاعر مختلفة في الآونة الأخيرة
وكنت أفكر أسوي رواية أو قصة قصيرة
أحس الكتابة من أفضل الأشياء اللي ممكن الواحد يسويها
تُعتبر من أحدى الطرق الناجحة للتفريغ النفسي ، وحتى أنها تنمي قدرات الشخص يصير أكثر فصاحة وبلاغة
ويقدر أحس يعبر عن مشاعره بداخلها كونه ما يقدر يفضفض لو يواجه صعوبة في التعبير عن نفسه ويتردد
ما أدري متى لكن جاري التفكير مُجدداً
ودي أتعلم برضو عن لعبة السودوكو ، والشطرنج جالسة تطلعلي مقاطع عنهم ويجيني حماس أجرب
برضو جاري التفكير فيهم
_ هذا الإنسان طلعلي مقطع أو مقطعين ألو على ريلز كنت بشوفهم عشوائي وأتوقع أحسن صدفة صارت لأنو الموضوع اللي بيحكي فيه في هذا البودكاست جداً مهم ونحتاجه في حياتنا الواقعية لحتى نغير نفسنا ، وتابعته بالفعل
وماشاء الله مقطعه في كمية إيجابية رهيبة والكلام طالع من القلب بشكل عفوي وهذا اللي نال إعجابي
بحس بإرتياح أنو في ناس لحد هسا مثل هيك روحهم خفيفة وفيهم وعي وحقيقيين
-
تدوينة بعنوان أريد أفهم شخصيتي
اني المعروف عني كما قلت قبل منطقية نص وعقلانية نص وحتى نمطي هيك بس مشكلة شخصيتي بحسها لها جانب اجتماعي شوي , بدو يصاحب بنات ويكون فرفوش ويمزح معاهم ويكون لطيف مع الجميع
والجانب الثاني اللي بدو اياها بعيدة شوي ولها عالم خاص فيها , وكمان بسبب مواقف سيئة مريت فيها سببت لي مشاكل ثقة عميقة وهي صحيح انها مرت وخلصت بس أثرها كان سيء للغاية لدرجة انها تأثر على علاقاتي الحالية رغم اني بكل قواي أحاول أمنع أي حاجة تحصل وتخرب لي علاقاتي الحالية
بسبب مشاكل الثقة العميقة اللي حصلت أشوف نفسي أحب أكون صداقات وأكون لطيفة مع الكل بس أتردد , لدرجة مقطع ريلز يعبر عن صداقتي مع هالانسان أتردد أرسل الو اياه أو كلام حلو كثير أو رسايل طويلة والمشكلة أنو ممكن يشوفك الانسان الثاني بارد وما بتعبر , أو ما بدك اياه
حتى على مستوى أطلب تطقيمة لو أي اشي حلو بعد للعشرة ومرات بشيل الرسالة حتى , وبحس مرات كثيرة هالشخص مستثقلني وكثير أشياء
بس أحسن خطوة سويتها اني أترك هالأشياء على أمرها يعني ما أبالغ بالتفكير ولا أخلي مشاكل الثقة العميقة تغلبني وتعملي مشاكل , وان شاء الله تروح مع الوقت
دمتم بأمان الله ~
.png "At (104) مش1")
.gif "At (138) ه1")
