-
صباح النور يا سكر
كيف حالك ؟ يا رب بأطيب حال و شعور
~
مريت على مدونتك صدفةً وحابة أعلق على بعض الأمور
. .
1/
بالنسبة للصديقة اللي ما حاولت تنتقل لقسمك، برافو عليكِ إنك أنتِ ما انتقلتِ
بشكل عام بالحياة لا تربطين نفسك بأحد، لا تقررين قرارات مصيرية أو كبيرة وتراعين فيها أحد غير نفسك
لأن كل أحد مصيره يمشي (: والنتيجة تتحملينها انتِ لوحدك، ما حتلاقين أحد يواسيك أو يهون عليك أو أو أو
وهنا بيكون شعور الألم كبير . . الألم نفسه + خيبة إنك صرتي لوحدك
فدائمًا اهتمي بمصلحتك -لأن محد بيهتم فيها غيرك- وخليك مبسوطة لأن هذا الفعل رائع
< بدون ما يكون فيه أذية لأحد ثاني . .
وش أحلى من عنايتك بنفسك وتقديرك لها ؟ ولا شيء
.
< ما أقصد بكلامي التعميم .. فيه ناس كويسة وحلوة وطيبة وصادقة وما تكذب وما تخون الوعد أبدًا
ولما نصادفهم ما حنخاف وما حنتوتر ولا نحس بالريبة تجاه أي تصرف، بتصير الحياة معاهم سلسة ومرنة وكل شيء عسل
. . بس طالما ما صادفناهم بالحياة لسا فنتعامل حسب المعطيات ~
بقسمك الجديد وبمكانك الحالي . . فيه ناس كثير ، فرص كثير ، حياة واسعة
استمتعي و لا تطالعي وراكِ ولا تهتمي بمن لا يستحق
2/
أحيانا أتساءل أتستبدل الجوهرة النقية بما هو أدنى منها؟ أتُستبدل بالذهب والألماس؟ ياللعجب.
فعلًا عجب ، أتمنى إن التساؤل هذا ما يأذيك ): ولا تطيلين التفكير فيه لأن أعتقد شعوره مُر . .
بس تذكري إن الخسارة مب لك فليش الزعل ؟
3/
الصديقة اللي مضايقتك و ودك تبعدين عنها . .
أولًا تأكدي إنك مو ظالمتها ، ثانيًا تأكدي إن مشاعرك مب مشاعر لحظية وشوي وتعدي
إذا حسيتِ انك من جد مو طايقتها أو إنها تأثر عليك -نفسيًا- تأثير سيء
فابتعدي عنها فورًا ، لأن زي ما قلتلك مهممممم تعتنين بنفسك صحيًا وجسديًا ودراسيًا ومهنيًا ومن جميع الجوانب
اعملي بلوك بالواتس وش المشكلة يعني ؟ جوالك وانتِ حرة ومحد يقدر يحاسبك واللي يزعل بكيفه يعني (:
ولو إني ما أفضل خيار البلوك لأن فيه شوية ضعف ، وهذي يمكن وجهة نظر مجنونة
بس تقدرين تحذفين الرقم وكأنك حذفتيها من كل الحياة . . واذا كلمتك تجاهلي أو قولي لها بشكل صريح إن ودك تقطعين التواصل معها .
__________________ سوري بس ما قدرت أعدي التدوينة بدون ما أعلق ):
أتمنى دموعك ما عاد تنزل إلا من فرحة
وأتمنى تكوني بحال أفضل ومع ناس يقدرونك ويستحقونك
وقبل كل حاجة أتمنى انتِ من جواتك تقدرين نفسك كما تستحق وما ترضين لها إلا بما تستحق
وتصير نفسك=أهم أولوياتك
~
استودعنا الله قلبك
.