الختم الماسي MAGICAL (2 زائر)

[Shine]

YAFA - 25 JAN

A moment of silence and appreciation
Wherever the magician stands
there is no room for eyes to do anything
.but be humbled as they watch what he does

Magical

-

​

 

[Shine]

هلو هلو ~
كيف الحال ؟ شو الأخبار ؟
مبسوطة بشوفتكم ~
جيتكم اليوم بموضوع خفيف ظريف << مش قبلانة غير بختم محترم
و حابة أفرجيكم هالتصميمات اللس سويتهم ~



-


HOT

- لوك حبيت أركز فيه على اللون الازرق و الأحمر
الرندر سويت عارض بالذكاء الاصطناعي بدون ملامح
الخط تبع HOT كثير ركزت عليه عملي حركة باللوك كامل , اذا حابين تتوريال احكولي ~
التصميم ما تعبني و ما طولت فيه لإني كنت عارفة ايش بدي أعمل فيه
كنت اتوقع إني مش بحاجة لكثير خامات بس والله استهلكت فيه شوي -
-

الصورة اللي استلهمت التصميم منها :
HOT

-


PETRA

- أكثر تصميم حبيته و كثييييير فخم و ناععممم , مش طبيعي شو معطيني فايب رهيب
خصيصا الصورة تبع البترا طالعة بجو له نكهة غامضة مثل الآثار السحرية القديمة
التصميم ما فيه غير خامتين صورة البترا و خامة الخلفية .. الباقي كله خط و تأثيرات و اشكال
و هالشي عفكرة ريحني لأنه أعطاني فرصة أفكر كيف أسوي حركة بسيط بالتصميم تنقله لمستوى ثاني
احكولي شو اللي حبيتوه فيه -

-
الصورة اللي استلهمت التصميم منها :
PETRA
-


WORK

- تصميم بسييييططططط جدًا جدًا
بس طابعه خطير , على قد ما كان بسيط فعلًا حطيت خامة البدلة اول اشي
و بلشت بالخط مباشرة أعدل عليه , التدرج بلون الخط نقله حرفيًا نقلة محترمة عن الألوان السادة
و حرفيًا أجتني فكرته فجأة و أنا بتطلع على الصورتين اللي استلهمت منهم
و بالأساس فكرة التصميم كانت بحركة الخط تبع كلمة WORK -


-
الصور اللي استلهمت منها التصميم :
WORK1
WORK2
-


Destiny

- تصميم حيرني شوي شو أعمل فيه
لأنه ما كنت بدي أقلد تمامًا الصورة اللي استلهمت منها و بنفس الوقت ما بدي أطلع عن الستايل
كنت حابة اشي ناعم بس قفزنا بالألوان و صارت نصها فاقعة و مركّزة
بعد ما خلصته كانت لسا الفراشة مش موجودة
و كنت حاسة بفراغ فيه فدورتلي جيف و بصراحة احسنت الاختيار~
كلمة ستار موقعها ضابط و البنوتة شو نعووممةةة -

-

الصورة اللي استلهمت منها التصميم :
DESTINY
-

PEACE

- ممكن تشوفوه تسليكي بس ترا تعبت و انا بعمل فيه لأنه بالأساس كنت بدي أعمل حركة جيف
بكلمة PEACE بس فشلت فشل ذريع (( أصلًا كنت ميتة نعس و أنا بعمل فيه
بس حبيت التركيز فيه عاللون الازرق و بعد ما خرب معي رحت عجقته بالاحمر , بس حركة الخط حلوة عفكرة
اذا بدكم تتوريال احكولي -

-

الصورة اللي استلهمت منها :
PEACE
-

JUST

- JUST اسم جامعتي المختصر عفكرة xd
اسمها Jordan University of Science and Technology
التصميم بالأصل أنعم من هيك بس انا كثير عجقت التصميم بالتأثيرات
بس بنفس الوقت ما حبيت أتخلى عنها , و هدول الصور انا اخذتهم و همه كثير بسيطين
و في اماكن احلى لتتصور بس يمكن أحلى اشي فيها الجامعة الخضار
و الساحات اللي مليانة شجر و اللي عفكرة بالشتوية بتسرق القلب
مش من قليلة اسمها جوهرة الجامعات , عالجامعة لحالها والله بحبها
بس عالناس اللي فيها الله يجيرنا -

-

الصورة اللي استلهمت منها :
JUST
-

 

[Shine]

متحمسة أشوف ردود فعلكم

+

برعاية فريق التصميم

​

 

[YAFA]

-
السلام عليكم ورحمة الله
كيف الحال هبوش المبدعة ان شاء الله كلشي تمام
شو كمية الفخامة والابداع هذا ما عرفناك كل يوم تطوري
اكثر من يلي قبله ما شاء الله وتطورك رايح ع ذوقي بالزبط
بس اول اشي مين الشطور يلي بده يعطيني psd الهيدر
الهيدر فخم جدًا! عدّي معي : متناسق، انيق، رهيب، راقي، فخم
كمان مرة، بدي الخامة يلي معطية جو المربعات والدوائر < هاي ضمن العد كمان، حرفيًا التصميم مثالي ك توزيع خامات والوان وتنسيق الخط والكلمة اكثر اشي يوصف جماله وجمال التصاميم كاملة
حبيت انك اضفتِ صور للتصاميم يلي استلهمتي منها فكرتك
وكيف قدرتي تحافظي ع نفس الثيم تبعهم بنفس الوقت نقلتي
التصميم لمستوى ثاني وطلعتي بنتائج فنانة وكلها ابداع
الاول ما بنوصف غير انه بوستر كيدراما احترافي، الالوان المدموجة
سوا والكتابة يلي ورا الشخصية وتأثير ال nose ابدعت فيه
والتصميم الثاني اتفهم جدًا سبب تفضيلك اله لانه فعلاً فخم
ك الوان واجواء كانت حركة ذكية بجد انك قررتي تخصصيه لصور
البتراء لانه لايق عليه اكثر من الصورة الاصلية ودمجك لحروف الكلمة
مع التصميم كمان احلى من الاصلي، فنانة
الثالث فكرته رهيييبة! هي الواقع المحزن للموظفين العاملين والضغط
اللي يعيشوا من الشغل بس معلش يستاهلوا، كلمة work تفوز
الرابعة من الطف التصاميم الموجودة، بألوانها وملامح البنت وتناسقها
العجيب مع باقي الالوان والثيم وكل هذا بجهة والgif بجهة ثانية
وصل التصميم لنتيجة 10/10 وكلمة ستار كمان بالمكان والشكل المثالي
الخامسة احسن بأضعاف المرات مما كانت قبل، فعلاً عرفتي ترقعي
كويس بعد حيرتك الطويلة فيها وانتهت بطريقة صارت من افخم
التصاميم الموجودة واحسها المفضلة عندي اكثر من الاولى
وقطعًا احلى من الصورة المستلهمة منها الفكرة، فيها روقان عجيب
وفرت عليك شرح طريقة عمل كلمة بيس لان عرفت الطريقة من فترة
الاخيرة مع كمية الخضار يلي فيها والنتيجة اللطيفة ذكرتني بجامعة
عنا اسمها خضوري< من كثر ما فيها اشجار ولون اخضر
تصميمك حسّن النظرة للجامعة ونقلها من كونها جامعة ل حديقة
كلها ناس مسالمين xd، ابدعتِ فيها وفي تقسيم اماكن الصور والكلام
ومالها معجقة بالعكس حلوة جدًا
يعطيكِ الف عافية، اكيد لازم تكرري فكرة هالموضوع مرة بالشهر
عالاقل ولا تفتحي لك معرض تنشري فيه، لانك عم تطوري بشكل مبهر بدون
اي مبالغة وصدقي اني ما قلت اي كلمة لمجرد المدح الفارغ بجد فخمة
انتِ -ال psd بليز-
في انتظار جديد مواضيعك الكتكوتة دائمًا
في امان الله