-
السلام عليكم ورحمة الله
كيف الحال توليب الجميلة عساكِ بخير
بقدر احكيلك بكل ثقة إنه تقريرك عن هاللعبة
هو أفخم تقرير مر عالقسم من كل النواحي والتفاصيل!
.gif "at1 ق1")
تصميم الطقم فخم جدًا حتى تنسيق خط العنوان عجييب
مثالي ومتناسق لأبعد حد كعادتك تبهرينا كل مرة بتصاميم
بأشكال وطرق مختلفة وانيقة، حبيت المقدمة يلي بديتي فيها
الموضوع الواحد يحس الرسالة موجهة له شخصيًا وتفرحه
كنت رح استغرب انه كل هالوقت ما سمعت فيها ولا مرت عليّ
لإنه من تصميمها ورسمها توقعتها تكون قدييمة بس طلعت
تعتبر جديدة، مع هيك اهتموا بإنهم يصمموها بثيم قديم
ويحبوه الأغلب وهالشي حلو، ما رح احكي عن الاولاد
بس اكيد انه اغلب البنات يتفقوا معي ومعك انه العاب المزرعة
هي احلى انواع الالعاب
، كمان شغلة انه ممكن لعبها
لحد 8 لاعبين سوا شي جديد على هالنوع من الالعاب
واكيد انه حلو رغم انه ما فيه حد ممكن العب معه
بخصوص انه جد شكله تمامًا كأنه سانتا كلوز بس بلبس اخضر
بدل الاحمر xd، لكن رسالته بأمانة ولو نيجي للواقع فهي
كمان تعتبر حلمي، عمر الشيّاب هذا في مزرعة بعيدة وسط
الزرع والحيوانات < تابعت كثير مقاطع عن ناس هيك من الريف
وتأثرت فيهم معلش
شكل رسم الشخصية وملامحها ذكرني في ماريو )"
ونظام الثمان مزارع جمييل! فعلاً وقفة تقدير لصاحب اللعبة
ع أفكاره الرهيبة يلي دمجها كلها فيها وهنا بدينا نفهم شوي
ليه هي بفلوس مو مجانية،لو انا بدي اختار منهم
ممكن اختار مزرعة الشاطىء، او المروج
وحتى مزرعة الزوايا الاربع رهيبة وبتخيل انها حتكون اكثر وحدة
مسلية لما تلعب مع ناس تعرفهم بس
وممكن نقول بخصوص المحاور يلي رح اميل الهم اكثر هم
الزراعة بالمقام الاول وبعدها الصيد والاستكشاف لكن التعدين
مو احد الأشياء يلي ممكن استمتع فيها كثير كمان القتال مو جوي
كثير احنا نحب السلام بس
صور محطات اللعبة اخذت بقلبي بأمانة حبيتها جدًا!
بس بديت احس انه من كثر ما فيها تفاصيل حتكون صعبة
ومعقدة والواحد ما رح يعرف يفهمها لبعد وقت طويل من اللعب
رغم انك ما قصرتي ابدًا بالشروحات يلي حتساعد كثير
وقت بداية اللعبة، بخصوص فقرة شريك الحياة هاي جابت لي
صدمة بأمانة ما توقعت لهدرجة داخلين بالتفاصيل كأننا صرنا
بلعبة ذا سيمز، بس اكيد انه هالشي جميل
والرمزيات اعجبتني جدًا ابدعتِ فيها، انه شو كل هاللطافة معلش؟
بخصوص تقييمات اللاعبين ضحكت بجد لما قلتي اغلب
التقييمات السلبية بسبب موضوع الزواج xdd
معلش احنا البنات اوقات بكون عنا نظرات غريبة للامور
بالتأكيد اني رح احملها قرييب! < اعرف قلت نفس هالجملة
قبل أسبوع بس جد من بعد تصفحي للموضوع خلص
تأكدت انه بدي مستقبل معها رغم انه حلوة بسهرات ليالي شتوية
بحس بس عادي نشغل فيديو صوت مطر ونعيش معهم الاجواء
يعطيك الف عافية يا جميلة الموضوع تجاوز كل حدود الابداع
واكيد منستنى بكل حماس جديد مواضيعك
جاري التقييم وفي امان الله
.gif "At (448) ض2")
