كابوس حي || مسابقة لو كان القلم بيدك ماذا ستغيّر ؟ (10 زائر)

[RAIN.]

السلام عليكم ورحمة الله وبركاته.
كيف الحال سارة ؟
إن شاء الله تكوني بخير.

أول ما شفت اختيارك للشخصيّة استغربت وقلت شو الإشي اللي بدك تغيريه فيه
كنت بحب هذا الأنمي رغم إنّي مش متعمقة كتير فيه، بتذكر حضرت أول جزء بعدين رحت للمانجا على طول من كثر الحماس ما قدرت أنتظر المواسم اللي بعدها وخلصتها ولمّا نزلوا المواسم كنت مكتفية بالمانجا فما حضرتهم فنسيت الشخصيات ومنهم شخصية يوريتشي مع الأسف، وأجاني إيرور وأنا أقرأ المُقدمة لحتى فهمت بعدين الفكرة XD
صراحة بحب تطوّر الأحداث اللي صار بالقصة الأصلية رغم كل الأشياء المُحزنة اللي صارت وكنت راضية بالنهاية، حتى تطوّر الشخصيات من كل النواحي كان ممتاز وصار بكل سلاسة رغم خسارة شخصيات كثيرة كنّا نحبها، بس برضه حبيت فكرتك رغم غرابة أساسها وصعوبتها كمان، إنسان يتحوّل لشيطان عشان يقتل شيطان !
وأتفق إنّه تغييرك كان هو الحل المناسب لضمان أقل الخسائر، وفكرة بقاؤه مختبئ حسيت إنّها صعبة وخطرلي إنّه ممكن هاي الطريقة تحدّ وتقلل شوي من قدراته بالمقابل موزان بهاد الوقت بصير أقوى من قبل خصوصًا إنّا بنحكي عن وقت طويل، فبعتقد نهاية موزان ما رح تكون بهاي السهولة لإنّه صارت عنده قدرات تانية بالوقت اللي كان فيه يوريتشي متخفّي، ومع هيك أُعجبت بتفاصيل تغييرك رغم إنّي زعلت على رينغوكو وكنت أتمنّى لو يضل عايش بتغييرك، ولكن جزء بسيط من التضحيات ولا اللي صار بالقصة الأصلية، وفعلًا مع تغييرك كان يوريتشي الكابوس الحي لموزان، حبيت إنّه رجع لطبيعته البشرية بالآخر وعاش بعض ممّا تمنّاه بالماضي، حياة عادية كإنسان عادي، وحبيت إنّك جبتِ سيرة حياة باقي الشخصيات يعني أخدتِ تغييرك من كل الجوانب وهذا اللي دعم فكرتك وأعجبني فيها
شخصية يوريتشي عنجد فخمة وبتجنن وبستحق فرصة تانية مثل فكرتك، بخصوص الطقم حبيت بساطته ومش معجق يعني لطيف ومُناسب

يعطيكِ العافية، مع إنّك تأخرتِ بس أن تأتي متأخّرًا خير من ألّا تأتي أبدًا
وصراحة استمتعت جدًا وأنا أقرأ تغييرك، حسيت كإنّي كنت بقرأ بقصّة من تأليفك، وأسلوبك بالكتابة جميل للأمانة !
بالتوفيق في المسابقة، وفي أمان الله.