الختم الذهبي حنينٌ بلا ذكريات (7 زائر)

[سُكر]

Healer | Oct
موضوع لطيف
مرشح [إداري/ماسي]

هل شعرت يومًا بالحنين إلى مكانٍ لم تزره قط؟
هل اشتقت إلى شوارع وأزقّة لم تطأها قدماك، وإلى أوطانٍ لا تعرف عنها سوى أسمائها، فكيف استطاعت أن تترك في روحك كل هذا الشوق؟
هناك أماكن لا نعرفها، ومع ذلك نشعر تجاهها بألفةٍ غريبة، وكأن شيئًا في داخلنا يشتاق إليها دون أن يعرف السبب،
وكأن أرواحنا تحتفظ بذكرياتٍ لم نعشها يومًا.
فكيف يمكن لمكانٍ لم نره أن يبدو مألوفًا إلى هذا الحد؟
وكيف لصورةٍ عابرة أن توقظ فينا شوقًا لا نعرف مصدره، وتجعلنا نشعر وكأننا ننتمي إلى عالمٍ لم نكن جزءًا منه يومًا؟
ربما لا يحتاج الحنين دائمًا إلى ماضٍ نتذكره، فبعض الأماكن تسكننا قبل أن نصل إليها، وبعض الصور توقظ فينا مشاعر نعجز عن تفسيرها.
فهل للحنين دائمًا ذكريات، أم أن هناك أماكن نشتاق إليها دون أن نعرف متى بدأنا نحبّها؟

السلام عليكم ورحمة الله وبركاته
كيفكم أعضاء تون؟ أتمنى تكونوا جميعًا بخير.
اليوم حبيت أشارككم موضوعًا من تصويري بعنوان "حنينٌ بلا ذكريات" .
وهو مجموعة من الصور التي تحمل بين تفاصيلها شعورًا بالحنين إلى أماكن لم نزرها يومًا، لكنها تلامس أرواحنا بطريقة غريبة، وكأننا نعرفها منذ زمن بعيد.
أتمنى أن تجدوا بين تفاصيل هذه الصور شيئًا يشبه مشاعركم، وأن تأخذكم في رحلة من الحنين إلى أماكن لم تزوروها، لكنها بدت مألوفةً لأرواحكم، وكأن بينكم وبينها حكايةً قديمة.
يسعدني أسمع آراءكم وانطباعاتكم عن الصور، وأعرف منكم:
هل سبق أن شعرتم بهذا النوع من الحنين؟
أيُّ صورةٍ شعرتُم أنها لامست أرواحكم، وكأن بينكم وبينها ذكرى لم تعيشوها؟
لو كان بإمكانكم أن تكونوا في أحد هذه الأماكن الآن، فأيُّ مكانٍ ستختارون، وماذا تتمنّون أن تجدوا فيه؟

شكرا على التصميم الخرافي @AngryChinese Ricesalesman

 

[RAIN.]

وعليكم السلام ورحمة الله وبركاته.
شو هذا الجمال والإبداع !
حرفيًا تصويرك يبعث على راحة نفسية، وشخصيًا أشعرني بحنين لهاي الأماكن التي لا ذكريات لي فيها، عنجد لامست روحي بطريقة غريبة، بالبداية استغربت العنوان جدًا وقلت كيف بشعر بحنين لأشياء أنا ما جرّبتها ولا كان الي ذكريات فيها، ومُقدّمتك وضّحت العنوان بطريقة لطيفة، اشتقت لهاي الأماكن اللي ما زرتها ولا شفتها، للوطن العزيز الذي سكن في قلبي أولًا قبل أن أسكن فيه حتى، وبالفعل .. أنّى لهذا الأماكن المُفعمة بالحنين أن يُشتاق لها دون ذكرى عابرة !

حبيت أخذك لأمواج البحر بهاي الطريقة مع انعكاس الشمس عليهم، حسيت بتناغم مش قادرة أوصفه، مع إنّي مش من مُحبين البحر كثير بس من مُحبين صوره وصوت الأمواج بشدّة !

أعشق السّماء لدرجة كبيرة، بحسها الشيء الوحيد الصّافي في هذه الدنيا، مع الغيوم التي تسبح فيها وأشعة الشّمس التي تُعطيها رونقًا خاصًّا، خصوصًا لو كان وقت الشّروق أو الغروب بكون شكلها أجمل ما يكون، فما بالك بسماء الليل المُرصّعة بالنّجوم لهي أشدّ روعة !

واحدة من الصور التي علقت داخلي بشكل لطيف، شو جمال هذا المكان الأخّاذ، تفاصيله وألوانه كإنّي جالسة في الحديقة السريّة، ستائر من أوراق أشجار، أعمدة ومقاعد من جذوع الشّجر نفسه، ما بعرف كيف وجدت نفسي فيه من كتر ما هو مكان مُريح للنظر وللنّفس

سبب حبّي لزهر الأقحوان لإنّي بحسّه نسخة مُصغّرة عن وردتي المُفضّلة دوّار الشّمس، رغم اختلاف الألوان بشكل بسيط ولكن شكلهم يبعث على الرّاحة، وطريقة تصويرك لها أعطتنا مساحة لتأمّلها بشكل أكبر

وما أجمل من كتاب نتصفّحه بين أحضان الطبيعة
جمعتِ بين أكتر شغلتين بعطوا راحة وسكون، طول عمري بحكي لنفسي إنّه أكثر شغلتين بعطوا رُوح للبيوت والأماكن هم الكُتب والأشجار بلونها الأخضر الخلّاب، عنجد مُبدعة

هذا النّوع من الأماكن مُفضّل عندي، لمّا يكون طريق محفوف بشُجيرات وأشجار بعطيني طمأنينة وشعور كبير بالحُرية وأنا أمشي خلاله، حسيت باشتياق وحنين شديدَيْن لهذا النّوع من الأماكن بكل صدق وحُبّ !

أنا إنسانة كتير بتحب التّراث فما بالك لو تُراث فلسطيني، الأشياء القديمة من أيام أجدادنا الفكرة لوحدها بتحسّسنا باللهفة والتّوق لرؤيتها والاحتفاظ بها مُدد طويلة

يُفترض هاد يكون شجر بُرتقال !
تعلّقت فيه وبجماله بعد ما بدأت بكتابة رواية عنه، كانت مشاعري تعلّق فيه بدون ما يكون الي ذكريات مع هذا النّوع من الشّجر لدرجة هلأ ممكن يكون نوعي المُفضّل من الأشجار

موضوعك الخفيف واللطيف الذي يعكس طبيعتك وأجواؤك المُؤنسة للرُّوح كان مُريح للنّفس وتعقيم بصري مُنعش، كلّ الصّور كانت بتجنن لدرجة كان من الصّعب انتقاء هاي التشكيلة منها، تصويرك وطريقة أخذك لهاي اللقطات مُبدع جدًا، لا تحرمينا من هذا الجمال واستمرّي بنشر إبداعك وإخراجه للعلن والنّور بدل حبسه في ذاكرة الهاتف
ولا ننسى نحكي عن جمال الطّقم اللي أعطى للموضوع نفسه رُوح من حنين تتسابق في دواخلنا
تقبّلي مروري، وفي أمان الله.

 

[R O F I D A | رُفَيده]

رين ليش سبقتيني بدقيقة حجز

 

[ISOL]

Healer | Oct

ياهلا سُكر

الهيدر جميل
ماشاء الله عليكِ
يعجبني انك يسرعة اثبتي وجودك في المنتدى
وبدأتِ تضعين بصمتك

فلسطين ارض الجمال والحرية

الصور اقل مايقال عنها جميلة جدا

اعجبتني صور السما منتهى الجمال
والبحر (والاماكن المفتوحة - لا اعرف ماذا يسمونها- )

اعجبني وجودك في الطبيعة بين الاشجار
وايضا كتاب مئة عام من العزلة لاحظته بما انه مشهور

والاجواء في الليل تبدو مهيبة وجميلة خصوصا ان في صورتك القمر ظاهر في المنتصف

والطاولة والكراسي قرب الشجرة على الارض الشعبية في الليل
احلى جلسة والله احس انه مكان مطمئن

وكوب القهوة لا انساها او هذا الشاي؟؟ المهم روقان مزاج
واللوحات الفنية او الاثار الخاصة بفلسطين شيء جميل جدا

التقاطات رائعة جدا
عدستك مميزة
استمتعت بالرحلة
يعطيك الف عافية
دمتِ بخير
لاتحرمينا من جديدك
في امان الله​

 

[N A Y]

-
السلام عليكم ورحمة الله
كيف الحال سُكرة الجميلة عساكِ بخير
هاي البلاد اللي بنقدر نحكي عنها مثل ما قلت مرة قبل : انه عاشت داخلنا اكثر مما
احنا عشنا فيها ولو اننا نظريًا عايشين هنا لكن بنقدرش نقول عنها حياة حقيقيّة
بداية بصورة البحر يلي غالبًا هو بحر يافا التقاطتك للامواج فخمة جدًا مع بداية
غروب الشمس رجعتني لذكرى زياراتي ليافا الله يرحم هذيك الايام بس

اما صور الغيوم مع الغروب او الشروق هي دائمًا المفضلة عندي
اني اشوفها واني اصورها وانتِ ابدعتِ بهالصور جدًا حبيتهم كثير

الورد الجوري اكثر ورد بس الناس عنا تحبه -وانا اولهم-
من جماله ريحته والوانه ورغم انه منتشر بكثرة مع هيك
بكل مرة الواحد يشوفه يتوقف عنده ليتأمل جماله كمان مرة
اكثر شي كان عنا الورد الاحمر والاصفر، اما هاي الدرجة
الفخمة من الزهري ما بتذكر كنت اشوفها كثير لونها رائع

حبيت الجدارية الرهيبة هاي يلي عملتيها بالتنسيق مع المراية بالنص
هاي المراية موجودة في بيوت اغلبنا بالبلد ولا شك انها فخمة
الحيط يلي عندي عليه المراية معها اضاءة بس احس احتاج اضافة جداريات مثلك

ما بعرف كيف ما استوعبت المكان ولا تذكرته من اول مرة لما شفتها
بس هسا اجتني لحظة ادراك انه هذا كافيه بيت الشجرة بالبلدة القديمة
كل ما كنت بمر منه كنت بصوره من برا بس ولا مرة دخلت جوا
صورة فناجين القيشاني من احلى صور الموضوع كمان انيقة و
بحس فيها دفى هيك

هالصورتين حلاوتهم بمستوى ثاني خصوصًا الوردة الزرقا بتجنن!
ما اذكر سبق وشفتها والا كانت علقت ببالي من جمالها
وطلعت احلى واحلى الصورة وهي متناقسة مع لون البلوزة

هذا المكان ضليت فترة بركز وبحاول افكر انا بعرفه او لا xd
تهيأ لي انه ممكن جامعة النجاح ما بعرف ليه بس مش متأكدة

هاي مكتبة دار اورغايت، باول مرة رحت طولكرم رحتها
خصوصي من جمال المكان مع اني ما بحب اشتري الا من
مكتبة سبسطية وما زلت عند رأيي ما في بعد جودة كتبهم
مع هيك اشتريت من هنا لانه حبيت المكان جدًا وصاحب
المكتبة كان لطيف

هاي اكيد بتكون من الصور المفضلة عندي بالموضوع من كل
الزوايا الالتقاطة طالعية مثالية وبتجنن وتفتح النفس

هذا المكان متأكدة انه رشفة لانه للصدفة الحلوة
لما رحناه طلبا نفس طاولة الفطور هاي بالضبط
رحت ادور بالاستديو لو كنت مصورته بس لقيت هاي

وقتها كان لسا المونديال ما خلص، المحل جميل
بس ما بتوقع بعيده xd جلسته حلوة يعني اما
الاكل ف حبيت كزدورة اكثر منه

وصورة الشجر الحلوة هاي شكيت فيها بعدما شفت تعليق
رين انها برتقال لاني بالاول حسيتها اسكنديا
وفي كم التقاطة فوق خمنت انهم من جوا خضوري
كان شعور حلو بجد اتمشى وسط هالصور يلي جمعتني
ذكريات بنفس الاماكن يلي في بعضهم وفي
غيرهم ما قدرت اخمّن هم وين لاني ما لفيت كثير
بطولكرم زرتها 3 مرات بس
اتمنى ترجعي تعملي موضوع لطيف مثل هيك مرة
ثانية لاني جدًا بحب اشوف البلاد بعدسة الاشخاص
وبكون احلى كمان لو تحكي وقتها عن اسماء المناطق
او ذكرياتك الخاصة فيها ولو محدا غيري انا ونور ممكن
يفهم عليك ع اسماء الاماكن معلش يكفي احنا نفهم
يعطيكِ الف عافية حبيت جدًا الصور والجولة
يلي اخذتينا فيها خلالهم وانه حقيقي كلها محمولة
بحنين كبيرة بسبب فكرة انه هل ممكن تنعاد زيارتنا لهم؟
بانتظار جديدك دوم وبكلّ حب، في امان الله

 

[سُكر]

-
السلام عليكم ورحمة الله
كيف الحال سُكرة الجميلة عساكِ بخير
هاي البلاد اللي بنقدر نحكي عنها مثل ما قلت مرة قبل : انه عاشت داخلنا اكثر مما
احنا عشنا فيها ولو اننا نظريًا عايشين هنا لكن بنقدرش نقول عنها حياة حقيقيّة
بداية بصورة البحر يلي غالبًا هو بحر يافا التقاطتك للامواج فخمة جدًا مع بداية
غروب الشمس رجعتني لذكرى زياراتي ليافا الله يرحم هذيك الايام بس

اما صور الغيوم مع الغروب او الشروق هي دائمًا المفضلة عندي
اني اشوفها واني اصورها وانتِ ابدعتِ بهالصور جدًا حبيتهم كثير

الورد الجوري اكثر ورد بس الناس عنا تحبه -وانا اولهم-
من جماله ريحته والوانه ورغم انه منتشر بكثرة مع هيك
بكل مرة الواحد يشوفه يتوقف عنده ليتأمل جماله كمان مرة
اكثر شي كان عنا الورد الاحمر والاصفر، اما هاي الدرجة
الفخمة من الزهري ما بتذكر كنت اشوفها كثير لونها رائع

حبيت الجدارية الرهيبة هاي يلي عملتيها بالتنسيق مع المراية بالنص
هاي المراية موجودة في بيوت اغلبنا بالبلد ولا شك انها فخمة
الحيط يلي عندي عليه المراية معها اضاءة بس احس احتاج اضافة جداريات مثلك

ما بعرف كيف ما استوعبت المكان ولا تذكرته من اول مرة لما شفتها
بس هسا اجتني لحظة ادراك انه هذا كافيه بيت الشجرة بالبلدة القديمة
كل ما كنت بمر منه كنت بصوره من برا بس ولا مرة دخلت جوا
صورة فناجين القيشاني من احلى صور الموضوع كمان انيقة و
بحس فيها دفى هيك

هالصورتين حلاوتهم بمستوى ثاني خصوصًا الوردة الزرقا بتجنن!
ما اذكر سبق وشفتها والا كانت علقت ببالي من جمالها
وطلعت احلى واحلى الصورة وهي متناقسة مع لون البلوزة

هذا المكان ضليت فترة بركز وبحاول افكر انا بعرفه او لا xd
تهيأ لي انه ممكن جامعة النجاح ما بعرف ليه بس مش متأكدة

هاي مكتبة دار اورغايت، باول مرة رحت طولكرم رحتها
خصوصي من جمال المكان مع اني ما بحب اشتري الا من
مكتبة سبسطية وما زلت عند رأيي ما في بعد جودة كتبهم
مع هيك اشتريت من هنا لانه حبيت المكان جدًا وصاحب
المكتبة كان لطيف

هاي اكيد بتكون من الصور المفضلة عندي بالموضوع من كل
الزوايا الالتقاطة طالعية مثالية وبتجنن وتفتح النفس

هذا المكان متأكدة انه رشفة لانه للصدفة الحلوة
لما رحناه طلبا نفس طاولة الفطور هاي بالضبط
رحت ادور بالاستديو لو كنت مصورته بس لقيت هاي

وقتها كان لسا المونديال ما خلص، المحل جميل
بس ما بتوقع بعيده xd جلسته حلوة يعني اما
الاكل ف حبيت كزدورة اكثر منه

وصورة الشجر الحلوة هاي شكيت فيها بعدما شفت تعليق
رين انها برتقال لاني بالاول حسيتها اسكنديا
وفي كم التقاطة فوق خمنت انهم من جوا خضوري
كان شعور حلو بجد اتمشى وسط هالصور يلي جمعتني
ذكريات بنفس الاماكن يلي في بعضهم وفي
غيرهم ما قدرت اخمّن هم وين لاني ما لفيت كثير
بطولكرم زرتها 3 مرات بس
اتمنى ترجعي تعملي موضوع لطيف مثل هيك مرة
ثانية لاني جدًا بحب اشوف البلاد بعدسة الاشخاص
وبكون احلى كمان لو تحكي وقتها عن اسماء المناطق
او ذكرياتك الخاصة فيها ولو محدا غيري انا ونور ممكن
يفهم عليك ع اسماء الاماكن معلش يكفي احنا نفهم
يعطيكِ الف عافية حبيت جدًا الصور والجولة
يلي اخذتينا فيها خلالهم وانه حقيقي كلها محمولة
بحنين كبيرة بسبب فكرة انه هل ممكن تنعاد زيارتنا لهم؟
بانتظار جديدك دوم وبكلّ حب، في امان الله

كنت بدي اكتفي ارد ع تعليقك بتقييم بس صار الحكي كثير قلت لازم اعمل رد
اول شيء الجداريه مش ببيتنا موجوده بجامعة القدس المفتوحه فرع طولكرم عاملينلنا اجواء
صح بيت الشجره الي بنابلس من الطف الاماكن واكثرها غرابه
بالنسببه للصوره الي فكرتيها من جامعة النجاح لاء هي خضوري كلهم بخضوري
بالنسبه للبحر هاد بحر الشيخ علي او قولت الي مابتسمو هرتسيليا من اجمل الاماكن الي شفتها ماشالله المنطقه شو حلوه
وطلعتي بتعرفي دار غوريت والله صدمه اغلب اهل طولكرم نفسهم مابعرفها حبيتك معلوماتك حلوه بالنسبه لكم زياره
وبالنسبه لرشفه للفطور عندو فطور عادي الاكل مش افضل شيء بس يعنبر جيد بحب المشروبات عندهم اكثر
وبالنسبه لاخر صوره هي برتقال كيف شفتيها اسكدنيا
ان شالله حبي بترجعي تزوريها وبتنبسطي فيها وان شالله اعملكم هيك كمان موضوع تستمتعو فيه وانتي كمان نشوف قلقيليه وجمالها بعيونك
نورتي موضوعه بردك الجميل