وعليكم السلام ورحمة الله وبركاته..
هالمرة أنا مستانس لأنك صممت تصميم ثابت..
ولكن مبين من تصميمك إن المقاطع/التصاميم المتحركة
خلتك تصدي من ناحية التصاميم الثابتة..
.
.
وبالنسبة للتصميم.. أنا أشوف فيه أشياء شكثر تحتاج تعديل..
أولا الخلفية.. الباترن المستخدم بالتصميم مافيه تداخل بينه وبين التصميم بشكل عام..
يعني جرب تحط نوع ثاني من الباترن راح يركب.. مثلاً باترن بخطوط عريضة.. أو باترن مشابه له بـ النوع..
.
.
ثانياً الألوان بالتصميم مو متداخله أبداً.. يعني أستخدمت اللون الأصفر والأحمر والوردي.. وكل واحد فيهم بدرجة مختلفة..
.
.
وثالثاً الرندر مافيه تداخل بينه وبين الخلفية.. من ناحية الألوان والأضاءة.. يعني في مناطق بالخلفية فيها إضاءة خفيفة.. أو بالأحرى فيها من السواد.. والرندر يكون بإضاءة قوية.. فـ يبين أنهم مفصولين عن بعض.. ولو حطيت اجاسمنت
Gradient Map بتعطي نتيجة جداً جميلة.. وجربت بالفرشاة إنك تتلاعب بالإضاءة ببعض الأماكن..
.
.
وبعد الظل الملون الي ورا الرندر.. ببعض الأماكن بالتصميم خرب عليها.. وما تحسه متداخل.. يعني لو شليت الأحمر وخليت الأصفر .. بيكون أفضل.. ولو من جهة خليت الظل راكب مع الرندر بيكون جميل.. وانا أقصد هذي الأماكن..
.
.
وطبعاً أنت ما تحب التصميم يكون متروس.. ولكن المشكلة إن الرندر ماخذ
80% من التصميم..
يعني لو كبرت التصميم ع الأقل أشوي.. وحطيت أشياء ناعمة وبيسيطة.. أو حتى تتلاعب بالإضاءة والألوان بـ يطلع شي جميل.. يعني بـ البساطة يطلع التصميم روعة.. مو شرط تترس كل فراغ بالتصميم
.
.
والخط الي كاتب فيه
Soul Eater ما وفقت فيه بـ التصميم.. لأن ستايل الخط ونوعه أبداً مو راكب مع التصميم..
.
.
والإطار الأبيض والأسود.. أحسه خرب على التصميم.. يعني لو تخليه بس أسود بـ يطلع أحلى.. ولو تسوي إطار أسود عريض فوق وتحت.. بيطلع أجمل..
.
.
وبالنسبة للـ تصميم الثاني..
حركة المربعات جميلة جداً.. ولكنها مو مستواك..
.
.
وأنا ثقلت عليك بـ النقد.. ولكن إن شاء الله يكون نقد بناء لك
ولا يوقفك هذا النقد إنك ما تطور من نفسك بالتصاميم الثابتة
وبإنتظار تصميم ثاني لك ثابت إن شاء الله