خاطرة | السقوط ~ (2 زائر)

[صديق كورابيكا ༄❥]

قد تكون الأشياء التي تؤخذ لأعلى قمةٍ
ويتم إفلاتها لتهوى في الأرض
وتتهشم

هُناك أشياء
لم نملك خيار إبقائها
كان عليها أن ترتفع وتقع
قد تكون رهبتنا في القمم العالية
قد نخشى من عدم الثبات و قد لانتوازن
قد نخاف من أشياء لانتساوى في علوها
قد نرفع ذلك الشعور إلى أقصاه
قد نكون في حافة خياراتنا
قد نخاف من أن نرفع شيئًا ليس له دعامة تُثبته
هُناك اللحظة التي بدا فيها كل شيء عاليًا
كان كل شيء بعيد عن الايادي و لاتخطو فوقه الأقدام
هُناك البعد الذي لا يصل وهناك الإرتفاع الذي تدنو منه الأشياء
وتظل عُرضة للسقوط
قد تلحق العين أول ما سقط
لكن لن تُعيد رؤية إرتفاعه كما بدأ
كيف نرفع ماهو آيل للسقوط
كيف نستطيع تكوين تلك الهضبة
ونحن نواجه الخشيان من الاعتلاء

الارتفاع ليس دائمًا سيكون هيبة
قد يكون دلالة للسقوط المدوي
لذلك لا نرفع شيئًا حتى نتأكد من أننا قادرين على تأسيسه
أو نكون عارفين أنه راسخ في جذور الأرض

 

[Y U M I]

السلام عليكم ورحمة الله وبركاته
كيف حالك أخي كليثروس إن شاء الله بخير وبأفضل حال
أنرت القسم بمواضيعك الحلوة ما شاء الله على إبداعك
حبيت فكرة الخاطرة الي كتبتها

أحيانًا منكون قدّام فرصة، أو شعور، أو حتى فكرة، ومنخاف نكبّرها أو نرفعها لمكان عالي، لأن ببساطة منحس إنه ما عنا أساس قوي نثبّتها عليه، أو يمكن لأن التجارب السابقة علمتنا إنه كل شي بيطلع بسرعة، ممكن يوقع أسرع.

الفكرة مو بس بالخوف من السقوط، أحيانًا المشكلة إنك مو متأكد إذا اللي عم ترفعه عن جد بيستحق يطلع لهنيك، أو إذا إنت أصلاً جاهز تتعامل معه إذا طلع.
متل كأنك شايف حلم قدامك، بس بتقول لحالك: "شو إذا وصلته؟ شو إذا ما قدرت حافظ عليه؟"

وفي كتير ناس بتعيش بهالحافة، حافة الاحتمالات، بين "أرفع أو لا؟"، "جرب أو خليها؟".
هالحالة مرهقة، لأنك طول الوقت بحالة ترقّب، ما عم تعيش لا السقوط ولا الارتفاع، بس واقف عالنص، خايف من الجهتين.

بس بنفس الوقت، ما لازم نضل نخلي هالخوف يشلنا. مو كل ارتفاع معناته سقوط، ومو كل محاولة فاشلة. أحيانًا لازم نجرب، بس بذكاء.
مو نرفع الشي عالعماوة، ولا نركّز على بس نحطه فوق بدون ما نكون مأسسينه صح.
لازم نكون عارفين نحنا ليش رفعناه، وشو بنعمل إذا هزّته الريح.

الموضوع هون فيه توازن.
يعني مو غلط تحلم، مو غلط تبني، بس الأهم إنك تعرف كيف تبني.
متل ما قلت بالخاطرة: "لا نرفع شيئًا حتى نتأكد من أننا قادرين على تأسيسه أو نكون عارفين أنه راسخ في جذور الأرض
".

وفي شي تاني حسيته بين السطور، هو انو أحيانًا منكون نحنا هاد الشي اللي ارتفع وسقط، أو حدا رفعنا، أو نحنا رفعنا حالنا، وبعدين ما قدرنا نتحمّل العلو، فوقعنا.
التجربة هي بتخلينا نخاف نعيدها.
بس خليني قول شغلة، السقوط مو نهاية، هو درس. والسقوط الجاي ممكن نتفاداه لأننا عرفنا شو اللي خلانا نوقع المرة الماضية.

فالرسالة اللي طلعت معي من خاطرتك، إنه الارتفاع مسؤولية، مو بس حلم.
ومو غلط نرتفع، بس لازم نكون واعيين كيف، وليش، ومع مين.

وبالنهاية، مو كل شي عالي معناته ثابت، ومو كل شي تحت يعني ضعيف.
في أشياء تحت بس جذورها أقوى من جبل، وفي أشياء فوق بس الهوى بيطيّرها بلحظة.

ما شاء الله عنك مواضيع جميلة وخواطر رائعة عسى ما ننحرم من هالطلة
كل الود ~
دمت بخير ​