مدونه تعال وانت نفسيتك حلوه (2 زائر)

[21-_-21Rayan]

اوكي صراحه توني اتعلم كيف ارتب النص بحيث يكون واضح
وبالنص علعموم اشوف الي مسوين مدونات غيري
اغلبهم يسون فكره تعريف وفضفه صراحه لامسني شي غريب مع اني ما اعرف احد فيهم من ناحيه شخصيه او صداقه ولا اعرف شي عنهم
لكن احس بداخلي وقت ماكانوا يكتبون هذي المدونات انا احس بكم شي اولا اتمنى انهم يكونون الان بأفضل حال وسعدين ومحقين كل شي كانوا يحلمون فيه وقت كانوا بهذا المنتدى ثانيا اقعد اسرح وانا اشوف كلامهم وطريقتهم كيف انها عفويه ولطيفه وطالعه من القلب بكل صدق و ود وفعلاً اكون سعيد يوم اشوف مثل هذي الاشياء ف يوم فكرت اسوي مدونه قعدت افكر لايش ابيها تكون فكرت اسوي زي ساحه للنقاش علو الانمي وكذا بس صعبه لان الاغلب اصلا مايتفاعل مع المدونات حتى قبل على ايام 2014 عز المنتديات محد كان يتفاعل مع الي كاتب المدونه ف مابالكم الحين ما اتوقع في احد بيقرا كلامي هذا او وصل الى هنا لكن اتمنى صراحه ف جاي هنا اتكلم على كم شغله اوه اي شو فكوا بث الان ماعلينا اولا انا انسان احب الذكريات والماضي ونوعا ما عايش بالماضي ما اعرف صراحه اذا ذا الشي مضر او عادي لكن ما اتهم اهم شي اني مبسوط طبعا ودي باذن الله بعد 10 سنين وفوق ارجع هنا واشوف كلامي هذا طبعا الحين عمري بدخل 17 بعد شهر وشوي ماعندي اخويا ولا واحد وما اسوق وباقي ماقفلت على القدرات والتحصيلي لكن عادي الحياه حلوه وباذن الله القادم اجمل في عندي اماني كثير للمستقبل لكن ما ادري ايش بيصير المهم انا انسان احب الصحك وعدم الجديه لان الحياه مره وحده لكن تكون نفسيه وجدي طقطق واضحك واستهبل عادي واحب الصبح والنور اكره الأوان الغامقه والليل واكلتي المفضله سوشي من مطعم ماكي هاوس و بيتوتي وكبسه امي المعينه واحب البساطة واشتقت لايام زمان وقت المنتديات الانمي ومعرض كوميك كون وقتها يوم كان للانمي والقيمر بس مو الحين حقين الكلانات افضل سنوات حياتي والي دايم ارجع احاول اعيشها هي 2015-2016 طبعا تعلمت الكثير من الصدقات وتجارب بس للاسف كلها سيئة وسلبيه لكن الحمدلله القادم احمل احب ارسم لكني سيء جدا لاني توني مبتدئ ونادر ما ارسم لكن باذن الله بالمستقبل اذا فضيت راح اتفرغ لذي الهواية اكثر الاشياء الي اتمنى تصير بالمستقبل انه تنتهى الكلانات ويرجع اليوتيوب زي زمان و التيك توك ينحذف للابد ويرجعون الناس زي قبل متحكمين بالتواصل الاجتماعي مو معقول الناس صارت طول اليوم على تطبيق واحد كانه مخدر مدمن عليه مقطع ورا مقطع يومك كله يروح كذا ويالتيه يسوى كله انتقاد ومحتوى ملل واشياء ترفع الضغط والناس اصلا تغيرت صارت نفوسها ثقيلة ونفسيات للاسف اذكر قبل ماكانوا كذا زي مثلا اذا احد جاء بيتعرف عليك تنبسط لان ذي طبيعة البشر نتفاعل مع بعض وبنبسط اذا واحد يبي يصير خويي بالعكس حياه الحين لا مافي الا تزبيد وشوفه نفس ونفسيات وحتى الرجال تغيروا قبل كنا نجتمع بالمجالس والاستراحات والديوانيات الحين بقهوه جنبك بنات وقله حياء واحب الشعر صراحه قبل وانا صغير كنت احب الشعر مره والحين صار شي من الماضي اقول اذا فضيت بتفرغ له يارب لاتغير لي حال الا لافضل يارب العالمين اللهم صلِ وسلم وبارك على نبينا محمد اللهم يامقلب القلوب ثبت قلبي على دينك اللهم لاتقبض روحي إلا وانت راضي عني​

أستغفرُ اللهَ العظيمَ الذي لا إله إلا هو الحيَّ القيومَ وأتوبُ إليه.من كل ذنب عظيم صلوا على النبي اتمنى كل من يقرا الان ان تكون سعيد ويحقق لك ربي كل احلامك الله يسعدكم جميع يارب لاتنسوني من دعواتكم 2026/6/7 12:36 ليلا 16 years old

​

 

[21-_-21Rayan]

طيب ما اعرف كيف انزل زي تغريدة ثانيه بذي المدونه ف بيطلع الشكل كأني ارد على اول تغريدة نزلتها بالمدونة لكن حاب اتكلم على كم انمي تابعتهم رهبين جدا زي اللهب الازرق وكوروكًونوباسكت و فرسان نهايه العالم الاربعه وبوكونوهيرو ايكاديمي عندي صانعين محتوى احب اتابعهم صهيب قدس وسعد الصفيان رهيبين ونهايه كلامي احب اذكرك لاتهج ابتهج