الختم الاداري سالي قصة الطفولة التي لا تنسى | تصاميم منوعة | (4 زائر)

[F L O R A ❀]

وعليكم السلام ورحمة الله وبركاته
كيف حالك مستر هيرو ؟ يارب بخير

🥹 سالي " سارا "

"أنا قصةإنسان أنا جرح الزمن
أنا سالي سالي

أعيش في حنين لوقع المطر
لضوء القمر ورسم المصير
سالي سالي سالي"

من الانميات " الكرتون القديم " اللي تابعته السنة الماضية تابعته قبل مدبلج زماااااااااان على اليوتيوب ‍ للأسف هذي الانميات زي سالي ما كانت تنعرض عندنا على القناة السعودية الاولى ما كان عندنا غيرها .. بس كنت دايما اسمع عنها سالي من الطفولة عمتي كانت تحبها مرة و تتابعها وكانت تنعاد على قناة من القنوات وقت الصباح ف كانت تجلس تتابعها بعد ما يروحون عيالها المدرسة و تجلس تبكي مع سالي 🥹 ..
أنا مو فاهمه جد هم ليه غيروا اسمها في الرواية من سارا إلى سالي ؟! هل عشان الأغنية مازبط معاهم اسم سارا ؟ سارا من الأسماء الجميلة جداً حتى ماما تحكي لي غيري اسمك ل سارا تقول هذا الاسم كنت ابغاه لكِ و أحبه بس أبوك هههه

المهم .. أنا حتى بحب الشارة القديمة و دبلجتها ما حبيت صراحة التغيير اللي صار في اعادة الإنتاج و الدبلجة الجديدة و تغيير الشارة اللي حطتها سبيستون أبدا ..

طيب لا نطول و نبدأ بالموضوع من فين أبدا بس 🥹 🥹 أنا شايفه انك جالس تنزل مواضيع عن أنميات زمن الطيبين و الماضي الجميل وهذا جميل جداً اتمنى يكون في قائمتك دروب ريمي ، عهد الأصدقاء ، فلونة ، الحديقة السرية .. هههه لو تكلمت للغد ماراح تنتهي القائمة في كثير أعمال نبغي نشوفها من مواضيعك

خلينا نبدأ مع الهيدر ما شاء الله
عجبتني الالوان و التأثيرات التي استخدمتها و حبيت جداً التأثير المتحرك ..
و أغصان الزهور التى أضفتها للتصميم كذلك ..
أرى حقا انك اضفت الكثير من التفاصيل للتصميم كبرت الصورة عشان أشوفها عن قرب ولقد اعجبتني الخامات وحقا اعطيت شعور رائع الهيدر احساس لعمل قديم . . لكنه لايزال حاضر في قلوبنا جميعا..

الان نروح مع الرمزيات و النموذج الاول :

لكن بالبداية خبرني هو أنا اتهيأ انو في رمزيات لروميو من عهد الأصدقاء ؟ هل أتت بالخطأ ؟ ام انها تشويق و تلميح للموضوع القادم .. !

القالب و الالوان و الرندرات التي اخترتها جميلة جدا و متناسقه حقاً
و التأثير هنا رايق جدا ..

المجموعة الثانية:

🥹 ببكي من جمالها ما شاء الله جداً جميلة حبيت الخامات و الايطار بالتصميم معطي شكل جميل للرمزيات يااااه حبيت سالي هنا بالرمزية اللي لابسه فستان وردي نفسي ألبس زي هذي الفساتين ..
المجموعة الثالثة:

هنا دمجت بين عدة خامات صح
حبيت كانها خلفية قصور و قلعة قديمة
و الساعة على اليمين اما جهة اليسار مو واضح لي الخامة شو .. !
احببت ايضا الخط في اسم سارا
المجموعة الرابعة:

الرمزيات المربعة الصغيرة هي المفضلة عندي دائما لانها تكون واضحة لي عند استخدامها من الجوال وحتى وقت أخذ لي سيلفي ..
الخامة اللي استخدمته هنا هو نفس تبع الهيدر صحيح جميل دائما تعطي نتيجة رائعة كنت بحب استخدم هيك خامات
هنا حسيت انو الخط مناسب لهذا القالب
المجموعة الخامسة: المتحركة

الخامة هنا كانها نجوم صغيرة رائعة حقا ..
اعجبني اختيارك للصور المتحركة حقا و تنوعها .. وكاننا نشوف كيف كانت و كيف اصبحت .. لكن اهم شيء انو النهاية رجعت سالي كما كانت فتاة نبيلة و غنية ..
القالب جميل جدا أبدعت حقا
بتجنن التواقيع أنا بالعادة ما احطها لاني استخدم الجوال ما يظهر لي لكن عجبتني بطقم لي توقيع و رمزية

..
الخامات اللي استخدمتها رهيبة ما شاء الله
حلو كمان انك كتبت بالتواقيع بالعربي

الاغلفة:
حتى رغم استخدمت نفس الخامات اللي فيه التواقيع لكن في اختلاف بسيط بينهم كلها بتجنن ما شاء الله
واخترت لي توقيع و رمزية
بس الاغلفة لا .. مو متعودة استخدمها غير الصور من دون تصميم ..

يعطيك العافية يارب على الموضوع الرائع و ننتظر المزيد من ابداعاتك الجميلة

دمت بحفظ الرحمن ورعايته ​