مدونة متألقة - ٱيلـوٰثيريـا (1 زائر)

[N A Y]

-
استغفرُ اللّٰه و أتوبُ إليه

 

[N A Y]

رأيك عن القرن الحالي وما وصلنا له من تطور، عصر الجنون مع الذكاء الاصطناعي، اذا جربته قيمه لنا كيف شفت اداءه؟ شو توقعاتك ممكن يكون تأثيره ع العالم البشري؟
معك مجال مفتوح في " نقاش&رأي شخصي"​

كان في موضوع نقاشي الشهر الماضي عن هذا الموضوع وتكلمت كثير فيه
مع اني ما اذكر شو قلت تماماً :$
لنكون مُنصفين التطور لا بد منه وما يمشي تضل الحياة ع نفس الوتيرة دائماً
وتضل حياتنا في منطقة الراحة المعتادين عليها من الطفولة ، الحياة حالياً
تحتاج تاخذها بجديّة وتفكير أعمق ، لأنه كلشي صاير مثل سيف بحدّين وما ننكر أن
عصر التكنولوجيا والذكاء الاصطناعي ممتع من جهة ويسهل أمور كثيرة من جهة
لكن له سيئات كمان وأكثر شي لازم الأهل بالذات ينتبهوا منه هو استخدام أطفالهم
للأجهزة والمحتوى يلي يشوفوه والأفكار يلي تدخل عقولهم يومياً ، وكمان يلي بأعمار المراهقة
وحتى الشباب ينتبهوا لجديّة نشر صور او فيديوهات لهم لأنه صاير سهل جداً تركيب
فيديوهات باستخدامهم وإدخالهم بمشاكل كبيرة مع الأهل او تشويه سمعتهم
مع كثرة العقول المريضة يلي ممكن تكون حتى من الاقارب والغيرة ممكن تخليهم يسوو
اي شي ليخربوا حياة غيرهم وياما مرت علينا هيك قصص .

ما عندي تجربة فعليّة لأحد برامج الذكاء الاصطناعي بس كنت أوقات
ارسل رسائل استهبال واسأل عن حاجات عامة مثل ما كنت بسأل سيري بالجوال
لكن ما صار موقف اني احتجت استخدمه بشي ضروري مثل حل واجبات او بحث علمي
وتوقعاتي للسنين الجاية مع تطوره بشكل أكبر رح يتم الاستغناء عن الأيادي العاملة البشرية
في كثير مجالات وهذا الشي له فترة صاير بس أكيد رح يزيد بس ما عنا فكرة لأي درجة
ممكن يوصل ولأي نوع من الوظائف بس من جهة ثانية عم تظهر وظائف جديدة متعلقة
بتطوير انظمة الذكاء الاصطناعي ، حتى ممكن ع أيام احفادنا تكون الروبوتات منتشرة
واعتيادية ويشوفوا بجد بيوت تتحرك ، سيارات بتطير وهاي الأمور الغريبة xd

احس إني تفلسفت كثير المهم آخر شغلة بذكرها ع سيرة الروبوت
قبل كم سنة كان في لقاء انتشر جداً لـ شخص صنع روبوت بشكل فتاة واعطاها
اسم بس نسيته المهم كانت بشكل قريب جداً من البشر وقالت بلحظة أنهم
رح يسيطروا عالعالم او يمكن النص الحرفي قالت إنها بعد سنين رح تكون واقفة مكان مُقدم
البرنامج ما اذكر الجملة بالزبط ، بعدين سكتت لحظات وقالت إنها تمزح
لو نجي نفكر فيها فعلياً اللي صنعها ما دخل في نظامها انها تقول هيك كلام
ممكن نعتبر انه قالته من نفسها ، صحيح صنع الخالق ما رح يتفوق ع قدرة وذكاء
المخلوق لكن الموضوع له تفصيلات ثانية ، أظن الفيديو يلي تكلم عن هذا المقطع
في قناة عمر ابو الرب .

احتاج ختم إداري هنا مش ختم فعالية

 

[N A Y]

تخيل أنو طقس بكره راايق ، احكيلنا عن حالة الجو المفضلة عندك و صف لنا تفاصيلو و
ما يصاحب هذا الطقس من مشاهد
كيف يتفاعل مزاجك ونفسيتك مع هذا الجو؟ هل بتحس بالراحة والسعادة ؟ أو بتحس بطاقة أكبر ، أو من جهة تانية تحس برغبة بالنوم ؟ شاركنا شعورك! ​

الفصل المفضل عندي أنا وبقيّة الناس العاقلين الطبيعين هو الشتاء
ولا عزاء لجماعة الصيف غريبين الأطوار الله يهديهم
أكثر وقتين أحبهم هم شروق الشمس والغروب والهوا البارد المنعش يلي يكون مرافق
لهذا المنظر الرهيب ، أفخم مكان تتابع منه هالشي وتعيش الجو هو البحر
وحضرت مرات كثيرة الغروب في البحر ، صورة من آخر مرة ولو مو باين انه وقت غروب #هنا
حرفياً البحر والهوا البارد والغروب يعتبروا علاج نفسي ،
ساعة بس بعدين تطلع منكد كمان مرة
يعجبني الجو الماطر كمان ، ما أفضل انزل امشي وقتها بس أحب اسمع صوت
المطر وأتفرج عليه ، بشكل غريب واحس الوصف هذا مش راكب عالموقف والبرود
يلي بكون بالجو لكنه يعطيني شعور بالدفء ، الراحة ، الانتماء
وأحب أنام ع صوت المطر كمان عندي عادة اشغل هيك مقاطع باليوتيوب
كمان يعجبني الجو الغائم وأحب اتأمل السما والغيوم وقتها وانزل لمكان مفتوح اجلس فيه

 

[N A Y]

الحياة عملتنِي أنني لن أتخلصّ من قدرِي إن هربت ، بشكل قصِير وسريع ،
الإنسان يصطدم بنفسِه كلمّا هرب ، اذهَب أينمَا تُريد فـ أنت تأخذُ نفسَك ، قدرَك ، ما جمعتَه ،
جراحُك ، تواجُدك ، آمالك ، المسألة ليسَت الذهاب ، لأنك نفسُك التي تأخُذها معك .


كلّ شيء كما يجِب أن يكُون.

 

[N A Y]

جيت ألمّ المدونة من الصفحة الثانية بالقسم
ودامني كل ما دخلت المكان أتذكر عدد الناس يلي سوولي منشن
بمدوناتهم واتوتر لاني لسا ما رديت ع أحد
حبيت تتورطوا انتو كمان

@Alfredo
@A S T E R
@ROI
@ديمو.
@Detective JoulZ
@Delythena
@Evaℓɪиє Nєss
@Dr.Saki~☆
@الزمـردة
@Fear
@R O O B E
@لِيليث.
@S a n d r a
@M.SaMa
@MARTIN
@Sir Crocodile

 

[ديمو.]

-
شكرررا ع منشن مبسوطهه لهالشي صراحه تعاملت معاك
بلتصميم كثيرر هههه xd وكنتي دايما انسانه نشيطةة وانسانه شغوفه
واحس طموحاتك عالية زخيالك واسع انسانه هاديةة
بس حسااسه كثييرررررر >< مو اجتماعية كثير بس
لو ارتحتي لحدااا بتكوني اجتماعية معه بتحبي طبيعه والحياه
بس برضوو عند جاانب كئيب وتزعلي بسرعةةة ><
بس برضو ترضي بسررعه *^^* بتفكري كثير واحسك برضو فضوليةة :$$
بتمنى ماكون غلطت وزبطتت بتحليلي بس سعيدة بمعرفتكك
انسانه طيبة ولطيفه دمت بودد ​

 

[FL❀Y]

اهلين فاتي كيف اخبارك عسى كل امورك تمام بتتشمتي فيني بالمنشن و ماتدرين انو شرف لي تحليلك -فنون الغزل-

اول شي بحبو كتير بشخصيتك جرأتك و قوتك

ماتخجلي تحكي اللي عليك و اذا في شي لاحظتيه ماتترددي تحكيه و بتقولي الشي اللي ببالك و تطرحي رأيك بكل شهامة و قوة

ثانيا تميزك بالمواضيع و ابداعك في الالقاء حرفيا الاقسام العامة منورة بوجودك و محظوظين بطلاتك و ابداعاتك في القسم و دا يظهر بكمية مواضيعك الادارية اللي ختمها مش تسليك و انما نتيجة تعب و مجهود واضحين

الاحظ كمان حرصك و تفننك بالشي اللي تمسكيه و بقدر اقلك انو قسم الروايات العالمية كان نايم قبل ماتشرفي عليه و تحوليه لابرز اقسام التون

و عندك ذوق خطير في الصور و ملفك دايما مرتب و عملك منظم و مدونتك كمان منظمة و تعكس روحك المتفننة و ماامدح على الفاضي انا من المتابعين لمدونتك أول بأول و احبها و احب افكارك اللي تطرحيها

نجي للجانب الاجتماعي لشخصيتك يوم تقرري تضحكي انسان ماتطلعيه الا و هو ميت من الضحك و اذكر دا من ايام رمضان و فعالياتو و كيف كنت بتقولي ذبات و نموت ضحك عليها وقت السهرة لما نتحمع

انا من وقتها اعتبرك من اعز صديقاتي خاصة انو عندك اسلوب محترم جدا لما يحكي و سلسة في التعامل و اكتر شي بحبو فيك انك انسانة مباشرة و ماتلف و تدور قبل ماتعطي المختصر و بتحكي اللي بخاطرك و ماتمدحي الرايح و الجاي -انا شخص كاره تماما للتسليك و التطبيل و العبارات المعسولة اللي مالها اي هدف او فايدة- و دا لاحظتو انك ثابتة الرأي و بتقولي على الصريح و احب هيك شخصيات

عندك لباقة في الحكي و فصيحة اللسان حتى لو حكيتي بلهجتك بيبين مدى ثراءك اللغوي في اي نقاش تدخلي فيه

عندك شخصية مرنة و لطيفة و مش صعب حدا يتقرب منك و مش بخيلة في المساعدات

باختصار انت من بين مشاهير التون و من الاشخاص اللي انا معجبة فيهن الله يديم لنا نشاطك و مايحرمنا من صحبتك و جديدك

 

[N A Y]

استغفرُ اللّٰه و أتوبُ إليه​

 

[N A Y]

"ثمّ في غفلةِ كلّ شيء
تتسربُ الطمأنينة من كلّ تلكَ الأشياء
التي ألفناها طويلاً ،
ولا أحد يفهم ،
لمَ لا تحافظ تلك الأشياء
على طمأنتها الاولى؟
ولمَ على الوحشة أن تنبثق أخيراً
من عمقِ تلك الوجوه؟"

 

[M.SaMa]

مرحبا
كيفكم يا أطفال
فاتي أو NAY هيك بتعرفوها
وأنا عرفتها بــ: آماسيا وكثير أسماء
لا تسعني الذاكرة ولا الحروف
ولا يسعني الوقت لتذكرها وذكرها
لكن يبقى اسم واحد متشبث بجدار الذاكرة
متعلق بهوامش جدار الذاكرة ببقايا الذكريات
التي عصف بها الزمن"" كواندا""
هكذا سميناها لدقائق فقط
أعرف هذه الطفلة المتحذلقة من 2018
لازالت كما هي مزعجة وفضولية
لست هنا لتشريح شخصيتها ولا لتحليل نفسيتها

محتوى مخفي: ممنوع الدخول

ادري تنتظرين أمدحك صح؟؟
فشرت ""بصوت أبو عصام""

لكني هنا وكلي فخر واعتزاز بأختي الصغيرة المزعجة
فخورا أنا جدا بتواجدي هنا، لأترك أثرا وذكرى
تغمرني سعادة لامتناهية، لأقرأ لها وعنها آرائكم
التي غمرتني بكل الحب والود والاحترام
الذي لمسته واستشعرته في حروفكم لها
للإشارة فقط، دائما ما كانت مدونتها من أرقى المدونات ولازالت طبعا
كتاباتها ها هنا تنبئكم عنها، عمن تكون
هنا نثرت بين قلوبكم آمالها، أحلامها، آلامها، همومها
ألقت بنفسها بين ثنايا حروفها، اختبأت بين سطور كلماتها
وقالت: ابحثوا عني، لست قريبة منكم ولا بعيدة عنكم
ببساطة هذه هي ""كــوانـدا"" خاصتنا تتجلى أمامكم بــ ٱيلـوٰثيريـا
رائعة ومميزة هي، أعتز كثيرا بأخوتنا
وأتمنى لك كل الخير والتوفيق والسداد في حياتك
للأمانة لا ادري كيف ختمت كان في جعبتي الكثير لأقوله
لكن ""ادري اكتب للطفال وخلقكم ضيق ""
وكواندا ما تستاهل لو مدحتها اكثر تمسكها علي
لهذا ، وهنا أضع هذه .